- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون ورنىقتىلىقتى قورعاۋ قىزمەتىن جۇمىس ۇستىندە ىلگەرىلەتۋ ءماجىلىسىن اشتى
2016.07.18 15:31 كەلۋ قاينارى : شينجياڭ گازەتى
14 - شىلدەدەن 17 - شىلدەگە دەيىن اۆتونوميالى رايون ورنىقتىلىقتى قورعاۋ قىزمەتىن جۇمىس ۇستىندە ىلگەرىلەتۋ ءماجىلىسىن اشتى. ءماجىلىستىڭ نەگىزگى مىندەتى: باس شۋجي شي جينپيڭنىڭ ماڭىزدى بەكىتۋى مەن نۇسقاۋلارىنىڭ رۋحىن ونان سايىن ىشكەرىلەي، دايەكتى تياناقتاندىرىپ، قايراتقا قايرات ۇستەپ، جەڭىسپەن العا ىلگەرىلەپ، ىرىقتىلىقپەن شابۋىلداپ، قاتاڭ ساقتانىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، كەشەندى شارا اتقارىپ، لاڭكەستىككە قارسى تۇرۋ جانە ورنىقتىلىقتى قورعاۋ كۇرەسىن ۇزدىكسىز تەرەڭدەتىپ، شينجياڭنىڭ باياندى تىنىشتىعىنىڭ نەگىزىن بەكەمدەۋ.
14 - شىلدەدەن 17 - شىلدەگە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەن اۆتونوميالى رايوننىڭ قاتىستى باسشىلارى، ايماق، وبلىس، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ساياسي - زاڭ كوميتەتتەرىنىڭ شۋجيلەرى جانە اۆتونوميالى رايوننىڭ قاتىستى تاراۋلارىنداعى جاۋاپتى جولداستار، وڭتۇستىك شينجياڭنىڭ 3 ايماق، ءبىر وبلىسىنا قاراستى اۋدان، قالالارداعى نەگىزگى جاۋاپتى جولداستار ىلگەرىندى - كەيىندى اقسۋ ايماعىنىڭ كۇشار اۋدانى مەن اقسۋ قالاسى، قاشقار ايماعىنىڭ ءپايزاۋات اۋدانى، قاشقار قالاسى، يىڭىسار اۋدانى، ياركەن اۋدانى، حوتان ايماعىنىڭ لوپ اۋدانى مەن حوتان قالاسى سياقتى 8 اۋدان - قالادا قوعام ورنىقتىلىعى مەن باياندى تىنىشتىقتىڭ باستى نىساناسىن دايەكتى تياناقتاندىرۋ جونىندە ناقتىلى تەكسەرۋ - زەرتتەۋ جۇرگىزىپ، جۇمىس باسىندا قىزمەتتەرمەن تانىسىپ جانە تاجىريبە اۋىسىپ، ءبىر - بىرىنەن ۇلگى - ونەگە الىستى. حوتاندا اشىلعان ماجىلىستە اقسۋ ايماقتىق پارتكومنىڭ شۋجيى دوۋ ۋانگۇي، قاشقار ايماقتىق پارتكومنىڭ شۋجيى زىڭ سۇن، حوتان ايماقتىق پارتكومنىڭ شۋجيى جاڭ جينبياۋ «بۇقارانى جۇمىلدىرىپ، نەگىزگى ساتىنىڭ نەگىزىن بەكەمدەپ، ۇشقارىلىقتى الاستاۋ»، ت.ب تۋراسىندا پىكىر اۋىسىپ، سوزگە شىقتى.
