- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاستىق ورال جايناي ءتۇستى
2016.07.08 15:42 كەلۋ قاينارى : شينجياڭ گازەتى
− رايونىمىزدىڭ جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ قىزمەتى تۋرالى
ادەتتەگى جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ − اۆتونوميالى رايوننىڭ كەلەلى حالىق تۇرمىسى ينجەنەرياسى، حالىق تىلەگى ينجەنەرياسى جانە ۇلتتار ىنتىماعى ينجەنەرياسى. 2011 - جىلدان 2015 - جىلعا دەيىن رايونىمىزدا ادەتتەگى جوعارى مەكتەپ تاۋىسىپ، جۇمىسقا ورنالاسپاعان 30 مىڭعا تاياۋ ستۋدەنتتى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەدى. 2015 - جىلى اۆتونوميالى رايون «شينجياڭدا ادەتتەگى جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ قىزمەتىنىڭ <13 - بەسجىلدىق> جوباسىن» جاساپ، 2020 - جىلعا دەيىن جوعارى مەكتەپ تاۋىسقان 20 مىڭ ستۋدەنتتى تاڭداپ الىپ تاربيەلەۋدى جوسپارعا الدى. رايونىمىزدان بيىلعى العاشقى توپتا 725 ستۋدەنت شينجياڭعا باعىتتامالى كومەكتەسەتىن ولكە، قالالارعا بارىپ تاربيەلەنۋ ءۇشىن 26 - ماۋسىمدا جولعا شىقتى.
لي چۇنشيا
قاراقاش اۋدانى زاۋا قالاشىعى سەنترلى باستاۋىش مەكتەبىنىڭ وقىتۋشىسى ادالەت ابدىراحمان − استانا پەداگوگيكالىق ۋنيۆەرسيتەتىنىڭ 3 - كەزەكتەگى شينجياڭ كلاسىنىڭ وقۋشىسى، وقۋىن تاۋىسىپ ورالعان ول بۇگىندە مەكتەپتىڭ تىرەكتى وقىتۋشىسى. «وقۋشىلارىما استانا پەداگوگيكالىق ۋنيۆەرسيتەتىندە وقىعان كەزىمدە كورگەن - بىلگەندەرىمدى ۇنەمى ايتىپ بەرەمىن، ۋنيۆەرسيتەتتەگى كەزىمدەگى مەكتەپ گازەتىن كلاس قابىرعاسىنا جاپسىرىپ، بالالاردى قازىردەن باستاپ اسقاق ارمان ارقالاۋعا شابىتتاندىرامىن»، - دەدى ول.
شينجياڭدا جوعارى مەكتەپ تاۋىسقان ادالەت سياقتى ستۋدەنتتەردەن ءالى 20 مىڭنان استامى بار. شينجياڭعا باعىتتامالى كومەكتەسەتىن ولكە، قالالاردان تاربيە الىپ شينجياڭعا ورالعان سوڭ، ۇيرەنگەن ماماندىقتارى بويىنشا اۋىل - قالاشىق شيپاحانالارىنا، اۋىل - قىستاقتاعى «قوس ءتىلدى» ەرەكشە وقىتۋشىلىق كاسىبى جانە كاسىپورىن سياقتى جۇمىس ورىندارىنا ءبولىنىپ، نەگىزگى ساتىدا تامىر تارتىپ، ۇيرەنگەن بىلىمدەرىمەن اتا مەكەندەرىن گۇلدەندىرىپ، جاستىق كوكتەمىن جايناتىپ، ارماندارىن ىسكە اسىرادى.
جوعارى دەڭگەيدە ىلگەرىلەتىپ، حالىق تۇرمىسىنا قاتىستى ءىرى ىستەردى ەرەكشە تاسىلدەرىمەن شەشتى
2006 - جىلى جوعارى مەكتەپ تاۋىسقان ءمۇتالىپ مامەتىمىن ۇيلەسىمدى قىزمەت تابا الماي، ۇساق - تۇيەك جۇمىستارمەن اينالىسىپ جۇرەدى. 2011 - جىلى رايونىمىزدان جۇمىسقا ورنالاسپاعان ستۋدەنتتەردىڭ شينجياڭعا باعىتتامالى كومەكتەسەتىن ولكە، قالالارعا بارىپ تاربيەلەنۋ قوسىنىنىڭ ءبىر مۇشەسى رەتىندە ونىڭ ومىرىندە بەت بۇرىس جارىققا شىقتى.
