بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايونىمىزدان شىققان مەملەكەتتىك وزات نەگىزگى ساتى پارتيا ۇيىمدارىنىڭ، تاڭداۋلى كوممۋنيستەردىڭ، تاڭداۋلى پارتيا ىستەرى قىزمەتكەرلەرىنىڭ ۋاكىلدەرى داڭقپەن ورالدى

2016.07.04 15:56     كەلۋ قاينارى : شينجياڭ گازەتى

  1 - شىلدەدە وتكىزىلگەن جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا شينجياڭنان 7 كوللەكتيۆ جانە 8 جولداس ورتالىقتىڭ ماداقتاۋىنا يە بولىپ، جەكە - جەكە مەملەكەتتىك وزات نەگىزگى ساتى پارتيا ۇيىمى جانە مەملەكەتتىك تاڭداۋلى كوممۋنيست، تاڭداۋلى پارتيا ىستەرى قىزمەتكەرى دەگەن داڭقتى اتاققا يە بولدى. 2 - شىلدە تۇستەن كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان داڭقپەن ورالعان وزاتتاردىڭ ۋاكىلدەرىمەن ۇرىمجىدە كەزدەستى.

  بەيجيڭنەن شينجياڭعا ەندى عانا ورالعان كوپشىلىك ەرەكشە تەبىرەنىستى كوڭىل كۇيدە ەكەن. جاڭ چۇنشيان ولارمەن ءبىر - بىرلەپ قول الىسىپ، پارتيا قۇرىلعاندىعىنىڭ 95 جىلدىعىن قۇتتىقتاۋ جينالىسىنا قاتىناسىپ، باس شۋجي شي جينپيڭنىڭ ماڭىزدى ءسوزىن ەت قۇلاقتارىمەن ەستىپ، ورتالىقتىڭ ماراپاتىنا يە بولعاننان كەيىنگى اسەرى تۋرالى اڭگىمەلەستى. ولار − شينجياڭداعى كاسىپورىن، اۋىل - قىستاق، مەكتەپ، شيپاحانا، ءمالى باسقارماسى، الەۋمەتتىك اۋماق، قوعام حاۋىپسىزدىگى تاراۋى، پولك - الاڭ سياقتى ءار شەپتىڭ كورنەكتى ۋاكىلى.

  جاڭ چۇنشيان كوپشىلىكپەن قورالانا بىرگە وتىرىپ، ولاردىڭ سوزىنە قۇلاق ءتۇردى.

  «بۇكىل ەلىمىزدەگى 88 ميلليوننان استام پارتيا مۇشەسىنىڭ، بۇكىل شينجياڭداعى ءبىر ميلليون 400 مىڭنان استام پارتيا مۇشەسىنىڭ اراسىنان وزات بولىپ سايلانعانىمدى ەرەكشە داڭق، وزگەشە ابىروي دەپ بىلەمىن». ءبىرىنشى بولىپ ءسوز كەزەگىن العان مەملەكەتتىك تاڭداۋلى كوممۋنيست روزىمامەت باقى شينجياڭ مۇناي الابى سەرىكتەستىگىندەگى نەگىزگى ساتىدا ەسەيىپ - ەرجەتكەن تەحنيكالىق مامان. ول: ەسەيىپ - ەرجەتۋىمدى، اتا مەكەنىمدەگى وزگەرىستەردى پارتيانىڭ كوڭىل ءبولۋىنىڭ، قولداۋىنىڭ ارقاسى دەپ بىلەمىن، تەك دۇرىس جول تاڭداپ، پارتياعا نىق سەنىممەن ىلەسسە بولعانى، ءارقانداي ادام ءوزىنىڭ ادامدىق قۇنىن جۇزەگە اسىرا الادى، - دەدى.

