بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ ەلىمىزدەگى بيىك ورەدەگى كاسىپتەردىڭ توپتالعان جەرىنە اينالىپ كەلەدى

2016.07.21 15:30     كەلۋ قاينارى : شينجياڭ گازەتى

  شينحۋا اگەنتتىگىنىڭ 15 - شىلدەدە ۇرىمجىدەن بەرگەن حابارى. ەلىمىزدىڭ ەنەرگيا بايلىعى جاعىنداعى ءىرى رايون شينجياڭدا مۇناي، كومىر، ماقتا سياقتى كاسىپ سالالارى جەرگىلىكتى ورىننىڭ ونداعان جىلداردان بەرگى دامۋىنا سۇيەنىش بولىپ كەلەدى. بۇگىنگى تاڭدا شينجياڭنىڭ جىبەك جولى ەكونوميكالىق بەلدەۋى وزەك رايون قۇرىلىسىنىڭ ۇزدىكسىز ىلگەرىلەۋىنە بايلانىستى، جابدىق جاساۋ، قۇرىلىس ماتەريالدارى، توقىماشىلىق، كيىم - كەشەك، ينفورماتسيا، جاڭا ەنەرگيا سياقتى بيىك ورەدەگى كاسىپتەر تۇرەن سالىپ، ىشكى ولكەلەر مەن ورتا ازيا بازارلارىن تەز بايلانىستىرىپ، شينجياڭ كاسىپتەردىڭ دەڭگەيىنىڭ ءوسىپ، ءداۋىر الماسۋىنىڭ ورايلى ساتىنە ءدوپ كەلدى.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ تانىستىرۋىنا قاراعاندا، ەۆرو - ازيا قۇرلىعىنىڭ كىندىگى سىندى وڭىرلىك باسىمدىلىعىنا، قوردالى بايلىق باسىمدىلىعىنا سۇيەنە وتىرىپ، شينجياڭنىڭ جابدىق جاساۋ كاسىپتەرى شاپشاڭ دامىپ، ەرەكشە ترانسفورماتور ەلەكتر سەرىكتەستىگى، جينفىڭ عىلىم - تەحنيكا سەرىكتەستىگى سياقتى جەتەكشى كاسىپورىندار ومىرگە كەلىپ، حيميا ونەركاسىبى، جەڭىل ونەركاسىپ سالالارىندا 100 ميلليارد يۋاندىق ءونىم قۇنى جۇزەگە اسقان. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە شينجياڭنىڭ سىرتقا ەسىك اشۋ اياق الىسىن تەزدەتىپ، «جىبەك جولى ەكونوميكالىق بەلدەۋىنىڭ وزەك رايونىن» قۇلشىنا قۇرىپ شىعۋ كەرەكتىگى العا قويىلدى، مەملەكەت پەن اۆتونوميالى رايون شينجياڭنىڭ بيىك ورەدەگى كاسىپتەردى توپتاۋى ءۇشىن قارجى، ساياسات جاقتارىنان بەيىمدىلىك تانىتىپ، ىڭعايلى ورتا ازىرلەدى.

