بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ وڭتۇستىك شينجياڭداعى 3 ايماق، ءبىر وبلىستى ينتەرنەتپەن قامتۋ قىزمەتىن ىلگەرىلەتتى

2016.07.29 14:21     كەلۋ قاينارى : شينجياڭ گازەتى

  شينحۋا اگەنتتىگىنىڭ 27 - شىلدەدە ۇرىمجىدەن بەرگەن حابارى. شينجياڭ بيىلدان باستاپ كەدەيلىكتەن قۇتىلدىرۋ مىندەتى ەڭ اۋىر اقسۋ، قاشقار، حوتان ايماقتارى مەن قىزىلسۋ قىرعىز اۆتونوميالى وبلىسىندا جىلجىمالى ينتەرنەت قۇرىلىسى مەن كەڭ ارنالى توردى قىستاقتاعى ءار وتباسىنا جەتكىزۋ قىزمەتىن ىلگەرىلەتۋگە كىرىسىپ، «13 - بەسجىلدىق» جوبانىڭ سوڭعى مەزگىلىنە دەيىن جاپپاي قامتىپ، وڭتۇستىك شينجياڭداعى 3 ايماق، ءبىر وبلىستى وڭىرلىك كەدەيلىكتەن بۇكىلدەي قۇتىلدىرۋعا «ينفورماتسيالىق جوعارى قارقىندى جول» سالادى.

  اۆتونوميالى رايوندىق حابارلاسۋ ىستەرىن باسقارۋ مەكەمەسى تاياۋدا وڭتۇستىك شينجياڭداعى 3 ايماق، ءبىر وبلىستىڭ ينفورماتسيا حابارلاسۋ سالاسىنىڭ «13 - بەسجىلدىق» ارناۋلى جوباسىن جاريالادى. مەكەمەنىڭ ورىنباسار باستىعى ءالي ۇسەن: وڭتۇستىك شينجياڭداعى 3 ايماق، ءبىر وبلىستا مەملەكەت دارەجەلى كەدەي اۋداننان 21ى جانە ەرەكشە قيىنشىلىعى وڭىرلەر بويىنشا تۇتاسىپ كەتكەن ايماق، اۋدان، قالادان بەسەۋى بار، بۇل بۇكىل شينجياڭنىڭ %74ىن ۇستايدى، كەدەيلىكتەن قۇتىلدىرۋدان قامال الۋ − وڭتۇستىك شينجياڭنىڭ مۇنان بىلايعى 5 جىلدىق قىزمەتىنىڭ ماڭىزدى مىندەتى، - دەپ تانىستىردى.

  «12 - بەسجىلدىق» جوبا كەزىندە اۆتونوميالى رايون وڭتۇستىك شينجياڭنىڭ 3 ايماق، ءبىر وبلىسىنداعى بارلىق قالا - قالاشىقتى، ءتۇيىندى اكىمشىلىك قىستاقتاردى 3G تورىمەن قامتۋدى ىسكە اسىرعان ءارى كەڭ ارنالى توردى قىستاقتاعى وتباسىلارىنا دەيىن جەتكىزگەن، «اۋىل شارۋاشىلىعى حابارلاسۋ تورى»، «ينفورماتسيا باعى»، «اۋىل شارۋاشىلىعى جاڭا كەڭىستىگى» سياقتى اۋىل - قىستاق جان - جاقتى ينفورماتسيامەن قىزمەت وتەۋ تەكشەسى اناعۇرلىم كەمەلدەندى، ءىشىنارا اۋدان، قالالار اۋىل - قىستاق ورتا، باستاۋىش مەكتەپتەرىندە شالعايدان وقىتۋ مەن شالعايدان ەمدەۋدى جۇزەگە اسىردى.

  ءالي ۇسەن بىلاي دەدى: كەزەكتە وڭتۇستىك شينجياڭداعى 3 ايماق، ءبىر وبلىستىڭ ينفورماتسيا حابارلاسۋ قۇرىلىسى مەن بۇقارانىڭ تۇرمىس دەڭگەيىن جوعارىلاتۋ قاجەتتىلىگىندە ءالى دە زور پارىق بار، بىلتىر جىل سوڭىنا دەيىن وڭتۇستىك شينجياڭداعى 3 ايماق، ءبىر وبلىستاعى جىلجىمالى حابارلاسۋ ابونتتارى 6 ميلليون 06 مىڭعا (3G ابونتتار 3 ميلليون 170 مىڭ) جەتىپ، جالپىلاسۋ مولشەرى ءار 100 ادامعا 62 قول تەلەفوننان تۋرا كەلدى؛ تۇراقتى كەڭ ارنالى تور قوسقان ابونت 530 مىڭعا جەتىپ، جالپىلاسۋ مولشەرى %5 بولدى؛ جىلجىمالى ينتەرنەت تورىن قولدانۋشىلار 4 ميلليون 120 مىڭعا جەتىپ، جالپىلاسۋ مولشەرى %42 بولدى.

  ۇعىسۋعا قاراعاندا، مۇنان بىلايعى 5 جىلدا شينجياڭ وڭتۇستىك شينجياڭداعى 3 ايماق، ءبىر وبلىستى ينفورماتسيا نەگىزدىك قۇرىلعىلارىمەن قامتۋدى ۇزبەي ىلگەرىلەتەدى. 2020 - جىلعا بارعاندا، وڭتۇستىك شينجياڭنىڭ 3 ايماق، ءبىر وبلىسىندا تۇراقتى كەڭ ارنالى توردى قولداناتىندار سانى 940 مىڭعا جەتىپ، جالپىلاسۋ مولشەرى %9.3كە ارتىپ، اۋىل - قىستاق كەڭ ارنالى تورىن قوسۋ قۋاتى 12Mدەن اسادى؛ جىلجىمالى تەلەفون قولدانۋشىلار 7 ميلليون 650 مىڭعا جەتىپ، جالپ−ىلاسۋ مولشەرى %75تەن اسىپ، 3G، 4G ابونتتارى 6 ميلليون 250 مىڭعا ارتادى؛ 4G تورى قالا - رايون، اۋدان، اۋىل - قالاشىقتى تۇتاس قامتيدى، ءتۇيىندى اكىمشىلىك قىستاقتار ءتۇيىن ەتىپ قامتىلادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.