- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا تۋىنىڭ ساياسىندا ۇلتتار ىنتىماعى گۇلى بار الاپتا شەشەك اتتى
لي ياڭ
2016.06.30 14:57 كەلۋ قاينارى : شينجياڭ گازەتى
ولار مىناداي جاندار: بىرەۋلەرى پارتياعا دەگەن شەكسىز ادالدىعىمەن 12 جىلدا پارتياعا مۇشە بولۋ ءۇشىن، 671 پارشا ءوتىنىش تاپسىرعان. پارتياعا مۇشە بولعاننان كەيىن اۋىل - قىستاقتا، اتىز باستارىندا ايانباي ەڭبەك ەتتى، پارتيانىڭ سارا ساياساتىن، جاعىمدى ءۇنىن ءار ۇلت جۇرتشىلىعىنا جەتكىزدى. بىرەۋلەرى قار جاستانىپ، مۇز قۇرسانعان جولداردا تيانشاننىڭ سامىرسىندارى ىسپەتتى 33 جىل بويى ءار ۇلت جۇرتشىلىعىنىڭ اماندىعىنا كەپىلدىك ەتتى. بىرەۋلەرى جاستىق جالىنىن پامير ۇستىرتىنە ارناپ، ۇلتتار ىنتىماعىن ءار ۇلت جاستارىنىڭ كوكەيىنە ۇيالاتتى. ولار وزدەرىنىڭ ادالدىعىمەن تاڭداۋلى پارتيا مۇشەسى، تاڭداۋلى ۇستاز دەگەننىڭ ءسىرا قانداي بولاتىندىعىنا جاۋاپ قايتاردى...
ولار مىناداي كۇشتى توپتادى: كەي الەۋمەتتىك اۋماقتىڭ پارتيا ياچەيكاسى وسى زامانعى مادەنيەتتى باستان - اياق جەتەكشى ەتىپ، «كورشىلەر كۇنى»، «بەرەكەلى داستارقان» سياقتىلاردان پايدالانىپ، ءار ۇلت جۇرتشىلىعىنىڭ ارالاسۋىنىڭ، ىشتەسۋىنىڭ، توعىسۋىنىڭ دانەكەرىن سومداپ، الەۋمەتتىك اۋماقتى ۇلتتار ىنتىماعىنىڭ باۋ - باعىنا اينالدىردى. كەي شەكارا قورعانىسى ساقشى بولىمشەسىنىڭ پارتيا ياچەيكاسى قاراستى رايونداعى كەدەي وتباسىلارمەن باعىتتامالى سەلبەستىك ورناتىپ، ءار ۇلت جۇرتشىلىعىنىڭ بىرگە اۋقاتتانۋ جولىنا تۇسۋىنە كومەك كورسەتتى. شينجياڭعا باعىتتامالى كومەك كورسەتەتىن كەي وقىتۋشىلار قىزمەت اترەتىنىڭ پارتيا ياچەيكاسى وڭتۇستىك شينجياڭدى كوكەيلەرىنەن شىعارماي، شىن نيەتتەرىمەن ىسكە كىرىسىپ، شەتكەرى شالعاي وڭىرلەردەگى بالالاردىڭ بولاشاعىنا شۇعىلالى جول اشىپ بەردى...
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ قارساڭىندا اۆتونوميالى رايون ۇلتتار ىنتىماعى، العاباسارلىعى ىستەرىندەگى تاڭداۋلى پارتيا مۇشەلەر ماداقتاپ سيلادى.
بورىشىن ادا ەتكەندەرگە ءداۋىر كۋا بولدى. ۇلتتار ىنتىماعى، العاباسارلىعى جىلىنىڭ تۋى زەڭگىر كوكتە جەلبىرەگەن وسى ساتتە ءبىر توپ تاڭداۋلى پارتيا مۇشەلەرى مەن وزات نەگىزگى ساتى پارتيا ۇيىمى اۋىر مىندەتتى باتىلدىقپەن ارقالاپ، اتويلاپ الدا ءجۇردى. ولار ىستەرگە دەگەن ادالدىعى مەن ءار ۇلت حالقىنا دەگەن تەرەڭ ماحابباتىن ءاربىر قاراپايىم، شاعىن قىزمەتپەن تىعىز ۇشتاستىرىپ، وڭ ەنەرگيانى تاراتىپ، شينجياڭنىڭ ۇلتتار ىنتىماعى، العاباسارلىعى ىستەرىن بار كۇشتەرىمەن العا ىلگەرىلەتتى... پارتيا تۋىنىڭ ساياسىندا ۇلتتار ىنتىماعى گۇلى بار الاپتا شەشەك اتتى.
