- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شارۋاشىلىق قۇرىپ ارمانىن جۇزەگە اسىردى
2016.07.18 15:45 كەلۋ قاينارى : شينجياڭ گازەتى
ماۋسىمنىڭ ورتا شەنىندە باي اۋدانىنداعى تۇڭعىش كيىم - كەشەك ءوندىرىس كاسىپورنى − كاي - ي كيىم - كەشەك فابريكاسىنا ارنايى ات باسىن بۇردىم. قۇلاق ەستىگەندى كوز كورەدى دەگەن وسى ەكەن، وسى ارادا تاربيەلەنىپ جاتقان نەمەسە رەسمي قىزمەت ىستەپ جاتقان جەرگىلىكتى ورىننىڭ اۋىل - قىستاقتارىنداعى 220دان ارتىق ەڭبەككۇشتىڭ شىنايى سۇيىسپەنشىلىگىنە، توككەن تەرى مەن ەتكەن ەڭبەگىنىڭ جەمىسىنە كۋا بولىپ قايتتىم.
ىسكەر ايەلدىڭ شارۋاشىلىق قۇرۋ ارمانى
كاي - ي كيىم - كەشەك فابريكاسىنىڭ قوجايىنى مىڭ فانمەي اشىق - جارقىن، ىسكەر ايەل. ول ءبىر جاعىنان، كوپشىلىكتى باستاپ كاڭچي اۋىلدىق ورتا مەكتەپتىڭ يەن قالعان كونە توز ساباقحاناسىنداعى زاۆودتى، ءونىم كورمە بولمەسى سياقتىلاردى تاماشالاتىپ، ەندى ءبىر جاعىنان، وسى جەردە ىستەپ جاتقان قىز - جىگىتتەردى ىقىلاستى تۇردە تانىستىرۋعا كىرىسىپ كەتتى.
مىڭ فانمەي باي اۋداندىق قامداۋ - ساتۋ كووپەراتيۆىنىڭ قىزمەتكەرى، اۋىر ناۋقاس سالدارىنان 2013 - جىلى زەينەتكە شىققان. بيىل 45 جاستاعى ول: تۇك ىستەمەي قول قۋسىرىپ قاراپ وتىرعىم كەلمەدى. جوعارى مەكتەپتە توقىماشىلىق كاسىبىنەن ءبىلىم العانمىن، تالاي جىلدان بەرى ءوز الدىما كيىم - كەشەك سەرىكتەستىگىن اشسام دەپ ارمانداپ كەلگەن بولاتىنمىن. سوندىقتان ناۋقاس سەبەبىنەن زەينەتكە شىققاننان كەيىن ءوز كۇشىممەن ءبىر ميلليون يۋان قارجى توپتاپ، وسى كيىم - كەشەك فابريكاسىن قۇردىم. فابريكا بيىل ساۋىردە وندىرىسكە قوسىلدى، - دەيدى.
باي اۋداندىق پارتكومنىڭ تۇراقتى مۇشەسى، كاڭچي اۋىلدىق پارتكومنىڭ شۋجيى جاڭ بيڭحىڭ: كاي - ي كيىم - كەشەك فابريكاسى باي اۋدانىنداعى تۇڭعىش جەرگىلىكتى كيىم - كەشەك ءوندىرىس كاسىپورنى ەسەپتەلەدى. باي اۋدانىنىڭ كاڭچي اۋىلىندا، سايرام قالاشىعىندا، حەيىر اۋىلىندا بولىمشە فابريكالارى بار، فابريكا قىستاق تۇرعىندارىنىڭ ءۇي ىرگەسىندە تەحنيكا ۇيرەنىپ، ءۇي ىرگەسىندە كاسىپتەنۋىنە مۇمكىندىك جاسادى، - دەيدى.
كيىم - كەشەك فابريكاسىندا قازىر 220دان استام ءار ۇلت جۇمىسشى - قىزمەتكەرى ىستەيدى، ولاردىڭ اراسىندا 98 ادام كەدەي وتباسىنان شىققان. كيىم - كەشەك فابريكاسى «تاربيەلەۋ + پراكتيكا + جۇمىسقا شىعۋ + وندىرگەن ونىمىنە قاراي ەڭبەكاقى بەرۋ» فورماسىن قولدانادى. قازىر العاشقى توپتا تاربيەلەنىپ پراكتيكادان وتكەن 50 ادام تۇگەل جۇمىسقا ورنالاسىپتى.
كاي - ي كيىم - كەشەك فابريكاسى، باستىسى، ەڭبەك كيىمى، جۇمىس كيىمى، ساحنالىق كيىم، الۋان ءتۇستى جالاۋ سياقتىلاردى تىگەدى. مىڭ فانمەي از ۇلت ۇلگىسىندەگى كيىم - كەشەكتەردى تىگۋدى دە كوپتەن ويعا الىپ كەلەدى.
كەدەي وتباسىنىڭ باقىت سەزىمى
تىلشىلىك بابىمەن فابريكاعا بارعانىمدا، فابريكا 2 - ايلىق ەڭبەكاقىنى تاراتىپ جاتىر ەكەن. اجىگۇل مۇسا 2600 يۋاندىق ەڭبەكاقى الىپتى. مىچىحى اۋىلىنان كەلگەن 38 جاستاعى وسى اۋىل ايەلىنىڭ جۇزىنەن باقىت كۇلكىسى ەسەدى.
اجىگۇلدىڭ كۇيەۋى ازەز تۇراقتىڭ فابريكاعا جۇمىسقا شىققانىنا ءبىر اپتا عانا بولىپتى، ونىڭ ەڭبەكاقىسى كەلەر ايدا شىعادى ەكەن، ەڭبەكاقىعا 2000 يۋان دەپ كەلىسىپتى.
قالا - قالاشىقتاعى كەدەي وتباسى ەسەبىندەگى ولاردىڭ ەگىستىك جەرى، تۇراقتى كىرىسى جوق. تىگىنشىلىكتەن حابارى بار اجىگۇل ەلگە كيىم - كەشەك تىگىپ بەرىپ ازىن - اۋلاق تابىس تابادى ەكەن. قۇلاعى جاقسى ەستىمەيتىن ازەز اندا - ساندا ۇساق - تۇيەك جۇمىس تاۋىپ ىستەپ، وتباسىن قالت - قۇلت ەتىپ اسىراپ كەلىپتى. اجىگۇل: بۇرىن ۇيدە وتىرعاندا كوك تيىن تابىس جوق ەدى. بۇدان بىلاي ەكەۋىمىز ايىنا تۇراقتى ەڭبەكاقى الامىز، ءبىر جىلدا 50 مىڭ يۋانعا جۋىق تابىس تابامىز، - دەدى رازى كوڭىلمەن.
اجىگۇل فابريكانىڭ تەحنيكالىق جۇمىسىنا جاۋاپتى ەكەن، ءوندىرىستى ەندى عانا باستاعان كيىم - كەشەك فابريكاسىنىڭ تاپسىرىستارى كوپ بولعاندىقتان ول ۇنەمى ۇستەمەلەپ ىستەيمىن دەپ شارشاپ قالاتىن كورىنەدى. ءار جولى ۇيگە قايتقاندا ايەلىنە جانى اشىعان ازەز ايەلىنىڭ قول - اياعىن ۋقالاپ، كىردى ءوزى جۋىپ، تاماقتى دا ءوزى ىستەيتىن بولىپتى. زاۆودتا مۇنداي ەرلى - زايىپتى جۇمىسشىلاردان بىرنەشە جۇبى بار ەكەن.كەدەيلەردى سۇيەمەلدەيمىن دەپ جالقاۋلىققا ۇيرەتۋگە بولمايدى
قۇربان: ۇكىمەت بىزگە ەڭ تومەنگى تۇرمىستى قامتاماسىزداندىرۋ قاراجاتىن بەرگەنىمەن، بۇل ءبىز ءۇشىن بىردەن - ءبىر شىعار جول بولماۋعا ءتيىس. مەنىڭ مۇنداي كەدەي وتباسى اتالعىم كەلمەيدى، ءبىز ەڭبەكقور قوس قولىمىزعا سۇيەنىپ كەدەيلىكتەن قۇتىلۋىمىز، اۋقاتتانۋ جولىنا ءتۇسۋىمىز كەرەك، - دەيدى.
21 جاستاعى تۇرسىن قاھارمان ءبىر قىستاقتان كەلگەن قۇربان اعايىنىڭ بۇل سوزىنە ابدەن قوسىلادى ەكەن.
