- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇرەس جولىن سەنىم نۇرىمەن نۇرلاندىردى
رىن جۇڭپيڭ
2016.06.30 14:58 كەلۋ قاينارى : شينجياڭ گازەتى
(1) تاعى ءبىر شىلدە ايى كەلدى، ۋاقىت ءوزىنىڭ العا ىلگەرىلەگەن ۇردىسىنەن جاڭىلعان ەمەس.
شاڭحايدىڭ شيڭيە كوشەسىندەگى ءبىر شاعىن عيماراتقا كوپتەگەن تاۋاپ ەتۋشى كەلدى. 95 جىلدىڭ الدىندا ءبىر توپ جاس وسى اراعا جينالىپ، توڭكەرىس الاۋى تىڭ دالانى نۇرلاندىرعان ەدى. وسى بارىس جاپالى دا شۇعىلالى بارىس بولدى، ەسكەرتكىش سارايدىڭ كورمە اياقتار تۇسىنا ىلىنگەن «باستالۋى وڭاي، اياقتالۋى قيىن» دەگەن ارناۋ ءسوز وسىنى ايعاقتاپ تۇرعانداي.
شانشي ولكەسى يان - ان قالاسىنىڭ ياڭجياليڭ دەگەن جەرىندەگى ورتالىق ۇلكەن زالدا الدەكىمدەر پارتيا تۋى الدىندا پارتياعا كىرۋ سەرتىن قايتا ايتىپ، ەستەرىنە وتكەن ءساليقالى ساتتەردى ءتۇسىرىپ جاتىر. 1945 - جىلى پارتيانىڭ 7 - قۇرىلتايى وسى ارادا اشىلىپ، جاڭا دەموكراتيالىق جۇڭگو قۇرۋ قادامى وسى ارادا باستالعان ەدى. جيىن زالىنىڭ قابىرعاسىنداعى تۋ وتىرعىسىنا «اقيقاتتان جازباي، قاتەلىكتەردى تۇزەتەيىك» دەپ جازىلىپتى.
بەيجيڭدە، گۇلگە ورانعان تيان - انمىن الاڭىندا، ۇلكەندى - كىشىلى كوشەلەردە جەلبىرەگەن قىزىل تۋلارداعى وراق پەن بالعا ەرەكشە كوز تارتادى. تاۋقىمەتتى قيىن كۇندەردى باستان كەشىرىپ، قايتا گۇلدەنۋگە بەت بۇرعان بايىرعى ۇلت عاسىرلىق ارمانعا قانات قاعۋدا. پارتيانىڭ 18- قۇرىلتايىنان كەيىن، باس شۋجي شي جينپيڭ بۇكىل پارتياعا «حالىقتى ۇمىتپايىق، ۇلەس قوسۋعا قاشاندا دايىن بولايىق» دەپ ەسكەرتتى.
95 جىلدىق تاريح − ءۇش اۋىز ءسوز. گەرمانيانىڭ تريەر قالاشىعىنان ونگەن تۇقىم نەشە بۋىن جۇڭگو كوممۋنيستەرىنىڭ جان دۇنيەسىندە ءوسىپ - جەتىلدى. سارى توپىراققا قىزىل اعىن كەلىپ قۇيىلىپ، الىپ وركەشتى تولقىن بولىپ، جۇڭحۋا دالاسىن نۇر - شۇعىلاعا بولەگەن ارايلى كۇنگە اينالدى، ول دۇنيەنىڭ تورتتەن ءبىرىن ۇستايتىن حالىققا ماركسيزمدى تاڭداتتى، قاراڭعى تۇنەكتى جارىپ، ۇلتتىڭ گۇلدەنۋ جورىعىنا شۇعىلاسىن شاشىپ، بايىرعى ەلدى ءۇزىلدى - كەسىلدى جاڭالادى، حالىقتىڭ تاعدىرىن ءۇزىلدى - كەسىلدى وزگەرتتى، ادامزات قوعامىنىڭ ساياسي كارتاسىن ءۇزىلدى - كەسىلدى قايتا جازدى.
جياشيڭنىڭ نانحۋ كولىندەگى قىزىل قايىق ۇستىندە اقيقات ىزدەگەندەردەن تارتىپ دۇنيە جۇزىندەگى 2 - ۇلكەن ەكونوميكالىق تۇلعانىڭ جەتەكشىلەرىنە دەيىن، جۇڭگو كوممۋنيستىك پارتياسى ءجۇز ميلليونداعان حالىقتى تاعدىرلاس بولۋعا شابىتتاندىرىپ جانە ۇندەپ، تورعايداي توزعان، بىرىنشىدەن كەدەي، ەكىنشىدەن اق مەملەكەتتىڭ تاۋقىمەت ىشىندە سەرپىلىپ، ءۇمىت وتىن قايتا جاندىرىپ، قايتا گۇلدەنۋدىڭ نۇر - ساۋلەسىمەن قاۋىشۋىنا مۇمكىندىك جاسادى.
كەيبىرەۋلەر: جۇڭگونى ءتۇسىنۋ ءۇشىن، ءسوز جوق، جۇڭگو كوممۋنيستىك پارتياسىن ءتۇسىنۋ كەرەك؛ جۇڭگو كوممۋنيستىك پارتياسىن بىلگەندە عانا، جۇڭگونى بىلۋگە بولادى، - دەيدى. 95 جىل ءوتتى، ۋاقىتتىڭ قاقپاسىن قايتا اشىپ، كۇللى الەمدى جالت قاراتقان جۇڭگو جولىنا ءتۇسىپ، بۇرقاسىندى توڭكەرىس پاراقتارىن اشىپ كورەيىك. (2) ءجۇز ميلليونداعان حالىقتىڭ 95 جىلدىق كۇرەسكەرلىك تاريحى. ۇلتتىڭ تاۋەلسىزدىگى، حالىقتىڭ ازاتتىعى، مەملەكەتتىڭ گۇلدەنىپ - قۇدىرەتتەنۋى، حالىقتىڭ اۋقاتتانۋى جولىندا سانسىزداعان ادام ماركسيزم تۋى استىنا جينالدى. تاريح ءار ۇرپاق ادامداردىڭ كۇرەسىن، بەرگەن قۇرباندىقتارىن ۇمىتپايدى ءارى ولاردىڭ تاڭداۋىنا وڭ جاۋابىن بەرەدى.
