- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءمورال ۇلگىلەرى» قىستاق تۇرعىندارىنىڭ ۇلكەن قۇرمەتىنە بولەندى
2016.07.19 13:41 كەلۋ قاينارى : شينجياڭ گازەتى
ءمورال ۇلگىلەرى نەگىزگى ساتىدان شىعادى. ولاردىڭ شىنايى دا اسەرلى اڭگىمەلەرى ارقىلى نەگىزگى ساتىداعى ءار ۇلت بۇقاراسىن تاربيەلەگەندە ونىڭ يلاندىرۋ، اسەرلەندىرۋ قۋاتى ەڭ كۇشتى بولادى.
11 - شىلدەدەن 15 - شىلدەگە دەيىن اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق وركەنيەت كەڭسەسى رايھانگۇل يمىر، ابىلەز مامەتنياز، جوۋ لينا سياقتى مەملەكەتتىك ءمورال ۇلگىلەرىن، روزىمامەت باقى، ءانۋار ءمانسۇر، ءومار يمىن سياقتى اۆتونوميالى رايوندىق ءمورال ۇلگىلەرىن ۇيىمداستىرىپ 2 گرۋپپاعا ءبولىنىپ، حوتان، قاشقار، قىزىلسۋ سىندى 2 ايماق، ءبىر وبلىستىڭ 10 اۋدانىنداعى (قالا) 12 اكىمشىلىك قىستاقتا ۇگىت - لەكسيا جاسادى، 16 مىڭ ديقان ءمورال ۇلگىلەرىنىڭ ۇگىت - لەكسياسىن ەت قۇلاقتارىمەن تىڭدادى. ۇگىت - لەكسيا تىڭداۋعا كەلگەن قاۋىمنىڭ اياعى ۇزىلمەي، 21 رەتتە دە جينالىس الاڭىندا ينە شانشار جەر قالمادى. ءمورال ۇلگىلەرى ءار ۇلت بۇقاراسىنىڭ قۇرمەتىنە بولەندى.
بيىل − اۆتونوميالى رايوننىڭ ۇلتتار ىنتىماعى، العاباسارلىعى جىلى. «ءمورال ۇلگىلەرى نەگىزگى ساتىدا» اتتى ۇگىت - لەكسيا قيمىلىن ورىستەتۋ − اۆتونوميالى رايوندىق پارتكوم ۇگىت ءبولىمىنىڭ، اۆتونوميالى رايوندىق وركەنيەت كەڭسەسىنىڭ ۇلتتار ىنتىماعى، العاباسارلىعى جىلىندا ورىستەتكەن ماڭىزدى ءىس - شارالارىنىڭ ءىرى. وسى رەتكى ۇگىت - لەكسيا سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتا ايگىلەۋ، «شينجياڭ رۋحىن» اسقاقتاتۋ وزەكتى تاقىرىپ، «ءمورالدى دارىپتەۋ، ءمورالعا قۇرمەت ەتۋ، جاقسى ادام بولۋ» جانە كۇرەس ارقىلى تاعدىردى وزگەرتۋ، باسقالارعا كومەكتەسۋ ارقىلى وزىنە قۋانىش سيلاۋدى مازمۇن ەتتى، ءمورال ۇلگىلەرىنىڭ شىنايى دا اسەرلى اڭگىمەلەرى جانە قيمىل كەزىندەگى ءوزارا پىكىر اۋىستىرۋ ارقىلى ديقانداردى پارتيانىڭ ابزال ساياساتىنان ويداعىداي پايدالانىپ، بالالارىن مەكتەپكە وقۋعا بەرىپ، «قوس ءتىلدى» ىرىقتىلىقپەن ۇيرەنىپ، جۇرەكتىلىكپەن سىرتقا شىعىپ جۇمىس ىستەپ، ەڭبەكقور، اق كوڭىل، ەلپەك، قامقور ادام بولۋعا تاربيەلەپ جانە جەتەكتەپ، ۇگىت - لەكسيا تىڭداۋعا كەلگەن ديقانداردى اسەرلەندىردى.