جاڭ چۇنشيان 17 - شىلدە كۇنى حوتاندا اشىلعان ماجىلىستە ماڭىزدى ءسوز سويلەپ، مىنانى اتاپ كورسەتتى: زورلىقتى كۇش لاڭكەستىككە قاتاڭ سوققى بەرۋ ارناۋلى ارەكەتى ورىستەتىلگەننەن بەرى، ءبىز ىرىقتىلىقپەن شابۋىلداۋعا، قاتاڭ سوققى بەرۋدىڭ تەگەۋرىندى كۇيىن ساقتاۋعا تاباندى بولىپ، جاۋلاردىڭ اپتىعىن باسىپ، بايقاۋ، ساقتانۋ، سوققى بەرۋ قابىلەتىن ۇزدىكسىز نىعايتىپ، «ۇشقارىلىقتى الاستاۋدا» كەلەلى جەتىستىكتەرگە، بۇقارانى جۇمىلدىرۋدا ناتيجەلى ىلگەرىلەۋشىلىكتەرگە جەتتىك، نەگىزگى ساتىنىڭ نەگىزى ايتارلىقتاي كۇشەيىپ، قوعامدىق جالپى جاعداي ۇزدىكسىز ورنىقتى بولدى. قاتاڭ سوققى بەرۋ ارقىلى تۇتاس شينجياڭدا كوزدەۋ ءتۇيىنى مەن كۇش سالۋ ءتۇيىنى جونىندەگى تانىم ونان سايىن نىعايىپ، «ورنىقتىلىقپەن قاتىسسىز ورىن، تاراۋ، ادام بولمايدى» دەگەن تانىم ونان سايىن تەرەڭدەپ، لاڭكەستىككە قارسى كۇرەستە «پارتيا، ۇكىمەت ورىندارى جاۋاپكەرشىلىكتى تەڭ ۇستىنە الۋ، ءبىر قىزمەت ورنىندا ەكى جاۋاپكەرشىلىك ارقالاۋ» تالابى تىڭعىلىقتى تياناقتانىپ، ءار ۇلت جۇرتشىلىعىنىڭ حاۋىپسىزدىك سەزىمى مەن رازىلىق دەڭگەيى ايتارلىقتاي كوتەرىلىپ، اۆتونوميالى رايوننىڭ رەفورما، دامۋ، ورنىقتىلىق قىزمەتتەرىنە تاماشا ورتا ازىرلەندى. قازىر شينجياڭ بەلدەن اسىپ، وتكەلدەن وتەتىن شەشۋشى كەزەڭدە تۇر، ءسوز جوق، قايراتقا قايرات ۇستەپ، جەڭىسپەن العا ىلگەرىلەپ، لاڭكەستىككە قارسى تۇرۋ، ورنىقتىلىقتى قورعاۋ كۇرەسىن تەرەڭدەتە ءتۇسۋ كەرەك.
جاڭ چۇنشيان مىنانى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى بەكىتۋ، نۇسقاۋلارىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ ايرىقشا قامقورلىعىن جۇرەكپەن سەزىنىپ، وڭاي قول جەتپەگەن جاقسى جاعدايدى ەسەلەپ قادىرلەپ، پارتيا ورتالىق كوميتەتى مەن باس شۋجي شي جينپيڭنىڭ ىقىلاستى قامقورلىعىن پارمەندى رۋحاني قوزعاۋشى كۇشكە، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتى ناتيجەسىنە اينالدىرۋ كەرەك. شينجياڭنىڭ ءۇش ءتۇرلى كۇشپەن كۇرەسىنىڭ ۇزاق ۋاقىتتىلىعىن، كۇردەلىلىگىن جانە جاپالىلىعىن جىعا تانىپ، بورىش پەن جاۋاپكەرشىلىكتى كۇشەيتىپ، تيتتەي دە بوساڭسىماي، كۇشكە كۇش، جىگەرگە جىگەر ۇستەپ، ءتۇرلى قىزمەتتى ءتىپتى ناتيجەلى يگەرۋگە قۇلشىنۋ قاجەت. «باستى نىسانانى ارق−اۋ ەتۋ، ءالسىز بۋىنداردى تابۋ، دەلولاردان ساب−اق الۋ، قىزمەتتى تياناقتى يگەرۋ» جالپى تالابىنا تاباندى بولىپ، باتىلدىقپەن ولقىلىقتاردى تولىقتاپ، تومەنگى شەككە كەپىلدىك ەتۋ كەرەك. نەگىزگى ساتىنى كۇشەيتىپ، نەگىزدى بەكەمدەۋگە، جۇرت قالاۋىن تارتۋعا ءتىپتى ۇلكەن كۇش سالىپ، شينجياڭنىڭ باياندى تىنىشتىعىنىڭ نەگىزىن ونان سايىن بەكەمدەۋ كەرەك.
