- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جۇڭگو − ازيا - ەۆروپا كورمەسىنىڭ» كوك ساراي تالقى مىنبەرى اشىلدى
2016.08.05 15:59 كەلۋ قاينارى : شينجياڭ گازەتى
ءتىلشىمىز لي شيڭ 3 - تامىزدا ۇرىمجىدەن حابارلايدى. 3 - تامىزدا «5 - كەزەكتى جۇڭگو − ازيا - ەۆروپا كورماسى − جىبەك جولىندا بىرگە كەڭەسۋ، بىرگە قۇرىلىس جۇرگىزۋ، ورتاق يگىلىككە كەنەلۋ: وراي مەن بولاشاق» تاقىرىبىن نەگىزگى تاقىرىپ ەتكەن 17 - كەزەكتى كوك ساراي تالقى مىنبەرى سىرتقى ىستەر مينيسترلىگىندە اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر نەگىزگى تاقىرىپتىق لەكسيا سويلەدى، سىرتقى ىستەر مينيسترلىگىنىڭ مينيسترى ۋاڭ ي ارناۋ ءسوز سويلەدى.
«كوك ساراي تالقى مىنبەرى» سىرتقى ىستەر مينيسترلىگىنىڭ ۇكىمەت، كاسىپورىن، وقۋ - ءبىلىم سالاسى، اقپارات قۇرالدارى جانە الەۋمەت سياقتى ەل ءىشى - سىرتىنداعى ءار سالانىڭ ءوزارا تىلدەسىپ، اۋىس - كۇيىس جاساۋى ءۇشىن قۇرعان تەكشەسى، بۇل تەكشەنى قۇرۋداعى نەگىزگى ماقسات − قوعامداعى ءار سالانى جۇڭگونىڭ ديپلوماتيا ساياساتى سياقتى ورتاق كوڭىل بولەتىن ماسەلەلەر جونىندە تالقى ورىستەتۋىنە جاڭا ارنا ازىرلەۋ. تالقى مىنبەرى سىرتقى ىستەر مينيسترلىگىنىڭ وڭتۇستىك عيماراتى «كوك سارايدا» وتكىزىلگەندىكتەن، كوك ساراي تالقى مىنبەرى دەپ اتالدى.
شوكىرات زاكىر لەكسياسىندا بىلاي دەپ اتاپ كورسەتتى: بۇگىنگى كۇندە شينجياڭنىڭ جۇڭگونىڭ باتىسقا ەسىك اشۋ ستراتەگياسىنىڭ ەڭ الدىڭعى شەبى جانە جىبەك جولى ەكونوميكالىق بەلدەۋىنىڭ وزەكتى رايونى بولۋداي ماڭىزدى ورنى بارعان سايىن كورنەكتىلەنۋدە. جىبەك جولى ەكونوميكالىق بەلدەۋىن بىرگە قۇرۋ جۇڭگونىڭ شينجياڭى ءدوپ كەلگەن ماڭىزدى وراي، سونداي - اق جىبەك جولىنىڭ بويىنا ورنالاسقان ءار ەلگە تۋعان تاريحي وراي. جۇڭگونىڭ شينجياڭى وسى ماڭىزدى تاريحي ورايدى مىقتى يگەرىپ، ساياساتتاردى توعىستىرۋدى، قۇرىلعىلاردى بايلانىستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى مىقتى يگەرىپ، سىرتقا ەسىك اشۋدىڭ قادامىن ۇلعايتىپ، وركەنيەتتى دە دارقان پوزيتسيا، ناقتى ىستەر جونىندە سەلبەستىك ورناتاتىن شارالار ارقىلى شىعىسپەن بايلانىس ورناتىپ، باتىسقا شىعاراتىن حالىقارالىق ساۋدا ءدالىزىن بەلسەنە قۇرۋى، شينجياڭدى قۇرلىقتاعى جىبەك جولى ەكونوميكالىق بەلدەۋىنىڭ وڭىرلىك قاتىناس تورابى ەتىپ قۇرىپ شىعۋعا كۇش سالۋى، زات اينالىمى، فينانس، مادەنيەت، عىلىم - تەحنيكا، وقۋ - اعارتۋ جانە ەمدەۋدەن قىزمەت وتەۋ سياقتى فۋنكتسيالارىن كەمەلدەندىرىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن تىڭعىلىقتى ىلگەرىلەتۋى كەرەك.