«ءمورال ۇلگىلەرى نەگىزگى ساتىدا» اتتى قيمىلدى ۇيىمداستىرىپ، ءمورال ۇلگىلەرىنىڭ ۇزدىك ىستەرى مەن قاستەرلى رۋحى ارقىلى بۇقارانى تاربيەلەۋ، جەتەكتەۋ − بۇكىل شينجياڭنىڭ رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەلەرى جۇيەسىنىڭ «ۇشقارىلىقتى الاستاۋ» ۇگىت - تاربيەسىن ىلگەرىلەتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، شينجياڭ رۋحىن اسقاقتاتۋداعى ۇتىمدى ءادىسى. وسىعان وراي، اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسى ءمورال ۇلگىلەرىن باعالاۋ قيمىلىنداعى بۇرىنعى كەزدەگى «جوعارىداعى دابىرالى ىستەردەن تومەنگى ورىندار حابارسىز قالاتىن» جاعدايدى وزگەرتىپ، ءمورال ۇلگىلەرى بايلىعىنان يكەمدى پايدالانىپ، بۇقارادان الىپ، بۇقاراعا قايتارۋعا تاباندى بولىپ، ءمورال ۇلگىلەرىن نەگىزگى ساتىعا بارىپ ۇگىت - لەكسيا جاساۋعا ۇيىمداستىرىپ، ادامداردى ءمورال ۇلگىلەرىنە قاراپ ساپ تۇزەپ، سوتسياليستىك وزەكتى قۇن كوزقاراسى مەن «شينجياڭ رۋحىنىڭ» ۇلگىلى ورىنداۋشىلارى بولۋعا جەتەكتەدى.
15 - شىلدە كۇنى ءتۇستىڭ الدىندا ءتىرى لەي فىڭ ابىلەز مامەتنياز، تاعدىرىن كۇرەسپەن وزگەرتكەن روزىمامەت باقى، جەكە كولىگىن كوپتىڭ جۇمىسىنا ىستەتكەن ءانۋار ءمانسۇر حوتان اۋدانى باقچى قالاشىعىنىڭ بۇقامبار قىستاعىندا 1000عا جۋىق تۇرعىنعا ۇگىت - لەكسيا جاساعاندا، حوتان اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ليۋ شياۋجۇن ديقاندارمەن بىرگە ءبىر جارىم ساعات ۋاقىت لەكسيا تىڭدادى. لەكسيادان كەيىن ليۋ شياۋجۇن ءوز اسەرىن: ءمورال ۇلگىلەرىنىڭ ءوز اينالاسىنداعى ىستەر ارقىلى ديقاندارعا ۇگىت - لەكسيا جاساۋى ماعان جانە قىستاق تۇرعىندارىنا ۇلكەن تاربيە بولدى، ءمورال ۇلگىلەرىن اۋىل − قىستاقتارعا جىبەرۋ قيمىلى «ۇشقارىلىقتى الاستاۋدىڭ»، وڭ ەنەرگيا تاراتۋدىڭ جاقسى دانەكەرى، - دەپ جەتكىزدى.
ءمورال ۇلگىلەرى مەن قىستاق تۇرعىندارىنىڭ قىزۋ اڭگىمەلەسۋىنە وراي بەرۋ − وسى رەتكى «ءمورال ۇلگىلەرى نەگىزگى ساتىدا» قيمىلىنىڭ ءبىر جارقىن ءتۇيىنى بولدى. ءار رەتكى ۇگىت - لەكسيا كەزىندە ءمورال ۇلگىلەرى مەن ديقانداردىڭ قىزۋ اڭگىمەلەسۋىنە وراي بەرىلىپ، ۇگىت - لەكسيا قيمىلى جوعارى ورلەۋگە كوتەرىلدى. ءار رەتكى باياندامانىڭ ديقاندارمەن قىزۋ اڭگىمەلەسۋ تۇسىندا تىڭدارمان قاۋىم جۇمىسشى قىزدان قاشقار قالاسى شامالباق قالاشىعىنىڭ ورىنباسار باستىعى دەڭگەيىنە كوتەرىلگەن قىزىلسۋلىق رايھانگۇل يمىرعا، ءاۋ باستا ءبىر اۋىز حانزۋ ءتىلىن بىلمەيتىن، كەيىن كەلە جۇڭگو مۇناي توبىنىڭ تەحنيكالىق شەبەر مامانىنا اينالعان حوتاندىق جىگىت روزىمامەت باقىعا ءتۇرلى ساۋالدار قويىپ، قىزۋ اڭگىمەلەستى.
روزىمامەت باقى شەريا، لوپ، قاراقاش، گۇما، حوتان اۋداندارىندا، حوتان قالاسىندا 13 مايدان ۇگىت - لەكسيا جاسادى. حانزۋ ءتىلىن قالاي ۇيرەنۋ كەرەك، قايتكەندە جۇرەكتىلىكپەن سىرتقا شىعىپ جۇمىس ىستەپ، قايراتتانا العا ۇمتىلۋعا بولادى... مىنە بۇلار قىستاق تۇرعىندارىنىڭ ودان ەڭ كوپ سۇراعان سۇراۋى بولدى. ول ءوزىنىڭ قايراتتانا العا ۇمتىلعان كەشىرمەلەرى ارقىلى شارۋالاردى: «حانزۋ ءتىلى كوپىر ىسپەتتى، كوپىر بولعاندا عانا وزەننەن وتۋگە بولادى»، - دەپ ىنتالاندىردى.
