- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ تەمىر جولىنىڭ شىلدە ايىنداعى جولاۋشى جونەلتۋ، جۇك تاسىمالداۋ مولشەرى بىلتىرعى سول تۇستاعىدان جەكە - جەكە %20 ارتتى
2016.08.05 16:05 كەلۋ قاينارى : شينجياڭ گازەتى
ءتىلشىمىز يۋان لەي 3 - تامىزدا ۇرىمجىدەن حابارلايدى. ءۇرىمجى تەمىر جول مەكەمەسىنىڭ شىلدە ايىنداعى جۇك تاسىمالداۋ مولشەرى 5 ميلليون 779 مىڭ 600 تونناعا جەتىپ، بىلتىرعى سول تۇستاعىدان %20.7 ارتتى؛ جولاۋشى جونەلتۋ مولشەرى 3 ميلليون 324 مىڭ ادام - رەتكە جەتىپ، بىلتىرعى سول تۇستاعىدان %26.9 ارتتى. دەمەك، جولاۋشى جانە جۇك تاسىمال مولشەرىنىڭ ارتۋ دارەجەسى بىردەي %20 تەن ارتىپ، ەلىمىز تەمىر جول تاسىمالىنىڭ الدىڭعى قاتارىنان ورىن الدى.
ءۇرىمجى تەمىر جول مەكەمەسىنىڭ قاتىستى جاۋاپتىسى بىلاي دەدى: جىل باسىنان بەرى ءۇرىمجى تەمىر جول مەكەمەسى شينجياڭ اۋماعىنداعى جولاۋشى تاسىمال بازارىن زەرتتەۋگە كۇش سالىپ، يقۋاتتى كەڭەيتۋ ستراتەگياسىن اتقارىپ، قارجى قوسۋ ارقىلى 1979 كيلومەتر تەمىر جولدى جاڭالادى، 220 نەشە جولاۋشىلار پويەزىن ساپالىلاندىرىپ سەپتەدى؛ پويەز بەلەتىن ساتۋ تۇيىندەرىن كوبەيتتى، جولاۋشىلار بەلەتىن ۋاكىلدىك ساتاتىن 141 ورىن تۇتاس شينجياڭدى شارپىدى؛ وڭتۇستىك، سولتۇستىك شينجياڭ تەمىر جولى جەلىسىندەگى پويەزدىڭ جىلدامدىعىن ارتتىرۋ، رەتتەۋ - جونگە سالۋ تەبىنىن كۇشەيتتى، قاشقار، قۇلجا سىندى 2 ۇلكەن جولاۋشى تاسىمال ستراتەگيالىق ءتۇيىنىنىڭ رولىن تولىق ساۋلەلەندىرىپ، وڭتۇستىك، سولتۇستىك شينجياڭ ءوڭىرى مەن ءۇرىمجىنىڭ ۋاقىت جاعىنداعى ارالىعىن جاقىنداتۋعا كۇش سالىپ، جولاۋشىلاردى جونەلتۋ مولشەرىن بارىنشا ارتتىرۋمەن بىرگە، وڭتۇستىك، سولتۇستىك شينجياڭ ءوڭىرى ەكونوميكاسىنىڭ تەڭ دامۋىن جەبەدى.
شينجياڭنىڭ تەمىر جول تاراۋلارى مامىر ايىنان باستاپ، «15 - مامىر»، «1 - شىلدە» جولاۋشىلار پويەزىنىڭ قاتىناۋ سىحەماسىنا ءۇرتىس رەتتەۋ جۇرگىزىپ، شينجياڭ كولەمىندەگى كوپتەگەن جولاۋشىلار پويەزىنىڭ جىلدامدىعىن جاپپاي جوعارىلاتتى. «وڭتۇستىك شينجياڭ جۇلدىزى»، «سولتۇستىك شينجياڭ جۇلدىزى» پويەزدەرىنىڭ جولاۋشى جونەلتۋ مولشەرىنىڭ كۇندىك ارتۋ دارەجەسى %30 تەن استى؛ ۇرىمجىدەن قۇلجاعا، قاشقارعا باراتىن تىڭنان قوسىلعان ساياحات پويەزىنە جولاۋشىلاردىڭ تولۋ مولشەرى %90 تەن استى، ۇرىمجىدەن قاشقارعا باراتىن تىڭنان قوسىلعان پويەزگە جولاۋشىلاردىڭ تولۋ مولشەرى ەڭ كوپ بولعاندا %99.7 كە جەتتى.
جازعى تاسىمال باستالعاننان بەرى، وقۋشىلار اعىنىن جانە ساياحاتشىلار، ساۋداگەرلەر اعىنىن نەگىز ەتكەن جولاۋشىلار اعىنى شينجياڭ تەمىر جولى تاسىمالىنداعى جولاۋشىلار اعىنىنىڭ تاريحتاعى جوعارى دەڭگەيگە كوتەرىلۋىنە جەبەۋشى بولىپ، كۇندىك ورتاشا جولاۋشى جونەلتۋ مولشەرىن 100 مىڭ ادام - رەتتەن اسىردى، شىلدە ايىندا تاريحتاعى رەكورد 5 رەت جاڭالاندى، 30 - شىلدە كۇنگى جولاۋشى تاسىمال مولشەرى 116 مىڭ 529 ادام - رەتكە جەتۋدەي تاريحتاعى ەڭ جوعارى ورە جاراتىلدى.
زات تاسىمالى جاعىندا شينجياڭ تەمىر جول تاراۋلارى ورتا، باتىس بولىكتەردىڭ كاسىپ سالاسىنا بۇرىلىس جاساۋ قادامى تەزدەگەن، شينجياڭنىڭ بايلىعىن ءوز جەرىندە ەكونوميكالىق ونىمدىلىككە اينالدىرۋ تەبىنى ارتقان، قىرۋار زاتتىق ماتەريالداردىڭ سىرتقا تاسىمالدانۋ سۇرانىسى بارىنشا ازايعان قيىن جاعدايدا، شينجياڭنىڭ ەرەكشە وڭىرلىك ابزالدىلىعىنا ۇشتاستىرىپ، قوعامدى ساپالى تاسىمال ونىمدەرىمەن قامدادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