جوعارى مەكتەپ تاۋىسقان ستۋدەنتتەردى جۇمىسقا ورنالاستىرۋ − رايونىمىزدىڭ كاسىپتەندىرۋ قىزمەتىندەگى ەڭ ماڭىزدى جۇمىس. 2011 - جىلى بۇرىننان بەرى كاسىپتەنە الماي كەلە جاتقان 10 مىڭداعان ستۋدەنتتىڭ كاسىپتەنۋ ماسەلەسىن شەشۋ ءۇشىن، اۆتونوميالى رايوندىق پارتكوم، ۇكىمەت تالاي رەت ىشكەرىلەي تەكسەرۋ - زەرتتەۋ جۇرگىزۋ ارقىلى جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ قىزمەتىن ورىستەتىپ، شينجياڭعا باعىتتامالى كومەكتەسۋ ارناسىنان پايدالانىپ، جۇمىسقا ورنالاسپاعان ستۋدەنتتەردى تاربيەلەپ، شىنىقتىرىپ، كوزقاراستارىنا بۇرىلىس جاساپ، تەحنيكالىق شەبەرلىكتەرىن ءوسىرىپ، ورنىقتى كاسىپتەنۋىن جەبەۋدى ۇيعاردى.
اۆتونوميالى رايوندىق پارتكومنىڭ نەگىزگى باسشىلارى تاربيەلەۋ قىزمەتىنە ايرىقشا ءمان بەرىپ، پارمەندى تۇردە ىلگەرىلەتىپ، تالاي رەت مەملەكەتتىك مينيسترلىك، كوميتەتتەردىڭ، شينجياڭعا باعىتتامالى كومەكتەسەتىن ولكە، قالالاردىڭ باسشىلارىمەن سويلەسىپ، سايكەسىپ، وقۋشىلاردى اتتاندىرىپ سالدى ءارى ولارعا حات جازىپ شابىتتاندىردى، سونداي - اق وزدەرى باستاپ باعىتتامالى كومەكتەسەتىن ولكە، قالالارعا بارىپ وقۋشىلارعا امانداسىپ، ولاردان حال سۇرادى، مەرزىم سايىن قىزمەت مالىمەتىن تىڭداپ، قىزمەتكە جەتەكشىلىك ەتتى.
رايونىمىز ءبىر قىدىرۋ تىڭ ساياسات - شارالاردى دا بەلگىلەدى، اتاپ ايتار بولساق، كۋرسانتتاردىڭ تاربيە الىپ بولعان سوڭ ءساتتى كاسىپتەنۋىنە كەپىلدىك ەتۋ ءۇشىن، سۇرانىسقا قاراي جۇمىس ورنىن دايىندادى، جۇمىس ورنىنا قاراي شتات بەلگىلەدى، الدىمەن جۇمىس ورنىن بەلگىلەپ، ونان سوڭ تاربيەلەدى، تاربيەلەۋدە تولىمدى بولعانداردىڭ ءبارىن جۇمىسقا ورنالاستىردى؛ بۇكىلدەي تەگىن تاربيەلەپ، تۇرمىستىق قوسىمشا قاراجات، قاتىناس قاراجاتىن بەردى، تاربيەلەنۋ مەزگىلىن جۇمىس ستاجىنا سىندىرىپ ەسەپتەدى...
شينجياڭعا باعىتتامالى كومەكتەسەتىن ولكە، قالالار جالپى جاعداي جانە ستراتەگيالىق تۇرعىدان تاربيەلەۋ قىزمەتىن ماڭىزدى ساياسي مىندەت رەتىندە كۇش سالا ىلگەرىلەتىپ، شينجياڭعا كومەكتەسۋدىڭ ەرەكشە مىندەتى رەتىندە دەن قويا جوسپار جاساپ، قاراجاتتى ءبىر تۇتاس تياناقتاندىرىپ، وقىتۋ ساپاسى جوعارى، وقىتۋ شارت - جاعدايى جاقسى مەكتەپتەرگە تاربيەلەۋ مىندەتىن جۇكتەپ، ءار جاقتاعى بايلىقتى ىسكە قوسىپ پراكتيكا ورىندارىن ورنالاستىرىپ، تاربيەلەۋ مىندەتىن زور قۇلشىنىستارمەن ورىندادى.