«جاۋ ءبىزدىڭ باسىمىزدى كەسكەنىمەن، سەنىمىمىزدى استە شايقالتا المايدى. ويتكەنى ءبىز سەنگەن يزم − الەمنىڭ اقيقاتى. كوممۋنيزم جولىندا قۇرباندىق بەرۋگە، سوۆەت جولىندا قان توگۋگە بارىنشا پەيىلدىمىز». بۇل − 1935 - جىلى تامىزدا فاڭ جىميننىڭ قۇربان بولاردىڭ الدىندا ايتقان ءسوزى. جياڭشيدىڭ شىعىس سولتۇستىگىندەگى سوۆەت رايوندارىن قۇرعان وسى كىسى «كەدەي، كىرشىكسىز، قاراپايىم تۇرمىس» كەشىردى، ءبىراق «ءبىر كۇن ءومىر سۇرسە، ءبىر كۇن جۇڭگو ءۇشىن جار سالىپ» ءوتتى، ويتكەنى ول «ماركسيزمنىڭ ادال ءمۇريتى» ەدى، «سوۆەتتىڭ جۇڭگونى قۇتقاراتىنىنا، توڭكەرىستىڭ، ءسوز جوق، ەڭ سوڭىندا جەڭىسكە جەتەتىنىنە» كامىل سەندى.
«اقيقاتتى تاڭداۋ ءۇشىن، ءبىز ەلگە قايتۋىمىز كەرەك؛ مەملەكەت، ۇلت ءۇشىن، ءبىز ەلگە قايتۋىمىز كەرەك؛ حالىققا قىزمەت ەتۋ ءۇشىن، ءبىز ەلگە قايتۋىمىز كەرەك؛ ... ۇلى وتانىمىزدى قۇرۋ جانە دامىتۋ ءۇشىن كۇرەسۋىمىز كەرەك». 1950 - جىلى اقپاندا حۋا لوگىڭ ەلگە قايتار جولىندا «ا ق ش - تا وقيتىن بارلىق جۇڭگولىق وقۋشىلارعا اشىق حاتتى» جازدى. سول جىلى ا ق ش - تا وقيتىن حۋا لوگىڭ، جۋ گۋاڭيا، دىڭ جياشيان، يە دۋجىڭ سياقتى 1000نان استام وقۋشى جاپا - ماشاقاتتان قورىقپاي جاڭا جۇڭگوعا قايتتى، ولاردىڭ كوبى جۇڭگو كوممۋنيستىك پارتياسىنا مۇشە بولدى. ولار «جاڭا دەموكراتيزمنىڭ جۇڭگونىڭ قوعامدىق قۇرىلىسىندا جۇرۋگە ءتيىستى جولدى ايقىن اتاپ كورسەتكەنىنە»، «ۇلتىمىزدىڭ ەندىگارى قورلىققا ۇشىرايتىن ۇلت بولمايتىندىعىنا» سەندى.
«ءبىز ۇيىمدى، سەنىمدى، سانالى ادامدارمىز». 2008 - جىلى مامىردا چۇي يۇڭ - اننىڭ 11 تۋىسى ۋىنچۋانداعى ءزىلزالادا قايتىس بولدى. قيراندىعا اينالعان ءۇيىنىڭ الدىندا، بەيچۋان اۋدانىنىڭ وسى ورىنباسار اكىمى كوز جاسىن كولدەتىپ باسىن 3 رەت جەرگە ۇرىپ تۇردى دا، اپاتقا قارسى تۇرۋدىڭ ءبىرىنشى شەبىنە اتتانىپ كەتتى. سول جولعى ەرەكشە اۋىر ءزىلزالادان كەيىن، 80 - جىلداردىڭ تۋماسى، ايەل ساقشى ساي جياڭمين، ۇيىمداستىرۋ ءبولىمىنىڭ باستىعى ۋاڭ ليشياۋداردان تارتىپ كومەكتەسىپ قۇرۋ قاتارىنداعى كادر سۇي شۋەشۋانعا دەيىن سانسىز كوممۋنيستەردىڭ ۇلەس قوسۋ رۋحىن ارلەي ءتۇستى. ۋىنچۋاندا اپاتتان قۇتقارۋ جانە قايتا قۇرۋ جۇمىستارىن تەكسەرگەن شەتەلدىك دوستار: «سىزدەردە باتىل ۇلەس قوساتىن وسىنشا كوپ كوممۋنيستەر بار ەكەن» دەپ تەبىرەندى.
95 جىلدان بەرى سانسىز ارداگەرلەر سەنىم تۋىنىڭ استىندا باس قوستى. ولاردىڭ بويىندا وسىناۋ قاۋىمنىڭ جۇرەك قالاۋى مەن كوممۋنيستەردىڭ ورتاق رۋحاني گەنى بار ەدى −
ولار «قاندى كۇرەستە قايمىقپاعاندا عانا، اقيقات جولىنداعى ىزدەنىستە ءوزىن - ءوزى سومداي بىلەتىندىكتەرىنە» كامىل سەندى. اقيقاتتا پاراسات پەن ءبىلىمنىڭ جاۋھارى، مەملەكەت پەن ۇلتتىڭ دامۋ جولى بار. اقيقات جولىمەن العا تارتقاندا عانا، قۇلدىراعان جۇڭگو ەڭسەسىن قايتا كوتەرىپ، ءجۇز ميلليونداعان حالىقتىڭ جاقسى تۇرمىسقا قولى جەتپەك. ولار اقيقاتتى ىزدەۋدى مۇرات تۇتىپ، اقيقاتتى ىسكە اسىرۋدى سەنىم دەپ ءبىلدى.
ولار «ادامنىڭ ءومىرى بالاۋىز شام سياقتى، بىلتەسى جانىپ بىتكەنشە جارىق توگىپ تۇرۋعا ءتيىس» دەگەندى ۇستاندى. ولار مەملەكەت، ۇلت، ءتىپتى، ادامزات تاعدىرىنىڭ سالماعىنا ارقا توسەدى. ادىلەتتىڭ اق جولىنان اۋىتقىماي، جالقىنى جالپىعا جەڭدىرىپ، وتاندى رياسىز ءسۇيىپ، ەرلىكپەن توڭكەرىس جاساپ، ايانباستان قۇرباندىق بەردى. ولار وسىنداي جاۋاپكەرشىلىكتى موينىنا جۇكتەلگەن پارىز دەپ ساناپ، ءومىردىڭ ءمانى وسىنداي قۇندىلىقتاردان كوز جازباۋدا دەپ ءبىلدى.