وزىندىك قاسيەتتى ماڭگى ساقتاپ، اتويلاپ الدا ءجۇردى
ولار − نەگىزگى ساتىدا بەل شەشە ىسكە كىرىسىپ، ۇلتتار ىنتىماعىن امالياتتا ايگىلەۋدىڭ سەركەسى
ولار قاراپايىم جاندار، كادىمگى الەۋمەتتىك ءمالى باسقارمالارىندا، الەۋمەتتىك رايونداردا بىزبەن بىرگە جاساپ كەلەدى. ولار كۇندە بىرگە جۇرەتىن قىزمەتتەستەرىمىز، دوستارىمىز، اۋىلداستارىمىز، ولار جۇمىسشى ادىلمەن ءبىر گرۋپپادا، ديقان يۇسىپپەن ەسىكتەس، ىرگەلەس كورشى.
ولار قاتارداعى جاي ادامدار، قىزمەتتە، تۇرمىستا ۇلكەندى - كىشىلى ىستەرگە كەز بولىپ تۇرادى، ءومىر جولىنىڭ ورلەۋى مەن توقىراۋ كەزەڭىن باستان كەشىپ وتىرادى، كادىمگى جانداردىڭ قۋانىش - قايعىسى ولارعا دا ورتاق.
الايدا ولار قيىن - قىستاۋ كەزەڭدە كەۋدە كەرە العا شىعىپ، سىن ساعاتتاردا باتىلدىقپەن پوزيتسيا بىلدىرسە، جايشىلىقتى ءوز قىزمەتتەرىن تىڭعىلىقتى ىستەپ، قارايلاسىمدىلىقتى ارداق تۇتىپ كەلدى. ولار وزگەشە پارتيالىلىق تاربيە مەن وسكەلەڭ يدەيالىق دەڭگەيدى ولشەم ەتىپ، ۇلتتار ىنتىماعى جونىندەگى تانىم مەن رۋحتى كۇندەلىكتى تۇرمىستاعى ءسوز - ارەكەتىمەن تىعىز ۇشتاستىرىپ، پارتياعا ادال، مايدانى بەرىك قايسار جاۋىنگەرگە، ۇلتتار ىنتىماعىن جەبەيتىن، ورنىقتىلىقتى قورعايتىن تىرەكتى كۇشكە اينالدى.
نەگىزگى ساتىداعى ءبىر پارتيا ىستەرى قىزمەتكەرى بىلاي دەپ سەرت ەتەدى:
مەن مارقۇم اكەمنىڭ وسيەتىن ەسىمدە بەرىك ساقتاپ، وتاندى، حالىقتى، پارتيانى ماڭگى قىزۋ ءسۇيىپ، ۇلتتار ىنتىماعى جونىندەگى ۇلى ماحابباتتى ۇرپاقتار بويى جالعاي بەرۋگە قۇلشىنامىن. ءار ۇلت كادر - جۇرتشىلىعى اناردىڭ دانىندەي بەرىك ۇيىساتىن بولسا اسپايتىن اسۋ، المايتىن قامال جوق!