2011 - جىلدان 2012 - جىلعا دەيىن رايونىمىزدان 23 مىڭ 355 ستۋدەنت شينجياڭعا باعىتتامالى كومەكتەسەتىن 19 ولكە، قالاعا، سونداي - اق مەملەكەتتىك مينيسترلىك، كوميتەتتەرگە قاراستى 188 مەكتەپكە جىبەرىلىپ تاربيەلەندى، 2015 - جىلى قاڭتارعا دەيىن جىبەرىلگەن وقۋشىلاردىڭ بارلىعى تاربيەلەۋ مەرزىمى تولىپ شينجياڭعا ورالدى، 23 مىڭ 63 وقۋشى ەمتيحاندا تولىمدى بولىپ جۇمىسقا ورنالاستىرىلدى، بۇلاردىڭ اراسىندا از ۇلت كۋرسانتتارى %83.31ىن ۇستايدى. 2015 - جىلى رايونىمىزدا جوعارى مەكتەپ تاۋىسقان 5400 ستۋدەنت شينجياڭعا كومەكتەسەتىن ولكە، قالالارعا تاربيەلەنۋگە جىبەرىلدى، قازىرگە دەيىن 3010 ادام كەلىسىم جاساسقان ورىندارعا جۇمىسقا ورنالاستى. 2015 - جىلى تاربيەلەۋ مەزگىلى تولعان ءمۇتالىپ تۋعان جەرى قاراقاش اۋدانىنا بارىپ بۇعالتردىڭ كومەكشىسى بولدى. بىلتىر اقپاندا قىزمەتتەگى ەرەكشە ناتيجەلەرىمەن قاراقاش اۋدانى ءتوۋات اۋىلدىق قازىنا بولىمشەسىنىڭ باستىعى بولىپ ءوسىرىلدى. ءمۇتالىپ سياقتى تاربيەلەنىپ كەلگەن ستۋدەنتتەردىڭ كوبى اۋىلدارىنا ورالىپ، نەگىزگى ساتى شەبىنە كەرپىش بولىپ قالانىپ، نەگىزگى ساتىدا تامىر تارتاتىن، ورنىقتىلىقتى قورعايتىن، شينجياڭدى گۇلدەندىرەتىن ماڭىزدى كۇشكە اينالدى.
اماليات اۆتونوميالى رايوندىق پارتكومنىڭ كورەگەن شەشىم جاساعانىن، جوعارى مەكتەپ تاۋىسقان ستۋدەنتتەردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ قىزمەتىنىڭ حالىق تۇرمىسىنداعى كەلەلى ىستەردى شەشۋگە ارنالعان ەرەكشە شارا، شينجياڭعا باعىتتامالى كومەكتەسۋدىڭ باسىمدىلىعىنان پايدالانىپ دارىندىلاردى تاربيەلەۋدەگى كەلەلى شارا، ەرەكشە مەزگىلدە حالىق تىلەگىن توعىستىرۋدىڭ جاندى امالياتى ەكەنىن دالەلدەدى. ادامىنا قاراي تاربيە بەرىپ، نەگىزگى ساتى دارىندىلار قوسىنىن باۋلىدى جانە ولارعا قىزمەت كورسەتتى
«2 جىلدىق تاربيە مەزگىلىندە مەن كوپتەگەن كاسىپتىك بىلىمدەر مەن شەبەرلىكتەردى ۇيرەندىم، تاعى كوپتەگەن جەرلەردى ەكسكۋرسيالادىم، بۇل مەنىڭ بۇدان كەيىنگى قىزمەتىم مەن ومىرىمە ۇلكەن كومەك كورسەتەدى»، - دەدى قوبىقسارى موڭعۇل اۆتونوميالى اۋدانى قوستولاعاي قالاشىعى ەڭبەكپەن قامتاماسىز ەتۋ بولىمشەسىنىڭ قوعامدىق قامسىزداندىرۋ جۇمىسىنا جاۋاپتى كادرى جاڭ لەيلەي 4 - شىلدەدە.
جاڭ لەيلەي 2011 - جىلى شينجياڭ اۋىل شارۋاشىلىعى ۋنيۆەرسيتەتىنەن وقۋ تاۋىسقان. 2012 - جىلدان 2014 - جىلعا دەيىن ول بۇكىل رايونداعى 200دەن استام ستۋدەنتپەن بىرگە لياۋنيڭ عىلىم - تەحنيكا ينستيتۋتىنا بارىپ، قوعامدىق قامسىزداندىرۋ كاسىبى بويىنشا تاربيەلەنىپ قايتتى.
