- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«التىن اتىراۋداعى» اعايىنشىلىق
− بيڭتۋان 7 - ديۆيزياسىنىڭ بيڭتۋان مەن جەرگىلىكتى ورىنداردىڭ توعىسپالى دامۋىندا جاڭا جاعداي اشقانى تۋرالى جەلىلەس حابار
2016.08.18 11:13 كەلۋ قاينارى : شينجياڭ گازەتى
بەتاشار
باس شۋجي شي جينپيڭ: «بيڭتۋان مەن جەرگىلىكتى ورىننىڭ توعىسۋى − بيڭتۋاننىڭ شينجياڭنىڭ قۇرامداس بولىگى رەتىندەگى ماڭىزدى بەينەسى جانە بيڭتۋاننىڭ ەرەكشە رولىن ساۋلەلەندىرۋدىڭ ماڭىزدى جولى» دەپ اتاپ كورسەتكەن بولاتىن.
بيىل قاڭتاردا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق پارتكومنىڭ ەكونوميكالىق قىزمەت ماجىلىسىندە مىنانى باسا دارىپتەدى: بيڭتۋان − اۆتونوميالى رايوننىڭ ماڭىزدى قۇرامداس بولىگى. ورنىقتىرعىش، دومنا پەش، ۇلگى كورسەتۋشى رايون رولىن ساۋلەلەندىرۋدى ارقاۋ ەتىپ، ەكونوميكالىق دامۋدىڭ جاڭا قالىبىنا ىرىقتى تۇردە ۇيلەسىپ، قۇرىلىمدىق رەفورمانى بار كۇشپەن ىلگەرىلەتىپ، ەكونوميكالىق دامۋدىڭ ساپاسى مەن تيىمدىلىگىن كوتەرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، بيڭتۋان مەن جەرگىلىكتى ورىنداردىڭ توعىسپالى دامۋىن ىلگەرىلەتۋ كەرەك.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، بيڭتۋان پارتكومى بيڭتۋان مەن جەرگىلىكتى ورىنداردىڭ توعىسپالى دامۋىنا قاشاندا باسا ءمان بەرىپ، ونى بەلسەندى تۇردە ىلگەرىلەتتى، بيڭتۋاننىڭ 7 - ديۆيزياسى، 1 - ديۆيزياسى، 12 - ديۆيزياسى سياقتى ورىندار جاڭا جاعدايدا بيڭتۋان مەن جەرگىلىكتى ورىنداردىڭ توعىسپالى دامۋىن تەرەڭدەتۋدىڭ جاڭا جولدارى مەن جاڭا شارالارى ۇستىندە ۇزدىكسىز ىزدەنىس جاساپ، بيڭتۋان مەن جەرگىلىكتى ورىنداردىڭ توعىسپالى دامۋىندا مول جەتىستىكتەرگە جەتتى. بۇگىننەن باستاپ، گازەتىمىز بيڭتۋان مەن جەرگىلىكتى ورىنداردىڭ توعىسپالى دامۋى جونىندە جەلىلەس حابارلار بەرەدى، وسى حابارلاردىڭ بيڭتۋان مەن جەرگىلىكتى ورىنداردىڭ توعىسپالى دامۋىنىڭ ءورىسى كەڭەيىپ، ەكپىنى ۇدەي تۇسۋىنە كومەگى بولۋىن ءۇمىت ەتەمىز.
بيڭتۋاننىڭ 7 - ديۆيزياسى تيانشاننىڭ سولتۇستىگىندەگى ەكونوميكالىق بەلدەۋدىڭ وزەگىنە ورنالاسقان، قارامايلى، كۇيتۇن، شيحۋ قالالارىمەن ىرگەلەس، ءتىپتى، اۋىلى ارالاس، قويى قورالاس دەۋگە بولادى، بۇل اۋماق شينجياڭنىڭ ەكونوميكالىق دامۋىنىڭ «التىن اتىراۋى» اتالىپ كەلەدى.
