- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اتتىڭتاۋىنداعى ارىندى قادام
2016.07.14 15:35 كەلۋ قاينارى : شينجياڭ گازەتى
مۇرات ىبىراي ۇلى حابارلايدى. تەكەس اۋدانى ءشيلى وزەك قالاشىعى اتتىڭتاۋى قىستاعى اۆتونوميالى رايون دارەجەلى كەدەي قىستاقتاردىڭ ءبىرى. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا تەكەس اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءنۇسىپ ايتجان ۇلى باستاعان اۋداندىق قالا قۇرىلىسى مەكەمەسىنەن ءشيلى وزەك قالاشىعى اتتىڭتاۋى قىستاعىنا تۇسكەن قىزمەت گرۋپپاسى بيىل جىل باسىنان بەرى ورتالىق پەن اۆتونوميالى رايوننىڭ كەدەيلىكتەن قۇتىلدىرۋدان قامال الۋ ۇندەۋىنە ءۇن قوسىپ، اتتىڭتاۋى قىستاعىندا كەدەيلىكتەن قۇتىلدىرۋدان قامال الۋدىڭ ناقتى ءادىس - شارالارىن بەلگىلەپ، قىستاق تۇرعىندارىمەن بىرگە جۇمىلا جۇمىس ىستەپ كەلەدى.
قىستاقتىڭ ءالى كۇنگە كەدەيلىكتەن ارىلا الماي كەلە جاتقانىنىڭ سەبەبىن قىستاق جاۋاپتىلارى مەن قىستاق تۇرعىندارى بىلايشا باياندايدى: ۇزاق ۋاقىتتان بەرى جالاڭ مال شارۋاشىلىعىمەن شۇعىلدانۋ قىستاقتاعى ءوندىرىس قۇرىلىمىنىڭ جاڭالانۋىنا، مالشىلار كىرىسىنىڭ ارتۋىنا كەدەرگى بولعان، سونىمەن بىرگە، تەكەس اڭعارى وڭىرىندە 2013 - 2014 - جىلدارى تۋىلعان اۋىر قۋاڭشىلىق اپاتى قىستاقتىڭ مال شارۋاشىلىعى وندىرىسىنە زيان جەتكىزىپ، شىعىن تۋدىرعان. ال جۋىق جىلداردان بەرى، مال شارۋاشىلىق ونىمدەرىنىڭ بازار باعاسىنىڭ تومەندەۋى قىستاق تۇرعىندارىنىڭ ەكونوميكالىق كىرىسىنىڭ ارتۋىن شەكتەگەن. سونداي - اق قىستاقتاعى ءبىر ءبولىم وتباسىلارىنىڭ اۋرۋ - سىرقاۋ بولۋ، وقۋشى وقىتۋ سياقتى ارتىق - اۋىس شىعىنى بولۋ سەبەبىنەن ەكونوميكالىق كىرىسى ارتپاۋ، ءىشىنارا جالقاۋ، كەرەناۋ ادامداردىڭ بويكۇيەزدىككە سالىنۋىنان بارعان سايىن كەدەيلەسۋ سىندى جايتتەر قىستاقتىڭ ەكونوميكالىق جاقتان ەرتەرەك ەڭسە كوتەرۋىنە مۇمكىندىك بەرمەگەن.
قىزمەت گرۋپپاسى قىستاققا كەلگەننەن كەيىن قىستاقتىڭ جالپى شارۋاشىلىق جاعدايىن ۇعىسۋ، ورىن تەۋىپ وتىرعان ماسەلەلەرگە وبيەكتيۆ تالداۋ جاساۋ، ونان ارى قىستاق تۇرعىندارىنىڭ وتباسىلارىنا بارىپ، ءارقايسى وتباسىنىڭ ناقتى جاعدايلارىن ءجىتي ۇعىسۋ، كەدەي - كەمباعال وتباسىلارىنىڭ كەدەي بولۋ سەبەپتەرىنە ىشكەرىلەي تالداۋ جاساۋ ارقىلى قىستاقتى، قىستاقتاعى كەدەي وتباسىلارىن بيىلعى جىلدىڭ اياعىنا دەيىن كەدەيلىكتەن قۇتىلدىرۋ ۋادەسىن بەرىپ، قاۋىرت جۇمىسقا كىرىسكەن.
