بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جەمىس - جيدەك پىستى

2016.07.12 16:11     كەلۋ قاينارى : شينجياڭ گازەتى

  شينجياڭنىڭ ساياحاتىنىڭ ەڭ دۋماندى مەزگىلى باستالدى

  شىلدە ايى شينجياڭنىڭ ەڭ كوركەم مەزگىلى ەسەپتەلەدى. كوركەم جاراتىلىستىق كورىنىستەرى، مايەكتى گۋمانيتارلىق كورىنىستەرى، سونداي - اق تولىق قاندى ۇلتتىق ەرەكشەلىككە يە سالت - ساناسى ەل ءىشى - سىرتىنداعى ساياحاتشىلاردى مولىنان باۋرادى. ساياحات كاسىبى شينجياڭنىڭ ەكونوميكالىق، قوعامدىق دامۋىندا جۇرت نازارىن بارىنشا اۋداراتىن جارقىن تۇيىندەردىڭ بىرىنە اينالۋمەن بىرگە، ەڭ ماڭىزدىسى، شينجياڭنىڭ جاراسىمدىلىعىن، ورنىقتىلىعىن، ىنتىماقتىلىعىن ايگىلەيتىن وبراز تەرەزەسىنە اينالدى.

  ۇلتتىق سالت - سانا، مادەنيەت ساياحات تۇيىندەرى ساياحاتشىلاردىڭ القاۋىنا بولەندى

  حۋناندىق ساياحاتشى جاڭ شي مەن قىزى 6 - شىلدە تۇستەن كەيىن ساعات 5تەن اسا تۇرپاننان ۇرىمجىگە قايتىپ كەلىسىمەن شينجياڭ حالىقارالىق ۇلكەن بازارعا توتە تارتتى. جاڭ شي: قىزىما ءوزى ۇناتاتىن ۇلتتىق ەرەكشەلىككە يە قولونەر بۇيىمىن، وزىمە لاۆاندا گۇلىن ساتىپ الدىم. ۇيگە قايتقاننان سوڭ ودان جاستىق جاسايمىن. كوپ نارسەلەر العىم كەلەدى، وكىنەرلىگى، جۇگىم كوپ بولىپ كەتەتىن سياقتى، - دەدى. ارداۋچياۋداعى حالىقارالىق ۇلكەن بازاردا توڭىرەكتىڭ ءتورت بۇرىشىنان كەلگەن ساياحاتشىلار قايشالىسادى. شياڭگاڭنان شينجياڭعا ساياحاتتاي كەلگەن ساياحاتشى حۋاڭ حۇيجيە: جۇزىمنەن، قاۋىننان، شاشلىقتان جانە ناننان ءدام تاتىپ، ۇلتتىق ءان - بيلەردى تاماشالادىم. داپ تا ساتىپ الدىم. بۇل جولعى ساپارداعى ارماندارىم نەگىزىنەن ورىندالدى، - دەدى.

  شينجياڭ حالىقارالىق ۇلكەن بازار مادەنيەت، ساياحات كاسىبى شەكتى سەرىكتەستىگى جوبالاۋ ءبولىمىنىڭ مەڭگەرۋشىسى يۇي ياجيە بىلاي دەدى: بيىل ارداۋچياۋ بازارى شينجياڭنىڭ از ۇلت ءان - بيلەرىن جاڭعىرتۋدان كىرىسىپ، ساياحاتشىلاردى تارتۋعا دەن قويدى. سونىمەن بىرگە تۇركيا ايگىلى ونىمدەرى سارايىن جانە شينجياڭ بويىنشا ەڭ ۇلكەن جۇڭگوشا ءدارى ءشوپ بازارىن قۇردى. حالىقارالىق ۇلكەن بازاردىڭ رەستورانىنا 500دەن استام ادام سيادى. تاياۋدان بەرى رەستورانعا ءار كۇنى قوناقتار لىق تولدى. ەگەر كۇندە وسىنداي مول قوناق كەلەتىن بولسا، كۇنىنە 2 رەت كونسەرت ورنالاستىرىلىپ، كەشكى ساعات 11دەن اسقانعا دەيىن جالعاسادى.

