- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءسوز ۇلتتار ىنتىماعى تاربيەسى تۋرالى
بەدەلحان الىمبەك ۇلى
2016.07.20 13:40 كەلۋ قاينارى : شينجياڭ گازەتى
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: «شينجياڭ ماسەلەسىندە ەڭ ۇزاققا جالعاساتىنى، اينالىپ كەلگەندە، ۇلتتار ىنتىماعى ماسەلەسى؛ ۇلتتار ىنتىماعىن جەبەۋدى، ءدىني ۇشقارى يدەيانىڭ ءورشۋىن شەكتەۋدى ماڭىزدى ءتۇيىن ەتە وتىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا كۇش سالۋ كەرەك. رەفورما، دامۋ، ورنىقتىلىقتىڭ جاڭا ساتىسىنا قادام تاستاعان شينجياڭ جونىنەن ۇلتتار ىنتىماعىن قورعاۋدىڭ جانە جەبەۋدىڭ ەرەكشە ماڭىزى بارعان سايىن كورنەكتىلەنىپ كەلەدى»، - دەپ اتاپ كورسەتتى.
تاربيە باسى بەسىكتە بولعاندىقتان وقۋ - وقىتۋ قىزمەتى جونىنەن ۇلتتار ىنتىماعى تاربيەسى وتە ماڭىزدى. سوندىقتان تومەندە ۇلتتىق رايونداعى مەكتەپتەردە ۇلتتار ىنتىماعى تاربيەسىن ءونىمدى جولعا قويۋ جونىندە وقىرماندارمەن وي ورتاقتاستىرماقپىن.
ءبىرىنشى، وقىتۋدا ۇلتتار ىنتىماعى تۋىن بيىك ۇستاۋ كەرەك. ەلىمىز كوپ ۇلتتى، سوتسياليستىك مەملەكەت، سوندىقتان مەملەكەت تۇتاستىعى تانىمى مەن كوزقاراسى ەلىمىزدەگى ءار ۇلت حالقى تىرشىلىگىنىڭ يدەيالىق نەگىزى، سونداي - اق جۇڭحۋا وركەنيەتىنىڭ ۇرپاقتان - ۇرپاققا جالعاسۋىنداعى مىعىم كۇش. ۇلتتار ىنتىماعىن قورعاۋ، ءدىني ۇشقارى يدەيانىڭ ءورشۋىن شەكتەۋ ءۇشىن مەكتەپتەر وقۋشىلارعا مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعاسى تانىمىن بەرىك ورناتۋ كەرەك. وقۋشىلاردى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تيەسىلى ۇلەس قوسۋعا جۇمىلدىرىپ، وتاننىڭ گۇلدەنىپ - كوركەيۋ، دامۋ جەتىستىكتەرىنەن بىرگە يگىلىكتەندىرۋ كەرەك.
ۇلتتار ىنتىماعىن قورعاۋ، ءدىني ۇشقارى يدەيانىڭ تارالۋىن شەكتەۋ ءۇشىن، ۇلتتار ارا بارىس - كەلىستى، اۋىس - كۇيىستى، توعىسۋدى كۇشەيتۋ كەرەك. ءار ۇلت حالقى ءوزارا ءتۇسىنىسىپ، ءوزارا قۇرمەتتەپ، ءوزارا جول بەرىپ، ءوزارا قادىرلەپ، ءوزارا ۇيرەنىپ، ءوزارا قارايلاسىپ، جۇدىرىقتاي جۇمىلۋ يدەياسىن وقۋشىلاردىڭ كوكەيىنە ۇيالاتۋ كەرەك. ءار ۇلت حالقى جۇدىرىقتاي جۇمىلعاندا عانا، بوگەتتەردى بۇزىپ، قايسارلىقپەن ۇمتىلىپ، شۇعىلالى تابىستارعا قول جەتكىزەتىن پارمەندى كۇشكە اينالا الاتىنىن وقۋشىلارعا انىق ۇعىندىرۋ كەرەك.