رايھانگۇل يمىر قاشقار ايماعىندا، قىزىلسۋ وبلىسىندا 8 مايدان ۇگىت - لەكسيا جاسادى. «90 - جىلداردىڭ» كوپتەگەن شارۋا تۋمالارى رايھانگۇلگە: 2 جىلدىڭ الدىندا ءبىز دە ىشكى ولكەلەرگە بارىپ جۇمىس ىستەپ، كوپتى كورىپ، اقشا تاپقان بولاتىنبىز. كەيىن ءىشىنارا ادامداردىڭ «ساندىراعىنا» ىلەسىپ، اۋىلعا قايتىپ كەلدىك. قازىر بۇعان توتەنشە وكىنىپ وتىرمىز. ءسىزدىڭ ىزگى ىستەرىڭىز بىزگە زور شابىت سيلادى. زاۆودقا قايتىپ بارىپ جۇمىس ىستەيمىز، - دەدى. رايھانگۇل ولارعا: ايتۋلى شارۋاشىلىق قۇرۋشى بولۋ ءۇشىن، بىرىنشىدەن، قاجىرلىلىق، ەكىنشىدەن، شىدامدىلىق قاجەت، ۇشىنشىدەن، وزىنە سەنىپ، ءوز جولىمەن ءجۇرۋ كەرەك، - دەپ شابىتتاندىردى.
يەڭەسار اۋدانىنداعى زايتۇنگۇل ەسىمدى ديقان لياۋنيڭ ولكەسىنىڭ شىنياڭ قالاسىنان شينجياڭنىڭ اتۇش قالاسىنا تامىر تارتىپ قالعان جوۋ لينادان: تالعامىڭىزعا وكىنەسىز بە؟ - دەپ سۇراعاندا، جوۋ لينا: وكىنبەيمىن. ويتكەنى شينجياڭدىقتاردىڭ مومىن، اق كوڭىل، شىنايىلىعى مەنى تەرەڭ اسەرلەندىردى. شينجياڭداعى كۇندەرىم ومىرىمدەگى ۇمىتىلماس باقىتتى ەستەمەلەرىم ءارى ەڭ قۇندى رۋحاني بايلىعىم سانالادى، - دەدى.
ءمورال ۇلگىلەرىنىڭ باسىم كوپ ساندىسى نەگىزگى ساتىنىڭ ءبىرىنشى شەبىنەن كەلگەن، بارلىعى دا بۇقارانىڭ جانىنداعى وزات تيپتەر. ولار قاراپايىم تىلمەن وزدەرىنىڭ ءومىر كەشىرمەلەرىن، شارۋاشىلىق قۇرۋ اسەرىن باياندادى. شارۋالار مۇنى قىزىعا، ءتۇسىنىپ تىڭدايدى.
يەڭەسار اۋدانىنداعى رىزۋانگۇل ەسىمدى ديقان رايھانگۇل يمىرمەن، جوۋ لينامەن، ءومار يمىنمەن اڭگىمەلەسكەننەن كەيىن ءوز اسەرىن: ءمورال ۇلگىلەرى تۇگەلدەي قاجىرلى، ىزگى نيەتتى جاندار. ولاردىڭ ىزگى ىستەرى جانىمىزدا جارىققا شىعىپ وتىر. ۇيرەنۋگە تاتيدى. ولاردان ۇيرەنىپ، وتاندى سۇيەتىن، زاڭعا بويسۇناتىن، قاجىرلى، ىزگى نيەتتى وسى زامانعى شينجياڭدىق بولۋىمىز كەرەك، - دەپ جەتكىزدى.
تاياۋدا اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسى «<ءمورال ۇلگىلەرى نەگىزگى ساتىدا> قيمىلىن كۇش سالا ورىستەتۋ جونىندەگى حابارلاندىرۋدى» تاراتىپ، ايماقتىق، وبلىستىق، قالالىق رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەلەرىنەن ءمورال ۇلگىلەرىنىڭ، ەڭ سۇيىكتى جانداردىڭ ۇلگىلىك، جەتەكشىلىك رولىن تولىق ساۋلەلەندىرىپ، رايونىمىزدا «ءمورال ۇلگىلەرى نەگىزگى ساتىدا» اتتى قيمىلدى كەڭىنەن ورىستەتىپ، ءمورال ۇلگىلەرىنىڭ، ەڭ سۇيىكتى جانداردىڭ تيانشان الابىندا قىزمەت ەتۋىنە مۇمكىندىك جاساپ، ءمورال ۇلگىلەرىنىڭ، ەڭ سۇيىكتى جانداردىڭ كۇش - قۋاتى ارقىلى بۇقارانى تاربيەلەۋدى، بۇقاراعا جەتەكشىلىك ەتۋدى تالاپ ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