  «ءتاتتى ساپار» اتىنداعى 13 - كەزەكتى قۇمىل قاۋىنى مەرەكەسى 9 - شىلدەدە قۇمىل قاۋىن باعىندا اشىلدى. شينجياڭنىڭ ءىشى - سىرتىنان كەلگەن ساياحاتشىلار مەن شەتەلدىك دوستار قاۋىننان اۋىز ءتيىپ، قاۋىن باعالاۋىن وتكىزىپ، قاۋىن باعىندا سەرۋەندەپ، كونسەرت كوردى، جەرگىلىكتى ۇلتتىق سالت - سانامەن تانىستى. سول كۇنى قۇمىل قاۋىن باعىنا ساياحاتتاي كەلگەن ساياحاتشى 80 مىڭنان ادامنان (رەت) استى.

  قۇمىل قاۋىنى مەرەكەسى حالىققا شاتتىق سيلايتىن، حالىقتى اۋقاتتاندىراتىن سالتاناتتى جينالىس ەسەپتەلەدى. 1993 - جىلدان قازىرگە دەيىن 12 كەزەك وتكىزىلدى. ول قاۋىندى دانەكەر ەتىپ، توڭىرەكتىڭ ءتورت بۇرىشىنداعى دوستاردى قۇمىلعا ساياحاتتاي كەلۋگە، قارجى قوسۋعا، شارۋاشىلىعىن شالقىتۋعا باۋرايتىن مادەنيەت تانىسقىسىنا، «ەلىمىزدە زور ىقپالعا يە 10 مەرەكەنىڭ» بىرىنە دە اينالىپ وتىر.

  ساياحات جاندانا ءتۇستى

  بيىلعى قياق كۇرىش مەرەكەسىنەن باستاپ بايىنبۇلاق كورىنىس رايونى ساياحاتتىڭ قاۋىرت مەزگىلىن قارسى الدى. ەل ءىشى - سىرتىنان كەلگەن ساياحاتشىلار كورىنىس رايونىن تاماشالاپ، جايلاۋدىڭ سالقىن اۋاسىمەن تىنىستادى. حىجيڭ اۋداندىق ساياحات مەكەمەسىنىڭ باستىعى دۇڭ جيلياڭ بىلاي دەدى: بيىل مامىردا كورىنىس رايونى قابىلداعان ساياحاتشى 11 مىڭ 522 ادامعا (رەت) جەتىپ، بىلتىرعى سول تۇستاعىدان %82.04 ارتتى؛ ماۋسىم ايىندا 134 مىڭ 885 ادامعا (رەت) جەتىپ، بىلتىرعى سول تۇستاعىدان %16.15 ارتتى؛ شىلدە ايىنان بەرى ساياحاتشى سانى ءتىپتى مولايا ءتۇستى.

  «بۇل باقتىڭ قورشاعان ورتاسى توتەنشە تاماشا. ءجۇزىم سورەسىنىڭ استىندا وزىندىك ەرەكشەلىككە يە ءدامدى تاعامداردان اۋىز تيە وتىرىپ، ۇلتتىق سالت - سانانى، اۋىل كورىنىسىن تاماشالاۋعا بولادى. مۇنداي كورىنىستى ىشكى ولكەلەردەن كەزىكتىرۋ قيىن»، - دەيدى 6 - شىلدەدە تۇرپاننىڭ بويلۇعىنداعى انارگۇل باعىندا جياڭشيلىق ساياحاتشى جاڭ حانىم. باقتىڭ باس مەڭگەرۋشىسى ۋي دۇڭ: بيىل جىل باسىنان بەرى ۇكىمەت ساياحات جەلىلەرى مەن ساياحات ونىمدەرىن كۇش سالا اشتى. ايتار بولساق، ورىك گۇلى ماۋسىمى، تۇت جەمىسى مەزگىلى، تەرۋ مەزگىلى، ت. ب. باعىمىز مۇنىڭ پايداسىن كوردى. بۇرىنعى جىلدارداعىمەن سالىستىرعاندا بيىل ساياحاتشى مولشەرى %30 كوبەيىپ، كىرىسىمىز بارىنشا ارتتى، - دەدى. ولار ىلگەرىندى - كەيىندى 2 ميلليون 300 مىڭ يۋان قارجى قوسىپ، اس - سۋ، كوڭىل اشۋ، ۇلتتىق سالت - سانا، جاتىن ورىن ءبىر تۇلعالانعان شارۋالار ساياجايىن قۇرىپ، رايونىمىزدىڭ ءىشى - سىرتىنداعى ساياحاتشىلاردى مولىنان باۋرادى.