ءۇرىمجى قالاسى ميدۇڭ رايونى گۋمۋدي شىعىس جولى اۋماعى پارتيا قىزمەت كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى ارزىگۇل ياسىن اكەسىنىڭ «پارتيا مۇشەسى، ءسوز جوق، ۇلتتار ىنتىماعىنىڭ ۇلگىسى بولۋى كەرەك» دەگەن ءسوزىن كۇنى بۇگىنگە دەيىن ەسىنەن شىعارماي كەلەدى. ونىڭ اكەسى ساقا قىستاق كادرى ەدى. ول كىسى قايتىس بولارىنان 10 جىل بۇرىن ءبىر سەرگەلدەڭ حانزۋ جىگىتتى ۇيىنە ەرتىپ اكەلىپ، باعىپ الىپتى. سونان تارتىپ ارزىگۇلدىڭ حانزۋ اعاسى بولدى، ول اعاسىن نوپوسقا قوندىرىپ، قوعامدىق قامسىزداندىرۋ راسمياتتارىن ءبىتىرىپ بەردى، اۋەلى، حانزۋ اعاسىنا قالىڭدىق قاراستىرىپ، تۋعان قارىنداسىنداي جاقىندىق تانىتتى. تۇرمىستا اعاسىنا قولىنان كەلگەنىنشە قامقورلىق جاساپ، بەرەكەلى وتباسىنىڭ مەيىرىن سەزىندىردى. ەتەنە تۋىستىق سۇيىسپەنشىلىك مىنە وسىدان تارتىپ بەرىك ورناپ، تەرەڭ تامىر تارتتى.
ارزىگۇل سونىمەن بىرگە، ءوز ۇيىندە ۇلتتار ىنتىماعى، العاباسارلىعىن ماداقتاپ - سيلاۋ قورىن باستاماشىلدىقپەن قۇردى. سودان تارتىپ ۇلتتار ىنتىماعىن قورعاۋ ءاربىر وتباسى مۇشەسىنىڭ سانالى ارەكەتىنە اينالدى؛ ول باستاماشىلدىقپەن ۇيىمداستىرعان «پارتيا مۇشەلەرى مەيىر باعىشتاۋ» كەدەيلەردى سۇيەمەلدەپ، قيىنشىلىعى بارلارعا قول ۇشىن بەرۋ قيمىلىندا قيىنشىلىعى بار وقۋشىلارعا، سالماقتى ناۋقاستارعا وقۋ قاراجاتى، ەمدەلۋ قاراجاتى ءۇشىن 80 مىڭ يۋاننان استام قارجى توپتالىپ، قىزمەت ورنىنان بوساعان 621 ادام مەن مۇگەدەكتىڭ كاسىپتەنۋ ماسەلەسىن شەشتى. بۇگىن دە تۇرعىندار «گۇلي» قايدا بولسا مەيىرىم مەن شۇلەن شۇعىلا سوندا سەبەلەيدى دەپ بىلەدى.
حانزۋ قىستاق پارتيا ياچەيكا شۋجيىنىڭ از ۇلت قىستاق تۇرعىندارىن اۋقاتتانۋعا باستاعان ادال نيەتى −
«مەن <سەركەلىك> رولىمدى ۇزبەي ساۋلەلەندىرىپ، تومەن حادىلىق قىستاعىنىڭ قىستاق تۇرعىندارىن اناعۇرلىم ىنتىماقتاستىرىپ، كەدەيلىكتەن قۇتىلدىرىپ، اۋقاتتانۋعا باستاۋدا بىردە - ءبىرىن قاعىس قالدىرمايمىن!».
ماكىت اۋدانى قۇمقۇسار اۋىلى تومەن حادىلىق قىستاعىنىڭ قىستاق تۇرعىندار ورتالىعىنداعى قىستاق پارتيا ياچەيكا شۋجيى حۋاڭ يىڭجيە 365 كۇن بويى اتىز باسىندا بولىپ، كوپشىلىكتى «التىن تەرۋگە» باستاپ كەلەدى. ماكىت اۋدانىنداعى از ۇلت قىستاقتارى بويىنشا بىردەن - ءبىر حانزۋ پارتيا ياچەيكا شۋجيى بولعان حۋاڭ يىڭجيە قىستاق تۇرعىندارىن ماقتا، جاڭعاق ەگۋ، ەرەكشە باعىمشىلىق جانە ەڭبەككۇشتەرىن سىرتقا شىعارۋ سىندى كوپ نەگىزدى دامۋ ءبىر تۇلعالانعان اۋقاتتانۋ جولىنا باستاپ، كەدەي از ۇلت قىستاقتارىن قازىرگىدەي اسفالت جولى توسەلگەن، ۇيلەرى جاڭا، ءار وتباسىنا سۋ، ەلەكتر جەتكىزىلگەن قاۋىرت دامىعان قىستاققا اينالدىردى، ەگىنشىلەردىڭ كىسى باسىندىق كىرىسى 2008 - جىلعى 3500 يۋاننان قازىر 8700 يۋانعا ارتتى.