تولقىندى تولقىن قۋادى، تولقىننان تولقىن تۋادى. 95 جىلدان بەرى سەنىم كۇرەس وتىمەن سۋارىلىپ، قانشاما بۋىن كوممۋنيستەردىڭ ءمارمار ءىزى مەملەكەتتى قۇدىرەتتەندىرۋ جولىنداعى ىزدەنىستىڭ يدەولوگيالىق تاريحى مەن ۇلتتى كوركەيتۋ جولىنداعى كۇرەستىڭ رۋحاني تاريحىن قۇرادى. اقيقات پەن ادىلەت ءبىرىن - ءبىرى نۇرلاندىرىپ، وسىناۋ تاريحي كەزەڭنىڭ جۇلدىزىن جارقىراتىپ، جۇڭحۋا ۇلتىنىڭ اسپانىن ارايعا بولەپ تۇردى.(3) كوممۋنيستەردىڭ بارلىعى تۋمىسىنان ماركسشىل بولعان ەمەس. كوپ رەتتە سەنىم − تاڭداۋدىڭ ناتيجەسى. ولاردىڭ يدەولوگيالىق قاينارىنا كوز جىبەرسەك قانا، كوممۋنيستەردىڭ 95 جىلدان بەرگى تاڭداۋىن جۇرەكپەن ءتۇسىنىپ، ماركسيزمنىڭ نە ءۇشىن «اقيقات پەن ادىلەتتىڭ بيىك تۇرعىسىنا» كوتەرىلگەنىن تولىقتاي سەزىنە الامىز.
عاسىردان استام ۋاقىتتان بەرى، ماركسيزم قازىرگى دۇنيەدەگى وي اۋەندەرىنىڭ وزەكتى تاقىرىبى بولىپ كەلەدى. ماركس − دۇنيەنى ساياسيدىڭ، ەكونوميكانىڭ، عىلىمنىڭ جانە فيلوسوفيانىڭ بىرلىگى رەتىندە تانىعان تۇڭعىش ادام. «قازىرگى قوعامدىق ويدىڭ ۇستازى» رەتىندە ول تابيعات دۇنيەسىنىڭ، ادامزات قوعامىنىڭ، ادامزات ويىنىڭ امبەباپ دامۋ زاڭدارىن اشتى. ول − ادامزاتتىڭ پاراسات الەمىنىڭ زاڭعار شىڭى، ەكونوميكا سالاسى بويىنشا نوبەل سيلىعىنىڭ يەگەرى حيكس ايتقانداي، «تاريحتىڭ كادۋەلگى ۇدەرىسىنە كوز جەتكىزگىسى كەلەتىن ادامداردىڭ كوپشىلىگى ماركستىك كاتەگوريالار مەن وسى كاتەگوريالاردىڭ انتەك تۇزەتىلگەن نۇسقالارىن قولدانادى، ويتكەنى قولدانا قويارلىق وزگە كاتەگوريالار جوق دەرلىك».
ءبىلىمدى جاندارعا ماركس تەلەگەي تەڭىز وي قازىناسىن ۇسىندى؛ مۇراتتى جاندارعا ماركس كەڭ - بايتاق رۋحاني كەڭىستىك اشتى. حالىقتى ازاتتىققا شىعارۋعا جانە حالىقتىڭ مۇددەسىن قورعاۋعا تاباندى بولىپ، ادامنىڭ ەركىن ءارى جان - جاقتى دامۋى مەن كۇللى ادامزاتتىڭ ازاتتىعىن ىسكە اسىرۋدى وزىنە پارىز دەپ ءبىلۋى ماركستىك تەوريانىڭ قۇندىلىق نەگىزىن كورسەتتى. ماركستىڭ تاريحقا، ەكونوميكاعا، ساياسيعا سىندارى قاشاندا «ادامنىڭ ازاتتىعىن» ارقاۋ ەتتى، ءوزى دە وسى جولدا عۇمىر بويى كۇرەس جاسادى. ادامزاتتىڭ باقىتىن كوزدەگەن ەتيكالىق سەنىمنەن ادام تاعدىرى تۋرالى وبيەكتتىك ىزدەنىستەرگە، ادام مەن دۇنيەنىڭ قاتىسى تۋرالى جالپىلىق پايىمنان «ءاربىر ادامنىڭ جان - جاقتى ءارى ەركىن دامۋى» ماقساتىنا دەيىن، ماركسيزم ادام مەن ادامزاتتىڭ ترانستسەندەنتتىك قۇندىلىقتارعا ۇمتىلۋىنا داڭعىل جول اشتى.
كوممۋنيستەردىڭ وسى رۋحاني ۇستازى ءسوزىمىزدىڭ ايقىن دالەلى بولا الادى. ول باقۋاتتى وتباسىندا ءومىر ەسىگىن اشتى، 23 جاسىندا دوكتورلىق دارەجە قورعادى، 25 جاسىندا اقسۇيەك اۋلەتىنىڭ قىزىنا ۇيلەندى، «رەين گازەتىنە» باس رەداكتور بولدى. ءبىراق ول وسىنىڭ بارىنەن باس تارتىپ، «ادامزات ءۇشىن ايرىقشا ەڭبەك ەتەتىن ماماندىقتى» تاڭدادى، جۇمىس پەن توڭكەرىس ءۇشىن 40 جىل قانجىلىك بولىپ، كەدەيلىكپەن ءومىر وتكىزدى، ۇل - قىزى قىرشىن كەتتى، ءوزى 1883 - جىلى ناۋرىزدا جۇمىس ۇستەلىندە ماڭگى ۇيقىعا كەتتى. كەزىندە نەمىس فيلوسوفى كانت ادامزاتتىڭ ەڭ سۇراپىل مىنەزى − باسقاعا قىزمەت ەتۋ، ۇرپاق ءۇشىن جان قيۋ دەگەن ەكەن. ماركستىڭ عۇمىر ساپارى «ادام» تۋرالى انىقتامانى ىسكە اسىردى.
ادامزات وركەنيەتىنىڭ تاريحىندا ستسيەنتيزم مەن گۋمانيزم دەپ اتالاتىن 2 ۇلكەن وي اعىمىنىڭ قالىپتاسقانى بەلگىلى، بۇل ەكەۋى ادامزاتتىڭ اقيقات پەن ىزگىلىك، بولمىس پەن قاجەتتىلىك، قۇرالدىق اقىل مەن قۇندىلىقتى اقىل جونىندەگى ىزدەنىستەرىن ايگىلەيدى. ماركسيزم وسى ەكەۋىنىڭ اراسىنا التىن كوپىر سالىپ، عىلىمنىڭ اقيقاتتىعى مەن قۇننىڭ ترانستسەندەنتتىگىن كوممۋنيزم مۇراتى ارقىلى بىرلىككە كەلتىردى. وسى تۇرعىدان، باس شۋجي شي جينپيڭ: «ماركسيزم ءالى دە عىلمي يدەولوگيانىڭ ۇلى كۇشىن كورسەتىپ، اقيقات پەن ادىلەتتىڭ بيىك تۇعىرىنان تايماي كەلەدى»، - دەپ اتاپ كورسەتتى.
