بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تيانشاننىڭ تۇستىگى مەن تەرىستىگىندە حالىقتى اۋقاتتاندىرۋدىڭ، حالىق تۇرمىسىنا تيىمدىلىك جاساۋدىڭ تىڭ پاراعى اشىلدى

2016.08.05 15:57     كەلۋ قاينارى : شينجياڭ گازەتى

  شىلدە ايى ساياحاتتىڭ ەڭ تاماشا كەزى، مەيلى مەملەكەتتىك 5A دارەجەلى ساياحات رايونىنا بارىڭىز، الدە وڭتۇستىك شينجياڭداعى شاعىن اۋدان، قالاشىقتاردىڭ كەشكى بازارلارىن ارالاڭىز، مەيلى ءشول - جازيرالارعا بارىڭىز، الدە ساحاراعا، كول بويلارىنا سەيىلدەڭىز، بارىنەن تۇس - تۇستان جاپىرىلا كەلگەن ساياحاتشىلاردى كورەسىز.

  سوڭعى جىلداردان بەرى، شينجياڭعا باعىتتامالى كومەك كورسەتىپ جاتقان بۇكىل ەلىمىزدەگى 19 ولكە، قالا «شينجياڭعا ساياحاتشى جىبەرۋ، كاسىپ سالاسى بويىنشا كومەكتەسۋ، دارىندىلار جاعىنان قولداۋ» قىزمەت وي جەلىسى بويىنشا، شينجياڭعا ساياحات جاعىنان كومەك كورسەتۋ قىزمەتىن بار كۇشپەن ورىستەتىپ، شينجياڭنىڭ ساياحات كاسىبىن دامىتىپ، شينجياڭنىڭ وڭىرلىك ەكونوميكاسىنىڭ دامۋى مەن كەدەيلەردى سۇيەمەلدەۋگە، كاسىپتەندىرۋگە اناعۇرلىم كوپ دامۋ ورايىن جاسادى.

  شينجياڭعا ساياحاتشى جىبەرىپ، دامۋ ءورىسىن ىشكەرىلەي، كەڭ كولەمدە اشتى

  «2016 - جىلعى گۋاڭدۇڭ - شينجياڭ جىبەك جولى وركەنيەتى بويىنشا 10 مىڭ شاقىرىمدىق ساپار» قيمىلىن ۇيىمداستىرعان گۋاڭدۇڭ ولكەسى شاۋگۋان جەكە اۆتوكولىگىمەن ساياحاتتاۋ قوعامىنىڭ باستىعى حوۋ گاڭ 23 - شىلدە تاڭەرتەڭ ۇرىمجىدەن ءبىر تۇتاس اتتانار الدىندا تىلشىگە: شينجياڭعا كەلگەننەن بەرى كوڭىلىمىز توتەنشە كوتەرىڭكى، دوستار شەڭبەرىنە شينجياڭنىڭ تاماشا كورىنىستەرىن جولداعان ەدىم، كەلمەگەن دوستارىم ءبىز دە بارساق بولعانداي ەكەن، اتتەگەن - اي دەستى، ساياحاتشىلاردى اۆتوبۋزعا وتىرعىزىپ، سۋىت ساياحاتتاتۋ كوپشىلىكتىڭ ساياحات تالابىن قاناعاتتاندىرا المايتىن بولدى. شينجياڭنىڭ دامىعان قاتىناس تورابى مەن وزگەشە كوركەم تابيعاتى ءوز اۆتوكولىگىمەن اسىقپاي ءجۇرىپ ساياحاتتاۋعا ءارى ۇگىتتەي جۇرۋىمىزگە ابدەن تاتيدى، - دەدى.

  حوۋ گاڭ تىلشىگە بىلاي دەدى: گۋاڭجوۋ، شاۋگۋان، جۋجياڭ اتراۋىنان 20 اۆتوكولىكپەن شىققان 100دەي ادامنىڭ گۋاڭدۇڭ، حۋنان، حۋبەي، شانشي، گانسۋ، چيڭحاي سياقتى ولكە، قالالاردى ارالاپ، 5000 كيلومەتردەن استام جول باسىپ، شينجياڭعا كەلۋدەگى ماقساتى −− شينجياڭنىڭ تاماشا تابيعاتى مەن كوپ نەگىزدى تاريحي مادەنيەتىن، الۋان ءتۇرلى ۇلتتىق سالت - ساناسىن كورۋ، ءبىلۋ ەكەن. ولار گۋاڭدۇڭنىڭ شينجياڭعا كومەكتەسۋ قىزمەتى جەمىستەرىن دە كورىپ، شينجياڭنىڭ قارىشتاپ دامۋىنا كۋا بولدى، شينجياڭنىڭ ساياحات بايلىعىن ونان ارى اشۋعا، ساياحاتشىلاردى شينجياڭعا جىبەرۋدىڭ تىڭ ۇلگىسىن تابۋعا كۇش سالدى.

