- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىستاق تۇرعىندارى جارنادان تابىس ۇلەستى
2016.07.20 13:35 كەلۋ قاينارى : شينجياڭ گازەتى
12 - شىلدە، كۇن شايداي اشىق. مەن تاكلاماكان ءشولىنىڭ جيەگىندەگى ماكىت اۋدانىنىڭ شەيتى ءدوڭ اۋىلىنىڭ شەيتى ءدوڭ قىستاعىنا ات باسىن تىرەدىم. نەشە مىڭ مۋ اۋماقتى الىپ جاتقان شىلان باعىنىڭ كوركى عاجاپ، كوك جاقۇتتاي كوز تارتقان قالىڭ جەمىستەن بۇتاعى مايىسقان شىلان اعاشتارى تاعى ءبىر ىرعىن جىلدىڭ حابارىن ايتىپ تۇرعانداي.
جەمىس اعاشتارىن باپتاۋدان قولى بوساماي جۇرگەن قىستاق تۇرعىنى ايتوللا تۇرعىن: بيىل شىلان كەرەمەت ءوستى، ول ءۇشىن شينجياڭ باعالى قاعازدار مەكەمەسىنىڭ قىستاعىمىزدا تۇراتىن قىزمەت گرۋپپاسىنداعى كادرلارعا ايتار العىسىمىز بولەك، ولاردىڭ جاردەمىمەن بىزدە دولان باعى جاڭا اۋىل شارۋاشىلىق شەكتى جارنا سەرىكتەستىگى قۇرىلدى، قىستاق تۇرعىندار كوميتەتى بارلىق قىستاق تۇرعىنى اتىنان دولان باعىنىڭ جارناگەرى بولىپ وتىر. ولاردىڭ كومەگىمەن وتكەن جىلى شىلانىمىزدىڭ بازارى كۇسەت بولدى، - دەدى.
سالىنعان كاپيتال قىستاق دامۋىنىڭ جاڭا جولىن اشتى
ماكىت اۋدانى دولان باعى جاڭا اۋىل شارۋاشىلىق شەكتى جارنا سەرىكتەستىگى تۋرالى ءسوزدى شينجياڭ باعالى قاعازدار مەكەمەسىنىڭ وسى قىستاقتا تۇراتىن قىزمەت گرۋپپاسىنان باستاۋعا تۋرا كەلەدى. قىزمەت گرۋپپاسى قىستاققا قادام باسقان كۇننەن باستاپ اۋىل شارۋاشىلىعى، اۋىل - قىستاق جانە شارۋالار ماسەلەسىنە ەرەكشە نازار اۋدارىپ، ءۇي - ءۇيدى ارالاپ، كەڭ كولەمدە تەكسەرۋ - زەرتتەۋ جۇرگىزىپ، اڭگىمە - سۇحبات قۇرىپ، شەيتى ءدوڭ قىستاعىنىڭ نەگىزگى جاعدايىنا تولىق كوز جەتكىزىپ، «شارۋالاردىڭ تابىسىن مولايتۋ، اۋىل شارۋاشىلىعىنىڭ ىرگەسىن نىعايتۋ، اۋىل - قىستاقتاردىڭ ورنىقتىلىعىن ساقتاۋ» ماقساتىن ىسكە اسىرۋعا بايلانىستى ناقتى ماسەلەلەرگە تالداۋ جاساپ، باعىتتامالى كومەك شارالارىن بەلگىلەۋگە بەرىك نەگىز قالادى.
شارۋالار تابىسىنىڭ مولايۋىنا قول بايلاۋ بولعان قيىندىقتاردى شەشۋ ءۇشىن، قىزمەت گرۋپپاسى «قان جاساۋ فۋنكتسياسىن كۇشەيتىپ، قىستاق تۇرعىندارىنىڭ كەدەيلىكتەن قۇتىلۋىنا جانە اۋقاتتانۋىنا كومەكتەسۋ» دەگەن وي جۇلگەسىن انىقتاپ، قوعامدىق كاپيتالدى قىستاق تۇرعىندار كوميتەتىنىڭ پاي سالۋىنا جاردەمدەسۋگە جۇمىلدىرۋ جانە ستراتەگيالىق قارجىگەر تارتۋ تاسىلىمەن 2015 - جىلى ساۋىردە دولان باعى جاڭا اۋىل شارۋاشىلىق شەكتى جارنا سەرىكتەستىگىنىڭ شاڭىراعىن كوتەردى.