شينجياڭعا باعىتتامالى كومەكتەسەتىن ولكە، قالالارعا بارىپ تاربيەلەنەتىن، جوعارى مەكتەپ تاۋىسقان ستۋدەنتتەردىڭ ءبارى جوعارى ءبىلىم العاندار، قالاي تاربيە بەرگەندە ولاردىڭ شينجياڭعا قايتقان سوڭ رولدارىن ءتىپتى دە جاقسى كورنەكتىلەندىرۋگە بولادى دەيتىن ماسەلە اۆتونوميالى رايون مەن تاربيەلەۋگە جاۋاپتى ءار مەكتەپتىڭ الدىنا قويىلعان ماڭىزدى ماسەلە ەدى. وسىعان مەڭزەس، اۆتونوميالى رايونىمىز جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى نەگىزگى ساتىعا قىزمەت كورسەتۋگە جارامدى دارىندى ەتىپ تاربيەلەپ شىعۋعا نازار اۋدارىپ، تاربيەلەۋگە جاۋاپتى مەكتەپتەرمەن پىكىر اۋىسۋدى جانە سايكەسۋدى كۇشەيتىپ، «نە ىستەسە، سونى ۇيرەنۋ، نە كەم بولسا، سونى تولىقتاۋ» قاعيداسى بويىنشا كاسىپتىك ءبىلىم، شەبەرلىك، مەملەكەتتىك ورتاق ءتىل - جازۋ، ساياسات - نازاريا ۇيرەنۋ مەن قىزمەت ورنىندا پراكتيكا كورۋ، ەكسكۋرسيالاۋ، تەكسەرۋ - زەرتتەۋدى ءبىر تۇتاس جۇرگىزىپ، باعىتتامالىلىق پەن ۋاقىت ونىمدىلىگىن كۇشەيتتى.
جاڭ لەيلەيگە ەڭ تەرەڭ اسەر قالدىرعانى مەكتەپتىڭ شينجياڭدىق وقۋشىلارعا قامقورلىق جاساۋى جانە قارايلاسۋى بولدى. «جاڭا جىل سايىن مەكتەپ بىرىككەن ساۋىق كەش ۇيىمداستىرادى، قۇربان ايتتا اسحانانىڭ تاعامدارىن جاقسارتىپ، مەكتەپ باسشىلارى مەن وقىتۋشىلار مەرەكەنى از ۇلت وقۋشىلارىمەن بىرگە وتكىزەدى»، - دەيدى جاڭ لەيلەي.
باعىتتامالى تاربيەلەۋ، جان - جاقتى قامقورلىق جاساۋ وقۋشىلار ءۇشىن ءوسىپ، دارىندى بولۋدىڭ جولىن اشىپ، ولاردىڭ پارتياعا ىلەسۋ سەنىمدەرىن ودان ارى بەكەمدەي ءتۇستى. 2011 - جىلدان 2012 - جىلعا دەيىن تاڭدالىپ جىبەرىلگەن، جوعارى مەكتەپ تاۋىسقان 23 مىڭ ستۋدەنتتىڭ 8400دەن استامى تاربيەلەنۋ كەزىندە پارتياعا كىرۋگە ءوتىنىش بەردى، 105 وقۋشى داڭقپەن پارتياعا مۇشە بولدى. پارتيا مەن ۇكىمەتتىڭ قامقورلىعىن شىنايى سەزىنگەن ءار ۇلت وقۋشىلارىنىڭ بولاشاق تۋرالى ۇمىتتەرى كۇشەيدى، شينجياڭدى ورنىقتىرۋ، شينجياڭدى كوركەيتۋ سەنىمدەرى دە نىعايدى. الدىمەن جوسپار جاسالدى، «13 - بەسجىلدىقتا» 20 مىڭ ادام تاربيەلەنەدى
جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا كومەك بەرەتىن ولكە، قالالارعا جىبەرىپ تاربيەلەۋدىڭ ۇزاق ۋاقىتتىق مەحانيزمىن ورناتۋ ءۇشىن، اۆتونوميالى رايونىمىز «شينجياڭداعى ادەتتەگى جوعارى مەكتەپتەردەن وقۋ تاۋىسقان ستۋدەنتتەردى شينجياڭعا باعىتتامالى كومەك بەرەتىن ولكە، قالالارعا جىبەرىپ تاربيەلەۋ قىزمەتىنىڭ <13 - بەسجىلدىق> جوباسىن» بەلگىلەپ، 2020 - جىلعا بارعاندا، جوعارى مەكتەپ تاۋىسقان ستۋدەنتتەردىڭ ۇزدىكتەرىنەن 20 مىڭ ستۋدەنتتى تاڭداپ، شينجياڭعا كومەك بەرەتىن ولكە، قالالارعا جىبەرىپ تاربيەلەۋدى جوسپارلادى.