  تاياۋدان بەرى گۋاڭدۇڭ، جياڭسۋ، تيانجين سياقتى ولكەلەر مەن قالالاردان جەكە اۆتوكولىكتەرىمەن شينجياڭعا ساياحاتتاي كەلگەندەر كوبەيە ءتۇستى. مىنە بۇل جەكە اۆتوكولىگىمەن شينجياڭعا ساياحاتتاي بارۋدىڭ جاڭا سالتقا اينالعاندىعىنىڭ، ساياحاتشىلاردى شينجياڭعا جىبەرۋ ءورىسىنىڭ ءتىپتى دە كەڭي تۇسكەندىگىنىڭ بەلگىسى.

  كاسىپ سالاسى بويىنشا شينجياڭعا كومەكتەسۋ شينجياڭنىڭ ساياحات كاسىبىنە تىڭ قوزعاۋشى كۇش قوستى

  جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شينجياڭعا كومەك كورسەتكەن 19 ولكە، قالا ساياحات كاسىبى جاعىنان شينجياڭعا كومەكتەسۋ قىزمەتتىڭ تەبىنىن ارتتىرىپ، شينجياڭنىڭ ساياحات كاسىبىنىڭ دامۋىنا تىڭ قوزعاۋشى كۇش قوستى. شينجياڭعا كومەكتەسۋ الدىڭعى شەپ قولباسشىلىق شتابى بەلسەنە قولداپ، قارجى قوسىپ سالعان قاشقار كونە قالاسى 5A دارەجەلى كورىنىس رايونى، پوسكام توراڭعىسى 5A دارەجەلى كورىنىس رايونى، اقتاۋ ساياحات كاسىبىن دامىتۋ قىزمەت وتەۋ ورتالىعى، ونسۋ جىلعاسى، كەريا قۇربان تۇلىم توڭكەرىستىك ساياحات نىساندارى سياقتى ءبىرسىپىرا ساياحات نىساندارى، حالىقتى اۋقاتتاندىرۋداعى، حالىق تۇرمىسىنا تيىمدىلىك جاساۋداعى تيپتىك قۇرىلىستارعا اينالدى.

  2016 - جىلعى جۇڭگو شينجياڭ ىلە تۇلپارى حالىقارالىق ساياحات فەستيۆالى كەزىندەگى جەلىلەس قيمىلدارعا قاتىناسقان قوناقتار، تۇلپار مادەنيەتى ساياحات باقشاسىندا ءار كۇنگى جارىستى قالت جىبەرمەي كورىپ وتىردى، كەشكە تۇلپار حالىقارالىق ساياحات مادەنيەت الاڭىندا 100 كۇندىك مادەنيەت الاڭى قيمىلىنا قاتىناسىپ، جەرگىلىكتى بۇقارامەن بىرگە ءدامدى تاعامداردان اۋىز ءتيىپ، جەرلىك ونىمدەردى ساتىپ الدى.

  تانىستىرۋعا قاراعاندا، «12 - بەسجىلدىقتان» بەرى جياڭسۋدىڭ تايجوۋ قالاسى شينجياڭعا كومەكتەسۋ ماقساتىندا 810 ميلليون يۋان قارجى قوسىپ، كورىنىس رايوندارىنىڭ نەگىزدىك قۇرىلعىلار قۇرىلىسىن، قىزمەت كورسەتۋ جۇيەسىن اشۋدى، بازار ساۋداسىن كەڭەيتۋدى ءتۇيىندى تۇردە قولداپ، موڭعۇلكۇرە اۋدانىنىڭ ساياحات ىستەرىنىڭ دامۋىن ىلگەرىلەتكەن. ءساتتى تۇردە ساۋداگەر شاقىرىپ، قارجى ەنگىزىپ، 5 نىساندى تياناقتاندىرعان، 550 ميلليون يۋان قوعامدىق قارجىنىڭ قوسىلۋىنا مۇرىندىق بولعان، ينجاۋجۇن اراسان قوناقجايى، تۇلپار حالىقارالىق ساياحات مادەنيەت الاڭى سياقتى كوپتەگەن ايگىلى ساياحات نىساندارىنىڭ وسى ارادا ىرگە تەبۋىن جەبەپ، موڭعۇلكۇرەنىڭ ەرەكشە ساياحات كاسىبى شوعىرىن قۇرۋىنا تىڭ ومىرشەڭدىك كۇش باعىشتاعان. قازىر موڭعۇلكۇرە اۋدانى مەملەكەت دارەجەلى 23 ساياحات ورنىن قۇرعان، 58 تيپ بويىنشا 380 نەشە ءتۇرلى ساياحات ءونىمىن (تاۋارىن) زەرتتەپ جاساعان، ءار ۇلت جۇرتشىلىعىنان 7160 ادامدى كاسىپتەندىرگەن، ءتۇرلى ەرەكشە كاسىپ سالالارىن دامىتىپ، 8000 ادامدى كەدەيلىكتەن قۇتىلۋعا جەتەكتەگەن.

