بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق حالىق ۇكىمەتى مەن جۇڭگو ەلەكتروندىق تەحنولوگيا توبى سەرىكتەستىگى ستراتەگيالىق سەلبەستىك بويىنشا جۇلگەلىك كەلىسىمگە قول قويىستى

2016.07.05 10:58     كەلۋ قاينارى : شينجياڭ گازەتى

  اۆتونوميالى رايوندىق حالىق ۇكىمەتى مەن جۇڭگو ەلەكتروندىق تەحنولوگيا توبى سەرىكتەستىگى 1 - شىلدەدە ستراتەگيالىق سەلبەستىك كەلىسىمىنە قول قويۋ سالتىن وتكىزدى.

  جۇڭگو ەلەكتروندىق تەحنولوگيا توبى سەرىكتەستىگى ورتالىقتىڭ تىكە باسقارۋىنداعى 10 ءىرى اسكەري ونەركاسىپ توبىنىڭ ءبىرى، حابارلاسۋ اسپابى، كومپيۋتەر، ەلەكتروندىق اسپاپتار جاساۋ، جۇمساق بولشەك اشۋ جانە پايدالانۋ، فوتوۆولتتىق جاڭا ەنەرگيا سياقتى سالالاردا ەلىمىز بويىنشا وزىق تەحنولوگياسى مەن ونىمدەرى بار ەلەكتروندىق ينفورماتسيا كاسىبىندەگى نەگىزگى كۇش.

  شوكىرات زاكىر سالتقا قاتىناستى ءارى ءسوز سويلەدى. ول مىنانى اتاپ كورسەتتى: جۇڭگو ەلەكتروندىق تەحنولوگيا توبى سەرىكتەستىگىنىڭ وسى رەتتە اۆتونوميالى رايوندىق حالىق ۇكىمەتىمەن ستراتەگيالىق سەلبەستىك جۇلگەسى بويىنشا كەلىسىم جاساسۋى رايونىمىزدىڭ ينفورماتسيالاندىرۋ ورەسىن جوعارىلاتۋدا، كاسىپ سالاسىنىڭ فورماسىن وزگەرتىپ، دارەجەسىن جوعارىلاتۋدى ىلگەرىلەتۋدە جانە ەكونوميكانىڭ، قوعامنىڭ اقاۋسىز دامۋىن جەبەۋدە ماڭىزدى ءمان الادى. اۆتونوميالى رايوندىق حالىق ۇكىمەتى جۇڭگو ەلەكتروندىق تەحنولوگيا توبى سەرىكتەستىگىمەن ينفورماتسيالاندىرۋ تورى، جالپىلىق اۆياتسيا، فوتوۆولتتىق جاڭا ەنەرگيا سالالارىنداعى سەلبەستىكتى جاپپاي تەرەڭدەتەدى جانە كەڭەيتەدى.

  شوكىرات زاكىر بىلاي دەدى: اۆتونوميالى رايوندىق پارتكوم، ۇكىمەت جۇڭگو ەلەكتروندىق تەحنولوگيا توبى سەرىكتەستىگىنىڭ شينجياڭداعى دامۋىن بارىنشا قولدايدى ءارى كاسىپ سالاسىن ورنالاستىرۋ، نىسان قۇرىلىسى، عىلىم - تەحنيكا جەتىستىكتەرىن كاسىپ سالالاندىرۋ، تەحنيكا قولدانۋ جاقتارىندا قولايلى شارت - جاعداي ازىرلەپ، ساياساتتىق قولداۋ كورسەتىپ، جۇڭگو ەلەكتروندىق تەحنولوگيا توبى سەرىكتەستىگىنىڭ شينجياڭداعى دامۋىنا تاماشا ورتا قالىپتاستىرىپ، ءار سالادا تىڭ جەتىستىكتەرگە قول جەتكىزۋدى ىلگەرىلەتەدى.

  جۇڭگو ەلەكتروندىق تەحنولوگيا توبى سەرىكتەستىگىنىڭ باس مەڭگەرۋشىسى فان يوۋشان بىلاي دەدى: جۇڭگو ەلەكتروندىق تەحنولوگيا توبى سەرىكتەستىگى جۇڭگو ەلەكتروندىق ينفورماتسيا كاسىبى سالاسىنداعى نەگىزگى كۇش رەتىندە، عىلىم - تەحنيكادا جاڭالىق اشۋ، جوعارى دەڭگەيلى دارىندىلار جانە ينفورماتسيا كاسىبى جاعىنداعى باسىمدىعىن تولىق ساۋلەلەندىرىپ، شينجياڭنىڭ قۇرىلىسىمەن، شينجياڭنىڭ كەلەلى ىستەرىن دامىتۋمەن توعىستىرۋ جاۋاپكەرشىلىگى ءارى بورىشى بار. سەرىكتەستىگىمىزدىڭ شينجياڭمەن سەلبەستىك جاساۋ جاعىندا جاقسى نەگىزى بار.

  بولاشاققا نازار سالساق، سەرىكتەستىك تاراپتاردىڭ ستراتەگيالىق كەلىسىم اياسىندا سەلبەستىك جاساۋ فورماسىنا جاڭالىق ەنگىزىپ، سەلبەستىك مەحانيزمىن كەمەلدەندىرىپ، سەلبەستىك بايلىقتارىن ءبولىسىپ، جوعارى تەحنولوگيا سالاسىنداعى ءبىر توپ ءتۇيىندى نىسانداردان ۇلگى كورسەتۋ باقشاسىن قۇرۋدى ىلگەرىلەتىپ، باسىمدىققا يە كاسىپ سالالارىنىڭ ۇزبەي دامۋىنا سۇيەۋ بولاتىن جەرگىلىكتى دارىندىلاردان ءبىر توبىن جەتىلدىرىپ، شينجياڭنىڭ گۇلدەنىپ - كوركەيۋىنە، ورنىقتىلىعىنا ءتىپتى زور ۇلەس قوسادى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي مەن فان يوۋشان تاراپتار اتىنان كەلىسىمگە قول قويىستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.