بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاقسىلىقتىڭ قارىمجىسىن قايتارۋدى ويلاعان تۇردى ەسىمىن «لي بيڭ» دەپ وزگەرتىپ، جۇرت القاۋىنا بولەندى

2016.07.18 15:42     كەلۋ قاينارى : شينجياڭ گازەتى

  ءبىز 28 - ماۋسىمدا اۋات اۋدانى عورۋچول قالاشىعىنىڭ حۋاڭگۇڭ قىستاعىنداعى لي جينميڭنىڭ ۇيىنە ارنايى ات باسىن بۇردىق. بيىل ساۋىردە گازەتىمىز لي جينميڭ مەن ونىڭ باعىپ العان بالاسى تۇردى ءىلياس تۋرالى حابار تاراتقاننان كەيىن، تيانشان تاۋىنىڭ وڭتۇستىگى مەن سولتۇستىگىندە كەڭ تارالدى.

  1997 - جىلى سىچۋاندىق حالىق جۇمىسكەرى لي جينميڭ كوشەدە تەنتىرەپ جۇرگەن ۇيعۇر جەتىم بالا تۇردى ءىلياستى باعىپ الدى. ولار 10 نەشە جىلدا ءبىر - ءبىرىن پانا تۇتىپ، ۇلت پەن قانداستىق قاتىناستان اتتاپ، ادامدار اراسىنداعى ۇلى ماحابباتتىڭ اسەرلى حيكاياسىن جازدى. جۋىردا تۇردى جاڭا نوپوس ءبىتىرىپ، جاڭا ازاماتتىق كۋالىك الدى. ول لي جينميڭنىڭ باعىپ - قاققان جاقسىلىعىن اقتاۋ ءۇشىن، اكەسىنىڭ فاميلياسىن قولدانىپ، ەسىمىن لي بيڭ دەپ وزگەرتتى.

  اقسۋ ايماقتىق الەۋمەتتىك قاتىناستى زەرتتەۋ ورنىنىڭ حۋاڭگۇڭ قىستاعىندا تۇراتىن قىزمەت گرۋپپاسىنىڭ باستىعى ۋاڭ ۋي بىلاي دەدى: «الدىڭعى ايدا لي جينميڭ مەن ونىڭ ۇلى بىزگە كەلىپ، جۇڭگو كوممۋنيستىك پارتياسىنا مۇشە بولۋ ويلارىن ءبىلدىرىستى. ءبىز ولارمەن اڭگىمەلەسىپ، يدەيالىق جاعدايىن ۇعىستىق. ەڭ سوڭىندا، قىستاق پارتيا ياچەيكاسىنىڭ ماجىلىسىندە اقىلداسۋ ارقىلى ولاردى ءبىر اۋىزدان <پارتياعا مۇشە بولۋعا تالپىنعان بەلسەندى> دەپ بەكىتتىك. ولاردىڭ اناعۇرلىم كوپ ادامعا ىقپال كورسەتىپ، ۇلتتار ىنتىماعىنا قاتىستى يگى ىستەردى كوبىرەك ىستەپ، ۇلتتار ىنتىماعىنىڭ ۇلگىسى بولۋعا تالپىنۋىن ءۇمىت ەتەمىز».

  حۋاڭگۇڭ قىستاعى پارتيا ياچەيكاسىنىڭ شۋجيى ماحاببات ابىلەت: قىستاق پارتيا ياچەيكاسى جۋىردا بۇكىل قىستاقتاعى پارتيا مۇشەلەرىنىڭ ءماجىلىسىن تالاي رەت اشىپ، ۇلتتار اراسىنداعى ارالاسۋدى، ىشتەسۋدى، توعىسۋدى كۇشەيتۋ ءۇشىن، لي جينميڭ مەن ونىڭ بالاسىنىڭ اسەرلى ىستەرىن جەتكىزىپ، ۇيرەندىك، - دەدى.