  مەملەكەتتىك وزات نەگىزگى ساتى پارتيا ۇيىمى − اقسۋ قالالىق قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى جاۋ ليشين مامەتجان توحتىنياز قۇرباننىڭ سەنىمدى جاۋىنگەر سەرىگى. ول: ورتالىقتىڭ بىزگە مۇنداي داڭقتى اتاقتى بەرۋى ۇلكەن شابىت بولدى، ونان دا ماڭىزدىسى، جىگەرىمىزدى جاني ءتۇستى. ءبىز، ءسوز جوق، قاھارماننىڭ مۇراتىنا مۇراگەرلىك ەتىپ، وڭتۇستىك شينجياڭعا ۇزدىكسىز تامىر تارتىپ، وڭتۇستىك شينجياڭدى قورعاپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن بار كۇشىمىزدى ارنايمىز، - دەدى.

  وسىدان كەيىن نەگىزگى ساتىداعى وقۋ - اعارتۋدىڭ ءبىرىنشى شەبىنەن كەلگەن، مەملەكەتتىك تاڭداۋلى پارتيا ىستەرى قىزمەتكەرى پىڭ گۇيچين ءسوز كەزەگىن الىپ: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن پارتيا قىزمەتىنىڭ ءار بۋىنىمەن تىعىز ۇشتاستىرىپ، تاڭداۋلى وقىتۋشىلاردى پارتيا قاتارىنا تارتىپ، پارتيا مۇشەلەرىنىڭ تىرەكتىك رولىن تولىق ساۋلەلەندىرۋىنە مۇمكىندىك جاساپ، قىزمەتتى كۇشىمىزدىڭ جەتىسىنشە قۇلشىنا جاقسى ىستەۋىمىز كەرەك، - دەدى.

  مەملەكەتتىك تاڭداۋلى كوممۋنيست ليدا پەرۋاي قىزى − بۋىرشىن اۋدانىنداعى ۇلتتىق قولونەر بۇيىمدارىن جاساۋ سەرىكتەستىگىنىڭ جاۋاپتىسى. ول: بۇل جولعى جينالىستىڭ رۋحى مەن ماداقتالىپ - سيلانۋدان العان اسەرىمدى، ءسوز جوق، اتا مەكەنىمە، قىستاقتاعى اۋىلداستارىما جەتكىزىپ، ۇلتتار ىنتىماعى، العاباسارلىعى قيمىلىندا پارتيا مۇشەسىنە ءتان جەتەكشىلىك رولىمدى ساۋلەلەندىرىپ، كوپشىلىكتى كوبىرەك اۋىس - كۇيىس جاساسۋعا، بارىس - كەلىس ورناتۋعا، كوبىرەك ۇيرەنۋگە جەبەپ، ۇلتتار ىنتىماعىن، ءوندىرىستى مىقتى يگەرىپ، تۇرمىسىمىزدىڭ مۇنان دا ءماندى دە ماعىنالى، باي - باقىتتى وتۋىنە مۇمكىندىك جاسايمىن، - دەدى.

  كوپشىلىكتىڭ اسەرى مەن بۇدان بىلايعى جوبا - جوسپارلارىن تىڭداپ، جاڭ چۇنشيان ەرەكشە ءسۇيىندى. ول بىلاي دەدى: مەملەكەتتىك وزات نەگىزگى ساتى پارتيا ۇيىمى، تاڭداۋلى كوممۋنيست، تاڭداۋلى پارتيا ىستەرى قىزمەتكەرى دەگەن اتاق پارتيا ورتالىق كوميتەتىنىڭ كوپشىلىككە كورسەتكەن ەڭ جوعارى سيى، ەڭ جوعارى ماداعى. كوپشىلىك قاراپايىم قىزمەت ورنىندا ەرەكشە ناتيجەلى ەڭبەك ەتىپ، ءىس جۇزىندىك ارەكەتى ارقىلى پارتيا تۋىنا داڭق اپەردى. ماداقتالىپ - سيلانعان كوللەكتيۆتەر مەن جەكەلەر بۇكىل شينجياڭداعى ءار دارەجەلى پارتيا ۇيىمى مەن پارتيا مۇشەلەرىنىڭ ۇيرەنۋ ۇلگىسى. كوپشىلىكتىڭ داڭقتى اتاقتى قاستەرلەپ، كۇش ۇستىنە كۇش قوسىپ، داڭقتى داستۇرگە مۇراگەرلىك ەتىپ، ۇلگىلىك رولدارىن ساۋلەلەندىرىپ، شينجياڭدى ونان ارى كوركەيتۋگە ءوز ۇلەستەرىن قوسۋىن ءۇمىت ەتەمىن.