وڭىرلىك ەكونوميكانىڭ «بالكۇلشەسىن» بابىنا كەلتىرىپ، بيڭتۋان مەن جەرگىلىكتى ورىن ورتاسىنداعى مۇددە تارتىسىن ءوزارا مۇددەلەستىككە اينالدىرۋ ءۇشىن، ورتالىقتىڭ جانە اۆتونوميالى رايوندىق پارتكوم مەن بيڭتۋان پارتكومىنىڭ ورنالاستىرۋى بويىنشا، 7 - ديۆيزيا پارتكومى بەلسەندى ىزدەنىس جاساپ، باتىلدىقپەن تاجىريبەدەن وتكەرىپ، بيڭتۋان مەن جەرگىلىكتى ورىننىڭ توعىسپالى دامۋىنىڭ ءوزارا تيىمدىلىككە نەگىزدەلگەن ۇزاق مەرزىمدى دامۋ جولىن اشتى. بيڭتۋان مەن جەرگىلىكتى ورىن قاتار ات سالىسقان قارامايلى قالاسىنىڭ ورقى رەفورما سىناق رايونى، كۇيتۇن قالاسىنىڭ تيانبەي جاڭا رايونى، شيحۋ قالاسىنىڭ وسى زامانعى اگروتەحنيكالار باقشا رايونى گۇلدەنىپ - كوركەيىپ، بيڭتۋان مەن جەرگىلىكتى ورىنداردىڭ توعىسپالى دامۋ تاريحىندا بەدەرلى ءىز قالدىردى.
قامالدى تالقانداپ، «3＞1+1+1» ۇلگىسىن كورنەكتىلەندىردى
28 - مامىردا مەملەكەت بويىنشا تۇڭعىش «بيڭتۋان مەن جەرگىلىكتى ورىننىڭ توعىسپالى دامۋى جونىندەگى رەفورما سىناق رايونى» ورقى رايوندىق باسقارۋ كوميتەتى قارامايلى قالاسىندا ماڭدايشالىق استى، بۇل بيڭتۋان 7 - ديۆيزياسىنىڭ كورشىلەس «ءۇش جەر، ءتورت جاقپەن» اراداعى تۇزىلىستىك - مەحانيزمدىك كەدەرگىلەردى تالقانداپ، بيڭتۋان مەن جەرگىلىكتى ورىنداردىڭ توعىسپالى دامۋىن وڭىرلىك ەكونوميكالىق دامۋدىڭ تەرەڭ سۋلى القابىنا جوعارى باستامامەن ىلگەرىلەتكەنىن ءبىلدىردى.
«قازىرگى تۇرمىسىمىز وتە جاقسى، ۇيىمىزدە ورقىنىڭ تابيعي گازىن جاعامىز، تازا قۇبىر سۋىنا اۋزىمىز جەتتى، اتتاپ باسساق كەڭ كوشەگە شىعامىز، وسىنىڭ بارلىعى بيڭتۋان مەن جەرگىلىكتى ورىنداردىڭ توعىسپالى دامۋىنىڭ يگىلىگى عوي»، - دەپ تولعاندى 137 - پولكتىڭ زەينەتكەرى ان جيانفۋ.
137 - پولكتەگى قىزمەتشىلەردىڭ ەسىندە سايراپ تۇر، بۇرىن بيڭتۋان مەن جەرگىلىكتى ۇكىمەتتەر جانە مۇناي الابىنىڭ كاسىپورىندارى باس - باسىنا تارتىپ، وڭىرلىك بايلىقتى بىرىكتىرۋ مەن ءبىر تۇتاس جوسپارلاۋ مۇڭ بولعان ەدى. بۇگىنگى كۇندە، «قارامايلى قالاسى مەن بيڭتۋاننىڭ 7 - ديۆيزياسىنىڭ جاپپاي توعىسپالى دامۋىن ىلگەرىلەتۋ جونىندەگى پىكىردىڭ» ءجون نۇسقاۋىمەن، ءار جاق ورتاق مامىلەگە كەلىپ، ءتۇزىلىس پەن مەحانيزم سياقتى جاقتارداعى قامالداردى تالقانداپ، ءوڭىردىڭ «ءبىر تۇلعالانىپ» دامۋىن بىرگە ىلگەرىلەتۋدە.
137 - پولك ورتا مەكتەبىندەگى جابىق سپورت الاڭنىڭ اۋدانى 1800 شارشى مەتر، مەكتەپتەگى 1000نان اسا وقىتۋشى - وقۋشىنىڭ قاجەتىن تولىق وتەيدى.