مىنە بۇل ماركسيزمنىڭ دۇنيەنىڭ شىعىسىندا وسىنشالىقتى كوپ مۇريتتەردى باۋراي الۋىنداعى ءتۇبىرلى سەبەپ.(4) بايىرعى جۇڭحۋا وركەنيەتى ءۇشىن ايتقاندا، ماركسيزمنىڭ تۇبەگەيلى ايىرماشىلىققا يە يدەولوگيالىق جۇيە ەكەندىگى ءشۇباسىز. جۇڭگولىقتار «كوممۋنيزمدى» العاش رەت جياڭنان وندىرىستىك ورنى باسىپ شىعارعان «ەكى ەلدىڭ جۋىقتاعى ىستەرى تۋرالى جيناقتان» ەستىپ ءبىلدى. جۇڭگولىقتارعا بەيتانىس وسى ۇعىم نە ءۇشىن سونان كەيىنگى عاسىردان استام ۋاقىتتا جۇڭگونىڭ دامۋىنا سارقىلماس نازاريالىق قولداۋ مەن رۋحاني تىرەك ازىرلەپ، سانسىز ادامنىڭ سەنىمىنە ىرگە تاس بولىپ قالانا الدى؟
حانزۋ تىلىندە العاش جارىق كورگەن «كوممۋنيستىك پارتيانىڭ جارناماسى» ماركسيزم مەن جۇڭگونىڭ تەرەڭ رۋحاني ۇندەستىگىن دالەلدەدى. 1926 - جىلى مۇقاباسىنا «共产党宣言» دەپ قاتە باسىلعان كىتاپ تەز ارادا شاندۇڭ ولكەسى گۋاڭراۋ اۋدانى ليۋجي قىستاعى پارتيا ياچەيكاسىنىڭ ۇيرەنۋ ماتەريالىنا اينالعان، ول كەزىندە گومينداڭ پارتياسىنىڭ ءتىنتۋى، جاپون قۋىرشاق ارمياسىنىڭ «الاستاۋى» سەبەبىنەن ورتەلگەن، استىق قامباسى مەن قۇس ۇياسىنا جاسىرىلعان. الايدا ءدال سول «قابا ساقال» ليۋجي قىستاعىن توڭكەرىستىك قامالعا اينالدىرىپ، 190 ادامدى توڭكەرىس جولىنا باستاعان، بۇل ارادا سەنىمدى نەگىزى بار قاھارماننىڭ وزىنەن 28ىن اتاپ كورسەتۋگە بولادى. وسى ءبىر «بۇرىن ەستىپ كورمەگەن» قاعيدالار جۇڭگولىقتاردىڭ رۋحاني الەمىنە جاڭا ءورىس اشتىرىپ، ادامدارعا توڭكەرىس جولىن نۇسقاپ، ازاتتىق دەيتىن ارمان، ەركىندىك دەيتىن كۇش بار ەكەنىن كورسەتتى.
ۇلى وي قاشاندا ءداۋىردىڭ تەرەڭ قويناۋىندا جاتقان جۇرەك سىرلارىن شەرتە الادى، ول قاشاندا ادامزاتتىڭ ماڭگىلىك تاريحىنا ءتان. «تاپتىق كۇرەس»، «پرولەتاريات تابى»، «سوتسياليزم» سياقتى ۇعىمدار سول كەزدەگى جۇڭگونىڭ قانىنا ءسىڭدى؛ ادامزاتتىڭ ازاتتىعى ءۇشىن كۇرەسۋ ارمانى ۇزاق ۋاقىتتار بويى قايتا كوتەرىلۋدى اڭساعان رۋحپەن توعىسىپ جاتتى. سوناۋ باتىستان كەلگەن وسى ءبىر وت ۇشقىنى جۇڭگونىڭ بايتاق دالاسىندا مازداي ءتۇستى. 95 جىلدىڭ الدىنداعى شىلدە ايىن باستاما ەتىپ، ءار ۇرپاق كوممۋنيستەرى سەنىمنىڭ اساۋ تولقىنىنا ءمىنىپ، قاجىماي - تالماي كۇرەسەتىن، قۇربان بەرۋدەن قورىقپايتىن، زاماندى وزگەرتۋگە باتىلدىق ەتە الاتىن اسقاق رۋحتارىمەن جۇڭگونى 100 جىلدىقتىڭ ورىندە قاسقايا العا جەتەلەدى.
توڭكەرىستىك شايقاستاعى قارشا بوراعان وق الدىندا ولار تولارساقتان قان كەشىپ، ءولىمدى ەلەڭ عۇرلى كورمەدى؛ قۇرىلىس جۇرگىزۋ جىلدارىنداعى قيىنشىلىق جاعدايدا ولار تاسقىنداعان رۋحپەن قالتقىسىز ۇلەس قوستى؛ «مادەنيەت زور توڭكەرىسى» كەزىندەگى 10 جىلدىق الاساپىراندا ولار سەنىمدى سەرىك ەتىپ، ەڭسەلەرىن تۇسىرمەدى؛ رەفورما جاساۋ، ەسىك اشۋدىڭ ءزىل - پاتپان مىندەتتەرى الدىندا ولار قيىنشىلىقتان قورىقپاي، اۋىر مىندەتتەردى باتىلدىقپەن ارقالادى. سان - ساناقسىز قاھارمان ۇل - قىزدار سەنىمنىڭ ۇلى تۋى استىندا ۇدەرە العا تارتىپ، جان بەرۋدەن ايانبادى؛ سان - ساناقسىز ارداگەرلەر اقيقاتتىڭ ۇلى تۋى استىنا توپتاسىپ، شىندىقتى ءىس جۇزىنەن ىزدەي وتىرىپ شارا قاراستىرىپ، زەيىن - زەردەسىن سارقا جۇمساپ ءىس تىندىردى، ولار ۇلتتىڭ ەڭسەسىن كوتەرىپ، جىرعا قوسارلىق ۇلى داستان جازدى.
