- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلاقتى بۇراپ، بىلەكتى سىبانۋ، بەت قىزارتىپ، تەر شىعۋ ەڭ ۇلكەن قامقورلىققا اينالسىن
2016.08.09 14:56 كەلۋ قاينارى : شينجياڭ گازەتى
جۋىقتا «جۇڭگو ءتارتىپ تەكسەرۋ، باقىلاۋ - تەكسەرۋ گازەتى» «ۇيرەنۋ، ويلانۋ، امالياتتا ايگىلەۋ، بايىمداۋ» ايدارىندا ىركەس - تىركەس ماقالا جاريالاپ، «پارتيانى جاپپاي قاتاڭ جونگە سالىپ، 4 ءتۇرلى قالىپتى امالياتتا ايگىلەۋ» جونىندە جان - جاقتى، جۇيەلى تۇسىنىك جاسادى. باقىلاۋ، ءتارتىپ اتقارۋدىڭ «4 ءتۇرلى قالىبىن» 2015 - جىلى ۋاڭ چيشان جولداس فۋجياندا تەكسەرۋ - زەرتتەۋ جۇرگىزگەن كەزدە تۇڭعىش ورتاعا قويعان، ياعني: پارتيا ىشىندەگى قارىم - قاتىناس قالىپتى بولۋ، سىن جانە ءوز - وزىنە سىندى ۇنەمى ورىستەتىپ، قۇلاقتى بۇراپ، بىلەكتى سىبانۋدىڭ، بەت قىزارتىپ، تەر شىعۋدىڭ داعدىلى قالىپقا اينالۋىنا مۇمكىندىك جاساۋ؛ پارتيا ءتارتىبىنىڭ جەڭىل جازاسى مەن ۇيىمدىق جاقتان ءبىر جاقتى ەتىلەتىندەر كوپشىلىككە اينالۋ؛ تارتىپكە اۋىر دارەجەدە قايشىلىق جاساۋعا قاتىستى اۋىر جازالاناتىندار، قىزمەت مىندەتىنە ۇلكەن رەتتەۋ جۇرگىزىلەتىندەر ازشىلىققا اينالۋ؛ تارتىپكە اۋىر دارەجەدە قايشىلىق جاساپ، زاڭعا قايشىلىق جاسادى دەگەن كۇمانمەن دەلو تۇرعىزىلىپ تەكسەرىلەتىندەر وتە ازشىلىق بولۋ. «4 ءتۇرلى قالىپتا» جاپپاي قامتۋ تياناق ەتىلىپ، قاتاڭ جونگە سالۋ ايگىلەنىپ، بۋىن - بۋىندار ءوزارا كىرىستىرىلىپ، قابات - قابات بويىنشا ساقتىق جاسالعان، ۇستىنەن وڭاۋ قاتاڭ جۇرگىزىلۋمەن بىرگە، تۇبىرىنەن وڭاۋ كوزدەلگەن، ول − پارتيامىزدىڭ پارتيانى جاپپاي قاتاڭ جونگە سالۋداعى جاڭا يدەياسى، پارتيانى باسقارۋدى، پارتيانى جونگە سالۋدى، شىمبايىنا باتىرۋدىڭ جاڭا تالابىن ايگىلەدى.
«4 ءتۇرلى قالىپتى» امالياتتا ايگىلەۋدە 1 - ءتۇرلى قالىپتان جاقسى پايدالانۋ − شەشۋشى ءتۇيىن. پارتيا ىشىندەگى ساياسي تۇرمىستى قاتاڭداستىرعاندا، قۇلاقتى بۇراپ، بىلەكتى سىبانۋدىڭ، بەت قىزارتىپ، تەر شىعۋدىڭ داعدىلى قالىبىندا باقىلاۋدان قالتارىس قالدىرماعاندا عانا، پارتيالى كادرلاردىڭ «جاقسى جولداستان» بىردەن «قاماۋداعى قىلمىسكەرگە» اينالىپ شىعا بەرۋىنىڭ الدىن الۋعا بولادى. بۇل ۇيىمنىڭ ەڭ ۇلكەن قامقورلىعى، سونداي - اق پارتيالى كادرلاردى ەڭ جاقسى قورعاعاندىق.