جاڭ چۇنشيان مىنانى باسا دارىپتەدى: قاتاڭ سوققى بەرۋدىڭ تەگەۋرىندى كۇيىن قاشاندا ساقتاپ، زورلىقتى كۇش لاڭكەستىك ارەكەتتەرىن جورگەگىندە جويۋعا باتىل بولىپ، ىرىقتىلىقپەن شابۋىلداۋعا، جاۋدان بۇرىن قارمانۋعا تاباندى بولىپ، ادامدى، دەلونى، دەرەكتەردى قاداعالاپ، كۇن ىلگەرى، ۇلعايتپاي، بەلەڭ بەرگەن بەتتە سوققى بەرىپ، سوققى بەرۋ مەن ساقتانۋدى ۇشتاستىرىپ، سوققى بەرۋ ارقىلى ساقتانۋدى ىلگەرىلەتىپ، كومەسكى حاۋىپتەردى مۇمكىندىكتىڭ بارىنشا جويۋ كەرەك. ۇزدىكسىز تۇردە قاتاڭ ساقتانىپ، كەمىستىكتەردى بۇتىندەپ، ولقىلىقتاردى تولىقتاپ، ادام شوعىرلانعان ورىندارداعى ساقتىقتى كۇشەيتىپ، جىلجىمالى تۇرعىنداردى باسقارۋ، ولارعا قىزمەت ەتۋدى كۇشەيتىپ، قاتەرلى، جارىلعىش زاتتاردى باسقارۋ - تىزگىندەۋدى قاتايتىپ، لاڭكەستىككە قارسى تۇرۋ، ورنىقتىلىقتى قورعاۋ قىزمەتىن ءتىپتى جوعارى دەڭگەيگە كوتەرۋ كەرەك. جۇرتشىلىقتى تولىق جۇمىلدىرىپ، جۇرت قالاۋىن تارتىپ جانە شوعىرلاندىرىپ، بۇقارالىق قىزمەتتىڭ ءادىس - تاسىلدەرىن ۇزدىكسىز جاڭالاپ، بۇقارالىق قىزمەتتىڭ جەتىستىكتەرىن تەرەڭدەتىپ، ۇگىت - تاربيەنىڭ «تياناقتى، ۇتىمدى، ءونىمدى بولۋى» ماسەلەسىن شىنايى شەشىپ، سيلاۋ مەن جازالاۋدى ۇشتاستىرۋ ارقىلى بۇقارانىڭ بەلسەندىلىگىن جۇمىلدىرىپ، حالىق تۇرمىسىن جاقسارتۋ ارقىلى جۇرت قالاۋىن تاۋىپ، جاقسى ستيل ارقىلى جۇرت تىلەگىن شوعىرلاندىرىپ، ءار ۇلت جۇرتشىلىعىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىن جەڭىستى جۇرگىزۋگە بەرىك نەگىز قالاۋ كەرەك. «ۇشقارىلىقتى الاستاۋدى» ىشكەرىلەي ىلگەرىلەتىپ، وسى زامانعى مادەنيەتتى جەتەكشى ەتۋدەن جازباي، «بەس كىلتتى» ۇتىمدى پايدالانىپ، «ءتورت شارانى قاتار قولدانۋعا» تاباندى بولىپ، جۇيەلى تۇردە وڭاپ، كەشەندى شارالار اتقارۋ كەرەك. نەگىزگى ساتىنى كۇشەيتۋدەن، نەگىزدى بەكەمدەۋدەن اۋىتقىماي، قىستاق پارتيا ياچەيكاسىنىڭ باسشىلىق ۇيتقىلىق رولىن ۇزدىكسىز كۇشەيتىپ، قىستاق دارەجەلى شەپتەر مەن ورنىقتىلىقتى قورعاۋشى كۇشتەردىڭ قۇرىلىسىن ۇزدىكسىز كۇشەيتىپ، قىستاق تۇرعىندارى گرۋپپاسىنىڭ ماڭىزدى رولىن ويداعىداي ساۋلەلەندىرىپ، نەگىزگى ساتىنىڭ اۋىرتپالىعى كۇشتى بولۋ جانە ساياساتتاردىڭ قىستاققا جەتپەۋى ماسەلەلەرىن شەشۋگە بەل بايلاپ، قىستاقتاردىڭ قىزمەتىنە تالاپتى ايقىنداپ جانە ناقتىلاندىرىپ، نەگىزگى ساتىنىڭ نەگىزىن تاپجىلماستان، باياندى تۇردە كۇشەيتۋى قاجەت.
