بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تاۋ قويناۋىنداعى مالشىنىڭ تۋىسى

2016.07.18 15:46     كەلۋ قاينارى : شينجياڭ گازەتى

  14 - ماۋسىمدا ساۋان اۋدانى شيگوبي قالاشىعى ۋداۋگوۋ قىستاعىنىڭ تۇرعىنى مايرا قىزۋى ورلەگەن ۇلىن موتوتسيكلگە مىنگەستىرىپ، شىحىزى قالاسى نانشان شىچاڭ قالاشىق الەۋمەتتىك اۋماق ەمحاناسىنداعى چى ياگۋاڭ شيپاگەرگە كورسەتۋگە باردى. چى ياگۋاڭ تەكسەرىپ بولعان سوڭ، مايرانىڭ ۇلىنىڭ باسىنان سيپاپ تۇرىپ كۇلىمسىرەي: كوپ ماسەلە جوق. ۋاعىندا ءدارى جەپ، سۋدى كوبىرەك ىشسەڭ، كوپ ۇزاماي تاعى دا شاپقىلاپ كەتەسىڭ، - دەدى. مۇنى ەستىگەن مايرانىڭ كوڭىلى ورنىنا ءتۇستى، ۇلىنىڭ دا جۇزىنە كۇلكى ءۇيىرىلدى.

  بۇل ەمحانا شىحىزى نانشان كومىر كەنى جۇمىس عيماراتىنىڭ جانىنا ورنالاسقان، وندا چى ياگۋاڭ مەن ايەلى گاۋ جۇنشياڭ ەكەۋى عانا جۇمىس ىستەيدى. شارت - جاعدايى وتە جاپالى بولعانىمەن، چى ياگۋاڭ مەن ايەلى وسىندا 27 جىل تاپجىلماي، ىستىق ىقىلاسپەن ءار ۇلت بۇقاراسىنىڭ اۋرۋىن كورىپ، ەمدەدى. ءار ۇلت مالشىلارى دا ولاردى وزدەرىنىڭ تۋىسىنا بالاپ كەتتى.

  ەرلى - زايىپتى ەكەۋى تاۋ قويناۋىنا تامىر تارتىپ، ناۋقاستاردى ەمدەدى

  1990 - جىلى چى ياگۋاڭ سىچۋان شىحۇڭ دەنساۋلىق ساقتاۋ مەكتەبىنىڭ جۇڭگو، باتىس مەديتسيناسى كاسىبىنەن وقۋ تاۋىستى. جىگەرى تاسىعان جاس جىگىت وزىنە: مەن سىرتقا شىعىپ، ۇلكەن جۇمىستار اتقارامىن، - دەيدى. ءبىراق شيپاگەر اكەسى چى ياگۋاڭنان قايتا - قايتا: اۋىلعا قايت، مۇنداعى از ۇلت مالشىلارىنىڭ اۋرۋىن ەمدەيسىڭ، ولار شيپاگەرگە ايرىقشا مۇقتاج، - دەپ تالاپ قويادى. چى ياگۋاڭ اقىرى اكەسىنىڭ ءتىلىن الىپ، اۋىلى شىحىزى نانشان كومىر كەنىنە قايتىپ كەلەدى.

  جۇمىس ورنىنا العاش كەلگەندە، باسشىلار جاس چى ياگۋاڭدى كەن رايونىنا بارىپ، قىزمەتشىلەردىڭ اۋرۋىن كورۋگە ورنالاستىردى. 1990 - جىلدان 2012 - جىلعا دەيىن ول حۇڭگوۋ كومىر كەنى، شۇيگوۋ كومىر كەنى، داگوۋ كومىر كەنى، شياۋگوۋ كومىر كەنى اراسىندا زىر ءجۇردى، جاقىن ماڭداعى مالشىلىق رايونداعى بۇقارا ناۋقاستانىپ قالسا، وندا بىرنەشە كۇن جاتىپ ەمدەدى. 27 جىلدا چى ياگۋاڭنىڭ اۋرۋ كورۋ ءۇشىن باسقان جولى 300 مىڭ كيلومەتردەن استى.

  كۇدىر تاۋ جولىندا چى ياگۋاڭ كۇنىنە اتپەن ءبىرقانشا ساعات جۇرەدى، قارنى اشسا، ات ۇستىندە نان، قۇرت جەي سالادى. ىمىرت جابىلىپ، قاراڭعىدا جول ءجۇرۋ قيىنعا سوققان كەزدە، ول اتىن بايلاپ، ىقتاسىن تاۋىپ، كيىز جامىلىپ ءتۇن اسىرادى.

  ءۇيى كورلادا تۇراتىن گاۋ جۇنشياڭ چى ياگۋاڭنىڭ دەنساۋلىق ساقتاۋ مەكتەبىندە بىرگە وقىعان ساباقتاسى. وقۋ تاۋىسقان سوڭ، گاۋ جۇنشياڭ بيڭتۋان 2 - ديۆيزياسىنداعى بەلگىلى ءبىر شيپاحاناعا جۇمىسقا بولىنەدى. ەكى جەرگە بولىنگەن عاشىقتاردىڭ ماحاببات وتى جەردىڭ شالعايلىعىنا بولا ءسونىپ قالعان جوق، ءبىر جىلدان اسا حات جازىسقان سوڭ، گاۋ جۇنشياڭ ونى - مۇنىمەن ەسەپتەسپەي، جۇمىسىن تاستاپ، چى ياگۋاڭنىڭ جانىنا كەلىپ، ونىمەن بىرگە تاۋ قويناۋىنا تامىر تارتتى.