  ۇعىسۋعا قاراعاندا، لي جينميڭ مەن ونىڭ ۇلىنىڭ اسەرلى حيكاياسىن قىستاقتا تۇراتىن قىزمەت گرۋپپاسى وتباسىلارىن ارالاپ احۋال ۇعىسۋ بارىسىندا ەستىپتى. ولاردىڭ جاعدايى مەن ءوتىنىش تىلەگىن ۇعىسقاننان كەيىن، عورۋچول قالاشىق پارتكوم القاسى قالاشىقتاعى ساقشى بولىمشەسىمەن، ارال قالاسىمەن، ونسۋ اۋدانىمەن دەرەۋ بايلانىس ورناتىپ، لي جينميڭنىڭ نوپوسن راسىمدەۋىنە، تۇردىنىڭ ەسىمىن وزگەرتۋىنە (لي بيڭ) كومەكتەستى. مۇنان سىرت، لي جينميڭ مەن ۇلىنىڭ وتباسىندا نەداۋىر قيىنشىلىق بارلىعىن ەسكەرىپ، قالاشىقتاعىلار ولارعا حالىقتى اۋقاتتاندىرۋ، جەر سىلكىنىسىنە ءتوزىمدى بەيقۇت ءۇي سالۋ ينجەنەرياسى بويىنشا 60 شارشى مەترلىك ءۇي سالىپ بەرۋمەن بىرگە، لي بيڭگە قىزمەت تاۋىپ بەرۋ ءۇشىن قاتىستى ورىندارمەن ارنايى حابارلاستى. قازىر اقسۋداعى ءبىر كولىك مەكتەبى لي بيڭگە اقىسىز ەمتيحان تاپسىرۋ ورايىن ازىرلەپ بەرىپتى، لي بيڭ شوفەرلىك كۋالىكتى العاننان كەيىن، كولىك مەكتەبىندە قىزمەتكە تۇرادى ەكەن. ال ولاردىڭ جەر سىلكىنىسىنە ءتوزىمدى بەيقۇت ءۇيى سالىنىپ جاتىر ەكەن.

  لي جينميڭ مەن ۇلىنىڭ حيكاياسى ۋيچات الەۋمەتتىك تۇعىرى − «اۋات نولدىك ارالىعىندا» جاريالانعاننان كەيىن، كوپتەگەن ۋيچات قولدانۋشىلار لي جينميڭنىڭ تۇردى ءىلياستى 18 جىل قالتقىسىز باعىپ - قاققان ىزگى ءىسىن ماداقتاپ، جاقسىلىقتىڭ قارىمجىسىن قايتارۋ ءۇشىن ەسىمىن لي بيڭ دەپ وزگەرتكەن تۇردى ءىلياسقا ەرەكشە القاۋ ءبىلدىرى. سينا ميكرو بلوگىن قولدانۋشى «قايىرلى تاڭ ءۇرىمجى»: «بۇل حيكايا ادامدى قاتتى اسەرلەندىرەدى، ءبار - ءبارى دە ىزگى نيەتتى جاقسى جاندار ەكەن» دەپ باعالاسا؛ «ءوزىم بولىپ جاسايمىن a» ەسىمدى ۋيچات قولدانۋشى: «جاقسىنىڭ جاتتىعى جوق، ومىردەن ءوز سىباعالارىڭدى، ءسوز جوق، الاسىڭدار، قايراتتان» دەپ جازىپتى.

  اۋات اۋداندىق پارتكوم سىرتقى ۇگىت كەڭسەسىنىڭ كادرى دۋ جاۋ: لي بيڭگە العاش تەلەفون جالعاعانىمدا، ول مەنىمەن ولشەمدى سىچۋان اكسەنتىندە سويلەستى. سول شاقتا اسەرلەنگەنىمنەن جىلاپ جىبەرۋگە شاق قالدىم! مۇنداي ەتەنە، قانداستىق قاتىناستان اتتاعان اكە - بالا ماحابباتى جۇڭحۋا ۇلتتارىنىڭ تاڭداۋلى ءداستۇرلى اسىل قاسيەتىن ايگىلەيدى، شىنىندا دا وتە اسەرلى، - دەدى.

  ۇلتتار ىنتىماعى، العاباسارلىعىنداعى اۆتونوميالى رايوندىق تاڭداۋلى پارتيا مۇشەسى، اۋات اۋدانى بەسارىق اۋىلى كونشىسوڭ قىستاعىنىڭ شيپاگەرى زاڭ شۋ - ۋ ءوزىنىڭ ۋيچات دوستىق شەڭبەرىندە: «تۋماسا دا تۋعانداي، تۋعان تۋىستان دا جاقىن بولدى؛ اكەلى - بالالى بولماسا دا اكەلى - بالالىلاردان اسىپ ءتۇستى» دەپ جازدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.