بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«شياۋمايدىڭ» بەيجيڭدەگى ەسەيۋ جولى

  يۋان لەي

2016.07.11 15:43     كەلۋ قاينارى : شينجياڭ گازەتى

  «اكە، بىلاي كەركىلدەسكەنىمىزدەن ەشتەمە ونبەيدى، ءبىز ... بولىنەيىك!» مامىر ايىنىڭ ءبىر كۇنى، شىدامى تاۋسىلعان 1331 جاستاعى نۇر مامەت اكەسى مامەت ابدىرەيىمگە ءوز ويىن ايتىپ سالدى.

  اكەلى - بالالى نۇر مەن مامەت بەيجيڭدەگى شينفادي اۋىل شارۋاشىلىعى ونىمدەرىن تولايىم ساتۋ بازارىندا كەپتىرىلگەن جەمىس ساتادى. ماڭايىنداعى ساۋداگەرلەر ولاردى «شياۋماي» جانە «لاۋماي» دەپ اتاپ كەتكەن.

  «ءبولىنۋ» دەگەن ءسوزدى ەستىگەندە 65 جاستاعى «لاۋماي» ايتارعا بولماسا تىكسىنىپ قالدى. ۇلىنىڭ وزىنەن ءبولىنىپ شىعارىن ويلاماعان ەدى. ءبىرتالايعا دەيىن نە ايتارىن بىلمەي تۇردى دا، اشۋلانا: ويىڭ وتە جاقسى ەكەن، سولاي ىستە، - دەدى.

  1984 - جىلى «لاۋماي» مەن ايەلى شينجياڭ قاشقار ايماعىنىڭ مارالباسى اۋدانىنان بەيجيڭگە كەلىپ قوي ەتى كاۋابىن ساتىپ، سول جىلداردا بەيجيڭدەگى ساناۋلى عانا شينجياڭدىقتاردىڭ بىرىنە اينالدى. 1985 - جىلى دۇنيەگە كەلگەن «شياۋماي» ناعىز بەيجيڭدىك بالاعا اينالدى، بەيجيڭدە وقىدى، بەيجيڭدە ءوسىپ - ەسەيدى، بەيجيڭ اكسەنتىندە ءبىر كىسىدەي سويلەپ، بەيجيڭنەن ءبىرتالاي دوس تاپتى.

  مييۇننەن داجۇڭسىعا، سىداۋكوۋعا، ودان ارى يۋەگىجۋاڭعا دەيىن، قوي ەتى كاۋابىن ساتۋدان مەيىز، جاڭعاق ساتۋعا، ودان ارى شينجياڭنىڭ ءار ءتۇرلى جەمىس - جيدەگىن ساتۋعا دەيىن، اكە - شەشەسىنىڭ نە ءبىر ميحىناتتاردى تارتا ءجۇرىپ شارۋاشىلىق قۇرعانى «شياۋمايدىڭ» كوز الدىندا ءوتتى.

  2000 - جىلى «لاۋماي» شينجياڭنان 4 اۆتوموبيلمەن قۇمىل قاۋىنىن تولايىم باعامەن ساتىپ الىپ، داجۇڭسى تولايىم ساتۋ بازارىنا اكەلىپ ساتتى. ءبىراق كوپ سۇرانىس بولماعان سوڭ، باسقا جاقتان بازار ىزدەۋگە تۋرا كەلدى. كۇتپەگەن جەردەن شينفادي بازارىنا اپارىلعان ءبىر اۆتوموبيل قاۋىن ءبىر كۇننىڭ ىشىندە تۇگەل ساتىلىپ بولدى. وسىدان باستاپ «لاۋماي» وسى اراعا تابان تىرەپ، شينفادي بازارىنداعى تۇڭعىش ۇيعۇر كاسىپكەرگە اينالدى.

