بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

بيىلعى جىلدىڭ الدىڭعى جارتىسىندا رايونىمىزدىڭ اۋىل - قىستاقتارىندا ءبىر ميلليون 500 مىڭ (رەت) ارتىق ەڭبەككۇش باسقا كاسىپ سالالارىندا كاسىپتەندىرىلدى

2016.07.14 15:25     كەلۋ قاينارى : شينجياڭ گازەتى

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، بيىلعى جىلدىڭ الدىڭعى جارتىسىندا رايونىمىزدىڭ اۋىل - قىستاقتارىندا ءبىر ميلليون 504 مىڭ 890 (رەت) ارتىق ەڭبەككۇش باسقا كاسىپ سالالارىندا كاسىپتەندىرىلىپ، جىلدىق نىسانالىق مىندەتتىڭ %68.45ى ورىندالعان.

  اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ − رايونىمىزدىڭ كاسىپتەندىرۋ قىزمەتىندە بارىنەن ماڭىزدى ورىندا تۇرادى. وتە - موتە، وڭتۇستىك شينجياڭدا اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ جەرگىلىكتى ورىننىڭ اۋىل - قىستاقتاعى ەڭبەككۇشتەردىڭ اسىپ قالۋ ماسەلەسىن شەشۋىنىڭ، ەكونوميكانىڭ دامۋىن جەبەۋىنىڭ، كەدەيلىكتەن قۇتىلدىرىپ اۋقاتتانۋدى ىسكە اسىرۋىنىڭ، ۇلتتار ىنتىماعىن ىلگەرىلەتۋىنىڭ ماڭىزدى جولى. وسىعان وراي، رايونىمىز «ءتورتتى تياناق ەتىپ» (كاسىپ سالاسى ارقىلى جەتەكتەۋدى، سول جەردىڭ وزىندە، جاقىن ماڭدا كاسىپتەندىرۋدى، شينجياڭ ىشىندە شەشۋدى، شينجياڭعا باعىتتامالى كومەكتەسۋ جولىمەن جەبەۋدى تياناق ەتۋ)، وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋدى ءتۇرلى ءادىس - امالدارمەن جەبەدى.

  بيىلعى جىلدىڭ الدىڭعى جارتىسىندا اۋىل - قىستاقتارداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ قىزمەتىندە سول جەردىڭ وزىندە، جاقىن ماڭدا باسقا كاسىپ سالالارىنا ويىستىرۋدىڭ ناتيجەسى كورنەكتى بولدى، جالپى ءبىر ميلليون 180 مىڭ 600 ادام (رەت) باسقا كاسىپ سالالارىنا ويىستىرىلدى؛ شينجياڭ ىشىندە باسقا كاسىپ سالالارىنا ويىستىرۋدا تىڭ ىلگەرىلەۋشىلىكتەر بولىپ، جالپى 269 مىڭ 300 ادام (رەت) باسقا كاسىپ سالاسىنا ويىستىرىلدى؛ ىشكى ولكەلەلەرگە باسقا كاسىپ سالالارىنا ويىستىرىپ كاسىپتەندىرۋ ءىسى ورنىقتى تۇردە ىلگەرىلەتىلىپ، 18 مىڭ 300 ادام (رەت) ىشكى ولكەلەرگە بارىپ جۇمىس ىستەۋگە، ساۋدا جاساۋعا ۇيىمداستىرىلدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەر قىزمەتى باسقارماسىنىڭ باستىعى شىن پيڭجياڭنىڭ تانىستىرۋىنشا، سول جەردىڭ وزىندە، جاقىن ماڭدا كاسىپتەندىرۋ − رايونىمىزدىڭ وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋدەگى ماڭىزدى پرينسيبى مەن جولى ەكەن. بيىلعى جىلدىڭ الدىڭعى جارتىسىندا رايونىمىز «سەرىك زاۆودى» جاڭا ۇلگىسىن كۇش سالا جولعا قويعاننان كەيىن، سول جەردىڭ وزىندە، جاقىن ماڭدا كاسىپتەندىرىلگەن ادام سانى بىلتىرعى سول تۇستاعىدان كورنەكتى تۇردە ارتقان. «<سەرىك زاۆودى> ۇلگىسىن شارۋالار ەرەكشە قارسى الىپ وتىرعانىن اماليات كورسەتتى»، - دەيدى شىن پيڭجياڭ.