كىسى باسىندىق حالىقتىق كىرىسى نەبارى 27 دوللاردان ەكونوميكالىق جالپى مولشەرى 10 تريلليون دوللارعا جەتىپ، دۇنيە ءجۇزى بويىنشا 2 - ۇلكەن ەكونوميكالىق تۇلعاعا اينالدى؛ 40 ميلليوننان استام ادامنىڭ قارنىن تويعىزا الماۋدان 600 ميلليوننان استام ادامدى كەدەيلىكتەن قۇتىلدىرۋعا دەيىن دۇنيە ءجۇزىنىڭ كەدەيلەر سانىن ازايتۋعا %70تەن استام ۇلەس قوستى؛ تاقىر كەدەي ەلدەن دۇنيە ءجۇزى بويىنشا ەڭ ۇلكەن ساۋدا ەلىنە، دۇنيە ءجۇزى بويىنشا سىرتقى پەرەۆات قورى ەڭ مول ەلگە اينالدى؛ شەگە، سىرىڭكە دە وندىرە المايتىن ەل يادرو بومبىسىن، اتوم بومبىسىن جاساپ، جاساندى سەرىك ۇشىرا الدى، «چاڭ - ى جاساندى سەرىگى» اي شارىنا ءۇشىپ، «جياۋلۇڭ» تەڭىزدىڭ تەرەڭ تۇبىنە سۇڭگىدى... «كوممۋنيستىك پارتيا الدەقانداي كوزبايلاۋشىلىق ىستەگەن جوق، ولار تەك حالىقتىڭ اڭساعان ارمانىن عانا ويلادى» ءارى وزدەرىنىڭ ەرىك - جىگەرى ارقىلى ادام سەنگىسىز كۇش - قۋاتتى وياتتى، 1946 - جىلى باسپادان شىققان «جۇڭگو نايزاعايى» كىتابىندا ايتىلعان ا ق ش ءتىلشىسى تەودور گارولد ۋايت پەن اننالي جاسوبيدىڭ قورىتىندىسى بۇگىنگى كۇنى تاعى ءبىر رەت دالەلدەندى.
قازىرگە دەيىن ەشقانداي نازاريا ءدال ماركسيزمدەي نەشە ميلليارد حالىقتى ءوزىنىڭ تاعدىرىن وزگەرتۋ جولىندا كۇرەسۋگە شابىتتاندىرىپ، ادامزات قوعامىن ۇلى قوعامدىق ارمانعا ۇزبەي قۇلشىنۋعا جەتەكشىلىك ەتە العان جوق. جاڭ شۋەلياڭ قارتايعان شاعىندا سول جىلدارى قىزىل ارميامەن سوعىسقان كەزدەردى ەسىنە الىپ، ءوز - وزىنە مىناداي سۇراقتار قويعان: «قورشاۋدا اش - جالاڭاش قالعان قوسىندى كىم قۇتقارىپ شىعا الادى؟ ونىمەن قويماي تاسقىنداعان رۋح پەن قايىسپاس جاۋىنگەرلىك ىنتانى قالايشا ءباز - باياعىسىنداي ساقتاي الادى؟». 67 جىلدىڭ الدىندا سىتۋ لەيدىڭ گومينداڭنىڭ جەڭىلۋ سەبەبىن قورىتىندىلاعاندا: «كوممۋنيستىك پارتيانىڭ جەڭىسكە جەتە الۋىنىڭ باستى سەبەبى، ونىڭ مۇشەلەرىنىڭ كوممۋنيزم ىستەرىنە ءوزىن قالتقىسىز ارناعاندىعىنان»، - دەگەن بولاتىن. 2012 - جىلى پارتيا 18- قۇرىلتايىنىڭ بايانداماسىندا بىلاي دەپ اتاپ كورسەتىلگەن: «ماركسيزم جونىندەگى سەنىم، سوتسياليزم مەن كوممۋنيزم جونىندەگى سەنىم − كوممۋنيستەردىڭ ساياسي رۋحى، كوممۋنيستەردىڭ ءارقانداي سىناقتان وتە الۋىنداعى رۋحاني تىرەك».
50 نەشە مۇشەسى بار شاعىن پارتيادان دۇنيە ءجۇزى بويىنشا 78 ميلليون مۇشەسى بار بيلىك باسىنداعى ەڭ ۇلكەن پارتياعا اينالىپ، كەدەي، مەشەۋ ەلدەن سوتسياليستىك قۇدىرەتتى ەل قۇرۋعا قادام تاستاۋىنىڭ ءوزى ماركسيزم جونىندەگى سەنىمنىڭ ارقاسى، ول جاڭا سوتسياليستىك امالياتتى، جاڭا ساياسي ءتۇزىمدى، جاڭا دامۋ جولىن تۋىنداتىپ، بيلىكتى پارتيانىڭ تولىسۋىن ءبىر مەملەكەتتىڭ قايتا گۇلدەنۋىمەن توعىستىرىپ، اۋمالى - توكپەلى 100 جىلدىق تاريحقا وشپەستەي حيكىمەتتەر قالدىردى. (5) باس شۋجي شي جينپيڭ بىلاي دەپ اتاپ كورسەتتى: «بيلىك باسىنداعى پارتيا بەينە ادام سياقتى، سان وزگەرىستى باستان كەشىرسە دە ادال نيەتىنەن اينىماعاندىعى ارداقتاۋعا تاتيدى». 95 جىلدى ارتقا تاستاپ، ءداۋىردىڭ نە قيلى وزگەرىستەرىن باسىنان كەشىرسە دە ىزگى نيەتتەن بۇلجىماۋ كىمدە - كىمنىڭ قولىنان كەلە بەرمەيدى.
سوعىس وتى جالماپ، قانى سۋداي شاشىلعان زامانمەن سالىستىرعاندا، قازىر ءولىم مەن ءومىردىڭ سىناعى ازايىپ، وت پەن سۋ كەشپەيتىن بولدىق، ونىڭ ورنىنا رەفورما قويناۋىنداعى «تولعاقتى تۇيىندەر» مەن بۇرىلىس جاساۋ كەزەڭىندەگى «ەكى ۇلكەن ۋايىم» كوبەيدى. قۇرىلىس جۇرگىزۋ جىلدارىنداعى تاسقىنداعان رۋح پەن قاجىرلى، قاراپايىم قاسيەتكە سالىستىرعاندا، قازىر توماعا تۇيىقتىق پەن وقشاۋلانعان مۇشكىل حال، جەتىسپەۋشىلىك پەن كەدەيلىك تاقسىرەتى ازايىپ، تۇرلىشە مۇددەلەردىڭ شيەلەنىسۋى، تۇرلىشە كوزقاراستاردىڭ ايقاسۋى سىندى جايتتەر كوبەيدى. اۋەلى، 30 نەشە جىلدىڭ الدىمەن سالىستىرعاندا، ءبىز ءالى دە ءتىپتى كوپ ايعاي - سۇرەنگە، ءتىپتى دە كۇردەلى الەمدىك تىلدىك قورشامعا ءدوپ كەلۋدەمىز. كوممۋنيستەر وتەتىن «سىناق» ءالى دە اقىرلاسقان جوق.
