- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان: «شينجياڭنىڭ جالپى تاريحىن» عىلمي، بەدەلدى، اكادەميالىق سارا تۋىندى ەتىپ شىعارايىق
2016.08.05 16:02 كەلۋ قاينارى : شينجياڭ گازەتى
ءتىلشىمىز ياۋ تۇڭ 3 - تامىزدا ۇرىمجىدەن حابارلايدى. 3 - تامىز تۇستەن كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسيارى جاڭ چۇنشيان ۇرىمجىدە «شينجياڭنىڭ جالپى تاريحىنىڭ» ءار بولىمدەرىنىڭ باس قۇراستىرۋشىلارىنىڭ جيىنىنا قاتىناسىپ جاتقان مامان - وقىمىستىلاردىڭ وكىلدەرىمەن اڭگىمە وتكىزىپ، ۇزاق جىلدان بەرى «شينجياڭنىڭ جالپى تاريحىن» جازۋ قىزمەتىنە ۇلەس قوسىپ كەلە جاتقان مامان - وقىمىستىلارعا، قىزمەتكەرلەرگە جانە ۇزاق ۋاقىتتان بەرى شينجياڭ مادەنيەت ىستەرىنىڭ دامۋىنا كوڭىل ءبولىپ، قولداۋ كورسەتىپ كەلە جاتقان ءار سالا قايراتكەرلەرىنە اۆتونوميالى رايوندىق پارتكوم، حالىق ۇكىمەتى اتىنان قۇرمەت ءبىلدىرىپ، العىس ايتتى.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم «شينجياڭنىڭ جالپى تاريحىن» جازۋ قىزمەتىنە قاشاندا ايرىقشا كوڭىل ءبولىپ، «شينجياڭنىڭ جالپى تاريحىن» جازۋدى شينجياڭنىڭ مادەنيەت ىستەرىن كوركەيتۋدىڭ، دامىتۋدىڭ ماڭىزدى ورنىنا قويىپ، ىلگەرىندى - كەيىندى كوپ رەت ارنايى جيىن اشىپ، اقىلداسىپ ورنالاستىرىپ، رەدكوللوگيانىڭ زەرتتەۋ جوسپارى مەن قىزمەت اياق الىسىنان جاساعان مالىمەتىن تىڭداپ، جازۋ - قۇراستىرۋ قىزمەتىنە تاماشا ورتا، پارمەندى كەپىل دايىنداپ، جازۋ - قۇراستىرۋ قىزمەتىنىڭ ناقتى، تىڭ ىلگەرىلەۋشىلىككە قول جەتكىزۋىن جەبەدى. كەزەكتە، قۇراستىرۋ - جازۋ قىزمەتى سوڭعى ۇمتىلىس كەزەڭىنە ءوتىپ، جازۋ جۇمىسىن بيىل تولىقتاي اياقتاۋ جوسپارلاندى.
جاڭ چۇنشيان بىلاي دەدى: باس شۋجي شي جينپيڭ تاريحتى زەرتتەۋ بارلىق قوعامدىق عىلىمداردىڭ نەگىزى دەپ اتاپ كورسەتكەن بولاتىن. شينجياڭ ازيا - ەۆروپا قۇرلىعىنىڭ گەوگرافيالىق سەنترىنە ورنالاسقان، ول بايىرعى جىبەك جولىنىڭ ماڭىزدى ارناسى، كوپ ۇلتتى، كوپ ءدىندى، كوپ نەگىزدى مادەنيەتتى ءوڭىر، ەرەكشە انتروپوگەوگرافيالىق ورتاسى شينجياڭدى الەمدىك بايىرعى 4 ءىرى تاريحي وركەنيەتتىڭ بىردەن - ءبىر توعىسقان جەرىنە اينالدىرعان، بۇل جەرگە تاريحي مادەنيەت بايلىقتار ايرىقشا مول جينالعان. شينجياڭ تاريحىن دۇرىس بايانداۋ ءبىزدىڭ شينجياڭدى تانۋ، ءتۇسىنۋ كوز ايامىزدى كەڭىتىپ، ءار ۇلت بۇقاراسىنىڭ ءۇيىسۋ قۋاتىن كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن بەكەمدەۋ ءۇشىن بەرىك يدەيالىق، مادەنيەتتىك نەگىز قالايدى؛ سونىمەن بىرگە تاريحتى اينا ەتىپ، ءبىزدىڭ شينجياڭ تاريحىنىڭ ناقتى ماسەلەلەرى تۋرالى ويىمىزدى تەرەڭدەتىپ، بولاشاقتى عىلمي تۇردە جوسپارلاپ، ءار ۇلت بۇقاراسىن كورىكتى شينجياڭ قۇرۋ، وتان ارمانىن بىرگە جۇزەگە اسىرۋ ءۇشىن ءتىپتى دە زور ۇلەس قوسۋعا ىنتالاندىرادى.
