بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان: شينجياڭ كاپيتال بازارىنىڭ تىڭ دەڭگەيگە كوتەرىلۋىن كۇشتى بىرىكتىرە وتىرىپ ىلگەرىلەتەيىك

2016.08.05 16:06     كەلۋ قاينارى : شينجياڭ گازەتى

  ءتىلشىمىز ياۋ تۇڭ 4 - تامىزدا ۇرىمجىدەن حابارلايدى. اۆتونوميالى رايون جۇڭگو اكتسيانى باقىلاۋ - باسقارۋ كوميتەتىمەن 4 - تامىز تۇستەن بۇرىن كاپيتال بازارىنىڭ شينجياڭنىڭ دامۋىن قولداۋى جونىنەن اڭگىمە ءماجىلىس وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، جۇڭگو اكتسيانى باقىلاۋ - باسقارۋ كوميتەتى پارتكومىنىڭ شۋجيى، ءتوراعاسى ليۋ شى - يۇي اڭگىمە ماجىلىسكە قاتىناستى ءارى ءسوز سويلەدى.

  جۇڭگو اكتسيانى باقىلاۋ - باسقارۋ كوميتەتى شينجياڭنىڭ ەكونوميكالىق، قوعامدىق دامۋىنا، اسىرەسە، كاپيتال بازارىنىڭ دامۋىنا باستان - اياق وسكەلەڭ نازار اۋدارىپ جانە قولداپ - قۋاتتاپ كەلەدى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، جۇڭگو اكتسيانى باقىلاۋ - باسقارۋ كوميتەتى كاپيتال بازارىنىڭ شينجياڭنىڭ دامۋىن قولداۋى جونىندە ءبىرسىپىرا ساياسات شىعاردى، ۇزاق ۋاقىت قولداۋدىڭ 6 جاقتاعى 12ءتۇرلى شاراسىن ورتاعا قويدى، سونداي - اق كادرلاردى تاڭداپ، اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قيمىلىنا بەلسەنە ات سالىستى. اكتسيانى باقىلاۋ - باسقارۋ كوميتەتىنىڭ ءبىرسىپىرا قولداۋ شارالارى شينجياڭنىڭ كاپيتال بازارىنىڭ جىلدام دامۋىن جەبەدى، جارناسى بازارعا شىعارىلعان سەرىكتەستىكتەردىڭ، جارنانى وتكەرمەلەۋدى ۋاكىلدىك بىتىرەتىن سەرىكتەستىكتەردىڭ سانى جانە قارجى قۇراۋ سوماسى جەدەل ارتىپ، شينجياڭنىڭ ەكونوميكالىق، قوعامدىق دامۋىنا پارمەندى قولداۋ كورسەتتى.

  جاڭ چۇنشيان بىلاي دەدى: تاياۋ جىلداردان بەرى شينجياڭنىڭ ەكونوميكاسى مەن قوعامى جەدەل دامىدى، بۇل پارتيا ورتالىق كوميتەتىنىڭ پارمەندى باسشىلىعىنىڭ، مەملەكەتتىڭ مينيسترلىكتەرى مەن كوميتەتتەرىنىڭ جانە شينجياڭعا باعىتتامالى كومەكتەسەتىن ولكە، قالالاردىڭ بارىنشا قولداۋىنىڭ ارقاسى، سونداي - اق مۇنى جۇڭگو اكتسيانى باقىلاۋ - باسقارۋ كوميتەتىنىڭ شينجياڭدى ايرىقشا قولداعاندىعىنان دا بولە قاراۋعا كەلمەيدى. بۇل جولى جۇڭگو اكتسيانى باقىلاۋ - باسقارۋ كوميتەتى مەن بىرنەشە اكتسيا قۇرىلىمى جاۋاپتىلارىنىڭ شينجياڭدا قىزمەت تەكسەرىپ، قىزمەتتەرگە جەتەكشىلىك ەتۋى كاپيتال بازارىنىڭ شينجياڭنىڭ دامۋىن قولداۋىنا جاڭا وي جەلى، جاڭا ساياسات الا كەلدى، بۇل شينجياڭنىڭ كاپيتال بازارى جونىنەن جاقسى ءىس، جۇڭگو اكتسيانى باقىلاۋ - باسقارۋ كوميتەتىنىڭ ورتالىقتىڭ شەشىم - ورنالاستىرۋلارىن دايەكتىلەندىرۋدەگى ساياسي ساناسىن جانە شينجياڭ قىزمەتىنە باسا نازار اۋدارىپ، قولداۋ كورسەتكەندىگىن تولىق ايگىلەدى، بۇل الداعى جەردە شينجياڭنىڭ كاپيتال بازارىنىڭ دامۋىن بارىنشا جەبەيتىن بولادى.