قىستاقتا تۇراتىن قىزمەت گرۋپپاسىنىڭ باستىعى لۋان ۋيحۋا بىلاي دەدى: ماكىت دولان باعى جاڭا اۋىل شارۋاشىلىق شەكتى جارنا سەرىكتەستىگى ەگىن سالۋ، مال باعۋ، وڭدەۋ جۇمىستارىن بىرىكتىرگەن زاماناۋي كاسىپورىن، جارعىلىق كاپيتالى 29 ميلليون يۋان، سەرىكتەستىكتىڭ 3 جارناگەرى بار، ولار: مەملەكەت قارجىلاندىرعان شينجياڭ كايدي قارجىگەرلىك شەكتى سەرىكتەستىگى (جارنانىڭ %40ىن ۇستايدى)، حالىق باسقارۋىنداعى كاسىپورىن − ناندا جاڭا اۋىل شارۋاشىلىق شەكتى جارنا سەرىكتەستىگى (جارنانىڭ %30ىن ۇستايدى) جانە شەيتى ءدوڭ قىستاق تۇرعىندار كوميتەتى (جارنانىڭ %30ىن ۇستايدى).
لۋان ۋيحۋا بىلاي دەدى: سەرىكتەستىك جەردى وتكەرمەلەۋ ارقىلى قىستاق تۇرعىندارىنىڭ قولىنداعى جەردى بىرىكتىرىپ، ۇتىمدى ءوندىرىس جۇرگىزىپ، اۋىل شارۋاشىلىعىن، ەرەكشە جەمىس شارۋاشىلىعىن جانە اينالىمدى باقتاشىلىق ەكونوميكاسىن دامىتىپ، وندىرىستىك قۇرىلىمدى رەتتەپ، جەرگىلىكتى كوللەكتيۆ ەكونوميكانىڭ دەڭگەيىن كوتەرىپ، تۇتاس ماكىت اۋدانىنا، ءتىپتى، قاشقار ايماعىنا ىقپال ەتەردەي جاڭا اۋىل شارۋاشىلىق قۇرىلىمىن قالىپتاستىرىپ كەلەدى. سونىمەن بىرگە دولان مەكەنىنىڭ وزگەشە ەرەكشەلىكتەرىنە ۇشتاستىرىپ، باۋ - باقشا سەيىلىن نەگىز ەتكەن ساياحات - سەرۋەن كاسىبىن بار كۇشپەن دامىتىپ وتىر.
ءتىلشىنىڭ ۇعىسۋىنشا، دولان باعى جاڭا اۋىل شارۋاشىلىق شەكتى جارنا سەرىكتەستىگى قۇرىلعاننان كەيىن، قىستاق تۇرعىندارىنىڭ تابىسىن مولايتۋدىڭ 3 ءتۇرلى ءتاسىلى قولدانىسقا ەنگەن: ءبىرىنشى، قىستاق تۇرعىندار كوميتەتى ارقىلى تۇراقتى تۇردە، ۇزاق مەرزىمگە ۇلەس پايدا الۋ؛ ەكىنشى، وتكەرمەلەنگەن جەرگە ماياقى الۋ؛ ءۇشىنشى، كاسىپورىندا جۇمىسقا تۇرۋ. قىستاق تۇرعىندارىنىڭ زاماناۋي تەحنولوگيامەن مال ءوسىرۋدىڭ قىر - سىرىن تۇسىنۋىنە مۇمكىندىك تۋدىرۋ ءۇشىن، قىزمەت گرۋپپاسى قىستاق تۇرعىندارىن قاشقار ناندا سۇتشىلىك شەكتى جارنا سەرىكتەستىگىنىڭ زاماناۋي باقتاشىلىق بازاسىن ەكسكۋرسيالاۋعا ۇيىمداستىرادى. بازاداعى سيىردىڭ باعىلۋ جاعدايىمەن تانىسقان قىستاق تۇرعىندارى تەرەڭ اسەرگە بولەنەدى، كەيبىر قىستاق تۇرعىندارى قولىنداعى جەرىن ءوز ەركىمەن سەرىكتەستىككە وتكەرمەلەيدى. ديقانداردى كەدەيلىكتەن قۇتىلدىرۋ، اۋقاتتاندىرۋدىڭ جاڭا جولى
2016 - جىلدىڭ باسىندا شەيتى ءدوڭ قىستاعى تۇرعىندار كوميتەتى دولان باعى جاڭا اۋىل شارۋاشىلىق شەكتى جارنا سەرىكتەستىگىنەن العان 870 مىڭ يۋان ۇلەس پايدانى شىپ - شىرعاسىن شىعارماي قىستاق تۇرعىندارىنا ءبولىپ بەردى، ءار وتباسىنا 2000 يۋاننان اينالدى. بۇل شەيتى ءدوڭ قىستاعىنداعى تۇرعىنداردىڭ تۇڭعىش رەت وسىنداي ەرەكشە اقشاعا قولى جەتۋى ەدى. قىستاق تۇرعىندارى: وسىنداي زاماناۋي جارنا سەرىكتەستىگى تۇرعاندا، ءبىزدىڭ كەدەيلىكتەن قۇتىلىپ، اۋقاتتانۋىمىزدان ءۇمىت مول، - دەپ ءماز بولىستى.