اۆتونوميالى رايوننىڭ الەۋمەتتىك جۇمىسقا ورنالاستىرۋعا قىزمەت كورسەتۋ مەكەمەسىنىڭ كەڭسە مەڭگەرۋشىسى لي يۇيحۇڭنىڭ تانىستىرۋىنشا، بيىلعى تاربيەلەۋ، تاڭداپ ءوسىرۋ كەدەي وتباسىلارىن، وڭتۇستىك شينجياڭداعى 3 ايماق، ءبىر وبلىستى جانە جوعارى مەكتەپ تاۋىسقان از ۇلت ستۋدەنتتەرىن نەگىز ەتەدى ەكەن. تۇڭعىش توپتاعى 725 وقۋشىنىڭ 124ى كەدەي وتباسىلارىنان قابىلدانعان. «بۇل ستۋدەنتتەر تاربيەلەنگەن سوڭ، جۇمىسقا ورنالاسىپ، وسى وتباسىلاردىڭ كەدەيلىكتەن قۇتىلۋىنا ءۇمىت سيلايدى»، - دەيدى لي يۇيحۇڭ.
جۇمىسقا ورنالاستىرۋ جاعدايىنىڭ وزگەرىسىنە مەڭزەس، 2015 - جىلدان باستاپ اۆتونوميالى رايونىمىز جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى تاڭداپ، شينجياڭعا كومەك بەرەتىن ولكە، قالالارعا جىبەرىپ تاربيەلەۋ قىزمەتىندە كاسىپورىنداردا جۇمىسقا ورنالاستىرۋعا جانە دەربەس شارۋاشىلىق قۇرۋعا ءمان بەردى. بيىل تاڭداپ جىبەرىلگەن 4000 وقۋشىنىڭ 2500ى كاسىپورىنعا باعىتتاپ جۇمىسقا ورنالاستىرىلسا، 1500ى دەربەس شارۋاشىلىق قۇرادى.
2015 - جىلى اۆتونوميالى رايونىمىز جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردى شينجياڭعا كومەك بەرەتىن ولكە، قالالارعا جىبەرىپ تاربيەلەۋ قىزمەتىن ورىستەتۋ بارىسىندا جوعارى مەكتەپ تاۋىسىپ، جۇمىسقا ورنالاسپاعان 1690 ستۋدەنت دەربەس شارۋاشىلىق قۇرۋعا تاربيەلەندى، قازىر 136 ستۋدەنتتىڭ العاشقى شارۋاشىلىق قۇرۋ جۇمىستارى تابىستى بولىپ، شارۋاشىلىق جۇرگىزۋ كۋالىگىن الىپ ۇلگىردى.
جاڭا شارا، جاڭا باستاما، جاڭا ءۇمىت. بيىل تۇڭعىش توپتاعى 725 ستۋدەنتتىڭ شينجياڭعا باعىتتامالى كومەك بەرەتىن ولكە، قالالارعا جىبەرىلىپ تاربيەلەنۋىنە مەڭزەس، اۆتونوميالى رايونىمىز «13 - بەسجىلدىقتا» جوعارى مەكتەپ تاۋىسقان ستۋدەنتتەردى شينجياڭعا باعىتتامالى كومەك بەرەتىن ولكە، قالالارعا جىبەرىپ تاربيەلەۋ قىزمەتىنىڭ تىڭ پاراعىن اشتى. بۇل قىزمەتتىڭ بىرتىندەپ ىلگەرىلەۋىنە جانە كەمەلدەنۋىنە مەڭزەس، جوعارى مەكتەپ تاۋىسىپ، جۇمىسقا ورنالاسپاعان ستۋدەنتتەردىڭ ىشكى ولكەلەردە تۇقىم سياقتى تولىسىپ، جەتىلىپ، اۋىلعا قايتىپ تامىر تارتىپ، وركەن جايىپ، كورىكتى شينجياڭ قۇرۋ، ۇلتتار ىنتىماعى، العاباسارلىعىن جەبەۋدىڭ ماڭىزدى كۇشىنە اينالعاندارى كوبەيىپ كەلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
