- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەت وتەۋدى ساپالىلاندىرىپ، سىرتقى ساۋدانىڭ ورنىقتى ارتۋىن پارمەندى جەبەدى
2016.07.14 15:29 كەلۋ قاينارى : شينجياڭ گازەتى
− الاتاۋ ساعاسى كەدەنى كەدەننەن وتكىزۋ ونىمدىلىگىن بار كۇشپەن جوعارىلاتتى
جاڭ لەي، لي جينسۇڭ
ماۋسىم ايىنىڭ سوڭى، بۇكىل شينجياڭنىڭ جەر - جەرى وتقا ورانعانداي قاپىرىق ىستىق بولدى. شەكاراداعى جاڭا قالا − الاتاۋ ساعاسى قالاسىنىڭ اۋا تەمپەراتۋراسى 38 سەلتسي گرادۋسقا دەيىن كوتەرىلسە دە شىجىعان ىستىق وتكەلدىك جۇمىستارعا بايلانىستى گۇلدەنىپ - كوركەيگەن قالانىڭ قاربالاستىعىن تيتتەي دە باسەڭدەتە العانى جوق، ەل ءىشى - سىرتىنداعى زاتتار الاتاۋ ساعاسى وتكەلىنەن ارلى - بەرلى دامىلسىز جونەلتىلىپ جاتتى، بۇل الاتاۋ ساعاسى كەدەنىندەگى قىزمەتكەرلەر جونىنەن العاندا نەداۋىر ۇلكەن سىناق ەدى.
24 - ماۋسىم تۇستەن كەيىن الاتاۋ ساعاسى كەدەنى تەكسەرۋ 1 - ءبولىمىنىڭ ورىنباسار باستىعى گاۋ بين بولىسكە ساي مىندەتتى تاپسىرىپ العاننان كەيىن، تەمىر جول جۇك ورنىنا بارىپ ىشكى ولكەدەگى ءبىر كاسىپورىننىڭ وزبەكستانعا يمپورت ەتەتىن زاتتارىن تەكسەرۋگە كىرىسىپ كەتتى. مي قايناعان ىستىقتا جۇك قوراپتىڭ ىشكى تەمپەراتۋراسى 40تا 50 سەلتسي گرادۋسقا دەيىن كوتەرىلگەن ەدى. گاۋ بين مەن ونىڭ قىزمەتتەستەرى جۇك قوراپتىڭ ىشىنە كىرىپ زاتتاردى مۇقيات تەكسەرە باستادى، جۇمىستارى اياقتاعان كەزدە ونە بويلارى شىلقا تەر بولىپ كەتتى. ولار ونان ارى تاعى ءبىر جۇك ورنىنا قاراي تارتتى.
گاۋ بين: كاسىپورىنداردىڭ زاتى قايدا بولسا ءبىز سوندا بارىپ تەكسەرەمىز. جۇمىسىمىز جاپالىراق بولعانىمەن، كاسىپورىندارعا قولايلىلىق تۋدىرىپ بەردىك، - دەدى. بۇل الاتاۋ ساعاسى كەدەنىنىڭ قىزمەت وتەۋدى ساپالىلاندىرىپ، كەدەننەن وتكىزۋ ونىمدىلىگىن جوعارىلاتىپ، سىرتقى ساۋدا ەكسپورت - يمپورت كاسىبىنىڭ جەدەل ارتۋىنا دەم بەرۋدەگى ۇتىمدى شارالارىنىڭ ءبىرى ەكەن. قىزمەت وتەۋ ۇلگىسىن جاڭالاپ، كاسىپورىنداردىڭ وزىندىك قۇنىن تومەندەتتى
كەدەننەن زات جونەلتۋدە عاسىرلىق تاريحى بار الاتاۋ ساعاسى وتكەلىندە شينجياڭداعى ەڭ جاس قالا بوي كوتەردى. مۇندا 2 جىلدىڭ الدىندا بۇكىل شينجياڭداعى تۇڭعىش ۋنيۆەرسال قورعامالى باجى رايونى كەدەندىك جابىق تيجاراتتى جۇرگىزىپ كەتكەن بولاتىن.
