- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدىق ەرەكشەلىككە يە جاقسى وقىتۋشى، ۇلتتار ىنتىماعىنىڭ ۇلگىسى بولۋىمىز كەرەك
لي ليڭ
2016.06.27 14:15 كەلۋ قاينارى : شينجياڭ گازەتى
اعارتۋشى ساناتىندا، وزىمە شينجياڭ ەرەكشەلىگىنە يە جاقسى وقىتۋشى بولۋ ولشەمى بويىنشا تالاپ قويىپ، عىلىم - مادەنيەت بىلىمدەرىن بەلسەنە تاراتىپ، قالىڭ جاستار مەن جاس وسپىرىمدەرگە ادام بولۋدىڭ، ءىس ىستەۋدىڭ جولىن ۇيرەتىپ، ولاردى دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتۋعا، قوعامعا جارامدى دارىندى بولىپ جەتىلۋگە جەتەلەيمىن. اسىرەسە، ۇلتتار ىنتىماعى، العاباسارلىعى ىستەرىن جەبەۋدە مىناداي قىزمەتتەردى باستاماشىلدىقپەن ىستەۋگە قۇلشىنامىن:
ءبىرىنشى، ۇلتتار ىنتىماعىنا قاتىستى جەلىلەس وقۋلىقتى قۇراستىرۋ جۇمىسىن جاقسى ىستەيمىن. اۆتونوميالى رايونىمىزدىڭ وقۋ - اعارتۋ جۇيەسىندە شينجياڭنىڭ جەرگىلىكتى ءمورال ساباعى وقۋلىعىن قۇراستىرۋ ينجەنەرياسىنىڭ باس مامانى رەتىندە، اۆتونوميالى رايوننىڭ جوعارى مەكتەپتەرىنىڭ، تەحنيكۋمدارىنىڭ، كاسىپتىك ينستيتۋتتارى مەن مەكتەپتەرىنىڭ، ورتا، باستاۋىش مەكتەپتەرىنىڭ ۇلتتار ىنتىماعى جونىندەگى وقۋلىعىن قۇراستىرۋعا جەتەكشىلىك ەتتىم. بيىل ۇلتتار ىنتىماعى، العاباسارلىعى قىزمەتىن اناعۇرلىم تىڭعىلىقتى ىستەۋ ءۇشىن، وقۋ - اعارتۋ جۇيەسىندە ءبىز جاڭ چۇنشيان شۋجي مەن ورتالىق كوميتەت بىرلىكساپ ءبولىمىنىڭ باستىعى سۇڭ چۇنلاننىڭ اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلىن ورىستەتۋ جونىندەگى اتتانىسقا كەلتىرۋ جيىنىندا سويلەگەن ءسوزى مەن «اۆتونوميالى رايوننىڭ ۇلتتار ىنتىماعى، العاباسارلىعى قىزمەت ەرەجەسىن» دەر كەزىندە «اۆتونوميالى رايوننىڭ جوعارى مەكتەپتەرى مەن تەحنيكۋمدارىنداعى وقۋشىلاردىڭ جاعدايى جانە وعان قاتىستى ساياساتتار» اتتى وقۋلىققا ەنگىزىپ، ارناۋلى ساباق رەتىندە دايىنداپ، مەكتەپتەرگە تاراتىپ، ۇلتتار ىنتىماعى، العاباسارلىعى تاربيەسىندە «وقۋلىققا ەنگىزۋ، ساباق رەتىندە ءوتۋ، وقۋشىلاردىڭ ساناسىنا سىڭىرۋدەي» تالابىن تياناقتاندىرامىز.