ەكىنشى، وقۋشىلاردىڭ زاڭ جونىندەگى تانىم - تۇسىنىگىن جوعارىلاتۋ كەرەك. ەلىمىزدىڭ نەگىزگى زاڭىندا «ءارقانداي ۇلتتى كەمسىتۋگە جانە ەزۋگە تيىم سالىنادى. ۇلتتار ىنتىماعىن بۇلدىرۋگە جانە ۇلتتىق بولشەكتەۋشىلىك ارەكەتتەرىن تۋدىرۋعا تيىم سالىنادى» دەپ اتاپ كورسەتىلگەن. كەيدە وقۋشىلار ءمالىم ۋاقيعاعا جولىققاندا ءبىز وقۋشىمىز، زاڭدىق جاۋاپكەرلىك ارقالامايمىز دەپ قارايدى. مىنە، وسىنىڭ ءوزى وقۋشىلاردىڭ زاڭدىق تانىم - تۇسىنىگىنىڭ تايازدىعىن كورسەتەدى. بوگدە نيەتتى ادامدار وقۋشىلاردىڭ ءدال وسىنداي السىزدىگىنەن پايدالانادى.
ەلىمىزدىڭ قاتىستى زاڭدارىندا: «ءارقانداي ازامات، مەيلى ونىڭ ءناسىلى، ۇلتى، جىنىسى، كاسىبى، سەميالىق كەلىپ شىعۋى، ءدىني سەنىمى، وقۋ ماعلۇماتى، مال - مۇلىك جاعدايى، قونىستانۋ مەرزىمى قالاي بولسىن، زاڭعا قايشى قىلمىس وتكىزسە، جاۋاپكەرشىلىگى زاڭ بويىنشا قۋزاستىرىلادى. ءارقانداي ادامنىڭ ەرەكشەلەنۋىنە زاڭدا جول بەرىلمەيدى. زاڭ الدىندا بارلىق ادام تەپە - تەڭ. مەيلى قانداي ادام بولسىن، مەيلى قايسى ۇلت بولسىن، مەيلى قانداي ماقساتتا بولسىن، ءبارى دە تارتىپكە باعىنىپ، زاڭعا بويسۇنۋلارى، ءبارى دە ءسوز - ارەكەتتەرىن زاڭ ارقىلى تەجەۋلەرى كەرەك.ءارقانداي ادام مەملەكەت زاڭىن اياق استى ەتسە، قوعام ءتارتىبىن بۇلدىرسە، حالىقتىڭ ءومىرى مەن مال - مۇلكىنە زيان جەتكىزسە، زاڭ جازاسىنا تارتىلادى» دەپ بەلگىلەنگەن. سوندىقتان وقۋشىلار زاڭعا قايشى كەلسە، زاڭدىق تانىم - تۇسىنىگىم تاياز ەدى دەگەندى كولدەنەڭ تارتۋ مۇمكىن ەمەس، ءسوزسىز، ءتيىستى زاڭدىق جاۋاپكەرلىك ارقالايدى.
مەكتەپتەردىڭ ءتالىم - تاربيە باعىتى − جۇڭگوشا سوتسياليزم ىستەرىنىڭ تولىمدى ءىزباسارلارىن باۋلۋ، جەتىلدىرۋ بولعاندىقتان، مەكتەپتەر وقۋشىلاردىڭ زاڭدىق تانىم - تۇسىنىگىن جوعارىلاتۋدى مىقتى يگەرۋى قاجەت.
ءۇشىنشى، «تورتتە مىقتى وقىتۋشىلار» قوسىنىن قالىپتاستىرۋ كەرەك. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان: «شينجياڭداعى ءار دارەجەلى پارتيالى كادرلار، باسشى كادرلار ساياسيدا تاباندى، قابىلەتى مىعىم، ستيلى جاقسى، كوڭىل كۇيى ورنىقتى بولۋ كەرەك» دەگەندى ورتاعا قويعان. مىنە، بۇل شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ قاجەتتىلىگىنەن تۋعان تالاپ. سوندىقتان بارلىق وقىتۋشىلار، اسىرەسە، ساياسات ساباعى وقىتۋشىلارى وسى 4 ءتۇرلى تالاپتى، ءسوزسىز، ازىرلەۋى كەرەك.