قۇلاقتى بۇراپ، بىلەكتى سىبانۋ، بەت قىزارتىپ، تەر شىعۋدا «ۇساق - تۇيەك اۋرۋ - سىرقاۋدى ەمدەۋدى» دارىپتەۋ ايتارعا وڭاي بولعانىمەن، اتقارۋعا قيىن. ونىڭ قيىن بولاتىن سەبەبى تۇسىنۋدە پارىقتىڭ، تانىمدا جاڭساقتىقتىڭ بولۋىندا جاتىر. ءىشىنارا پارتيا ۇيىمدارى مەن باسشى كادرلاردىڭ «4 ءتۇرلى قالىپقا»، اسىرەسە، 1 - ءتۇرلى قالىپقا دۇرىس تۇسىنىگى كەمشىل بولىپ وتىر، ويتكەنى «4 ءتۇرلى قالىپتىڭ» الدىنا «باقىلاۋ، ءتارتىپ اتقارۋ» ءسوزى كەلگەن سوڭ، مۇنى تەك ءتارتىپ تەكسەرۋ كوميتەتىنە قويىلعان قىزمەت تالابى دەپ قانا تۇسىنەتىندەر بار، مۇنداي تانىم بۇتىندەي قاتە. ۋاڭ چيشان جولداستىڭ سوزىنەن الىپ ايتساق، «پارتيانىڭ باسشىلىق ۇيتقىلىق رولىن كورنەكتىلەندىرىپ، پارتيانى باسقارۋ، پارتيانى جونگە سالۋدىڭ سۋبيەكتيۆ جاۋاپكەرشىلىگىن تياناقتاندىرىپ، ساياسي ءتارتىپ پەن ساياسي قاعيدانى، ۇيىمدىق ءتارتىپتى قاتايتىپ، باقىلاۋ، ءتارتىپ اتقارۋدىڭ «4 ءتۇرلى قالىبىنان» جاقسى پايدالانۋ كەرەك»، بۇل «4 ءتۇرلى قالىپتىڭ» بارىنەن بۇرىن پارتيا ۇيىمىنىڭ سۋبيەكتيۆ جاۋاپكەرشىلىگىن تياقتاندىرۋعا قويىلعان ايقىن تالاپ ەكەنىن تۇسىندىرەدى. پارتيانى پارتيا باسقارۋ، پارتيانى قاتاڭ جونگە سالۋ − پارتيا ۇيىمدارىنىڭ كۇندەلىكتى قىزمەتى، سىن تاربيەسى، ۇيىمدىق ءبىر جاقتى ەتۋ، ءتارتىپ جازاسى سياقتىلاردىڭ بارلىعى پارتيا ۋستاۆىندا بەلگىلەنگەن سۋبيەكتيۆ جاۋاپكەرشىلىكتىڭ مازمۇندارى. «4 ءتۇرلى قالىپتا»، پارتكومدار (پارتيا باسشىلىق گرۋپپا)، وتە - موتە، كۇندەلىكتى باسقارۋ - باقىلاۋدى كۇشەيتۋى، قۇلاقتى بۇراپ، بىلەكتى سىبانۋ، بەت قىزارتىپ، تەر شىعۋدى ناقتى، ەگجەي - تەگجەيلى جۇرگىزۋدە ماڭىزدى رولدارىن اتقارۋى، سونىمەن بىرگە ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ مىندەتىن وتەۋىنە قولداۋ كورسەتۋى كەرەك.