  گاۋ جۇنشياڭنىڭ نازارىندا كۇيەۋى ەل قاشان شاقىرسا دايىن تۇراتىن ادام. مالشى تەلەفون جالعاسا بولدى، ءدارى ساندىعىن اسىنىپ، مالشىنىڭ ۇيىنە اۋرۋ كورۋگە كەتە بارادى.

  كۇيەۋىنىڭ قىستا ناۋقاس كورۋى گاۋ جۇنشياڭدى قاتتى الاڭداتادى. قىستىڭ سۋىعىندا گاۋ جۇنشياڭ چى ياگۋاڭعا تىگىپ بەرگەن تون - شالبارى قوقيىپ قاتىپ قالادى، وسىدان چى ياگۋاڭ سالماقتى رەۆماتيزم اۋرۋىنا شالدىقتى.

  شيپاگەرلىكپەن اينالىسقان 27 جىلدان بەرى چى ياگۋاڭ 11 موتوتسيكلدى توزدىردى. بالالاردىڭ «كىندىك اتاسى»

  2002 - جىلى 19 - جەلتوقساندا شيگوبي قالاشىعىنداعى ءشارىپقان چى ياگۋاڭدى ىزدەپ كەلىپ، ەنتىگىن باسا الماي: شيپاگەر، ايەلىم تولعاتىپ جاتىر، تەز جۇرسەڭىز... - دەيدى. چى ياگۋاڭ جالما − جان بوساندىرۋ جابدىقتارىن، ءدارى - ۋكول ساندىعىن كوتەرىپ جۇگىرە جونەلەدى. چى ياگۋاڭ كەلگەشە ءشارىپقاننىڭ ايەلى تالىقسىپ كەتەدى. ول ايەلدىڭ كوڭىلىن جۇباتا ءجۇرىپ، ۋكول قويىپ، تولعاعىن جيىلەتەدى. وسىلايشا ايەل امان - ەسەن ءبىر ۇل تۋادى، چى ياگۋاڭ ءشارىپقانعا: بالا ەگىز ەكەنىن دەپ، بىرنەشە مينۋتتان كەيىن 2 − بالانى بوساندىرادى. ءشارىپقان چى ياگۋاڭنىڭ قولىن قىسىپ تۇرىپ: ءسىز بالالارىمنىڭ «كىندىك اتاسى» بولدىڭىز، وتباسىمىزداعىلار ءسىزدى ماڭگى ەستەن شىعارمايدى، - دەيدى. بۇگىنگى تاڭدا چى ياگۋاڭ 200 نەشە بالانىڭ «كىندىك اتاسى».مالشىلاردىڭ سەنىمدى سەرىگى

  2005 - جىلى جەلتوقسانداعى قارلى بوراندى ءبىر كۇنى تۇندە چى ياگۋاڭ ناۋقاس كورىپ، موتوتسيكلمەن قايتىپ كەلە جاتىپ كومىر تيەگەن ءبىر ماشيناعا سوعىلىپ قالىپ، اياعى مەرتىگەدى. سونان 4 ايدا ارەڭ ساۋىعادى. «مەن ءۇشىن ول كەزدە ۋاقىت توقتاپ قالعانداي سەزىلەتىن»، - دەدى چى ياگۋاڭ سول كەزدەردى ەسىنە الىپ.

  سول كەزدەردە مالشىلار وعان ەت، جۇمىرتقا اپارىپ بەرىپ، ۇزبەي كوڭىلىن سۇراپ تۇرادى.

  «ول كەزدە مالشىلاردىڭ ماعان دەگەن شىنايى سۇيىسپەنشىلىگى مەنى قاتتى اسەرلەندىردى، مەنىڭ تاۋ قويناۋىنا تامىر تارتىپ، ولاردى قورعاۋ سەنىمىمدى بەكەمدەي ءتۇستى»، - دەدى چى ياگۋاڭ اسەرلەنە.

  2006 - جىلى نانشان كومىر كەنىنىڭ حۇڭگوۋ بولىمشە كەنىن كەڭەيتۋ بارىسىندا ءىشىنارا مالشىلاردىڭ جەرىن الۋعا تۋرا كەلەدى. مۇنى ەستىگەن 70تەن اسقان قازاق كاريا توپىراق قازعىشتىڭ الدىنا جاتىپ الىپ، كىم ءناسيحات ايتسا دا كونبەيدى. ىرىقسىز كۇيدە قالعان كومىر كەن باسشىلارى قايتەرىن بىلمەي داعدارادى، وسى كەزدە بىرەۋلەر: كارياعا يدەيالىق قىزمەت جاساۋعا چى ياگۋاڭ شيپاگەردى شاقىرايىق، - دەيدى.

  بۇل كاريا كەزىندە چى ياگۋاڭ شيپاگەرگە ناۋقاسىن ەمدەتكەن، كاريانىڭ وتباسىندا قيىنشىلىعى بار بولعاندىقتان، چى ياگۋاڭ كاريانىڭ ەمدەۋ قاراجاتىن قالتاسىنان شىعارعان، سول ءۇشىن دە كاريا وعان قاتتى سەنەتىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.