  سونىمەن قاتار، رايونىمىز شينجياڭنىڭ ءوز ىشىندەگى وڭىرلەر ارا باسقا كاسىپ سالالارىنا ويىستىرىپ كاسىپتەندىرۋدى ىلگەرىلەتۋ سەرپىنىن ارتتىردى. اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ تاراۋى وڭتۇستىك، سولتۇستىك شينجياڭ اراسىنداعى ەڭبەك سەلبەستىگى بويىنشا توعىسۋدى بەلسەندى تۇردە ۇيىمداستىرىپ، اتقارىپ، وڭتۇستىك، سولتۇستىك شينجياڭ اراسىنداعى ەڭبەك بويىنشا توعىستىرۋ ءماجىلىسىن ارنايى اشىپ، دالمە - ءدال توعىستىرۋدى جانە ۇيىمدى تۇردە توعىستىرۋدى ىلگەرىلەتتى، وڭتۇستىك شينجياڭ رايونىن ءتۇيىن ەتىپ، حوتان، قاشقار، قىزىلسۋ سياقتى 2 ايماق، ءبىر وبلىستاعى ءبىر ءبولىم اۋداندار (قالا) سولتۇستىك شينجياڭ رايونىنداعى كاسىپورىندارمەن، پولك - الاڭدارمەن دالمە - ءدال توعىسىپ، وڭتۇستىك، سولتۇستىك شينجياڭ اراسىنداعى ەڭبەك سەلبەستىگىنىڭ جۇلگەلىك كەلىسىمىنىڭ جاڭا جۇلگەسى العاشقى قادامدا قالىپتاستى.

  رايونىمىز ىشكى ولكەلەرگە اپارىپ باسقا كاسىپ سالالارىنا ويىستىرىپ كاسىپتەندىرۋ قىزمەتىن جوعارى دەڭگەيدە ىلگەرىلەتىپ، شينجياڭ مەن شينجياڭعا باعىتتامالى كومەكتەسۋشى ولكە، قالالاردىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى اراسىنداعى ولكە دارەجەلى سەلبەستىك مەحانيزمىن جانە ايماق، قالا دارەجەلى سەلبەستىك مەحانيزمىن ورناتۋدى قاراستىردى، ىشكى ولكەلەرگە اپارىپ باسقا كاسىپ سالالارىنا ويىستىرىپ كاسىپتەندىرۋ ارناسى بىرتىندەپ اشىلدى، حوتان، قاشقار، قىزىلسۋ سياقتى 2 ايماق، ءبىر وبلىس ىشكى ولكەلەرمەن ەڭبەك بويىنشا توعىسۋ قيمىلىن بەلسەنە ورىستەتىپ، بەلگىلى ناتيجەگە قول جەتكىزدى.

  رايونىمىزدىڭ باسقا كاسىپ سالاسىنا ويىسىپ كاسىپتەنۋدى جەبەۋ ساياساتتارى دا ىركەس - تىركەس شىعارىلدى. بيىل مامىردا اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ بويىنشا قوسىمشا قاراجات ورنىنا سيلىق بەرۋ قارجىسىن باسقارۋدىڭ ۋاقىتشا ءادىسىن شىعارىپ، از ۇلت ەڭبەككۇشتەرىنىڭ ىشكى ولكەلەردەگى كاسىپورىندارعا بارىپ كاسىپتەنۋىنە، وڭتۇستىك شينجياڭداعى از ۇلت ەڭبەككۇشتەرىنىڭ شينجياڭنىڭ ءوز ىشىندەگى باسقا ايماق، وبلىستارعا بارىپ تۇراقتى كاسىپتەنۋىنە بايلانىستى بەرىلەتىن سيلىق سوما ولشەمىن زور دارەجەدە جوعارىلاتتى. تاياۋدا رايونىمىز كەدەيلىكتەن قۇتىلدىرۋدان قامال الۋ بويىنشا باسقا كاسىپ سالالارىنا ويىستىرىپ كاسىپتەندىرۋ ارناۋلى قيمىلىن اتقارىپ، بۇكىل رايونىمىزدىڭ اۋىل - قىستاقتارىنداعى ارحيۆ تۇرعىزىلىپ، كارتچكا بەرىلگەن ەڭبەك جاسىنداعى، ەڭبەك قابىلەتى جانە كاسىپتەنۋ تىلەگى بار كەدەي وتباسىلارىنداعى ەڭبەككۇشتەرگە باعىتتاي، كاسىپورىندارعا بارىپ كاسىپتەنۋگە ۇيىمداستىرۋ، يكەمدىلىكپەن كاسىپتەنۋگە شابىتتاندىرۋ، ءوز الدىنا شارۋاشىلىق قۇرۋعا جەتەكتەۋ جانە كاسىپتەنۋگە كومەك بەرۋ سياقتى جولدار ارقىلى، كەم دەگەندە، ءبىر ادامنىڭ كاسىپتەنۋىن قامتاماسىز ەتتى. وسى ساياساتتار مەن شابىتتاندىرۋ شارالارى اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرىپ كاسىپتەندىرۋ قىزمەتىنىڭ ورىستەتىلۋىن پارمەندى تۇردە ىلگەرىلەتتى.

  ۇعىسۋىمىزشا، جىل باسىندا بەلگىلەنگەن نىسانالىق مىندەتتەرگە ساي، 2016 - جىلى رايونىمىز اۋىل - قىستاقتاردا 2 ميلليون 200 مىڭ (رەت) ارتىق ەڭبەككۇشتى باسقا كاسىپ سالالارىنا ويىستىرىپ كاسىپتەندىرەدى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.