قىزمەت گرۋپپاسى مەن قىستاق تۇرعىندار كوميتەتىندەگى كادرلار، ەڭ الدىمەن، ازىن - اۋلاق مال باعىپ، ءۇپى - تاپى عانا شارۋاشىلىقپەن اينالىساتىن كەدەي مالشى وتباسىلارىنىڭ مالىن كووپەراتيۆ فورماسىندا توپتاستىرىپ باعۋ، ياعني ءار 10 وتباسىنىڭ مالىن ءبىر وتباسى توپتاپ باعۋدى، قالعان وتباسىنداعى ەڭبەككۇشتەر باسقا سالاعا ويىسۋدى ورىنداعان. وسى شارا بويىنشا قىستاقتاعى 356 وتباسىنان 50 عانا وتباسى مال باعۋى ءتيىس بولعان. وسى مال باققان وتباسى ءوز مالىمەن قوسا وزگەلەردىڭ مالىن باعىپ لايىقتى ەڭبەكاقىسىن الىپ، وتباسى كىرىسىن ارتتىرۋىنا مۇمكىندىك العان. وتە - موتە، بۇرىن از عانا مالىن باعامىن دەپ قولى بايلاناتىن كەدەي وتباسىنداعى ەڭبەككۇشتەر قىستاقتاعى قاڭىلتىر كەرپىش قۇيۋ زاۆودىنا بارىپ جۇمىس ىستەۋ، قىستاقتاعى كەدەي وتباسىلارى ءۇشىن سالىنىپ جاتقان 50 شارشى مەترلىك ۇيلەردى سالۋ، ونان اسسا تەكەس قالاشىعىنداعى قۇرىلىس اترەتتەرىنە بارىپ كۇندىك جۇمىس ىستەۋ سياقتى جۇمىستارعا جەگىلگەن. سونىمەن بىرگە، قىزمەت گرۋپپاسى ءوز قىزمەت ورىندارىنىڭ ەرەكشەلىگى بويىنشا قىستاقتاعى ءبىر ءبولىم ەڭبەككۇشتەردى قالا ورتاسىن جاسىلداندىرۋ، كوشە تازالىعىن ىستەۋ سياقتى جۇمىستارعا تارتىپ، تەكەس قالاشىعىندا تۇراقتى تۇراتىن جۇمىسكەرگە اينالدىرا باستاعان.
قىزمەت گرۋپپاسى جوعارىنىڭ ءاربىر كەدەي وتباسىن كەدەيلىكتەن قۇتىلدىرۋعا بەرەتىن 3000 يۋان قوسىمشا كومەك قارجىسىمەن قىستاقتاعى 64 كەدەي وتباسىنا 900 قوي ساتىپ الىپ بەرىپ، قىستاقتا قازاق قىزىل قويى باعىمشىلىعىن وركەندەتۋدى جوسپارلاۋمەن بىرگە، قىستاقتاعى ءىشىنارا كەدەي وتباسىلارىن ەتتى تاۋىق باعىمشىلىعىمەن شۇعىلدانۋعا جەتەكتەپ، قىستاقتا ەرەكشە باعىمشىلىق كاسىبىن جانداندىرۋدىڭ قامىندا ەكەن. قىزمەت گرۋپپاسى قىستاقتاعى ءبىر ءبولىم كەدەي وتباسىلارىن ەتتى تاۋىق باعىمشىلىعىمەن شۇعىلدانۋعا باستاۋ ءۇشىن جىل باسىندا 900 شوجە ساتىپ اكەلىپ، 6 وتباسىنا ءبولىپ بەرگەن. تەكەس اۋداندىق قالا قۇرىلىسى مەكەمەسى پارتگرۋپپاسىنىڭ مۇشەسى، اۋداندىق جوسپارلاۋ مەكەمەسىنىڭ باستىعى، قىستاقتاعى قىزمەت گرۋپپاسىنىڭ ورىنباسار باستىعى دوسىمبەك نۇرابىلدا ۇلى: كەدەيلىكتەن قۇتىلۋدا كاسىپتىڭ ۇلكەنى، كىشىسى، مىرزاسى، قوراشى بولمايدى. قىستاعىمىزداعى جاڭا كاسىپ ەتتى تاۋىق باعىمشىلىعى ءسوزىمىزدىڭ دالەلى بولادى. ءبىز ءبىر شوجەنى 18 يۋانعا ساتىپ العامىز، ءبىر شوجەنى 3 اي ۋاقىت مولشەرىندە باققاندا جەم - ءشوبى ءۇشىن 23 يۋاننىڭ توڭىرگىندە قارجى جۇمسالدى. وسىلاي ەسەپتەگەندە، ءبىر ەتتى تاۋىق باعۋعا 40 يۋاننىڭ اينالاسىندا قارجى جۇمسالادى دەگەن ءسوز. ال قازىر تۇرعىندارىمىز ءبىر ەتتى تاۋىقتى 08 يۋانعا ساتىپ جاتىر، - دەيدى. بەيسەمقان كولباي قىزى ەتتى تاۋىق باعىمشىلىعىمەن شۇعىلدانا باستاعان قىستاق تۇرعىندارىنىڭ ءبىرى. ول كەدەيلەردى سۇيەمەلدەۋ قوسىمشا قارجىسىنىڭ، سونداي - اق دالمە - ءدال سۇيەمەلدەۋ قيمىلى بويىنشا قىزمەت گرۋپپاسىنىڭ باستىعى ءنۇسىپ ايتجان ۇلىنىڭ جەكەلەي كومەگىمەن 600 ەتتى تاۋىق باعىپ وتىر ەكەن. ول: قازىر كۇنىنە 40 - 50 جۇمىرتقا ساتامىن، ەتتى تاۋىقتارىما دا الارمان كوپ، - دەيدى.
قىزمەت گرۋپپاسىنىڭ كادرلارى قىستاقتا كەدەيلىكتەن قۇتىلدىرۋدىڭ ۇزاق مەرزىمدى باياندى مەحانيزمىن قالىپتاستىرۋدىڭ تەتىگى قىستاق تۇرعىندارىنىڭ يدەيانى ازات ەتىپ، بەلسەندىلىكپەن جۇمىس ىستەپ، ءتۇرلى كاسىپ كوزدەرىن اشۋىندا جاتىر دەپ قارايدى. وسى ويمەن ولار قىستاققا كەلگەلى ۇگىت - ءناسيحات قىزمەتىن كىدىرتپەگەن. سونىڭ ناتيجەسىندە قازىر كادىربەك اكىمباي ۇلى سياقتى قىستاق تۇرعىندارى «ءوزىمىزدى − ءوزىمىز سەرپىلتەمىز» دەگەن بەلسەندى يرادامەن، زامان كوشىنەن قالمايمىز دەپ سەنىم بايلاپ وتىر. قىستاق پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جاقىپجان قۇرمانباي ۇلى: قىزمەت گرۋپپاسى قىستاعىمىزدىڭ كەدەيلىكتەن قۇتىلدىرۋ قىزمەتىن جەدەلدەتۋ، قىستاق تۇرعىندار كوميتەتىنىڭ ۇيىمدىق قۇرىلىسىن كەمەلدەندىرۋ سياقتى ەلەۋلى جۇمىستارىمىزعا ەسەلى ۇلەس قوسقانىنا رازىمىز، وتە - موتە، قىستاق تۇرعىندارىنىڭ يدەيالىق سەرپىلىسىنە شام جاققانداي بولدى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