  ۇلىن جۇرەكتىلىككە جانە ساۋداعا باۋلۋ ءۇشىن، «شياۋمايدىڭ» 16 جاس كەزىندە اكەسى ءبىر اۆتوموبيل قاۋىندى وعان بەرىپ، ءبىر كىشكەنە سومكەنى موينىنا ءىلىپ: ءوزىڭ سات، قانشا اقشاعا ساتساڭ دا بولادى، - دەدى.

  «شياۋماي» العاش رەت ايعايلاپ ساتقان كەزدەگى قيىن حالىن ۇمىتقان ەمەس، ساۋدانىڭ جولىن دا سول كەزدەن باستاپ ۇيرەنە باستادى. «شياۋمايدىڭ» ساباقتان سىرتقى تۇرمىسى، قىستىق، جازدىق دەمالىستارى نەگىزىنەن بازاردا اكە - شەشەسىنە كومەكتەسىپ شينجياڭنىڭ كەپتىرىلگەن جەمىستەرىن، جەمىس - جيدەكتەرىن ساتۋمەن ءوتتى.

  2007 - جىلى قىركۇيەكتە «شياۋماي» ورتالىق ۇلتتار ۋنيۆەرسيتەتىنىڭ بازار تيجاراتى ماماندىعىنان وقۋ تاۋىستى. ءۇيدىڭ جالعىز ۇلى بولعاندىقتان «شياۋماي» اكەسىنىڭ تىلەگىنە قۇرمەت ەتىپ، ساۋدا ىسىنە رەسمي كەلىپ قوسىلدى. ول ەندى ۇيالشاق كىشكەنە ۇل وقۋشى ەمەس ەدى، كاسىبي ساتۋ بىلىمدەرىن ۇيرەنگەن، ونىڭ ۇستىنە تالاي جىلدان بەرگى شىنىعىپ شىڭالۋ بار، ول ساۋدانىڭ سارا جولىن تاۋىپ، ساۋداسى كۇننەن - كۇنگە كۇسەتتەنە ءتۇستى.

  شينفادي بازارىنداعى ۇيعۇر ساۋداگەرلەر «شياۋمايدى» ەرەكشە قۇرمەتتەيدى، ويتكەنى ولاردىڭ نازارىندا «شياۋماي» مادەنيەتتى، ادامدارمەن ارا قارىم - قاتىناس جاساۋدى بىلەتىن، ساۋدانىڭ جولىنا قانىق جاس. ولار: ونىڭ دۇكەندە وتىرعانىن كورمەيسىڭ، سوندا دا زاتتارى وتە جاقسى ساتىلادى، - دەيدى.

  ال «لاۋمايدىڭ» نازارىندا، ۇلى كەيدە جاپا - ماشاقاتپەن شينجياڭنان اكەلگەن جەمىستەردى تولايىم ساتۋ باعاسىنان تومەن باعادا ساتىپ جىبەردى، كەيدە قول تەلەفونىمەن اينالىسىپ، دۇكەنگە قارامايدى، بالاسىنىڭ بۇل قىلىعىنا توزبەگەن اكەسى ونىمەن تالاي كەركىلدەسىپ قالعان كەزى بولعان.

  «اقشا تابا الماۋدىڭ ءوزى يدەيامەن قاتىستى، اكەم بۇرىنعى سياقتى تومەن باعامەن كىرگىزىپ، جوعارى باعامەن ساتقىسى كەلەدى، جەمىستىڭ ساپاسى ادەتتەگىدەي بولسا بولدى دەيدى. مەنشە، تىم پايداعا بەرىلىپ كەتسەڭ، بولاشاقتا دامۋىڭ مۇمكىن ەمەس». «شياۋمايدىڭ» ايتۋىنشا، قازىرگى بازار جاعدايى بۇرىنعىعا ۇقسامايدى، ءونىمنىڭ ساپاسى، ءسوز جوق، جاقسى بولۋى كەرەك، از پايدامەن كوپ ساتۋ كەرەك، سوندا عانا الارمانىڭ مولايا تۇسەدى.