وسى ەڭبەكقور ازامات بۇرىن باي اۋدانىندا سامسا ساتىپتى. 2 جىلدىڭ الدىندا كولىك اپاتىندا سول قولىنان ايرىلىپ مۇگەدەك بولىپ قالعان ول ەندىگارى سامسا پىسىرىپ ساتۋدان قالادى. سونىمەن كاي - ي كيىم - كەشەك فابريكاسى جۇمىسشى قابىلداعان كەزدە تۇرسىننىڭ اكەسى ونىڭ 18جاسقا تولماعان قارىنداسىن ەرتىپ قىزمەتكە تىزىمدەلگەلى كەتكەندە ول ىشتەي قاتتى قىسىلىپتى. مىڭ فانمەي قارىنداسىن جۇمىسقا الماعانىمەن تۇرسىننىڭ ءوزىن جۇمىسقا شاقىرىپ، كۇزەتشىلىككە ورنالاستىرىپتى. سونىمەن بۇرىنعى كەم ءسوزدى تۇرسىن بىرتە - بىرتە اشىق - جارقىن مىنەز قالىپتاستىرىپ، قۇلشىنا ەڭبەك ەتىپ، مىڭ فانمەي مەن جۇمىسشىلاردىڭ جاقسى باعاسىن الدى. بولاشاق جونىندە توقتالعان تۇرسىن: ءبىر قولىم كەم بولسا دا ءبىر قولىم ساۋ، ءالى تالاي ىستەر ىستەيمىن، - دەيدى.
قازىر كاي - ي كيىم - كەشەك فابريكاسى جۇمىسشىلاردىڭ ەڭبەكاقىسىن جۇمىسىنا قاراي تاراتىپ، ءبىر كيىم تىككەن ادامعا 25 يۋان ەڭبەكاقى بەرەدى ەكەن.
مىڭ فانمەي: جۇمىسىنا قاراي ەڭبەكاقى بەرۋ ارقىلى قىستاق تۇرعىندارىنىڭ كوزقاراسىندا بۇرىلىس جاساۋعا بولادى، كوپ ىستەگەن كوپ الادى. قازىر اۋىلداستاردىڭ تىگىنشىلىك تەحنيكاسى كۇننەن - كۇنگە جاقسارىپ كەلەدى. ايىنا الاتىن ەڭبەكاقىسى دا بىرتە - بىرتە كوبەيىپ كەلەدى، - دەدى.
كاي - ي كيىم - كەشەك فابريكاسى باي اۋدانىنداعى ءتۇيىندى سۇيەمەلدەنىپ وتىرعان جەرگىلىكتى، ەڭبەككۇش شوعىرلى كاسىپورىن ەسەپتەلەدى. كاڭچي اۋىلى مەكتەپتىڭ ساباقحاناسىن كاسىپورىنعا اقىسىز پايدالانۋعا بەرىپ، كيىم - كەشەك فابريكاسىن اناعۇرلىم كوپ كەدەي تۇرعىندى كاسىپتەندىرۋگە جىگەرلەندىرۋدە ەكەن. كوپتىڭ كۇتكەن ۇمىتىنەن شىققان مىڭ فانمەي ءبىر جاعىنان، زاكاز تاۋىپ، ەندى ءبىر جاعىنان، فابريكانىڭ باسقارۋ جانە تەحنيكالىق جاقتان جەتەكشىلىك ەتۋ سەرپىنىن كۇشەيتىپ، جاس ءارى تەحنيكادان حابارى بارلاردى جۇمىسقا الىپ، اۋىلداستاردىڭ تەزىرەك تەحنيكا ۇيرەنۋىنە، كوبىرەك ىستەپ كوبىرەك تابىس تابۋىنا مۇمكىندىك جاسادى.
جاڭ بيڭحىڭ كاي - ي كيىم - كەشەك فابريكاسىنا كەلگەن سايىن ەرەكشە اسەرلى كۇي كەشەدى ەكەن. ول وسىندا ءجۇرىپ «كەدەيلەردى سۇيەمەلدەيمىن دەپ جالقاۋلىققا ۇيرەتۋگە بولمايدى» دەگەن وي تۇيەدى. ول: ءبىز كەدەيلەردى سۇيەمەلدەۋمەن بىرگە، اۋىلداستاردىڭ كوزقاراستا بۇرىلىس جاساۋىنا كومەكتەسىپ، ولاردىڭ كەدەيلىكتەن قۇتىلىپ، اۋقاتتانۋ جولىنا تۇسۋدەگى سۋبيەكتيۆتىك بەلسەندىلىگىن ارتتىرىپ، توڭىرەكتەگى اۋىلداستاردىڭ باقىتتى تۇرمىستىڭ كىلتى ەڭبەكقور قوس قولدارىندا ەكەندىگىن تانىپ جەتۋىنە مۇمكىندىك جاساۋىمىز كەرەك، - دەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