قىستاق تۇرعىندارى جاڭا تەحنيكادان ۋايىمداعان ساتتە حۋاڭ يىڭجيە ولارعا ءبىر - بىردەن ۇيرەتتى؛ اۋىلداستارى باعىمشىلىق كولەمىن ۇلعايتقىسى كەلسەدە قارجى جەتىسپەگەنىن كورىپ، ءارى - ءسارى بولماستان ءوز قالتاسىنان اقشا شىعارىپ تۇردى. 20 نەشە جىلدان بەرى سىچۋاننان كەلگەن «ۇيعۇر ءتىلىن سىچۋان اكسەنتىندە سويلەيتىن» وسى ءبىر قىستاق پارتيا ياچەيكا شۋجيى تومەن حادىلىق قىستاعىنا تۇبەگەيلى ءسىڭىپ كەتتى، اۋىلداستارى ونى ىقىلاستى تۇردە «اعا» دەپ شاقىراتىن بولدى.
زەينەتكە شىقسادا تىنىم تاپپاعان حالىقتىڭ قالاۋلى باجى قىزمەتكەرى ءوزىنىڭ ىزگى ىستەرى ارقىلى حالىقتىڭ سۇيىسپەنشىلىگىنە بولەندى −
«سۇيىسپەنشىلىك ۇلتقا بولىنبەيدى، وسى كەڭ − بايتاق ولكە مەنى باعىپ قاقتى، پارتيا مەن ءار ۇلت حالقى مەنى باۋلىدى، قوعامعا قارىمجى قايتارۋعا ءتيىستىمىن، كومەككە ءزارۋ جاندارعا قول ۇشىن بەرۋگە قاقىلىمىن».
ماتىنبەك ەلەش ۇلى كوكتوعاي اۋدانى باجى مەكەمەسىنىڭ دەمالىسقا شىققان كادرى، 24 جىلدىڭ الدىندا ماتىنبەكتىڭ اكەسى باسپاناسىز قالعان حانزۋ بالا ۋاڭ يۇڭدى باعىپ الىپ، وعان «سىچۋانبەك» دەپ ات قويادى. اكەسى دۇنيەدەن وتەرىندە ونى ماتىنبەككە تاپسىرىپ كەتەدى. 10 نەشە جىلدان بەرى ماتىنبەك ۋادەسىنەن اينىماي، وسى ءبىر حانزۋ باۋىرىنا ءباز - باياعىسىنداي قارايلاسىپ كەلەدى.
2013 - جىلى ماۋسىم ايىندا ول «ماتىنبەك» قۇتقارۋ قوعامىن قۇرىپ، بۇكىل قوعامدى ات سالىسۋعا جۇمىلدىرادى. قىسقا عانا 3 جىلدا قوعام مۇشەسى 6 ادامنان 122 ادامعا كوبەيدى، حانزۋ، قازاق، ۇيعۇر، حۇيزۋ سىندى ءار ۇلت مۇشەسى ىنتىماقتاسىپ، سۇيىسپەنشىلىكتىڭ اماناتىن ۇزبەي جالعاپ كەلدى. ول تاعى مىندەتتى لەكسيا جاساۋ ۇيىرمەسىن قۇرىپ، اۋىل، قالاشىق، ورگان، قىستاق (الەۋمەتتىك اۋماق)، مەكتەپ، اسكەري ءبولىم، ءدىني قيمىل ورىندارى سياقتى جەرلەرگە ارالاپ لەكسيا سويلەپ، پارتيانىڭ، ۇلتتار ىنتىماعىنىڭ ءۇنىن ءار وتباسىنا جەتكىزدى.