  جاڭ چۇنشيان مىنالاردى اتاپ كورسەتتى: شينجياڭنىڭ دامۋ كومەسكى كۇشى زور، كاپيتال بازارىنىڭ كەڭىستىگى كەڭ. ورتالىقتىڭ شينجياڭنىڭ ورنىن جىبەك جولى ەكونوميكالىق بەلدەۋى وزەكتى رايونى ەتىپ ايقىن تۇراقتاندىرۋى شينجياڭنىڭ دامۋىنا ەلەۋلى تاريحي وراي جاراتتى، زور دامۋ قوزعاۋشى كۇشىمەن قامدادى. «ءبىر بەلدەۋ، ءبىر جول» شىعىس جەلىن وراي ەتىپ، جىبەك جولى ەكونوميكالىق بەلدەۋى وزەكتى رايونىن ارقاۋ ەتە قوسىلعان قارجى جاڭا قولامتالى دا جارقىن تۇيىنگە اينالدى، شينجياڭنىڭ بولاشاق كومەسكى كۇشى زور. بۇل كاپيتال بازارىنىڭ دامۋىنا كەڭ كەڭىستىك ازىرلەدى ءارى كاپيتال بازارىنىڭ پارمەندى قولداۋى ارقىلى كومەسكى كۇشتى رەالدىققا اينالدىرۋعا دا مۇقتاج. جاڭ چۇنشيان مىنالاردى باسا دارىپتەدى: سەلبەستىكتى تەرەڭدەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ كەرەك. «13 - بەسجىلدىق» كەزى −− شينجياڭنىڭ قوعامدىق ورنىقتىلىعى مەن باياندى تىنىشتىعىنىڭ شەشۋشى مەزگىلى ءارى جىبەك جولى ەكونوميكالىق بەلدەۋى قۇرىلىسىنىڭ شەشۋشى مەزگىلى. شينجياڭ جۇڭگو اكتيسانى باقىلاۋ - باسقارۋ كوميتەتىمەن بىرگە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن، شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 5 - رەتكى ءماجىلىسىنىڭ رۋحىن ويداعىداي دايەكتىلەندىرىپ، كەدەيلىكتەن قۇتىلدىرۋدان قامال الۋ، ەكولوگيالىق ورتا، جاڭادان گۇلدەنگەن كاسىپ سالاسى، 3 - كاسىپتەگى قىزمەت وتەۋ كاسىبى سىندى جاقتارداعى ولقىلىقتاردى تولىقتاۋدى ارقاۋ ەتىپ، سەلبەستىكتى ارناعۇرلىم تەرەڭدەتىپ، رەال ەكونوميكاعا قىزمەت وتەۋدى ءتۇيىن ەتىپ، شينجياڭ كاسىپورىندارىنىڭ جارناسىن بازارعا شىعارۋ اياق الىسىن جەدەلدەتىپ، كاپيتال بازارى يقۋاتىن ساۋلەلەندىرۋ ارقىلى قامداۋ جاعىنداعى قۇرىلىمدىق رەفورمانى جەبەۋگە قىزمەت وتەپ، جىبەك جولى ەكونوميكالىق بەلدەۋى ءوڭىرىنىڭ فينانس ورتالىق قۇرىلىسىن بەلسەنە ىلگەرىلەتىپ، كەدەيلىكتەن قۇتىلدىرۋدان قامال الۋدا اناعۇرلىم زور رول اتقارىپ، شينجياڭعا ءتىپتى دە كوپ فينانس دارىندىلارىن تاربيەلەپ، شينجياڭنىڭ كاپيتال بازارىن تىڭ دەڭگەيگە كوتەرۋدى جەبەيدى. ليۋ شى - يۇي اۆتونوميالى رايوندىق پارتكومنىڭ، حالىق ۇكىمەتىنىڭ كاپيتال بازارىن قامتىعان فينانس بازارىنا جانە اكتسيا ساۋداسىن قامتىعان فينانس قۇرىلىمىنا ۇزاق ۋاقىتتان بەرى كوڭىل ءبولىپ، قولداۋ كورسەتكەندىگىنە العىس ايتا كەلىپ، بىلاي دەدى: اكتسيانى باقىلاۋ - باسقارۋ كوميتەتى الداعى جەردە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن اناعۇرلىم دايەكتى تياقتاندىرىپ، ءارقايسى قارجى قوسۋ بانكەسىنىڭ جانە شينجياڭنىڭ ايماق، وبلىس، قالالارىنداعى فينانستىق قىزمەت وتەۋ كەڭسەلەرىنىڭ «ءبىردىڭ بىرگە كومەكتەسۋىنەن قول ۇستاسىپ جۇپتاسۋ» قىزمەتىن ويداعىداي ىستەپ، شينجياڭ كاسىپورىندارىنىڭ جارناسىن بازارعا شىعارۋىنا بەلسەنە كومەكتەسىپ، جارناسى بازارعا شىعارىلعان سەرىكتەستىكتەرگە ويداعىداي قىزمەت وتەپ، فينانستىق حاۋىپ - قاتەرلەردەن ساقتانۋ قىزمەتىن شىنايى ىستەپ، فينانس قۇرىلىمدارىنىڭ جوعارى مەكتەپتەردەن وقۋ تاۋىسقان شينجياڭدىق وقۋشىلاردى قابىلداۋىنا ءتۇرلى ارنالارمەن جەتەكشىلىك ەتىپ، فينانس سالاسىندا شينجياڭدى ونان ارى قولداپ، «ءبىر بەلدەۋ، ءبىر جول» قۇرىلىسىنا قىزمەت كورسەتەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ءماجىلىستى باسقاردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي شينجياڭ كاپيتال بازارىنىڭ دامۋ احۋالىن تانىستىردى.

  اۆتونوميالى رايون مەن بيڭتۋاننىڭ باسشىلارىنان پىڭ جيارۇي، ليۋ جيانشين، ۋان حايچۋان، سۇڭ جيانيە، اكتسيانى باقىلاۋ - باسقارۋ كوميتەتىنىڭ باسشىلارىنان ۋاڭ حۇيمين، حۋاڭ ۋي قاتالىلار اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.