جاڭ چۇنشيان مىنالاردى اتاپ كورسەتتى: لاڭكەستىككە قارسى تۇرىپ، ورنىقتىلىقتى قورعاۋ قىزمەتىن تەرەڭدەتۋدىڭ تەتىگى − جاۋاپكەرشىلىكتى ادامعا تياناقتاندىرىپ، تياناقتاندىرۋدى مىقتى يگەرۋدە. پارتيا، ۇكىمەت ورىندارى جاۋاپكەرشىلىكتى تەڭ ۇستىنە الۋعا، ءبىر قىزمەت ورنىندا ەكى جاۋاپكەرشىلىك ارقالاۋعا، قىزمەتىن اتقارماعانداردىڭ جاۋاپكەرشىلىگىن قۋزاستىرۋعا تاباندى بولىپ، ورنىقتىلىقتى قورعاۋ قىزمەتىنىڭ سۋبيەكتتىك جاۋاپكەرشىلىگى مەن ءبىرىنشى جاۋاپتىعا ءتان جاۋاپكەرشىلىگىن ويداعىداي تياناقتاندىرۋ كەرەك. جەر - جەر كىشى پەيىل پوزيتسيادا بولىپ، تۋىسقان ايماق، وبلىس، قالالاردىڭ جاقسى ادىستەرىنەن ىرىقتىلىقپەن ۇيرەنىپ، ءبىرىن - ءبىرى ۇلگى ەتۋ بارىسىندا قىزمەت دەڭگەيىن ءوسىرۋى قاجەت. ساياسي ولشەم مەن ساياسي قاعيدانى الدىعا قويىپ، ءار دارەجەلى باسشىلىق القا قۇرىلىسىن كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىن ويداعىداي جۇرگىزۋگە قۇدىرەتتى وڭ ەنەرگيا توپتاۋى ءتيىس. بۇكىل شينجياڭداعى پارتيالى كادرلاردا شينجياڭنىڭ ەرەكشە ورنىنا ۇيلەسەتىن جاعداي ءورىسى بولۋى جانە جاۋاپكەرشىلىكتى ارقالاۋى، قايراتقا قايرات ۇستەپ، جەڭىسپەن العا ىلگەرىلەپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جاڭا جەڭىسىنە ۇزبەي قول جەتكىزىپ، ج ك پ اۆتونوميالى رايوندىق 9 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋى كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر حوتاندا اشىلعان ءماجىلىستى باسقاردى. ول مىنالاردى تالاپ ەتتى: جەر - جەر، تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى بەكىتۋ، نۇسقاۋلارىنىڭ رۋحىمەن، اۆتونوميالى رايوندىق پارتكومنىڭ تالاپ - ورنالاستىرۋلارىمەن شىن مانىندە بىرلىككە كەلتىرىپ، بۇل جولعى ماجىلىستە العا قويىلعان ايقىن تالاپتاردى جىعا تانىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋعا قاتىستى شەشىمدەرى مەن ورنالاستىرۋلارىن جەتە ءتۇسىنىپ، ءونىمدى شارا قولدانىپ، ءتىپتى كوپ ناقتى تاسىلدەردى، قاتاڭ شارالاردى، جاقسى ادىستەردى شىعارىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەكەمدەپ، پارتيانىڭ شىنايى قامقورلىعىن، شىنايى ءۇمىتىن قۇدىرەتتى رۋحاني قوزعاۋشى كۇشكە اينالدىرىپ، اۆتونوميالى رايوندىق پارتكومنىڭ قىزمەت ورنالاستىرۋىن سانالى ارەكەتكە اينالدىرىپ، جاڭا باستامادا شينجياڭنىڭ ورنىقتىلىقتى قورعاۋ قىزمەتىنىڭ جاڭا جاعدايىن اشۋى قاجەت.
اۆتونوميالى رايوننىڭ باسشىلارىنان جۋ حايلۇن، شاۋكەت يمىن، ەركىنجان تۇراحۇن، شيۇڭ شۋانگو، شۇي حايرۇڭ، لي شۋەجۇن، ەركىن تۇنياز، پىڭ جيارۇي قاتارلىلار جوعارىداعى قيمىلداردا بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
