بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق ءتارتىپ تەكسەرۋ كوميتەتى «ءتورت ءتۇرلى بۇرىس ستيلدىڭ» كومەسكىلەنگەن، ءتۇرى وزگەرگەن 5 تيپتىك ماسەلەسىن حابارلاندىردى

2016.07.15 16:55     كەلۋ قاينارى : شينجياڭ گازەتى

  جۋىقتا اۆتونوميالى رايوندىق ءتارتىپ تەكسەرۋ كوميتەتى جاقىندا تەكسەرىپ انىقتالعان «ءتورت ءتۇرلى بۇرىس ستيلدىڭ» كومەسكىلەنگەن، ءتۇرى وزگەرگەن 5 تيپتىك ماسەلەسىن حابارلاندىردى. بۇل تيپتىك ماسەلە مىنالار:

  اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشىلارى باس اترەتىنىڭ جوعارى دارەجەلى تاس جول تارماق اترەتى كازىۋان ۇلكەن اترەتىنىڭ بۇرىنعى باستىعى (ورىنباسار تەكسەرۋ - زەرتتەۋشى) فاڭ يۋاننىڭ ۇكىمەت اۆتوكولىگىن جەكە جۇمىسقا پايدالانۋ ماسەلەسى. 2014 - جىلدان 2016 - جىلعا دەيىن فاڭ يۋان قىزمەتتەگى قولايلىلىعىنان پايدالانىپ، ۇكىمەت اۆتوكولىگىنە باسقا موتورلى كولىكتەردىڭ نومىرىن تاعىپ، كوپ رەت جەكە جۇمىسىنا جۇرگىزگەن. 2016 - جىلى مامىر ايىندا قوعام حاۋىپسىزدىگى مەڭگەرمەسى پارتكومى فاڭ يۋانعا پارتيا ىشىندە قاتاڭ ەسكەرتۋ جازاسىن بەرىپ، قاتىناس ساقشىلارى باس اترەتى جوعارى دارەجەلى تاس جول تارماق اترەتى كازىۋان ۇلكەن اترەتىنىڭ باستىعى مىندەتىنەن الىپ تاستاپ، قاتىستى اقىلاردى تولەۋگە بۇيىردى؛ باسقا موتورلى كولىكتەردىڭ ءنومىرىن تاعۋ سىندى زاڭعا قايشى ارەكەتىنە مەڭزەس، جوعارى دارەجەلى تاس جول تارماق اترەتى «موتورلى اۆتوكولىكتەردى جۇرگىزۋ كۋالىگىن ءوتىنىش ەتۋ جانە قولدانۋ بەلگىلەمەسى» بويىنشا 12 ءنومىر تارتىپ، 2000 يۋان ايىپ سالدى.

  اۆتونوميالى رايوندىق قاتىناس مەڭگەرمەسى تاس جول تاسىمالىن باسقارۋ مەكەمەسى قۇمىل قالالىق تەمىرتام شەكارا وتكەلى حالىقارالىق تاس جول تاسىمالىن باسقارۋ مەكەمەسى پارتگرۋپپاسىنىڭ بۇرىنعى ورىنباسار شۋجيى، مەكەمە باستىعى وۋياڭ يەنىڭ ۇلىنىڭ ۇيلەنۋ تويىن بەلگىلەمەگە قايشى وتكىزۋ ماسەلەسى. 2014 - جىلى 24 - جەلتوقساندا وۋياڭ يە بۇرىنعى قۇمىل ايماقتىق قوناق ۇيدە ۇلىنىڭ ۇيلەنۋ تويىن وتكىزگەن (تويدان بۇرىن مالىمدەگەن). 3 كۇننەن كەيىن تاعى دا قۇمىل قالاسى چيڭيۇيران رەستورانىندا قول استىنداعى قىزمەتكەرلەردى قامتىعان 46 ادامعا داستارقان جايعان، سونىمەن بىرگە، قول استىنداعى قىزمەتكەرلەر بەرگەن تويلىق اقشانى قابىلداعان. 2016 - جىلى ماۋسىم ايىندا قاتىناس مەڭگەرمەسى پارتكومى وۋياڭ يەگە پارتيا ىشىندە ەسكەرتۋ جازاسىن بەرىپ، قول استىنداعى قىزمەتكەرلەردەن العان تويلىق اقشانى قايتارۋعا بۇيىردى.

  شينجياڭ پەداگوگيكالىق ۋنيۆەرسيتەتى جۇمىسشى ۇيىمىنىڭ بۇرىنعى ورىنباسار ءتوراعاسى لي شىجۇڭنىڭ ۇكىمەت اقشاسىمەن ساياحاتتاۋ ماسەلەسى. 2015 - جىلى ناۋرىز ايىنان ماۋسىم ايىنا دەيىن لي شىجۇڭ عىلمي تاقىرىپقا جەتەكشىلىك ەتۋ قولايلىلىعىنان پايدالانىپ، عىلمي تاقىرىپتا زەرتتەۋ جۇرگىزۋدى جەلەۋ ەتىپ، وتباسىنداعىلاردىڭ حاڭجوۋ، شاڭحاي سياقتى جەرلەرگە ساياحاتتاپ بارعان قاراجاتىن 2 رەت ەسەپتەن كوتەرتكەن. 2016 - جىلى ناۋرىز ايىندا شينجياڭ پەداگوگيكالىق ۋنيۆەرسيتەتى پارتكومى لي شىجۇڭعا پارتيا ىشىندە قاتاڭ ەسكەرتۋ جازاسىن بەرىپ، قىزمەت مىندەتىنەن الىپ تاستادى.