پارتيا مۇشەسى − تۋ، پارتيا مۇشەسى − مايەك، پارتيا مۇشەسى − ۇلگى. جالپى تاڭداۋلى پارتيا مۇشەلەرى «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتىپ، ءوز باسىنان، ماڭىنداعى ىستەردەن باستاپ كىرىسۋگە تاباندى بولىپ، ءبىر - بىرلەگەن كىشى - گىرىم ىستەر ارقىلى ۇلتتار ىنتىماعىنىڭ مىعىم وڭ ەنەرگياسىن ۇيىستىردى. ولار سەنىمگە باي، ارداقتاۋعا تاتيتىن رۋح ۇلگىلەرى.
فۋكاڭ قالاسى جيۋيۇڭگاي اۋىلى ليۋيۇن ورتالىق قىستاعى پارتيا ياچەيكاسىنىڭ شۋجيى ابىلا نياز بۇقارانى جىلىجاي سالىپ، كوكونىس ەگۋگە، جەردى وتكەرمەلەۋ ءىسىن ورىستەتۋگە باستادى، كوپتەگەن كەدەي وتباسى كەدەيلىك قالپاعىن الىپ، پارتيانىڭ جاقسى ساياساتىن القادى؛ شاۋەشەك تاس جول باسقارۋ مەكەمەسى تولى بولىمشە مەكەمەسىنىڭ شوفەرى حى حانميڭ 30 نەشە جىلدان بەرى ءار ۇلت شاكىرتتەرىمەن جاپا - ماشاقاتتا بىرگە بولا وتىرىپ، بىرگە العا باستى، قارلى بوراندارداعى قۇتقارۋ قىزمەتتەرىندە اعالاپ الدا ءجۇردى؛ اۋات اۋدانى بەسارىق قالاشىعى كونشىسوڭ قىستاعىندا قىستاق تۇرعىندارى «اسقار» دەپ اتاپ كەتكەن شيپاگەر زاڭ شۋ - ۋ قىستاق تۇرعىندارىنىڭ «كەلمەسەڭىز كەتپەيمىز» دەگەن سوزىنە بولا قىستاقتا قالىپ، ءومىر بويى قىستاق تۇرعىندارىنىڭ ناۋقاسىن ەمدەپ كەلەدى... پارتيا تۋىن بيىك كوتەرىپ، تولقىن جارا العا ىلگەرىلەدى
ولار رەفورمانىڭ، دامۋدىڭ ءبىرىنشى شەبىندە ۇلتتار ىنتىماعىن قورعايتىن بەكىنىس سالدى
نەگىزگى ساتى پارتيا ۇيىمدارى − بارلىق قىزمەت پەن جاۋىنگەرلىك كۇشتىڭ نەگىزى. ءبىر - بىرلەگەن وزات نەگىزگى ساتى پارتيا ۇيىمدارى رەفورما، دامۋ ءبىرىنشى شەبىندە ۇلتتار ىنتىماعىن قورعايتىن جاۋىنگەرلىك بەكىنىس سالدى. جالپى نەگىزگى ساتى پارتيا ۇيىمدارى ۇلتتار ىنتىماعى، العاباسارلىعى جىلى قيمىلىن وراي ەتىپ، يدەيا، ماسەلە، اماليات ارقىلى جەتەكشىلىك ەتۋدەن جازباي، حالىق تۇرمىسىن جاقسارتۋ سىندى وسى ءبىر ماڭداي الدى مىندەتتى، ۇلتتاردىڭ ارالاسۋ، توعىسۋ، ىشتەسۋى مەن جۇڭحۋا ۇلتىنىڭ ورتاق تۇلعاسى تانىمىن جەتىلدىرۋ سىندى وسى ءبىر ستراتەگيالىق ماڭىزدى ءتۇيىندى، پارتيانىڭ باسشىلىعى سىندى ساياسي كەپىلدى كورنەكتىلەندىرىپ، قىزمەتتىڭ ءتۇيىنىن رەفورماعا، دامۋعا، حالىق تۇرمىسىنا، بۇقاراعا قىزمەت كورسەتۋگە بۇرعاندا عانا، نەگىزگى ساتى ۇيىم قۇرىلىسى ءتىپتى دە پارمەندى بولا تۇسەدى، جاۋىنگەر قامالدىق رولى ءتىپتى دە كورنەكتىلەنەدى.