جاڭ چۇنشيان مىنالاردى اتاپ كورسەتتى: «شينجياڭنىڭ جالپى تاريحى» − شينجياڭنىڭ مادەنيەت قۇرىلىسىنداعى نەگىزدىك قىزمەتتەردىڭ ءبىرى، سونداي - اق اۆتونوميالى رايوننىڭ كەلەلى مادەنيەتتىك ءادىل ينجەنەريالارىنىڭ ءبىرى، ول وتاننىڭ تۇتاستىعىن، ۇلتتار ىنتىماعىن قورعاپ، جۇڭحۋا ۇلتىنىڭ وزىق مادەنيەتىنە جانە شينجياڭنىڭ ۇلتتىق وڭىرلىك ەرەكشە مادەنيەتىنە مۇراگەرلىك ەتىپ، شينجياڭنىڭ قازىرگى ەكونوميكالىق، قوعامدىق دامۋ بەت - بەينەسىن كورسەتۋدە ايرىقشا ماڭىزدى ءمان الادى. اسىرەسە، قازىر شينجياڭ «3 مەزگىلدىڭ قاباتتاسۋىنا» ءدوپ كەلگەن، لاڭكەستىككە قارسى تۇرىپ، ورنىقتىلىقتى قورعاۋ مەن يدەولوگيا سالاسىنداعى كۇرەس ايرىقشا كۇردەلىلەنگەن جاعدايدا، «شينجياڭنىڭ جالپى تاريحىنىڭ» سۋدى باسىنان تۇنىتۋداعى، تەرىس ۋاعىزدارعا تويتارىس بەرۋدەگى، وتاننىڭ تۇتاستىعىن قورعاۋداعى، ۇلتتار ىنتىماعىن جەبەۋدەگى رولى ايرىقشا كورنەكتىلەنەدى. جاڭ چۇنشيان «شينجياڭنىڭ جالپى تاريحىن» جازۋ جۇمىسىن جوعارى ولشەم، جوعارى ساپا، جوعارى دەڭگەيدە ورىنداپ، «شينجياڭنىڭ جالپى تاريحىن عىلمي، بەدەلدى، اكادەميالىق سارا تۋىندى ەتىپ شىعارۋعا مىناداي تالاپتار قويدى: ءبىرىنشى، دۇرىس ساياسي باعىتقا تاباندى بولۋ كەرەك. ماركسيزمدى جەتەكشى ەتۋدەن جازباي، باس شۋجي شي جينپيڭنىڭ فيلوسوفيالىق، قوعامدىق عىلىمدار قىزمەتى اڭگىمە ماجىلىسىندەگى ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، تولىق تاريحي ماتەريالدارمەن جانە تاريحي شىندىقتارمەن شينجياڭ تاريحىنىڭ ماسەلەلەرى جونىندەگى ءتۇرلى ساندىراقتار مەن تەرىس ۋاعىزدارعا جاۋاپ قايتارىپ جانە تويتارىس بەرىپ، شينجياڭنىڭ جۇڭگونىڭ ءبىر تۇتاس، كوپ ۇلتتى مەملەكەت بولىپ قالىپتاسۋ بارىسىنداعى ورنىن دۇرىس بايانداپ، شينجياڭنىڭ ءار ۇلت حالقىنىڭ ورتاق مەكەنى ەكەنىن دۇرىس ءتۇسىندىرىپ، شينجياڭنىڭ ەجەلدەن ءبىر تۇلعالى، كوپ نەگىزدى مادەنيەت قاتار ءومىر سۇرگەن ءوڭىر ەكەنىن دۇرىس ۇعىندىرىپ، قوعام ورنىقتىلىعى مەن باياندى تىنىشتىق ءۇشىن تاريحي نەگىز جانە نازاريالىق دايەك دايىنداۋ قاجەت؛ ەكىنشى، نازاريادا جاڭالىق اشۋعا تاباندى بولىپ، شىندىقت