قارىشتاپ دامىعان يمپورت - ەكسپورت ساۋداسى الاتاۋ ساعاسى كەدەنىنىڭ ارقالاعان مىندەتىنىڭ بارعان سايىن اۋىرلاي تۇسكەندىگىن اڭعارتاتىن ەدى. بۇل كەدەن قىزمەت وتەۋدى تىنباي ساپالىلاندىرىپ، ءتۇرلى شارا قولدانىپ، يمپورت - ەكسپورت زاتتارىنىڭ كەدەننەن ءوتۋ ونىمدىلىگىن ونان ارى جوعارىلاتتى.
تاياۋدا الاتاۋ ساعاسى بوباۋ حالىقارالىق زات تاسىمال وكىلەتتى شەكتى سەرىكتەستىگى 3 توپتا 22 اۆتوموبيلمەن 2016 توننا دورباسىز تەمىر كەن رۋداسىن وكىلدىك رەتىندە يمپورت ەتتى. كەدەنگە مالىمدەۋشى قىزمەتكەر لي حۇي بۇرىن توپ - توبىمەن، اۆتوموبيل سايىن مالىمدەلەتىن زاتتاردىڭ راسمياتىنىڭ بۇل جولى ءبىر جولدا بىتكەنىنە قاتتى قۋاندى.
بۇل شاڭحاي ەركىن ساۋدا رايونىنىڭ «توپ - توبىمەن مالىمدەۋ، شوعىرلى تەكسەرىپ بەكىتۋ» تاجىريبەسىنەن ونەگە العان جاڭا ءتاسىل، الاتاۋ ساعاسى كەدەنىنىڭ كەدەننەن وتكىزۋدى ءبىر تۇلعالاندىرۋ رەفورماسىنىڭ ماڭىزدى شاراسى ەدى.
سونىمەن بىرگە، الاتاۋ ساعاسى ىزدەنىس جاساپ، كەلىسىم بويىنشا قىزمەت وتەۋ ءتۇزىمى مەن دالمە - ءدال قىزمەت وتەۋ مەحانيزمىن اتقاردى. كاسىپورىن شۇعىل، ۋاقىتىنان اسىرىپ قىزمەت وتەۋگە تۋرا كەلگەندە الدىن الا كەلىسەدى. كەدەن قالىپتى قىزمەت ۋاقىتىنان تىسقارى كەزدە جەدەلدەتىپ ءبىتىرىپ بەرەدى؛ تۇرلىشە كاسىپورىنداردىڭ ءىس جۇزىندىك جاعدايىمەن ۇشتاستىرىپ يكەمدى قىزمەت وتەۋ شارالارىن بەلگىلەپ، ءار كاسىپورىننىڭ جاعدايىنا قاراي سايكەستى ءبىر جايلى ەتەدى. عىلىم - تەحنيكالىق تاسىلدەردەن ۇتىمدى پايدالانىپ، كەدەننەن جۇك وتكىزۋدى بارىنشا قولايلىلاندىردى
جۋىق جىلداردان بەرى كاسىپورىنداردىڭ كەدەننەن زات وتكىزۋىنە اناعۇرلىم قولايلىلىق جاساۋ ءۇشىن الاتاۋ ساعاسى كەدەنى ءتۇزىمدى جاڭالاۋدان تارتىپ ادام كۇشىن جۇمساۋعا دەيىن كوپتەگەن قۇلشىنىستار جاسادى. كەدەننەن جۇك وتكىزۋدى قولايلىلاندىرۋدى قايتكەندە ونان ارى جەبەۋگە بولادى؟ الاتاۋ ساعاسى كەدەنى عىلىم - تەحنيكالىق تاسىلدەر مەن ينفورماتسيالانعان تەحنيكانى پايدالانۋ اياق الىسىن جەدەلدەتتى.