− بەرىك قامال سوعىپ، ءار ۇلت بۇقاراسىن ارالاسۋعا، توعىسۋعا، ىشتەسۋگە جەتەكتەدى
اۆتونوميالى رايوندىق ساپانى تەحنيكالىق باقىلاۋ مەكەمەسىنىڭ نيە اۋدانى نيە قالاشىعىنىڭ پۇپۇك قىستاعىندا تۇراتىن قىزمەت گرۋپپاسىنىڭ ۋاقىتشا پارتيا ياچەيكاسى «سامعا، پۇپۇك» اتتى راديو ۋزەلىن اشىپ، پارتيانىڭ حالىققا ءتيىمدى ساياساتتارى مەن ءدىن ساياساتتارىن جانە ۇلتتار ىنتىماعى، العاباسارلىعى جىلى قيمىلىن بار كۇشپەن ۇگىتتەپ، ۇلتتار ىنتىماعىنا قاتىستى حيكايالار مەن قىستاقتاعى ىزگى ادام، يگى ىستەردى تىلگە تيەك ەتتى. 2 - ساباقحانا اياسىندا وقۋشىلاردى «بالا ديكتور» قيمىلىنا ۇيىمداستىرىپ، ۇلتتار ىنتىماعى مەن ادام بولۋدىڭ اڭگىمەلەرىن بالالاردىڭ اۋىزىنان سويلەتىپ، ولاردىڭ ءسابي جۇرەگىنە ۇلتتار ىنتىماعىنىڭ ءدانىن سەپتى. قىستاق تۇرعىندارىن ءداستۇرلى مەرەكەلەردى تويلاۋعا، ءداستۇرلى مادەنيەتتى ۇيرەنۋگە جۇمىلدىردى، ءار ۇلت قىستاق تۇرعىندارى قياق كۇرىش مەرەكەسىندە زۇڭزى دايىنداپ، جۇڭچيۋ مەرەكەسىندە ايتوقاش ءپىسىرىپ، دۇڭجى مەرەكەسىندە تۇشپارا ءتۇيدى، ورازا ايت پەن قۇربان ايت ءار ۇلت جۇرتشىلىعىنىڭ ورتاق مەرەكەسىنە اينالدى.
يىڭسار اۋدانى لومپا اۋىلى موعال ارىق قىستاعىنىڭ پارتيا ياچەيكاسى 022 مىڭ يۋان قارجىمەن سالدىرعان ۇلتتار ىنتىماعى اتىنداعى قىزمەت كورسەتۋ ورتالىعى وسى قىستاقتاعى ەڭ دۋماندى جەرگە اينالدى. ول جەردە قىستاق تۇرعىندارى ىدىس - اياق، ۇستەل - ورىندىق پەن دىبىس جابدىقتارىن تەگىن پايدالانا الادى، سوندىقتان بۇقارا تورقالى توي، توپىراقتى ولىمگە بايلانىستى جورالعىلار مەن وتباسى دۋمانىن وسى قىزمەت كورسەتۋ ورتالىعىندا وتكىزگەندى قالايدى. قىستاق تۇرعىندارى ءبىر اۋىزدان «وسى جەردە توي - تومالاق دۋماندى ءارى ۇنەمدى وتەدى، قىستاق پارتيا ياچەيكاسى ءبىز ءۇشىن كەرەمەت ءىس ىستەدى» دەپ القاستى.
− بەرىك قامال سوعىپ، بۇقاراعا جان - جاقتى قىزمەت كورسەتتى
كوكتوعاي اۋدانىنىڭ كوكتوعاي قالاشىعىنداعى جۇمىسشى - قىزمەتكەرلەردىڭ تۇرعىن ۇيلەرىنىڭ دەنى 1951 - جىلدىڭ الدى - ارتىندا سالىنعاندىقتان، كوبى حاۋىپتى كۇيدە ەدى. كوكتوعاي قالاشىعى پارتكومى بۇقارانىڭ تۇرعىن ءۇي ماسەلەسىن شەشۋ ءۇشىن، 1056 قولجەتىمدى ءۇي سالدىرىپ، ءار ۇلت بۇقاراسىنان 1974 ادامدى ەسكى، جاتاعان، حاۋىپتى ۇيلەردەن جاڭا ۇيگە كوشىردى. ەڭسەلى دە جارىق ۇيگە كوشكەن قازاق تۇرعىنى «پارتيا مەن ۇكىمەت ءبىزدى ۇمىتپاعان ەكەن. پارتيانىڭ جاقسى ساياساتى بولماسا، بىزگە بۇگىنگىدەي كۇن قايدا!» دەپ تەبىرەنە تولعادى.