قۇلاقتى بۇراپ، بىلەكتى سىبانۋ، بەت قىزارتىپ، تەر شىعۋدىڭ قيىن بولاتىن سەبەبى بەتكە قاراپ، بىرەۋگە جاماناتتى بولۋدان قورقۋدا. كەيبىر باسشى كادرلار «تانىس - ءبىلىس قوعامىنىڭ» كوڭىل جاقىندىعى فاكتورىنىڭ كەدەرگىسىنە وڭاي ۇشىراپ، ماقۇلبايلىققا سالىنىپ، ءبارىمىز ءبىر ورىندا، ءبىر مەكەمەدە ىستەپ جاتقان ادامبىز، «ءبىر كۇن بولماسا ءبىر كۇن الدىمنان شىعادى عوي» دەپ بەتىن سيلاپ، اۋزىن باعىپ، تاتۋلىقتى جەلەۋ ەتىپ، نەگىزىنەن سىن جۇرگىزبەيدى، سىن جۇرگىزدى دەگەن كۇندە دە اۋىردىڭ ۇستىمەن، جەڭىلدىڭ استىمەن ءجۇرىپ، باعدار - نىساناسىز وتكىزە سالادى. كەيبىرىنىڭ پارتيالىلىق تانىمى، جاۋاپكەرشىلىك تانىمى، پارتيالىلىق پرينسيبى كۇشتى ەمەس، جاۋاپكەرشىلىك ارقالايتىن، قۇنتتاپ ىستەيتىن باتىلدىعى كەمشىل، ولار نىسايلىق ماسەلەلەردى كورسەدە كورمەسكە سالىپ، سىن ايتۋعا باتىلى بارمايدى، «بەت قىزارتقىسى» كەلمەيدى. بۇل كادرلارعا، پارتيا ىسىنە دەگەن اسقان جاۋاپكەرسىزدىكتىڭ بەينەسى. بۇل قاتاڭدىقتىڭ سۇيىسپەنشىلىك، كەڭ پەيىلدىكتىڭ زارداپ ەكەنىن بىلمەۋشىلىك. «كەزىندە بىرەۋ مەنى زەكىپ، تارتىپ ۇستاپ قالعان بولسا، مەن دە قاراڭعى تۇنەكتىڭ شۇڭەتىنە باتا بەرمەس ەم عوي...». وماقاسقان ءمانساپتىلاردىڭ وكىنىش حاتتارىندا وسىلايشا ءوز قاتەلىگىنە ءۇڭىلۋى دە وسى قاعيدانى تۇسىندىرەدى.
قۇنتتاپ ىستەپ، قاتتىعا اۋىز سالۋ − شىنايى قامقورلىق، سىن ايتىپ، ەسكەرتۋ − شىنايى اياۋشىلىق. قۇلاقتى بۇراپ، بىلەكتى سىبانۋدى، بەت قىزارتىپ، تەر شىعۋدى ەڭ ۇلكەن قامقورلىققا اينالدىرۋدا باسشى كادرلار جاۋاپكەرشىلىگىن ءبىلۋى، ونى جۇرەكتىلىكپەن ارقالاۋى، كىسىلىك جورالعى، قوعامدىق جوسىن دەگەندەردى قايىرىپ قويىپ، قاشاندا پارتيا ۋستاۆىن، پارتيا قاعيداسىن، پارتيا ءتارتىبىن ولشەم ەتىپ، پارتيالى كادرلاردىڭ ءسوز - ارەكەتىن قاتاڭ تارازىلاپ، ماسەلە بايقالسا باسقارۋى، سىن ايتۋعا تيىستىلەرىنە سىن ايتۋى، ولاردىڭ سىزىقتان اتتاماي تۇرىپ ءوز قاتەلىگىنە ۇڭىلۋىنە مۇمكىندىك جاساپ، «اۋرۋىنىڭ» اسقىنا بەرۋىنەن ساقتانۋى كەرەك. ءتارتىپ تەكسەرۋ كادرلارى ىرىقتىلىقتى كۇشەيتىپ، «وتكىر كوز»، «ساق قۇلاق» بولىپ، پارتيالى كادرلاردىڭ جاعدايىمەن كەڭىنەن، ىشكەرىلەي تانىسۋى؛ «تارتىپكە قايشىلىق جاساۋدى جاي ءىس دەپ قاراپ، زاڭعا قايشىلىق جاساسا عانا ءبىر جاقتى ەتەتىن» ويلاۋ ءتاسىلىن تاستاپ، اۋىرەشىلىكتەن، بىرەۋگە جامان اتتى بولۋدان قورىقپاي، ءىستى ەرتە باستاپ، كىشكەنە كەزىنەن باستاپ مىقتى يگەرىپ، مەزەتتىك رەنىش ەستىسە دە، ورنىنا كەلمەس وكىنىشتەن ساقتانۋى كەرەك. قالىڭ پارتيالى كادرلار دا ۇيىم مەن باسشىنىڭ سويلەسۋىنە، ەسكەرتۋىنە دۇرىس، اقىلدىق تۇسىنىكپەن قاراپ، ۇيىمعا ادالدىق كورسەتەتىن، جۇرەك سىرىن اقتاراتىن ورايدى قاستەرلەپ، «بولسا وزگەرتىپ، بولماسا ساقتانىپ»، پارتيالىلىق ساپالارىن ونان ارى جوعارىلاتىپ، يدەيالىق قورعانىس شەبىن بەكەمدەۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