بۇرىن كاسىپورىندار زات يمپورت - ەكسپورت ەتكەندە مالىمدەۋ، حۇجاتتاردى قاراۋ، سالىق جيۋدان تارتىپ تەكسەرۋ، وتكىزۋگە دەيىنگى بارىستا قىرۋار ماتەريال تاپسىرۋى كەرەك ەدى، بۇعان كوپ ۋاقىت، كوپ كۇش كەتەتىن. وسى ماسەلەنى شەشۋ ءۇشىن الاتاۋ ساعاسى كەدەنى مەملەكەتتىك كەدەن باس مەكەمەسىنىڭ ورنالاستىرۋىنا ءۇن قوسىپ، كەدەننەن وتكىزۋ ىستەرىن ەلەكتروندى جۇيەگە ءتۇسىردى.
ماۋسىم سوڭىندا جياڭشي ولكەسىنىڭ يچۇن قالاسىنداعى ءبىر كاسىپورىننىڭ قازاقستانعا ەكسپورت ەتكەن توقىماشىلىق ماشينالارى الاتاۋ ساعاسى وتكەلىنە جەتتى. وسى زاتتار وتكەلگە جەتكىزىلگەن كۇنى جەدەل تەكسەرىلىپ وتكىزىلىپ جىبەرىلدى. ينتەرنەتكە جالعانعان تاقتا كومپيۋتەر تەكسەرۋ ناتيجەسىن قولما - قول شىعارىپ، ارتقى تەكشە جۇيەسىنە جولداپ بەرگەننەن كەيىن باسقالاي قالىپسىز جاعداي بايقالماي، زاتتار دەرەۋ جونەلتىلدى.جىل بويى دەم الماي كەدەننەن زات وتكىزىپ، سىرتقى ساۋدانىڭ ارتۋىن جەبەدى
الاتاۋ ساعاسى وتكەلى قازىر جىل بويى دەم الماي جۇمىس ىستەيدى. بۇل يمپورت - ەكسپورت ساۋداسىنىڭ ۇزبەي ارتۋىنا كەپىلدىك ەتۋمەن بىرگە، كەدەننىڭ قىزمەت مولشەرىن قاۋىرت ارتتىردى.
الاتاۋ ساعاسى كەدەنىندەگى 150دەن استام قىزمەتكەر كەزەكتەسىپ ىستەۋ فورماسىمەن كەدەننىڭ جىل بويى دامىلسىز جۇمىس جۇرگىزۋىنە كەپىلدىك ەتۋدە. الاتاۋ ساعاسىندا جىل بويى بوز بوران سوعىپ تۇرادى، قىسى قاقاعان سۋىق، جازى شىجىعان ىستىق بولادى. مىنە، وسىنداي ناشار جاراتىلىستىق شارت - جاعدايدا قىرۋار قىزمەت اتقارۋ جاستاردى نەگىز ەتكەن كەدەن قىزمەتكەرلەرى جونىنەن وڭاي - وسپاق ءىس ەمەس.
الاتاۋ ساعاسى كەدەنىندەگى بارلىق جۇمىسشى - قىزمەتكەرلەردىڭ قۇلشىنۋىندا بيىل قاڭتاردان مامىرعا دەيىن وتكەلدەن كىرىپ - شىققان حالىقارالىق كەزەكشى اۆتوكولىك مولشەرى %145، زات تاسىمال مولشەرى %197 ارتتى. سىرتقى ساۋدانىڭ گۇلدەنىپ - كوركەيۋى وتكەلدىڭ دامۋىنا وراسان زور قوزعاۋشى كۇش قوستى، بۇل كەدەن قىزمەتكەرلەرىنىڭ قاجىرلى ەڭبەگىنىڭ ارقاسى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