⑴ وقىتۋشىلار جونىنەن ايتقاندا، ساياسيدا تاباندى بولۋ دەگەن كوممۋنيستىك مۇرات - سەنىمنىڭ بەرىك بولۋىن كورسەتەدى. وقىتۋشىلاردىڭ ساياسي مىندەتىن ايقىن تانىپ، وقۋ - وقىتۋدى ورتالىقتىڭ كەلەلى شەشىم − ورنالاستىرۋلارىمەن شىن مانىندە بىرلىككە كەلتىرىپ، ونى باتىل دا سانالى دايەكتى تياناقتاندىرۋىن مەڭزەيدى، سوندىقتان وقىتۋشىلار بۇل تالاپتان شىعۋى كەرەك.
⑵ قابىلەتى مىعىم بولۋ دەگەن ءسوز وقىتۋشىلاردا مىعىم ساياسي - نازاريالىق ءبىلىم بولۋمەن قوسا، ورتالىقتىڭ كەلەلى شەشىمدەرى مەن زاڭ - تۇزىمدەردى دۇرس ۇيرەنۋ، يگەرۋ، ءتۇسىنۋ جانە ءتۇسىندىرۋ قابىلەتى بولۋى كەرەك ەكەنىن كورسەتەدى.
⑶ ستيلدە جاقسى بولۋ دەگەن ءسوز وقىتۋشىلاردىڭ ساياسيدا تاباندى بولۋىن، ءتورت ءتۇرلى بۇرىس ستيلگە قارسى تۇرۋدىڭ ۇلگىسى بولا ءبىلۋىن كورسەتەدى.
⑷ كوڭىل كۇيى ورنىقتى بولۋ دەگەن ءسوز وقىتۋشىلاردىڭ ۇيرەنۋدە وزىنە جوعارى تالاپ قويۋىن، يدەيادا بوساڭسىماۋىن، «قۇلشىنعاندا عانا وزگەرتۋگە بولادى، قۇلشىنساق قانا وزگەرتە الامىز» دەگەن رۋحتان اۋىتقىماي، وقۋ - وقىتۋدى جاڭا بەلەسكە كوتەرۋگە كۇش سالۋى كەرەك ەكەنىن كورسەتەدى. مىنە، بۇل وقىتۋشىلاردىڭ قىزمەت جاۋاپكەرشىلىگى، حالىقتىڭ ءۇمىتى، پارتيانىڭ تالابى.
ەگەر بارلىق مەكتەپ ۇلتتار ىنتىماعى تاربيەسىن وقۋ - وقىتۋدىڭ بارلىق مازمۇنىنا ءسىڭىرىپ، «تورتتە مىقتى وقىتۋشىلار» قوسىنىن قۇرا السا، ۇلتتار ىنتىماعى ءتالىم - تاربيەسىن تىڭ بەلەسكە كوتەرۋگە بولادى. مەكتەپ وقۋ - وقىتۋىنىڭ ارقاۋى − وقىتۋشى. ۇلتتار ىنتىماعىنىڭ ءتۇيىنى تاربيەدە. سوندىقتان وقىتۋشىلار وزدەرىنە قاتاڭ تالاپتار قويىپ، ۇلتتار ىنتىماعىندا ۇلگى - ونەگە بولىپ، وقۋ - وقىتۋ ءىسىن مۇقيات زەرتتەپ، حالىقتىڭ ءۇمىتىن اقتاۋعا، پارتيانىڭ تالابىن ابىرويمەن ورىنداۋعا شارت ازىرلەۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