  جاڭ چۇنشيان كوپشىلىكتى بىلاي دەپ شابىتتاندىردى: باس شۋجي شي جينپيڭنىڭ «1 - شىلدەدەگى» ماڭىزدى ءسوزىنىڭ رۋحىن باستاماشىلدىقپەن ۇيرەنۋدىڭ، دايەكتى تياناقتاندىرۋدىڭ ۇلگىسى بولۋ كەرەك. ۇزبەي ۇيرەنۋ، ۇزبەي جاڭارۋ، كوبىرەك ۇيرەنۋ، كوبىرەك تولعانۋ، ىشكەرىلەي ۇيرەنۋ، ىشكەرىلەي باعامداۋ، باس شۋجي شي جينپيڭنىڭ ماڭىزدى ءسوزىن ىشكەرىلەي باعامداۋ نەگىزىندە ءىس جۇزىندىكپەن ۇشتاستىرىپ تياناقتاندىرۋدى مىقتى يگەرۋ كەرەك.

  ۇلتتار ىنتىماعىن باستاماشىلدىقپەن جەبەۋدىڭ ۇلگىسى بولىپ، ۇلتتار ىنتىماعى، العاباسارلىعى جىلى قيمىلىنىڭ اقاۋسىز دامۋىن قامتاماسىز ەتۋ كەرەك. ۇلتتار ىنتىماعى، العاباسارلىعى جىلىنداعى 27 ءتۇرلى شارانىڭ تىڭنان ىلگەرىلەۋىن، تۇگەل دايەكتى تياناقتانۋىن جەبەۋ كەرەك. ۇلتتار ىنتىماعى، العاباسارلىعى جىلىنداعى وزگەرىستەردى تىلگە تيەك ەتىپ، پارتيانىڭ سارا ساياساتىن تولىق ءتۇسىندىرۋ، ءار ۇلت كادر - جۇرتشىلىعىنىڭ شينجياڭ رۋحىن ساۋلەلەندىرىپ، سۋبيەكتتىك رولىن ساۋلەلەندىرىپ، شينجياڭدى گۇلدەندىرۋدە قول جەتكىزگەن وراسان زور تابىستارىن ويداعىداي بايانداۋ كەرەك.

  باستاماشىلدىق كورسەتىپ، نەگىزگى ساتى پارتيا ۇيىمىنىڭ، پارتيا مۇشەلەرىنىڭ، پارتيا ىستەرى قىزمەتكەرلەرىنىڭ ۇلگىسى بولۋ كەرەك. اتاق، داڭقتى قاستەرلەپ، جەرگىلىكتى ورىننىڭ ءىس جۇزىندىك جاعدايىمەن جانە ءوز جەرىنىڭ ەرەكشەلىگىمەن ۇشتاستىرىپ، ۇلگى، ونەگەلىك رولدى ساۋلەلەندىرىپ، ءار ۇلت جۇرتشىلىعىنىڭ پارتيانىڭ باسشىلىعىنداعى شينجياڭنىڭ ءتۇرلى ىستەرىنىڭ دامۋ تابىستارىنان تولىق يگىلىكتەنۋىنە مۇمكىندىك جاساۋ كەرەك.

  باستاماشىلدىق كورسەتىپ، شينجياڭنىڭ وبراز ەلشىسى جانە ۋاكىلى بولۋ كەرەك. شىندىقپەن، ءوزىنىڭ شىنايى كەشىرمەسىمەن، شينجياڭنىڭ دامۋىمەن، وزگەرىستەرىمەن، ءار ۇلت كادر - جۇرتشىلىعىنىڭ تاماشا رۋحاني كۇيىمەن كورىكتى شينجياڭدى ۇگىتتەپ، شينجياڭنىڭ وبرازىن سومداۋ كەرەك.

  شوكىرات زاكىر، ما شۋەجۇن، پىڭ جيارۇي، يان گوسان قاتارلىلار كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.