كەيبىرەۋلەر ماركسيزمدى تولىق تۇسىنە الماي، كوممۋنيزمدى «قيسىنسىز قيال» دەپ مۇراتى مەن باعدارىنان ايرىلدى، سەنىمى مەن بورىشىن ۇمىتتى. كەيبىرەۋلەر پراكماتيزمدى (قولدانىمپازدىق) ارداق تۇتىپ، «ءساتى كەلسە سايرانداپ قالۋعا» قۇمارتىپ، ۇقىقتى جەكە مۇددەنى كوزدەۋدىڭ قۇرالىنا اينالدىرىپ، ءوز تىلەگىن تىرشىلىكتىڭ نىساناسى ەتتى. ال كەيبىرەۋلەردىڭ حالىق بۇقاراسىنا ماحاببات، سۇيىسپەنشىلىگى سۋىپ، ولار ەل - جۇرتتى كوزىنە ىلمەۋگە داعدىلانىپ، بالىق پەن سۋدىڭ قاتىناسىن ەستەن شىعارىپ، قىل وتپەس قاتىناستىڭ اراسىنا سىزات ءتۇسىردى. جەمقور ۇلىقتاردىڭ وپىق جەۋ ەستەمەلەرىن پاراقتاساق، ۇقىق، بايلىق، سىلقىمداردىڭ ازعىرىپ - ارباۋىندا سەنىمىنىڭ قامالى قالاي كۇيرەگەنىن، رۋحاني تۋىنىڭ قالاي ءتۇسى وزگەرگەنىن ءتۇسىنىپ جەتە الامىز.
سەنىم كەزىندە «ەسكى دۇنيەنى تاس - تالقان ەتكەن» توڭكەرىس داۋىرىندە ايگىلەنسە، «جاڭا دۇنيەنى جاراتۋدىڭ» قۇرىلىس ساتىندە جارىق شاشسا، «دۇنيە ءجۇزىن قۋىپ جەتۋدىڭ» رەفورما داۋىرىندە شارق ۇرسا، ال بۇگىندە كوممۋنيستەر سەنىمدى جاپپاي دوڭگەلەك داۋلەتتى قوعام قۇرۋ، ۇلى گۇلدەنۋ جولىندا ءتىپتى دە ورنەكتەي ءتۇسۋ كەرەك.
ءدال وسىلاي بولعاندىقتان، پارتيا 18 - قۇرىلتايىنان بەرى، باس شۋجي شي جينپيڭ مۇرات - سەنىمدى قايتا - قايتا دارىپتەپ، مۇرات - سەنىمدى كوممۋنيستەردىڭ «كالتسيىنە»، ءومىر كوزقاراسىن، دۇنيە كوزقاراسىن، قۇن كوزقاراسىن كوممۋنيستەردىڭ «باس تەتىگىنە»، ماركسيزم، سوتسياليزم، كوممۋنيزم جونىندەگى سەنىمدى كوممۋنيستەردىڭ «ساياسي جان دۇنيەسىنە»، «رۋحاني تىرەگىنە» بالاپ، تۇتاس پارتياعا جاڭا ءداۋىر شارت - جاعدايىندا كوممۋنيستەر تەك ماركسيزمگە ادال بولىپ، ودان اينىماي، وعان جان - تانىمەن سەنگەندە عانا، «كوممۋنيستەردىڭ قايتپاس، قاجىماس ەرىك - جىگەرىن سومداۋعا، مۇرات - سەنىمنەن جازبايتىن الىنباس قامال سوعۋعا» بولاتىندىعىن ەسكەرتتى.
ءدال وسىلاي بولعاندىقتان، پارتيانىڭ 18 - قۇرىلتايىنان بەرى، ءبىز تولاستاماعان يدەيالىق تاربيە ارقىلى «ءتورت ءتۇرلى بۇرىس ستيلگە» قارسى تۇرىپ، ستيلدى جاقسارتىپ، قاعيدانى بەرىكتەپ، ءتارتىپتى قاتايتىپ، پارتيا مەن حالىق اراسىنداعى «كومەسكى قورعاندى» تالقاندادىق؛ جەمقورلاردى قاتال جازالاپ، جولبارىستى سوعىپ، شىبىندى قاعۋدا «قورۋلى رايون» قالدىرماي، «كوممۋنيستەر جەمقورلىقپەن مۇلدە وتاسا المايدى» دەگەن بەكىمدى ايگىلەدىك؛ پاك، تارتىپشەڭ بولۋ ولشەمى، پارتيا ءتارتىبى جازاسى ەرەجەسى سياقتى پارتيا ىشىندەگى زاڭ - بەلگىلەمەلەرگە وزگەرىس ەنگىزىپ، پارتيانى ءتۇزىم ارقىلى جونگە سالۋدىڭ تەمىر قاپاسىن بەكەمدەدىك ... ... پارتيانى جاپپاي قاتاڭ جونگە سالۋ جۇرەكتەردى توعىستىرىپ، كۇشتەردى ۇيىستىرىپ، تۋراشىلدىقتى جاقتاپ، سۇرقيالىقتى الاستاپ، پارتيانىڭ كوڭىلىن سەرپىلتىپ قالماستان، ونان دا ماڭىزدىسى، حالىقتىڭ قولداۋ - قولداماۋىن بايقادى.
ءدال وسىلاي بولعاندىقتان، پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى «حالىق» سىندى وزەكتى قۇننان تاپجىلماي، جاڭا كوزقاراس، جاڭا يدەيا، جاڭا ستراتەگيا ارقىلى ەل باسقارۋدىڭ سونى ءورىسىن اشتى. «بەستى ءبىر تۇلعالاندىرۋ»، «ءتورتتى جاپپاي ورىنداۋ»، جاڭا دامۋ كوزقاراسىنان تارتىپ، رەفورمانى تەرەڭدەتۋ، دەڭگەيدى ءوسىرۋ، جاڭالىق جاساۋ، كەدەيلىكتەن قۇتىلدىرۋدان قامال الۋعا دەيىن، دامۋ جولى جونىندە تالعام دا، دامۋ قۇنى جونىندە بەكەمدىك تە بولدى، ماركستىك اقيقات تۋرالى وي - تولعامدى قامتۋمەن بىرگە، ماركستىك ادامگەرشىلىك تۋرالى تالپىنىستى ايگىلەدى، ەل - جۇرتتى ەلەڭ ەتكىزەتىن «جۇڭگو كەرەمەتىن» جاراتۋمەن بىرگە، ادام جۇرەگىنە شۋاق شاشاتىن «جۇڭگو حيكايالارىن» جازۋعا دا قۇلشىندى.