  «شاعانتوعاي اۋدانىندا ءار ماۋسىمدا، تۇرلىشە ۋاقىتتا ءار الۋان، ءتۇرلى تۇستەگى قىر گۇلدەرى اشىلادى، ونىڭ ۇستىنە مۇنىڭ كوبى سيرەك كەزدەسەتەن گۇلدەر». سۋجوۋ اۋىل شارۋاشىلىق ينستيتۋتىنان كەلگەن چىن حايجۇڭ پروفەسسور بيىل شينجياڭعا 9 - رەت ساياحاتتاي كەلىپتى. شاعانتوعاي اۋداندىق ساياحات مەكەمەسىنىڭ باستىعى گو ۋىنمەي: بيىلعى جاز جاۋىن - شاشىندى بولىپ، قىر گۇلى ەرەكشە جاقسى اشىلدى. مامىردان بەرى شاعانتوعاي اۋدانىنا ساياحاتتاي كەلگەن ساياحاتشى 90 نەشە مىڭ ادامعا (رەت) جەتىپ، ساياحات كىرىسى 27 ميلليون يۋاننان استى، - دەدى.«دەنساۋلىققا پايدالى ساياحات» قارسى الىنۋدا

  9 - شىلدە تاڭەرتەڭ جەكە اۆتوكولىكتەر مەن ساياحات اۆتوبۋزدارى كوكتوعاي كورىنىس رايونىنىڭ يرەلەڭ تاۋ جولىندا ۇزىننان - ۇزاققا ساپ قۇرادى. جول بويىنداعى ءاربىر كورىنىس تۇيىندەرىندە ساياحاتشىلار ەستەلىك سۋرەتكە ءتۇسىپ جاتىر. تۇستەن بۇرىن ساعات 10عا تارتا تايۋاننان كەلگەن 40 ادامدىق ساياحات ۇيىرمەسى مەن حىبەيدەن كەلگەن 30 ادامدىق ساياحات ۇيىرمەسىندەگى ساياحاتشىلار كوكتوعاي كورىنىس رايونىنداعى اسىل تاس سايىنا باردى.

  «تاماشا ساياحات بولدى. كەن تاسى ۇلگىلەرىن تەرۋمەن بىرگە، كوركەم تابيعات كورىنىسىنەن ءلاززاتتاندىم. بۇل ارا كۇتىنۋدە تاپتىرمايتىن جاقسى جەر ەكەن»، - دەيدى تايۋاندىق ساياحاتشى جۋ جيا - ي. كوكتوعاي كورىنىس رايونى بيىل جازدا ەلىمىزدىڭ ساياحات بازارلارىنا «دەنساۋلىققا پايدالى ساياحاتتى» كۇش سالا تانىستىرىپ، ءتىپتى دە كوپ ساياحاتشىنى كورىنىس رايونىنا كەلىپ ساياحاتتاي كەلۋگە تارتتى.

  ۇعىسۋعا قاراعاندا، كوكتوعاي كورىنىس رايونى اسىل تاس ىزدەۋ، تابيعات كورىنىسىن تاماشالاۋ، عىلىم جالپىلاستىرۋ جاعدايىن تەكسەرۋ، جاياۋ ءجۇرىپ فوتوسۋرەت ءتۇسىرۋ، وزىندىك ەرەكشەلىككە يە تاعامدار، ساياحات تاۋارلارى سياقتى ساياحات ونىمدەرى مەن جەلىلەرى ساياحاتشىلاردىڭ ءبىر كۇندىك ساياحات، 3 كۇندىك ساياحات سەكىلدى ساياحات قاجەتىن قاناعاتتاندىرا الادى ەكەن.

  «كورىنىس رايونىنداعى ساياحات كورىنىس تۇيىندەرى قۇرىلعىلارىنىڭ ۇزبەي كەمەلدەنۋىنە جانە ساياحاتشىلاردى قابىلداۋ، ولارعا قىزمەت كورسەتۋ ساپاسىنىڭ ۇزدىكسىز وسۋىنە بايلانىستى ماۋسىم ايىنان بەرى كورىنىس رايونىنا ساياحاتتاۋعا كەلگەن ساياحاتشىلار جەدەل ارتىپ، ساياحات ءبىرتالاي قىزا ءتۇستى. اسىرەسە، اپتا اياعىندا دەمالىستا كۇنىنە ەڭ كوپ بولعاندا 5000 ساياحاتشى (رەت) قابىلدادىق. بۇل وتكەن جىلداردىڭ سول تۇستاعى تاق كۇندەرىندە قابىلداعان ساياحاتشى مولشەرىنەن نەداۋىر كوپ»، - دەيدى شينجياڭ يۋانفاڭ ساياحات شەكتى سەرىكتەستىگىنىڭ ورىنباسار باس مەڭگەرۋشىسى حۋ يانلي.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.