مەكتەپتەن سىرت، مەديتسينالىق قىزمەت كورسەتۋدىڭ ورتاق يگىلىككە اينالۋى دا بيڭتۋان، جەرگىلىكتى ورىن، مۇناي الابىنىڭ توعىسپالى دامۋىنىڭ تاريحىن ايعاقتادى. قارامايلى قالاسىنىڭ ورقى رايونى، 137 - پولك، مۇناي الابى سەرىكتەستىگى ءبىر جاعادان باس، ءبىر جەڭنەن قول شىعارىپ، ورقى رايونىن توعىسپالى قۇرۋ قىزمەتىن ىلگەرىلەتتى، قازىر قارامايلى قالاسىنىڭ ورقى رايونى مەن 137 - پولك بىرگە جوسپارلاعان 2 - A دارەجەلى شيپاحانانىڭ مەكەنجاي تاڭداۋ جانە نەگىزدەۋ جۇمىستارى اياقتالدى، وسى نىسانعا 200 ميلليون يۋان قارجى سالىنباق. بيڭتۋاننىڭ كەيبىر پولك - الاڭدارىنىڭ شيپاحانالارى مەن قارامايلى قالاسىنىڭ ورتالىق شيپاحاناسىمەن قاشىقتان بىرلەسىپ دياگنوز قويۋ، ناۋقاستاردى قوس باعىتتا جونەلتۋ جونىندە كەلىسىمشارتقا قول قويىسىپ، جۇمىسشى - قىزمەتشىلەر قاۋىمىنىڭ اۋرۋ كورسەتۋىنە تاعى ءبىر داڭعىل جول اشتى.
ورتاق يگىلىككە جۇمىلدىرعان توعىسپالى دامۋ يدەياسىنىڭ جەتەكتەۋىمەن، ورقى رايونى قارجى ءبولىپ سالدىرعان تابيعي گازدى وتباسىنا جەتكىزۋ ينجەنەرياسى، قالا، اۋىل لاس سۋلارىن تازارتۋ زاۆودى سياقتى نىسانداردى 137 - پولكپەن ورتاقتاسىپ، ءار جاقتىڭ قايتالامالى قۇرىلىستار جۇرگىزىپ، بايلىقتى ىسىراپ ەتۋىنەن ساقتاندى، ورقى رايونىندا الەۋمەتتىك اۆتوبۋزدار جالپى جۇرتتىڭ تەگىن پايدالانۋىنا بەرىلدى، ونىڭ يگىلىگىن جول بويىنداعى 137 - پولكتىڭ جۇمىسشى - قىزمەتشىلەرى دە كورىپ وتىر.
سارى قاس تاسى − ورقى رايونىنىڭ تاپتىرماس بايلىعى. جەرگىلىكتى ورىن، بيڭتۋان جانە مۇناي الابى بىرلەسىپ قاس تاسى قوعامىن ۇيىمداستىرىپ، قاس تاسى كوشەسىن قۇرىپ، سارى قاس تاسى مادەنيەت فەستيۆالىن ۇيىمداستىرىپ وتكىزدى... جىل سايىن وسى وڭىرگە 300 مىڭ ادام - رەت ساياحاتشى كەلەدى، بۇل جەرگىلىكتى ساياحات سالاسىنىڭ دامۋىنا سەرپىن بەردى.
بيڭتۋان، جەرگىلىكتى ورىن، مۇناي الابى اقىلداسا كەلىپ، قارامايلى قالاسىنداعى ەڭ ۇلكەن تابيعي كول − ايرىقكول، توراڭعى ورمانى ەكولوگيالىق شۇراتى، سايتان كەرىش، تەرەكتى شاتقالى جانە 7 - ديۆيزيا 137 - پولكىنىڭ تابيعي قاراماي كەنى، اۋىزشى جايلاۋى سياقتى وڭىردەگى باعا جەتپەس ساياحات بايلىقتارىن بىرىكتىرىپ، كوپ بەدەرلى بىرەگەي ساياحات جەلىسىن اشتى.
سونىمەن قاتار، 137 - پولك اۋىل شارۋاشىلىعىنداعى ارتىقشىلىعىن تولىق ساۋلەلەندىرىپ، جەمىس - جيدەك، قاۋىن - قاربىز، كوكونىس بازاسىن قۇرىپ، جىل سايىن قارامايلى قالاسىن، ورقى رايونىن جانە مۇناي الابىن جەتكىلىكتى مولشەردە اۋىل شارۋاشىلىق قوسالقى ونىمدەرىمەن قامداۋمەن بىرگە، پولك ەكونوميكاسىن زورايتىپ، جۇمىسشى - قىزمەتشىلەردى اۋقاتتاندىردى، ءار جىلى تەك مۇناي الابىنىڭ وندىرىستىك تەلىمدەرى قۇنى 15 ميلليون يۋاننىڭ ۇستىندە اۋىل شارۋاشىلىق قوسالقى ونىمدەرىن تۇتىنادى...