  «باتىس بولىكتەگى مۇنايلى قالا» قارامايلى مۇناي، تابيعي گاز بايلىعى جانە مۇناي حيميا كاسىپتەرىنىڭ كومەسكى كۇشتەرىن ىشكەرىلەي اشۋمەن قاتار، ءىرى ساندى مالىمەت داۋىرىندە جىبەك جولى ەكونوميكالىق بەلدەۋىنىڭ وزەك رايونىنا ورنالاسۋداي وڭىرلىك باسىمدىلىقتى تياناق ەتە وتىرىپ، بۇلتتىق ەسەپتەۋ كاسىبى بازاسىن بەلسەنە قۇرىپ، بايلىق تيپىندەگى قالا ۇلگىسىنە بۇرىلىس جاساۋ بارىسىندا «جەر استىنان» «بۇلتتىق ەسەپتەۋگە» قاراي بەت الدى. قازىر قارامايلى بۇلتتىق ەسەپتەۋ كاسىبى باقشاسىندا حۋاۋي بۇلتتىق قىزمەت وتەۋ ساندى مالىمەت ورتالىعى، جۇڭگو مۇناي توبىنىڭ شينجياڭ وڭىرلىك ساندى مالىمەت ورتالىعى، شينجياڭ ماڭىزدى ينفورماتسيا جۇيەسىنىڭ اپات دايىندىعى ورتالىعى، جۇڭگو جىلجىمالى حابارلاسۋ توبىنىڭ شينجياڭ ساندى مالىمەت ورتالىعى، جۇڭگو عارىش توبىنىڭ باتىس بولىك جاساندى سەرىك حابارلاسۋ تورى بازاسى، سونداي - اق جۇڭشيڭ حابار - بايلانىس، چيڭحۋا تۇڭفاڭ سياقتى مەملەكەتتىڭ ءتۇيىندى نىساندارى جانە ينفورماتسيا كاسىبىندەگى ماڭىزدى كاسىپورىندار توپتالعان.

  «جاڭا ەنەرگيالى اۆتوموبيل، ەنەرگيا ۇنەمدەيتىن اينەك، ماشينامەن توقىلعان جوعارى سورتتى كىلەم، جوعارى سورتتى سپورتتىق بۇيىمدار سياقتى بۇرىندارى تەك ىشكى ولكەلەردە عانا تامىر تارتقان بيىك دەڭگەيلى كاسىپتەر بۇگىندە جىڭ سياقتى باتىستاعى شاعىن اۋدانعا ىرگە تەۋىپ وتىر»، - دەدى جىڭ اۋدانىنىڭ ساۋداگەر شاقىرۋ جۇمىسىن اتقاراتىن ۇنەمىلىك ىستەرگە جاۋاپتى ورىنباسار اكىمى لي ميڭباۋ. ول: 2 − ازيا - ەۆروپا قۇرلىق كوپىرىنىڭ، ليانيۇنگاڭ - قورعاس جوعارى قارقىندى تاس جولىنىڭ بويىنا ورنالاسقان جىڭ اۋدانى شينجياڭنىڭ جىبەك جولى ەكونوميكالىق بەلدەۋىنىڭ وزەك رايون قۇرىلىسىندا شىعىسپەن بىرلەسىپ باتىسقا شىعارۋدىڭ التىن تورابىنىڭ باۋراۋ قۋاتى مەن قۇنىن بىرتىندەپ ساۋلەلەندىرىپ وتىر، - دەپ قارايدى.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى حۋ كايجياڭ بىلاي دەدى: جىبەك جولى ەكونوميكالىق بەلدەۋىنىڭ وزەك رايون قۇرىلىسى شينجياڭنىڭ بيىك ورەدەگى كاسىپتەردى دامىتۋىنا وراسان زور بازار ءورىسىن ازىرلەدى، بىلتىر جاڭا ەنەرگيا، جاڭا ماتەريال، وزىق جابدىق جاساۋ جانە ەلەكتر ينفورماتسيا سياقتىلاردىڭ ارتۋ جىلدامدىعى %20تەن استى. الداعى 10 جىلدا شينجياڭ ءونىم قۇنى 100 ميلليارد يۋاننان اساتىن حيميا ونەركاسىبى، ەرەكشە جەڭىل ونەركاسىپ، ءتۇستى مەتال، جابدىق جاساۋ، قۇرىلىس ماتەريالدارى، توقىماشىلىق، ينفورماتسيا، جاڭا ەنەرگيا سياقتى 8 ءىرى كاسىپ شوعىرىن، تيجارات كىرىسى 10 ميلليارد يۋاننان استام جاساۋ كاسىپورىندارىنان 20دان استامىن قالىپتاستىرىپ، جىبەك جولى ەكونوميكالىق بەلدەۋىنىڭ وزەك رايونى رەتىندە شينجياڭنىڭ باسەكەلىك قۋاتىنىڭ ۇزدىكسىز ارتۋىنا مۇمكىندىك جاسايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.