دولان باعى جاڭا اۋىل شارۋاشىلىق شەكتى جارنا سەرىكتەستىگىنىڭ قۇرىلۋى شەيتى ءدوڭ قىستاعىنداعى تۇرعىنداردىڭ ارقا - باسىن كەڭىتتى. قىستاق تۇرعىندارى دولان باعى جاڭا اۋىل شارۋاشىلىق شەكتى جارنا سەرىكتەستىگىمەن سەلبەسكەننەن بەرى، جەردى وتكەرمەلەۋ ارقىلى سايكەستى تابىس تاۋىپ وتىر، اتاپ ايتقاندا، سەرىكتەستىك جالعا العان ەگىستىك جەردىڭ ءار مۋى ءۇشىن ديقاندارعا 700 يۋاننان، جەمىس باعىنىڭ ءار مۋى ءۇشىن 2000 يۋاننان اقى تولەيدى. شارۋالاردىڭ كاسىپورىندا جۇمىسقا تۇرىپ، اي بويىنشا ەڭبەكاقى الۋىنا دا مۇمكىندىك جاسالعان، ەر جۇمىسشىعا كۇندىگىنە 70 يۋاننان، ايەل جۇمىسشىعا 60 يۋاننان اقى تولەنەدى.
قىستاق تۇرعىنى اسەن يميننىڭ جەرى از، بالاسى كوپ ەدى، سوندىقتان وتباسىنىڭ ەكونوميكالىق جاعدايى ءماز بولماي كەلگەن. دولان باعى جاڭا اۋىل شارۋاشىلىق شەكتى جارنا سەرىكتەستىگى قۇرىلعاننان كەيىن، 2015 - جىلى ول جەردى وتكەرمەلەۋدەن 10 مىڭ يۋان تابىس تاپتى، قىستاق تۇرعىندار كوميتەتىنەن 2000 يۋان ۇلەس پايدا الدى.
«دولان باعى جاڭا اۋىل شارۋاشىلىق شەكتى جارنا سەرىكتەستىگىنىڭ ارقاسىندا قولداعى جەرىم تابىس كوزىنە اينالدى، ەندى جىل سايىن تۇراقتى تابىس تابا الامىن. ونىڭ ۇستىنە ءوزىم دە جۇمىسقا تۇرىپ، ەڭبەگىمە اقى الىپ كەلەمىن، وتباسىمىزدىڭ جاعدايى ايتارلىقتاي جاقساردى. تۇرمىسىمىز كۇننەن - كۇنگە تۇزەلىپ كەلەدى»، - دەدى اسەن.
كاسىپورىن مەن قىستاق تۇرعىندار كوميتەتى تەڭ جارنا شىعارىپ، قاتار دامىپ، پايدانى ورتاعا سالىپ، كەدەي شارۋالاردىڭ مۇددەسى مەن سەرىكتەستىكتىڭ دامۋىن تىعىز ۇشتاستىردى. سونىمەن بىرگە سەرىكتەسكەن شارۋاشىلىق ءتاسىلى شارۋالاردىڭ كاسىپورىننىڭ دامۋىنا ات سالىسۋىنا مۇمكىندىك تۋدىرىپ، ولاردىڭ بازار تانىمىن جەتىلدىرىپ، تالىقپاي العا باسۋىنا دەم بەردى. اۋىل - قىستاقتىڭ ەكونوميكالىق دامۋىنا ومىرشەڭدىك كۇش قوستى
سۇحبات بارىسىندا دولان باعى جاڭا اۋىل شارۋاشىلىق شەكتى جارنا سەرىكتەستىگى وسى زامانعى ەكونوميكاعا، عىلىم - تەحنيكالىق شارالارعا تولىق سۇيەنىپ، شارۋالاردىڭ كەدەيلىكتەن قۇتىلىپ، اۋقاتتانۋىنا كومەكتەستى. كاسىپورىننىڭ كولەمىنىڭ، ونىمدىلىگىنىڭ جانە ىقپالىنىڭ ۇزبەي ارتۋىنا بايلانىستى، دولان باعى سەرىكتەستىگى دە ماكىت اۋدانىنىڭ اۋىل - قىستاق ەكونوميكاسىنىڭ دامۋىنا ومىرشەڭدىك كۇش قوستى.