سانجى قالاسى لۇيجوۋ جولى ءمالى باسقارماسى جۇيحى الەۋمەتتىك اۋماعى «10 مينۋتتىق» قىزمەت شەڭبەرىن بەلسەنە جوسپارلاپ، باۋراۋ، سەلبەسۋ، ءوزى سالۋ سياقتى تاسىلدەر ارقىلى وتباسىلىق قىزمەت كورسەتۋ، قولايلى دۇكەن، وتباسى زەينەتكەرلىگى سياقتىلاردى نەگىز ەتكەن «تۇرمىستىق قىزمەت شەڭبەرىن»، اۋرۋدىڭ الدىن الۋ، دياگنوز قويۋ مەن ەمدەۋ جانە جوسپارلى تۋىت بويىنشا قىزمەت كورسەتۋدى نەگىز ەتكەن «دەنساۋلىق قىزمەت شەڭبەرىن»، مادەنيەت الاڭىن، دەنە شىنىقتىرۋ الاڭىن جانە الەۋمەتتىك اۋماق قيمىل وتاۋىن نەگىز ەتكەن «مادەني - سپورتتىق قىزمەت شەڭبەرىن» جانە اۋماق ساقشى كەڭسەسى مەن پارتيا مۇشەلەرىنەن ەرىكتى ۇيىمداسقان شارلاۋ اترەتىن نەگىز ەتكەن «تىنىشتىق قىزمەت شەڭبەرىن» قالىپتاستىردى، ءار ۇلت بۇقاراسى وسىندا الاڭسىز تىرشىلىك ەتىپ، جاراستىلىق پەن شاتتىققا تولى باقىتتى مەكەندى بىرگە قۇردى.
− بەرىك قامال سوعىپ، كەدەيلىكتەن قۇتىلدىرۋدىڭ شەشۋشى شايقاسىن باتىل جۇرگىزدى
باي اۋىلى − اراتۇرىك اۋدانىنداعى ءتۇيىندى سۇيەمەلدەنەتىن كەدەي اۋىل، اۋىلدىڭ جەرى قاعىر، قۇنارسىز، ەگىستىك اۋدانى %1كە دە جەتپەيدى. سۋ ەرەكشە تاپشى، حالىقتىڭ ورتاشا كىرىس دەڭگەيى 1000 يۋاننان تومەن. 2014 - جىلدان بەرى شينجياڭ شەكارا قورعانىس باس اترەتى قۇمىل قالالىق شەكارا قورعانىس تارماق اترەتى اراتۇرىك اۋدانى ۇلكەن اترەتى باي شەكارا قورعانىس بولىمشەسىنىڭ پارتيا ياچەيكاسى 23 وتباسىنىڭ كەدەيلىكتەن قۇتىلۋىنا كومەكتەسىپ، سىرتقا ەڭبەككۇش شىعارۋ ارقىلى 55 ادامدى كاسىپتەندىردى. ءۇنحات تۇعىرى ارقىلى ساۋدانى جانداندىرىپ، باي اۋىلى بۇقاراسىنىڭ زات ساتۋ جەلىسىن، ەرەكشە اۋىل شارۋاشىلىق ونىمدەرىن ساتۋ جەلىسىن جانە ەگىن، مال شارۋاشىلىق تەحنيكالارىن جالپىلاستىرۋ جەلىسىن اشىپ، شارۋالارعا ينتەرنەت بىلىمدەرىن ۇيرەتىپ، اۋىل شارۋاشىلىق ونىمدەرىن «ينتەرنەت +» داڭعىل ارناسى ارقىلى ەلىمىزدىڭ جەر - جەرىنە جەتكىزدى. قازىرگى كۇندە بايدىڭ كەڭ، ءتۇزۋ جولدارى تاسپاداي تارتىلىپ، قىستاق تۇرعىندارىنىڭ ساۋلەتتى، رەتتى ۇيلەرى كوز تارتادى، باي اۋىلىنداعى نەشە بۋىن ادامنىڭ اۋقاتتانۋ ارمانى قول سوزىم جەردە تۇر.