1925 - جىلى «جۇڭگو جاستار عىلمي قوعامىن» وزگەرتىپ قۇرۋ كوميسسياسىنىڭ ۇسىنىس - پىكىر الۋ جونىندەگى تەكسەرۋ كەستەسىن تولتىرعاندا ماۋ زىدۇڭ «مەن كوممۋنيزمگە سەنەمىن، پرولەتارياتتىڭ قوعامدىق توڭكەرىسىن قۋاتتايمىن» دەپ جازدى. ءبىر ءداۋىر ادامدارىنىڭ ءبىر داۋىرلىك بورىشى بولادى. 21 - عاسىردىڭ بۇگىنگى كۇنىندە 95 جىلدى باستان وتكەرگەن جۇڭگو كوممۋنيستىك پارتياسى «باسىم كوپ ساندى ادامدار ءۇشىن كۇرەسۋ» سەنىمىنەن جازباي، «حالىق ءۇشىن ىستەۋ» باستى ماقساتىن بەكەمدەگەندە عانا، حالىق بۇقاراسىنىڭ سەنىمى مەن قولداۋىنا يە بولىپ، جۇڭگو قوعامىنىڭ دامىپ العا باسۋىنىڭ ۇيتقى كۇشىنە اينالا الادى. (6) ءاربىر ەل مەن ۇلتتىڭ، ءاربىر تاريحي كەزەڭنىڭ ءبارىنىڭ وزىندىك رۋحاني جەتەكشىسى بولادى. ءبىر عاسىرعا جۋىق ۋاقىت وتە شىقتى، سەنىم جونىندەگى ادامدى تەبىرەنتەتىن اڭگىمەلەردى، سەنىمنىڭ شۇعىلا شاشقان ىزدەرىن ۇزدىكسىز العا تارتا بەرۋدىڭ رۋحاني قاينارىنا قالاي اينالدىرۋ كەرەك؟
جۇڭگونىڭ وسى زامانعى دامۋ تاسىلىنە بۇرىلىس جاساۋعا ساي، ءبىر ۇلتتىڭ رۋحاني دۇنيەسىندە دە بۇرىلىس بولادى. بۇگىنگى جۇڭگودا مۇددەنىڭ ورىندىلىعى «كورگەنسىزدىك بولۋدان» قالعان. ءبىز «مۇددەنى اۋىزعا الۋدان نامىستاناتىن» ءداۋىردى ارتقا تاستاپ، مۇددەنى دارىپتەيتىن، مۇددەنى قورعايتىن بولدىق، بۇل ءداۋىردىڭ العا باسقانىنىڭ بەلگىسى. ايتسە دە ءبىزدىڭ داۋىرىمىزدە دە ادامدى الاڭداتاتىنداي اعاتتىقتاردىڭ تۋىلىپ وتىرعانى، كەيبىرەۋلەردىڭ نازارىندا زاتتىق مۇددەنىڭ بىردەن - ءبىر «قۇنعا» اينالعانى، رۋحاني ارماننىڭ ءبىر جولاتا تاستاندى ەتىلگەنى ءشۇباسىز. سونىمەن جاۋاپكەرشىلىك السىرەدى، ءمورال دا اداستى، رۋحتىڭ ازعىنداۋىنا دا رۇقسات ەتىلدى. كۇللى الەمگە نازار سالساق، بۇل الەمدىك ءتۇس الاتىن ءبىر ءتۇرلى «وسى زامانعى اۋرۋ»، بولاشاقناماشى توفلەر «3 - رەتكى تولقىن» دەگەن كىتابىندا: ەشقاشان وسىنداي كوپ ەلدىڭ حالقى رۋحاني جاقتا مۇنداي جۇتاڭدىق تارتقان جانە كۇيزەلگەن ەمەس، - دەدى.
وسىنداي ساتتە پارتيامىزدىڭ 100 جىلعا تاياۋ ۋاقىتتان بەرى سەنىم ءۇشىن كۇرەسكەن شۇعىلالى تاريحىنا كوز جىبەرۋىمىزدىڭ رەال ماڭىزى بار. نەشە ۇرپاق كوممۋنيستەر اقيقات پەن ادامگەرشىلىك جولىندا قاجىماي - تالماي كۇرەسىپ، مەملەكەت پەن ۇلتقا دەگەن جاۋاپكەرشىلىكپەن «ەكى اتويشى قوسىن» بولۋمەن قاتار، جۇڭگو ءۇشىن وسكەلەڭ رۋحاني دۇنيەنى دە ورناتتى. بۇل ماركسيزمنىڭ بىزگە قالدىرعان رۋحاني بايلىعى، بىرنەشە ۇرپاق كوممۋنيستەر توپتاعان رۋحاني گەن. جەكە مەن وزىمشىلدىكتى قايىرىپ تاستاپ، تۇتاس ادامزات ءۇشىن قۇلشىناتىن مۇنداي ارمان مەن سۇيىسپەنشىلىك كۇنى بۇگىنگە دەيىن قۇرمەتتەلىپ كەلەدى.
وسىنداي سەنىمنەن ءنار الايىق. وسىنداي سەنىمدى يگەرگەندە عانا، 95 جىلدان بەرى نەلىكتەن سونشا كوپ ادامنىڭ ماركسيزم تۋىنىڭ استىنا جينالىپ، الەمگە جەكە باسىن تانىتۋدى، جەكە مۇددەسىن كوزدەمەي، مۇرات پەن سەنىم ءۇشن باسىن ءباي تىككەنىن تۇسىنە الامىز. ولاردىڭ كەيبىرەۋى بايلىقتارىنان، كەيبىرەۋى وزىنە بالا كۇنىنەن تانىس تاپتان بەزدى، بولاشاق جولى سارا بولاتىندار دا قيىندىقتارعا بەتتەدى، باردامشىلىق تۇرمىس كەشىرىپ جاتقاندار دا ولىمنەن تايىنباي كۇرەستى. يۇيحۋاتايعا جەرلەنگەن قۇربانداردىڭ %74ى جوعارى وقۋ ماعلۇماتىنا يە؛ جازىدۇڭدا قارا جەر قۇشاعىندا جاتقان ارۋاقتاردىڭ %70ى اۋقاتتى وتباسىنىڭ ۇرپاعى. سەنىم، ارمان ءۇشىن قۇرباندىق بەرگەن وسى جاندار ءداۋىردىڭ اسقاق جىرىن جازدى، ۇلت رۋحىن سومدادى، سان ميلليونداعان ادامعا باتىر رۋحىن سەزىندىردى.
