جۇڭگو – قازاقستان - قىرعىزستان اراسىندا العاش رەت شەكارا اتتاپ اۆتوكولىكپەن ساياحاتتاۋ ۇيىرمەسى ساپارىن ءساتتى اياقتاتتى

2016.07.01 14:04   كەلۋ قاينارى : حالىق تورابى

　　حالىق تورابى، 1 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، جۋىردا جۇڭگو – قازاقستان – قىرعىزستان اراسىندا شەكارا اتتاپ اۆتوكولىكپەن ساياحاتتاۋ ۇيىرمەسىنىڭ ەڭ سوڭعى اۆتوكولىگى تورعات وتكەلىنەن ءوتتى، 2016 – جىلعى «ءتاڭىرتاۋ دالىزىنەن كەسىپ ءوتىپ، الەمدىك مۇرالاردىڭ سىرىنا بويلاۋ» جۇڭگو – قازاقستان –قىرعىزستان اراسىندا العاش رەت شەكارا اتتاپ اۆتوكولىكپەن ساياحاتتاۋ ۇيىرمەسى ساپارىن ءساتتى اياقتاتتى. 30 نەشە ساياحاتشىدان قۇرام تاپقان ۇيىرمە 8 اۆتولىكپەن ساپارعا شىعىپ، 9 كۇندە وسى رەتكى ساپاردى اياقتاتتى.

　　ۇعىسۋعا قاراعاندا، شينجياڭ اۆتوكولىكپەن ساياحاتتاۋ بىرلەستىگى ۇيىمداستىرعان «ءتاڭىرتاۋ ءدالىزىن كەسىپ ءوتىپ، الەمدىك مۇرالاردىڭ سىرىنا بويلاۋ» اتتى جۇڭگو – قازاقستان – قىرعىزستان اراسىندا اۆتوكولىكپەن ساياحاتتاۋ ۇيىرمەسى 20 – ماۋسىمدا ۇرىمجىدەن جولعا شىققان بولاتىن. العاش رەت جولعا شىققان ۇيىرمە 21 – ماۋسىمدا ىلە وبلىسى قورعاس وتكەلى ارقىلى قازاقستاننىڭ الماتى وبلىسىنا جەتتى؛ 24 – ماۋسىمدا قىرعىزستان شەكاراسىنا كىرىپ، استاناسى بيشكەك قالاسىنا جەتتى؛ قىرعىزستاندا ىستىقكول، نارىن قاتارلى جەرلەردى باسىپ وتكەننەن كەيىن، 28 – ماۋسىمدا جۇڭگو – قىرعىزستان تورعات وتكەلى ارقىلى جۇڭگوعا ءوتىپ، ساپارلارىن ءساتتى اياقتاتتى.

　　كەلۋ قاينارى: حالىق تورابى