«قىستاقتىڭ ءال - اۋقاتى پارتيا ياچەيكاسىنا بايلانىستى». ساۋان اۋدانى ليۋماۋۋان قالاشىعى حۋلۋيۇي قىستاعىنىڭ پارتيا ياچەيكاسى قازاق ايەلدەرىنىڭ ون ساۋساعىنان ونەر تامعان كەستەشىلەر بولعانمەن، قازىرگە دەيىن بەلگىلى كولەم قالىپتاستىرا الماعانىن ەسكەرىپ، «ايگۇل» اتىنداعى ۇلتتىق كەستەشىلىك كووپەراتيۆىن ۇيىمداستىردى، قازىر كووپەراتيۆتىڭ ونىمدەرى شاۋەشەك، تولى سياقتى جەرلەرگە دەيىن ساتىلىپ، جۇرتتىڭ ىقىلاسىنا بولەندى. 2014 - جىلى ساۋان اۋدانى ليۋماۋۋان قالاشىعىنان «توقىماشىلىق جانە كيىم - كەشەك ونەركاسىپ باقشاسىن» اشۋ تالابىن ورتاعا قويادى، وسى تالاپقا سايكەس، قىستاق پارتيا ياچەيكاسى ليۋماۋۋان قالاشىعىنداعى يىنيىڭ ونەركاسىپ - ساۋدا شەكتى سەرىكتەستىگىن سۇيەنىش ەتىپ، «شارۋالار + كووپەراتيۆ + كاسىپورىن» دەپ اتالاتىن جاڭا شارۋاشىلىق ۇلگىسىن ورتاعا قويادى، «كووپەراتيۆ - كاسىپورىن وداعى» ۇلگىسىمەن جۇمىس جۇرگىزۋدىڭ ارقاسىندا، قىز - كەلىنشەكتەردىڭ شەبەر قولىنان شىققان كەستەلەردىڭ بازارى جۇرەدى. پارتيا ياچەيكاسىنىڭ جەتەكشىلىگىمەن، 2010 - جىلدان 2016 - جىلعا دەيىنگى قىسقا عانا ۋاقىتتىڭ ىشىندە، قىستاق حالقىنىڭ ورتاشا تابىس دەڭگەيى 18 مىڭ يۋاننان اسادى.
وزات بولۋ جاۋاپكەرشىلىكتەن باستالسا، تاڭداۋلى پارتيا مۇشەسى − پارتيالىلىقتىڭ اسقاق بەينەسى. ماداقتالىپ - سيلانعان اۆتونوميالى رايوننىڭ ۇلتتار ىنتىماعى، العاباسارلىعىنداعى 200 تاڭداۋلى پارتيا مۇشەسى مەن 50 وزات نەگىزگى ساتى پارتيا ۇيىمى اۆتونوميالى رايونىمىزدىڭ ۇلتتار ىنتىماعى، العاباسارلىعى ىستەرىنىڭ نىق قاداممەن العا باسۋىن ىلگەرىلەتۋ جولىندا ۇشقىن شاشىپ، ۇلتتار ىنتىماعىنىڭ ۇلى تۋىن شينجياڭنىڭ بايتاق دالاسىندا جەلبىرەتتى. ولاردىڭ مۇرات - سەنىمى، جاۋاپكەرشىلىگى، جەمىستى ەڭبەگى 23 ميلليون ءار ۇلت جۇرتشىلىعىن اسەرلەندىردى جانە سۇيىندىردى، سونىمەن بىرگە ۇلتتار ىنتىماعىن جەبەۋدىڭ قۋاتتى كۇشىن ونان سايىن جانداندىرىپ، جيناقتاي بەرەتىنى داۋسىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