ى ءىس جۇزىنەن ىزدەيتىن عىلمي ستيل قالىپتاستىرۋ كەرەك. تاريحقا، پارتيا مەن مەملەكەتكە، حالىققا، ءسوز جوق، جاۋاپكەرلىكپەن قارايتىن جاۋاپكەرشىلىك تانىم ارقىلى، عىلمي زەرتتەۋلەردىڭ قوعامدىق ونىمدىلىگىنە قاتاڭ قاراپ، عىلمي جۇيەگە سانالىلىقپەن بويسۇنىپ، تاماشا عىلمي ءمورال ورناتىپ، وزىق يدەيانىڭ دارىپتەۋشىلەرىنەن، عىلمي زەرتتەۋدىڭ ءورىس اشۋشىلارىنان، قوعامدىق ستيل - سالتتىڭ جەتەكشىسىنەن بولۋ كەرەك؛ ءۇشىنشى، قوسىنعا جاقسى جەتەكشىلىك ەتۋ كەرەك. ساقا مامانداردىڭ مول تاجىريبەلەرىن جانە كاسىپتەگى ارتىقشىلىقتارىن تولىق كورنەكتىلەندىرۋمەن بىرگە، ۇزدىك ورتا، جاس بۋىن وقىمىستىلاردىڭ يىعىنا جۇك سالىپ، شينجياڭنىڭ وزىنەن شىققان، اسىرەسە، از ۇلت ورتا، جاس بۋىن وقىمىستىلارىنىڭ ءىزباسارلىق قوسىندارىنىڭ جەدەل جەتىلۋىن جەبەپ، وسى قوسىنعا جاقسى قامقورلىق كورسەتىپ، ولاردان جاقسى پايدالانىپ، ولاردى جاقسى تاربيەلەپ، شينجياڭ ءۇشىن ساياسيدا سەنىمدى، كاسىپتىك قابىلەتى ءبىرشاما جوعارى تاريح زەرتتەۋشى دارىندىلاردان ءبىر توبىن دايىنداۋ كەرەك.
«شينجياڭنىڭ جالپى تاريحى» رەدكوللوگياسىنىڭ مەڭگەرۋشىسى، اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ۋ دۇنفۋ قۇراستىرۋ - جازۋ قىزمەتىنىڭ جالپى جاعدايىنان مالىمەت بەردى. ول بىلاي دەدى: رەدكوللوگيا دۇرىس جەتەكشى يدەياعا ۇزدىكسىز تاباندى بولىپ، قۇرىلىمدى ىقشامداپ، جالپى تاريحتىڭ ارحيتەكتونيكالىق تۇزىلىمىندە جاڭالىق اشىپ، شينجياڭنىڭ ءىشى - سىرتىنداعى مامانداردىڭ بەلسەندىلىگىن تولىق جۇمىلدىرىپ، قۇراستىرۋ - جازۋ قىزمەتى بارىسىندا ءار ۇلت جاس تاريحشىلارىن تاربيەلەۋگە كوڭىل ءبولىپ، قۇراستىرۋ - جازۋ قىزمەتىن شينجياڭ قىزمەتىنىڭ جالپى جاعدايىنا، شينجياڭعا قىزمەت ەتۋدىڭ جالپى جاعدايىنا ءسىڭىرىپ، «شينجياڭنىڭ جالپى تاريحىن» جاقسى جازىپ، اۆتونوميالى رايوندىق پارتكومنىڭ، حالىق ۇكىمەتىنىڭ جانە شينجياڭداعى ءار ۇلت حالقىنىڭ ءۇمىتىن اقتايدى.
اڭگىمە ماجىلىستەن بۇرىن، جاڭ چۇنشيان «شينجياڭنىڭ جالپى تاريحىنىڭ» ءار ءبولىمىنىڭ باس قۇراستىرۋشىلارىنىڭ جيىنىنا قاتىناسىپ جاتقان مامان - وقىمىستىلارمەن كەزدەسىپ، بارىمەن ءبىر - بىرلەپ قول الىسىپ، سۋرەتكە ءتۇسىپ ەستەلىك قالدىردى ءارى «شينجياڭنىڭ جالپى تاريحىنىڭ» كەزەڭدىك جەمىستەر كورمەسىن تاماشالاپ، قۇراستىرۋ - جازۋ جۇمىسىنىڭ اياق الىسىمەن ەگجەي - تەگجەيلى تانىستى.
ەركىن تۇنياز، پىڭ جيارۇي، تيان ۋىن، گو يۇڭحۇي، يان گوشاندار كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