جۇڭگو − ازيا - ەۆروپا كورمەسى ءارقايسى ەلدىڭ دامۋ ورايىنان تەڭ يگىلىكتەنۋىنە، ءوزارا تيىمدىلىك جاساپ، ورتاق يگىلىككە كەنەلۋىنە كەڭ ءورىس اشىپ بەردى، سونداي - اق شينجياڭنىڭ توڭىرەكتەگى ەلدەرمەن ءوزارا تيىمدىلىك جاساپ، سەلبەستىك ورناتۋىن جەبەدى. شوكىرات زاكىر بىلاي دەدى: بۇل جولعى كورمەدە ءبىز كورمەگە قاتىناسۋ ءۇشىن توڭىرەكتىڭ ءتورت بۇرىشىنان كەلگەن قوناقتاردىڭ باسىن ءبىر جەرگە قوسىپ، ولاردىڭ جىبەك جولى ورايى تۋدىرعان ماڭىزدى تەكشە مەن ساپالى قىزمەت وتەۋدەن تەڭ يگىلىكتەنۋىنە مۇمكىندىك جاساۋ ءۇشىن، «جىبەك جولى ەكونوميكالىق بەلدەۋىنىڭ وزەكتى رايون» قۇرىلىسىمەن ۇشتاستىرىپ، 10 مينيستر دارەجەلى جوعارى جىكتەگىلەردىڭ تالقى مىنبەرىن جانە 4 ارناۋلى تاقىرىپتىق قيمىل وتكىزۋدى، 14 كورمە رايونىن ورنالاستىرىپ، وندا ءىرى كولەمدى قارجى قوسۋدا سەلبەستىك ورناتۋ جانە ساۋدا كورمەسىن اشۋدى ىڭعايلادىق.
ۋاڭ ي ارناۋ سوزىندە بىلاي دەدى: «ءبىر بەلدەۋ، ءبىر جول» دارىپتەمەسىنىڭ العا قويىلۋى مەن شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن باستاۋىنا ىلەسە، جۇڭگو − ازيا - ەۆروپا كورمەسى كورمە مەن «ءبىر بەلدەۋ، ءبىر جول» قۇرىلىسىن يكەمدى ۇشتاستىرۋدى ىسكە اسىردى، بۇل ازيا مەن ەۆروپاداعى ءار ەلدىڭ «ءبىر بەلدەۋ، ءبىر جول» قۇرىلىسىنا بىرگە ات سالىسۋىنا ماڭىزدى تەكشە ازىرلەپ بەردى. قازىر شينجياڭ جۇڭگو − ازيا - ەۆروپا كورمەسى سىندى وسى ءبىر ماڭىزدى تەكشەنى ارقاۋ ەتىپ، مەملەكەتتىڭ «ءبىر بەلدەۋ، ءبىر جول» قۇرىلىسىن ىشكەرىلەي ىلگەرىلەتەتىن ءتيىمدى ساياساتتارىنىڭ جەبەۋىنىڭ ارقاسىندا، ەكونوميكالىق، قوعامدىق دامۋى بۇرىندى - سوڭدى بولىپ كورىلمەگەن ماڭىزدى ورايعا ءدوپ كەلىپ، قارىشتاپ دامۋىنا كەڭ ءورىس اشىلدى.
بۇل جولعى تالقى مىنبەرىن سىرتقى ىستەر مينيسترلىگىنىڭ الەۋمەتتىك سىرتقى قاتىناس كەڭسەسى مەن جۇڭگو − ازيا - ەۆروپا كورمەسىنىڭ حاتشىلار باسقارماسى جاۋاپتى بولىپ وتكىزدى. تالقى مىنبەرىنە شەتەلدىڭ ەلىمىزدە تۇراتىن ەلشىلەرىن، حالىقارالىق ۇيىمداردىڭ جۇڭگوداعى ۋاكىلدەرىن، ەلىمىز بەن شەتەلدىڭ ساۋدا سالاسىنداعى ۋاكىلدەرىن، مامان - وقىمىستىلار مەن اقپارات قۇرالدارىنىڭ تىلشىلەرىن قامتىعان 400دەن استام ادام قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