  سانجى حۇيزۋ اۆتونوميالى وبلىستىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى، باس باقىلاۋشى گان شۇيجيەنىڭ ىشكى جاقتان قوناق قابىلداۋ ورنىن بەلگىلەمەگە قايشى سالىپ، ساۋلەتتى جوبالاۋ ماسەلەسى. 2013 - جىلى قاراشادا گان شۇيجيە جيىن باسقارىپ اشىپ، جاڭادان سالىنعان ساقشى ىستەرىنە پايدالانىلاتىن زاتتار مەن جابدىقتار قويماسىنىڭ 2 ءۇيىن ساۋلەتتى بەزەندىرۋدى ۇيعارعان. 2015 - جىلى اقپاندا سانجى وبلىستىق قوعام حاۋىپسىزدىگى مەكەمەسى بەزەندىرىلگەن 2 ارناۋلى بولمەنى ۇكىمەتتىك قوناق قابىلداۋعا ارنالعان تاماقتانۋ ورنى ەتەدى. 2016 - جىلى ساۋىردە سانجى وبلىستىق پارتكومى گان شۇيجيەگە پارتيا ىشىندە قاتاڭ ەسكەرتۋ جازاسىن بەردى.

  اراتۇرىك اۋداندىق ەگىن شارۋاشىلىعى مەكەمەسىنىڭ مەڭگەرۋشى قىزمەتكەرى ليۋ جۇننىڭ ۇكىمەت اقشاسىمەن ساياحاتتاۋ ماسەلەسى. ليۋ جۇن 2014 - جىلى ساۋىردە اراتۇرىك اۋداندىق ەگىن شارۋاشىلىعى مەكەمەسىنىڭ ورىنباسار باستىعى مىندەتىن وتەپ تۇرعان كەزىندە حايناننىڭ سان - يا قالاسىنا تەكسەرۋ - زەرتتەۋ جۇرگىزە بارۋ ورايىنان پايدالانىپ، ءىسساپار جولىن ءوز بەتىمەن وزگەرتىپ، ىلگەرىندى - كەيىندى شيامىن، نيڭبو قالالارىنا ساياحاتتاپ، وسى بارىستاعى قاتىناس قاراجاتى، جاتاق قاراجاتى سياقتىلاردى ۇكىمەت قاراجاتىنان كوتەرتكەن. 2016 - جىلى ساۋىردە اراتۇرىك اۋداندىق پارتكومى ليۋ جۇنگە پارتيا ىشىندە ەسكەرتۋ جازاسىن بەرىپ، قاتىستى قاراجاتتاردى قايتارۋعا بۇيىردى.

  حابارلاندىرۋدا مىنالار تالاپ ەتىلدى: بۇكىل رايونداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ۇيىمدارى شەگەلىك رۋحپەن شۇقشيا قاراپ، قۇلاقتى ءتۇرىپ، باقىلاۋ ارناسىن كەڭەيتىپ، نازاردى «ءتورت ءتۇرلى بۇرىس ستيلدىڭ» جاڭا بەتالىسىنا، جاڭا بەينەسىنە شوعىرلاندىرىپ، «شەشۋشى ازشىلىقتان» كوز الماي، «ءتورت ءتۇرلى بۇرىس ستيلدى»، سونداي - اق كومەسكىلەنگەن، ءتۇرى وزگەرگەن «ءتورت ءتۇرلى بۇرىس ستيلدى» بۇلجىماي وڭاۋ كەرەك. ماڭىزدى تۇيىندەردى، ناقتى جاعدايدى مىقتاپ يگەرىپ، ۇكىمەت اقشاسىمەن ءىشىپ جەۋ، ۇكىمەت اقشاسىمەن زات ساتىپ الۋ، ۇيرەنۋ، تەكسەرۋ سياقتىلاردى سىلتاۋ ەتىپ ۇكىمەت اقشاسىمەن ساياحاتتاۋ، توپقا ءبولىپ، شاعىن كولەمدە ءار جەردە توي - تومالاق، ءولىم - ءجىتىم ىستەرىن وتكىزۋ سياقتى ماسەلەلەردى قاداعالاۋ، اسىرەسە، پارتيالى كادرلاردىڭ بەلگىلەمەگە قايشى ازىرلەگەن «بالاسىن وقۋعا اتتاندىرۋ شايى»، «ۇستازدارىنا راقىمەت ايتۋ شايى»، بالالارىنىڭ شەتەلدە وقۋ قاراجاتىن باسقارۋ وبيەكتىلەرى مەن قىزمەت وتەۋ وبيەكتىلەرى ءبولىپ كوتەرۋ سىندى ماسەلەلەردى قاداعالاۋ كەرەك، ەرتە باستان، بەلەڭ بەرگەن زامان يگەرۋدەن، بايقالعان زامان جازالاۋدان جازباي، «ءتورت ءتۇرلى بۇرىس ستيلدىڭ» قايتا تۋىلۋىنان ساقتانىپ، ستيل قۇرىلىسىنىڭ جەتىستىكتەرىن بەكەمدەپ، تەرەڭدەتىپ، پارتيا ستيلى، ۇكىمەت ستيلى، قوعامدىق ستيلدى، حالىقتىق سالتتى اناعۇرلىم جاقسارتۋدى ىلگەرىلەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.