  «40 يۋانعا اكەلگەن زاتتى بازار جاعدايىنا قاراي كەيدە 48 يۋانعا، كەيدە 38 يۋانعا ساتامىن، ورتاعىن شىعاراتىن بولساڭ، كىرىس بار، سولاي ەمەس پە؟ ءبىراق اكەم مۇنى تۇسىنبەيدى». بيىل ناۋرىزدان مامىرعا دەيىن از پايدامەن كوپ ساتۋ ارقىلى 40 كۇندە 6 اۆتوموبيلگە تيەلگەن 30 مىڭ جاشىك كورلا المۇرتىن ساتىپ 60 مىڭ يۋان پايدا تابادى، ناقتى ءىسى ارقىلى اكەسىن يلاندىرماقشى بولعانىمەن، ونىسى ءساتسىز بولدى.

  بيىل مامىردا «شياۋماي» اكەسىنە ءوزىنىڭ بولەك شىعاتىنىن رەسمي ايتتى. ونىڭ ويى ءوز يدەياسىمەن تابىس جولىنا ءتۇسۋ ەدى.

  «ساۋدا قيىن ەمەس، تەتىك سەنىڭ قالاي ىستەۋىڭدە». ءوزىنىڭ ساۋدا جولىن تانىستىرعاندا، «شياۋماي» بىلاي دەپ اعىنان اقتارىلدى: «اقشانى ءبىرىنشى ورىنعا قويۋعا بولمايدى، كەيدە پايدا تابا الماساڭ دا ساتۋىڭ كەرەك، ويتكەنى زاتىڭدى الاتىن ادام بولادى ەكەن، ساۋدانىڭ جولى تارىلمايدى. قازىر بازار شارۋاشىلىعى كەزى، تولايىم ساتۋشى ساۋداگەرلەر بازار مەن الارمارنداردىڭ قاجەتىنە قاراي ىستەۋى، بەيجيڭدىك تۇتىنۋشىلاردىڭ مادەنيەت جانە تۇرمىس ءتاسىلىن زەرتتەۋى كەرەك، سوندا عانا بازاردىڭ وزگەرىسىنە سايكەسە الاسىڭ».

  «شياۋمايدىڭ» سوزىنەن وزىنە دەگەن سەنىم مەن مۇندالاپ تۇردى: «زاتتارىم شىن، ساپاسى جوعارى، حانزۋ تىلىندە جاتىق سويلەيمىن، ونىڭ ۇستىنە باعانى يكەمدى مەڭگەرەمىن، ناقتى دۇكەن مەن ۋيچات دۇكەنىندە دە ساتامىن، مىنە بۇل مەنىڭ بەيجيڭدە ساۋدا ىستەۋدەگى باسىمدىلىعىم».

  ەلدەن ەرەكشە امبەباپ قابىلەتى جانە ساۋداداعى وزگەشە بەينەسىمەن نۇر مامەت جىل بويى بەيجيڭدەگى شينفادي بازارىندا ساۋدا ىستەيتىن 70تەن استام ۇيعۇر ساۋداگەردىڭ ۇزدىك ۋاكىلىنە اينالدى، 2015 - جىلى «شينفادي بازارىنا كورنەكتى ۇلەس قوسقان وركەنيەتتى كاسىپكەر» بولىپ باعالاندى.

  «شياۋماي» الدا قىركۇيەك ايىندا كورلا المۇرتى بازارعا شىعارىلعان سوڭ ۇلكەن ءبىر ساۋدانى قولعا الىپ، شارۋاشىلىق قۇرۋدى شىن مانىندە باستاۋدى كۇتىپ وتىر ءارى اكەسىنىڭ تۇسىنىگى مەن قولداۋىنا دا يە بولدى. ول: شينفادي بازارى از ۇلت ساۋداگەرلەرىنە وسىنداي كوپ تيىمدىلىكتەر جاساپ، كومەك كورسەتتى، بۇل ءبىزدىڭ كۇرەس جىگەرىمىزدى ءتىپتى ارتتىرا ءتۇستى، وسى جەردەگى «شينجياڭ ساۋداسىن» ءتىپتى كۇسەتتەندىرە تۇسەمىن، - دەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.