- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاراقاش اۋدانىندا «قوس ءتىل» وقىتۋشىسى سۋعا كەتكەن بالانى قۇتقارۋ جولىندا قازا بولدى
2016.07.18 15:43 كەلۋ قاينارى : شينجياڭ گازەتى
2 كۇننەن بەرى قاراقاش اۋدانى جاھانباق اۋىلىنداعى وقۋشىلار مەن ولاردىڭ اتا - انالارى جانە قىستاق تۇرعىندارى اۋىر قايعىعا باتتى، ولار وزدەرى ەڭ قۇرمەت تۇتاتىن جاس وقىتۋشى ابدۇحابار جامالمەن اقتىق رەت قوشتاسۋ ءۇشىن، 10 نەشە كيلومەتر قاشىقتاعى بۇرشاقشى اۋىلىنا باردى.
15 - شىلدە تۇستەن كەيىن جاھانباق ورتا مەكتەبىنىڭ وقىتۋشىسى ابدۇحابار اۋدان قالاشىعىنان بۇرشاقشى اۋىلىنداعى ۇيىنە قايتىپ كەلە جاتقان بولاتىن، ساعات 17 جارىم شاماسىندا قاراقاش وزەنىنەن ءوتىپ بارا جاتقاندا قۇلاعىنا «قۇتقارىڭدار» دەگەن داۋىس شالىنادى. داۋىس شىققان جاققا قاراسا 2 بالا سۋ ىشىندە جانتالاسىپ ءجۇر ەكەن، ول ءارى - ءسارى بولماستان سۋعا سەكىرىپ ءتۇسىپ، 2 بالاعا قاراي جۇزە جونەلەدى. سۋ تەرەڭ بولعاندىقتان ابدۇحابار ءبىر قولىمەن بالانى تىرەي، ءبىر قولىمەن جان دارمەنىمەن جاعاعا قاراي جۇزەدى. ىلە - شالا وسى ارادان ءوتىپ بارا جاتقان قىستاق تۇرعىنى ءشىرالي ابىلەت تە سۋعا سەكىرىپ ءتۇسىپ، ونىمەن بىرگە بالالاردى جاعاعا الىپ شىعادى.
ءبىراق بويىندا دارمەنى قالماعان ابدۇحابار جاعاعا قايتىپ شىعا المايدى... ءورت ءسوندىرۋ، اپاتتان ساقتانۋ قىزمەتكەرلەرى مەن اۋىلداستارى ونى ءبىر ساعاتتان ارتىق ۋاقىت ىزدەپ تاۋىپ الادى، ءبىراق بۇل كەزدە ابدۇحابار الدەقاشان جان ۇزگەن ەدى.
بيىل 36 جاسقا شىققان ابدۇحابار جامال − «قوس ءتىل» وقىتۋشىسى، 2005 - جىلى شينجياڭ اۋىل شارۋاشىلىق ۋنيۆەرسيتەتىنەن وقۋ تاۋىسقاننان بەرى، جاھانباق اۋىلدىق ورتا مەكتەپتە وقىتۋشىلىقپەن شۇعىلدانىپ كەلگەن.
«ول ءبىزدىڭ ەڭ جاقسى وقىتۋشىمىز، وقىتۋشىلار مەن وقۋشىلار، وتاعاسىلارى جاپپاي مويىنداعان <4تە جاقسى> وقىتۋشى ەدى، - دەيدى جاھانباق ورتا مەكتەبى پارتيا ياچەيكاسىنىڭ شۋجيى يمىرجان راحمان كوزىنە جاس الىپ. سول كۇنى يمىرجان دا ءورت ءسوندىرۋ، اپاتتان ساقتانۋ قىزمەتكەرلەرىمەن بىرگە سۋعا ءتۇسىپ، ابدۇحاباردى قۇتقارۋ جۇمىسىنا كىرىسكەن بولاتىن.
يمىرجان: مەكتەپتە بالالاردىڭ ءبارى ونى وتە جاقسى كورەدى، ول زەرتتەۋ قىزمەتىنە شەبەر، وقىتۋ قابىلەتى جوعارى ءارى اق ەدىل جان بولاتىن. وقىتۋ قىزمەتىندە ول اۋدان دارەجەلى تىرەكتى وقىتۋشىلاردىڭ ونەگەلىك، جەتەكشىلىك رولىن ساۋلەلەندىرىپ، جاڭادان كەلگەن «قوس ءتىل» وقىتۋشىلارىنىڭ قىزمەتكە تەز ارادا ۇيلەسىپ كەتۋىنە ىرىقتىلىقپەن كومەكتەسەتىن. 7 جىلدان بەرى ول وتباسىندا قيىنشىلىعى بار وقۋشىلار مەن جەتىم بالالارعا قارجىلاي كورمەك كورسەتىپ، ءوزىنىڭ ماردىمسىز ەڭبەكاقىسىمەن ولارعا ۇيرەنۋ، تۇرمىس بۇيىمدارىن ساتىپ الىپ بەرىپ تۇردى. بيىل ول مەكتەپ جاعىنان مەكتەپ دارەجەلى «4تە جاقسى وقىتۋشى» بولىپ باعالاندى، الدا اۋدان دارەجەلى «4تە جاقسى» وقىتۋشىلاردى باعالاۋعا كورسەتپەكشى بولعان ەدىك، - دەدى.
مەكتەپتىڭ وقىتۋ ىستەرىنە جاۋاپتى مەڭگەرۋشىسى مامەت ياسىن: ابدۇحابار ورتالاۋ 2 - جىلدىق 9 - كلاستىڭ كلاس جەتەكشىسى، سونىمەن قاتار، «قوس تىلدە» ساباق وتىلەتىن 3 كلاستىڭ وقىتۋ قىزمەتىنە جاۋاپتى، ءار اپتادا 15 ساعات ساباعى بار. قالىپتى وقىتۋ مىندەتى بويىنشا كلاس جەتەكشىلەرى اپتا سايىن 10 ساعات ساباق وتۋگە ءتيىس. ءبىراق بۇل ارادا «قوس تىلدە» وقىتاتىن وقىتۋشىلار جەتكىلىكتى بولماعاندىقتان، نەشە جىلدان بەرى ابدۇحابار بالالارعا ساباق ءوتۋ مىندەتىن ارتىعىمەن وتەپ كەلەدى، - دەيدى كوزىنە جاس الىپ.
«تۋراشىل، ىزگى نيەتتى، مىندەتتى باتىل ارقالايدى». مىنە، بۇل وقىتۋشىلار مەن وقۋشىلاردىڭ ابدۇحابار جامالعا ءبىر اۋىزدان بەرگەن باعاسى. ول كوپشىلىكتىڭ كوڭىلىندەگى «جان اشىر، مەيىرىمدى وقىتۋشى».
«ۇستازىمنان ايرىلىپ قالعانىما قاتتى قايعىردىم، وسىنداي جاقسى ۇستازىم بولعانىنا ماقتانامىن»، - دەيدى ورتالاۋ 2 - جىلدىق 9 - كلاستىڭ وقۋشىسى ماحات ءالي جىلاپ تۇرىپ. ول وسىنداي جاعدايعا كەزىككەندە، ۇستازى ابدۇحابار سياقتى كەۋدە كەرىپ العا شىعاتىنىن ايتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