وسىنداي سەنىمنەن باعدار تابايىق. وسىنداي سەنىمدى يگەرگەندە عانا، 95 جىلدان بەرى نەلىكتەن سونشا كوپ ادامنىڭ ۇرپاقتان - ۇرپاققا مۇرا ەتىپ، ولىمنەن قورىقپاي، كوپتىڭ قامىن جەپ، ءوز مۇددەسىن ەسكە الماعانىن، مەملەكەت پەن ۇلتتىڭ مۇددەسىن اناعۇرلىم جوعارى دەڭگەيگە كوتەرگەنىن تۇسىنە الامىز. جياۋ يۇيلۋ جانىنا باتقان اۋرۋ ازابىن ەلەمەستەن تاباندىلىقپەن قىزمەت ىستەدى؛ شىن حاۋ شياۋگاڭ قىستاعىندا تامىر تارتىپ، قاتتى قالجىراعاندىقتان قىزمەت ورنىندا و دۇنيەگە اتتاندى؛ ياڭ شانجوۋ زەينەتكە شىققاننان كەيىن دە دەمالىپ جاتپاي، تاقىر تاۋدى قوس قولىنا سۇيەنىپ جاسىلداندىردى... وسى داۋىرلىك اتويشىلار ماڭگى ەستەن كەتپەيدى، بۇعان ولاردىڭ ۇقىعى نەمەسە بايلىعى ەمەس، قايتا ولاردىڭ ادامگەرشىلىگى سەبەپ بولعان. ەڭبەگىمىزگە تاۋ مەن تاس كۋا، جۇرت قالاۋىنان شىقساق بولعانى. مىنە بۇل، كوممۋنيستەردىڭ ءمورالدىق تانىمى، سونداي - اق ءبىر كوللەكتيۆتىڭ رۋحاني مۇراسى.
وسىنداي سەنىمنەن كۇش - قۋات الايىق. وسىنداي سەنىمدى يگەرگەندە عانا، نەلىكتەن 95 جىلدان بەرى وسىنشاما كوپ ادامنىڭ پارتيامىزدىڭ توڭىرەگىنە تىعىز ىنتىماقتاسىپ، تاعدىرلاس بولىپ، اشتى - تۇشتىنى بىرگە تاتىپ، «جۇڭگو حيكىمەتىن» بىرگە جازعانىن بىلە الامىز. ديقانداردىڭ قول ارباسى حۋايحاي شايقاسىنىڭ جەڭىسىنە قول جەتكىزۋدى ىلگەرىلەتتى؛ لينشيان اۋدانىنداعى اۋىلداستار قۇز - قياننان قىزىلتۋ توعانىن قازدى؛ سان مىڭداعان ەڭبەكشىلەر قايراتتانا ۇمتىلىپ، مەملەكەتتىڭ بولاشاعىن جاراتتى. بۇل رۋحتىڭ وراسان زور ىقپالى، حالىق رەسپۋبليكاسىن قۇرۋ مۇراتى، جۇڭگو ارمانىن جۇزەگە اسىرۋدىڭ ۇندەۋى. ول جۇرتقا ءتىپتى دە كەڭ ءورىستى، ءتىپتى دە كەڭ دۇنيەنى كورسەتىپ، مەملەكەتتىڭ، ۇلتتىڭ، ءداۋىردىڭ رۋحاني سۋرەتىن سالدى.
«تاس بولعان جەردە قىزىل وت قىسىرامايدى». ماركسيزمگە، كوممۋنيستەردىڭ سەنىمىنە نازار سالار بولساق، ماتەريالدان سىرت، مۇددەدەن ۇستەم تۇراتىن جەكەنىڭ جاۋاپكەرشىلىگى دە، مۇراتتىڭ قۇنى دا، ءومىردىڭ ارقالايتىن جۇگى دە بولاتىندىعىن بايقايمىز. (7) تاريحقا قايىرىلا قارار بولساق، ۇلى ناتيجەلەرگە قول جەتكىزۋمەن بىرگە، قيىنشىلىقتاردى دا باستان وتكىزدىك.
بەلگىلى تاريح عالىمى «ۇزاق مەزگىل»، «ورتا مەزگىل» جانە «قىسقا مەزگىل» سىندى ءۇش تاريحي مەزگىلدى ورتاعا قويىپ، ونى جەكە - جەكە تاريحتاعى «قۇرىلىممەن»، «جاعدايمەن» جانە «وقيعامەن» سايكەستىردى. مۇندا «وقيعا» «شاڭ - توزاڭ» عانا، ال «قۇرىلىم» عانا تاريحتا شەشۋشى رول اتقاراتىن فاكتور.
95 جىلدىق ۇزاق ساپاردا كوممۋنيستەر كوممۋنيزم مۇراتىنان جازباي، ماركسيزمگە تاباندى بولىپ جانە ونى دامىتىپ، جۇڭگو تاريحىنا جاڭا «قۇرىلىمدى» جاسادى. مۇنداي «قۇرىلىم» نەگىزگى ءتۇزىم جۇيەسى ءارى ءتۇپ يدەيالىق جۇيە، سەنىمنىڭ نۇر - شۇعىلاسى.
95 جىلدان بەرى قۇرىلعان كەزدە نەبارى نەشە ونداعان مۇشەسى عانا بار پارتيا 87 ميلليوننان استام پارتيا مۇشەسى بار، دۇنيە ءجۇزى بويىنشا ەڭ ءىرى بيلىك باسىنداعى پارتياعا اينالدى؛ وسى توز - توزى شىققان، كەدەي، ءالسىز مەملەكەت توقىراۋلى كۇيدەن گۇلدەنۋگە بەت الىپ، دۇنيە ۇلتتارى اراسىندا ەڭسە كوتەردى.
قازىر جۇڭحۋا ۇلتىنىڭ ۇلى گۇلدەنۋى نىساناسىن ورىنداۋعا بۇرىنعىدان دا جاقىنداي تۇستىك. وسى ەلدەگى، وسى بايتاق دالاداعى حالىق سەنىمنىڭ نۇر - شۇعىلاسى مەن كۇش - قۋاتىنا ءارقانداي مەزگىلدەن دە ءزارۋ بولىپ وتىر. بۇكىل جۇرت بولىپ باسەكەگە جەلكەن جايدىق. قىزمەتىمىز ادامزات تاريحىنا جازىلدى. قىزمەتىمىزدىڭ ادامزات بولاشاعىن ۇزبەي وزگەرتەتىنى داۋسىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