  ءتىلشىنىڭ ۇعىسۋىنا قاراعاندا، بەرتىنگى 5 جىلدا شاڭحاي قالاسى جيىنى 420 ميلليون يۋان قارجى قوسىپ، 55 ساياحات نىسانىن ىلگەرىلەتىپ، پوسكام اۋدانىنداعى التىن توراڭعى كورىنىس رايونىنىڭ مەملەكەتتىك 5A دارەجەلى كورىنىس رايونى بولىپ باعالانۋىنا كومەكتەسكەن ءارى قاشقار ايماعىنداعى كەيبىر اۋداندارداعى ساياحات رايوندارىنىڭ نەگىزدىك قۇرىلعىلاردى دامىتۋىن جانە كەمەلدەندىرۋىن ىلگەرىلەتكەن؛ شاندۇڭ ولكەسى 290 ميلليون يۋان قارجى قوسىپ، 4 كورىنىس رايونىنىڭ قۇرىلىسىن ىلگەرىلەتكەن؛ شىنجىن قالاسى 150 ميلليون يۋان قارجى قوسىپ، ءبىر توپ ساياحات ءوڭىرىن اشۋعا كۇش سالعان؛ بەيجيڭ قالاسى 132 ميلليون يۋان قارجى قوسىپ، حوتانداعى 11 نىساندى ىلگەرىلەتكەن؛ جياڭشي ولكەسى 50 ميلليون يۋان قارجى قوسىپ، ءتۇرلى ساياحات قۇرىلعىلارىن كوركەيتكەن؛ جياڭسۋ ولكەسى 44 ميلليون 650 مىڭ يۋان قارجى قوسىپ، اقشي اۋدانىنىڭ ساياحاتتى دامىتۋ مىنبەرىن قۇرعان، ت.ب. بۇدان سىرت، جياڭسۋ ولكەسى تاعى 665 ميلليون 830 مىڭ يۋان قارجى قوسىپ، 20 ساياحات نىسانىن قۇرعان ءارى 4A دارەجەلى 7 كورىنىس رايونىن، 3A دارەجەلى 3 كورىنىس رايونىن ءساتتى قۇرعان؛ جىجياڭ ولكەسى 50 ميلليون يۋاننان كوبىرەك قارجى قوسىپ، كوپتەگەن ساياحات نىسانى قۇرىلىسىن ىلگەرىلەتكەن. ءبىر توپ ساياحات نىساندارىنىڭ قۇرىلۋى شينجياڭنىڭ ساياحات كاسىبىنىڭ نەگىزدىك قۇرىلعىلار قۇرىلىسىنداعى ولقىلىقتاردى نەگىزىنەن تولىقتاپ، كاسىپ سالاسىنىڭ دامۋىنا پارمەندى قولداۋ كورسەتكەن.

  شينجياڭدى دارىندىلار ارقىلى سۇيەمەلدەپ، تۇتاس وڭىردەگى ساياحات ىستەرىنىڭ دامۋىنىڭ جاڭا جاعدايىن جاسادى

  ۇعىسۋعا قاراعاندا، بەرتىنگى جىلداردا شينجياڭعا باعىتتامالى كومەكتەسكەن ولكە، قالالار بەلسەنە ۇيىمداستىرىپ، سايكەستىرىپ، 160 نەشە كەزەك كۋرس اشىپ، 14 مىڭعا جۋىق ادامدى تاربيەلەگەن، 60 نەشە ماماندى وڭتۇستىك شينجياڭعا جىبەرىپ، شينجياڭعا ساياحات جاعىندا كومەكتەسۋ قىزمەتىنە ارناۋلى جەتەكشىلىك ەتىپ، عىلمي شارا قولدانۋ ءۇشىن عىلمي نەگىز ازىرلەگەن.

  تيانشاننىڭ تۇستىگى مەن تەرىستىگىندە حالىقتى اۋقاتتاندىرۋدىڭ، حالىق تۇرمىسىنا تيىمدىلىك جاساۋدىڭ تىڭ پاراعى اشىلدى

  شىلدە ايى سايرام كولىندە ساياحاتتىڭ ەڭ سالتاناتتى مەزگىلى، قۇلپىرعان گۇلدەر، كوگىلدىر كول ەل ءىشى - سىرتىنان كەلگەن ساياحاتشىلاردى باۋرادى. سۋرەتتە: ساياحاتشىلار سايرام كولىن تاماشالاۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.