ۇلتتار ىنتىماعى تاقىرىبىنداعى ۇگىت - لەكسيا جاساۋ قىزمەتىن جاقسى ىستەيمىن. تالاي جىلدان بەرى وقۋ - اعارتۋ جۇيەسى ۇيىمداستىرعان وتاننىڭ تۇتاستىعىن قورعاۋعا جانە ۇلتتار ىنتىماعىن نىعايتۋعا قاتىستى جەلىلەس ۇگىت - لەكسيا جاساۋ قيمىلىنا بەلسەنە قاتىناسىپ، ۇگىت لەكسيا ماتەريالدارىن قۇراستىردىم، ۇگىت - لەكسيا ۇيىرمەسىن باستاپ وڭتۇستىك، سولتۇستىك شينجياڭدا ۇگىت جۇرگىزىپ، رايونىمىزدىڭ وقۋ - اعارتۋ جۇيەسىندە جاقسى ىقپال قالدىردىم. 2010 - جىلدان 2012 - جىلعا دەيىن، اۆتونوميالى رايوندىق پارتكوم «اۆتونوميالى رايون جوعارى مەكتەپتەردە از ۇلت ورەلى دارىندىلارىن تاربيەلەۋ كۋرسىن» 4 كەزەك اشقاندا، مەن نەگىزگى تاربيەشى مامان ءارى نازاريالىق جاقتاعى جەتەكشى تاربيەشى بولدىم، بۇل جۇمىستاردان ۇلتتار ىنتىماعى ۇگىت - تاربيە قىزمەتىن ورىستەتۋدىڭ مول تاجىريبەسىن توپتادىم. اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلى باستالعاننان بەرى، اۆتونوميالى رايوندىق وقۋ - اعارتۋ مەڭگەرمەسى مامانداردى ۇيىمداستىرىپ، انىق، تولىق ءتۇسىندىرۋ، ءدال جەتكىزۋ، ءىس جۇزىندىككە ۇشتاستىرا ۇگىتتەۋ پرينسيبى بويىنشا 6 ءىرى ۇگىت تاقىرىبىن، ۇگىت مازمۇنىن تالقىلاپ تۇراقتاندىرىپ، لەكسيا ماتەريالدارىن قۇراستىرىپ، ساباق قۇرالدارىن تولىقتادى، كۋرس اشىپ مەكتەپ ۇگىتشىلەرىن تاربيەلەدى. مەن وقۋ - اعارتۋ جۇيەسىنىڭ تاربيە كۋرسىندا ەڭ الدىمەن لەكسيانى قالاي جاساۋ جونىندە ۇلگى كورسەتىپ، كۋرسانتتاردىڭ جاقسى باعاسىن الدىم. سوڭىنان، تارباعاتاي، التاي ايماقتارىنىڭ نەگىزگى ساتى وقۋ - اعارتۋ جۇيەسىندە ۇگىت ورىستەتتىك.
ءۇشىنشى، امالياتپەن ۇشتاستىرۋدى كۇشەيتىپ، ۇلتتار ىنتىماعىن نىعايتۋدى ۇساق ىستەردەن باستاۋ قيمىلىن تياناقتاندىردىم. وقۋ - اعارتۋ سالاسىنىڭ قىزمەتكەرى بولعاندىقتان، ءار ۇلت وقۋشىلارىنا تەڭ مامىلە جاساپ، ولاردىڭ ازىق - تۇلىك، كيىم - كەشەگىنە دەيىن كوڭىل ءبولۋ، يدەيالىق بەتالىسىنا نازار اۋدارۋ، تۇرمىسىنا ءمان بەرۋ، وقۋشىلارمەن ەتەنە ارالاسۋداي «ۇساق ىستەردەن» باستاپ كىرىسۋ ارقىلى وقۋشىلاردىڭ جۇرەگىن جىلىتتىم.
ىنتىماقتاسقاندا عانا كۇش قالىپتاسادى، ىنتىماق زور ءۇمىت باعىشتايدى. ءاربىر ادام ۇلتتار ىنتىماعىن نىعايتۋعا وزىنەن باستاپ كىرىسسە، ماڭايىنداعى شاعىن ىستەردەن باستاپ ىستەسە، قول قۋسىرىپ قاراپ تۇرماي، ۇلتتار ىنتىماعىن نىعايتۋ ىستەرىنە بەلسەنە ات سالىسسا، ۇلتتار ىنتىماعىن نىعايتۋعا جەبەۋشى بولسا، كورىكتى مەكەنىمىزدى اناعۇرلىم جاراسىمدى ەتىپ قۇرىپ، ءتىپتى دە باقىتتى تۇرمىسقا كەنەلەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