سەرىكتەستىك قۇرىلعاننان كەيىن ادام كۇشى، اكىمشىلىك، قازىنا، ىشكى مەڭگەرۋ سياقتى نەگىزگى ءتۇزىمدى بىرتىندەپ كەمەلدەندىرىپ، زاماناۋي سەرىكتەستىكتى العاشقى ادىمدا قالىپتاستىردى. سەرىكتەستىك ەرەكشە جەمىس ورمانى كاسىبىن، مال شارۋاشىلىق باعىمشىلىق كاسىبىن ءتۇيىندى ورنالاستىرىپ، ءبىر جىل جۇمىس جۇرگىزۋ ارقىلى يگى باستاما كوتەرىپ، 2015 - جىلى تازا كىرىستى ءبىر ميلليون 977 مىڭ 900 يۋانعا جەتكىزدى.
سەرىكتەستىك حالىق تۇرمىسىن قامتاماسىز ەتۋگە، جاقسارتۋعا كۇش سالىپ، قىستاق تۇرعىندارىن شىن مانىندە يگىلىككە كەنەلتتى. 2015 - جىلى سەرىكتەستىك 500 نەشە ادامدى جۇمىسقا قابىلدادى، جيىنى 6485 ادامعا (رەتكە) جەتتى، تاراتقان ەڭبەكاقى 611 مىڭ 400 يۋانعا جەتىپ، وتباسىلارىنىڭ ورتا ەسەپپەن ارتقان كىرىسى 2000 يۋاننان استى.
سەرىكتەستىك قىستاق تۇرعىندارىنىڭ 1716 مۋ جەرىن جالعا العاننان كەيىن، قىستاق تۇرعىندارى 2 ميلليون 860 مىڭ يۋان جالاقىعا يە بولدى؛ قىستاقتىڭ بىتىراندى جەرلەرىن بىرىكتىرىپ، كولەمدەنگەن، شوعىرلى ءوندىرىستى جۇزەگە اسىردى؛ قىستاق تۇرعىندارىنىڭ ەگىمشىلىك ونەرى ۇزبەي ءوسىپ، باسىم كوپ ساندى قىستاق تۇرعىندارى شىلان اعاشىن بۇتاۋ، ءسابىز، جەر جاڭعاعىن ەگۋ، باپتاۋ تەحنيكاسىن يگەردى ءارى بىرتىندەپ ىسكەر جۇمىسشىعا اينالدى. سەرىكتەسكەن باسقارۋدا قىستاق تۇرعىندارىنىڭ ەڭبەك تانىمىن بىرتىندەپ وزگەرتىپ، «ەڭبەكاقىنى ءار كۇنى بەرىپ وتىرۋ» سىندى ەسكى داعدىنى بىرتىندەپ تالقانداپ، مەرزىم بويىنشا ەسەپ جاساۋ سىندى ەڭبەكاقى تاراتۋ ۇلگىسىن قابىلدادى، سەرىكتەستىككە ورنىقتى جۇمىس ىزدەي كەلگەن قىستاق تۇرعىندارىنىڭ قاتارى مولايا ءتۇسىپ، ولاردىڭ وسى زامانعى بازار شارۋاشىلىعى تانىمى ارتا ءتۇستى.
دولان باعىنىڭ بولاشاعى جونىندە ايالداعاندا، لۋان ۋيحۋا تولىق سەنىممەن: سەرىكتەستىگىمىز وڭتۇستىك شينجياڭداعى اۋىل - قىستاقتاردىڭ ەكونوميكالىق، قوعامدىق دامۋىنا قىزمەت وتەۋ ءتۇپ نىساناسىنا ۇزدىكسىز تاباندى بولىپ، ۇسىنىلىمدى ارتتىرىپ، جوعارى ولشەمدى، كولەمدەنگەن دولان قويى باعىمشىلىق بازاسىن بىرتىندەپ قالىپتاستىرىپ، شارۋالاردىڭ كىرىس ارناسىن كەڭەيتەدى؛ 10 مىڭ مۋلىق ەرەكشە، ورگانيكالىق قاۋىن - قاربىز، جەمىس - جيدەك بازاسىن قۇرىپ، باعىمشىلىق كاسىبىمەن ءبىرى - ءبىرىن تولىقتاپ، اينالمالى شارۋاشىلىق ۇلگىسىن قالىپتاستىرىپ، جەردەن پايدالانۋ ونىمدىلىگى مەن ونىمدەردىڭ قوسالقى قۇنىن تولىق ارتتىرادى؛ باق ەكونوميكاسىن ارقاۋ ەتىپ، ساياحات، سەيىل - سەرۋەن، مادەنيەت كاسىبىن دامىتىپ، بازانىڭ رولىن تولىق اشىپ، جەرگىلىكتى ورىننىڭ دولان مادەنيەتىن ونان ارى جالعاستىرىپ جانە ساۋلەلەندىرىپ، ۇلتتىڭ تاڭداۋلى مادەنيەتىن بۇكىل ەلگە ۇزبەي ايگىلەپ، كوركەم شينجياڭدى ۇگىتتەيدى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