قاتار سەلبەسىپ، بيڭتۋان مەن جەرگىلىكتى ورىنداردىڭ توعىسۋى تۋراسىنداعى كەلىسىمدەرگە قول قويىستى
جاعراپيالىق تۇرعىدان اۋىلى ارالاس، قويى قورالاس، قىزمەتتە ءبىر - بىرىمەن ەتەنە بايلانىسى بار، كۇندەلىكتى ومىردە قويان - قولتىق ارالاسىپ وتىرعان كۇيتۇن قالاسى مەن 7 - ديۆيزيانىڭ تىعىز قاتىناسى − تاريحتىڭ تاڭداۋى. «7 - ديۆيزيانى دامىتۋ − كۇيتۇندى دامىتۋ، كۇيتۇندى دامىتۋ − 7 - ديۆيزيانى دامىتۋ». بۇگىنگى كۇندە بيڭتۋان مەن جەرگىلىكتى ورىن باسشىلارىنىڭ ورتاق تانىمىنا اينالعان.
2016 - جىلى 5 - اقپاندا كۇيتۇن قالالىق ۇكىمەتتىڭ كوپ فۋنكتسيالى جيىن زالىندا ءالسىن - ءالى شاپالاق ءۇنى كوتەرىلىپ، بيڭتۋان مەن جەرگىلىكتى ۇكىمەت باسشىلارى مىقتاپ قول الىستى.
دۇركىرەگەن شاپالاق ءۇنى ىشىندە بيڭتۋان 7 - ديۆيزياسىنىڭ پارتكومى مەن كۇيتۇن قالالىق پارتكوم «بيڭتۋاننىڭ 7 - ديۆيزياسى مەن كۇيتۇن قالاسىنىڭ جاپپاي توعىسپالى دامۋى جونىندەگى پىكىرگە»، 7 - ديۆيزيا مەن كۇيتۇن قالالىق ۇكىمەت «كۇيتۇن قالالىق ۇكىمەت پەن بيڭتۋان 7 - ديۆيزياسىنىڭ قۇرىلۋ الدىنداعى حۋياڭحى قالاسىنىڭ اكىمشىلىك رايوندارىن رەتتەۋ جونىندەگى كەلىسىمگە» قول قويىپ، ەكى جاقتىڭ ەكونوميكالىق دامۋ، مادەنيەت قۇرىلىسى، قوعام ىستەرى، ەكولوگيالىق وركەنيەت، كادر - دارىندىلار، ورنىقتىلىقتى قورعاۋ سياقتى جاقتاردا تەرەڭ توعىسۋىن ىلگەرىلەتە ءتۇستى.
بيڭتۋان مەن جەرگىلىكتى ورىندى توعىستىرعان وسى ەكى «ۇلكەن تالون» 7 - ديۆيزيانىڭ دامۋىنا جانە كۇيتۇن قالاسىنىڭ قارىشتاپ دامۋىنا تۇساۋ بولعان ەكى ۇلكەن ماسەلەنى شەشتى: كۇيتۇن قالاسى اكىمشىلىك قاراستىلىعىنداعى 4.261 شارشى كيلومەتر اۋماقتاعى اكىمشىلىك رايوندى رەتتەپ، 7 - ديۆيزيانىڭ حۋياڭحى قالاسىنىڭ اكىمشىلىك اۋماعىنا وتكىزەتىن؛ ال 7 - ديۆيزيا ەگىندىك جەر اۋماعىن ازايتۋ سياقتى ءتۇرلى شارالار ارقىلى كۇيتۇن قالاسىنىڭ سۋعا بولعان قاجەتىنە ساي، ءار جىلى ءوزىنىڭ كۇيتۇن وزەنىنەن يگىلىكتەنەتىن ۇلەسىنەن 30 ميلليون تەكشەمەتر سۋدى كۇيتۇن قالاسىنا پايدالانۋعا بەرەتىن بولدى.
كۇيتۇن قالاسىنىڭ ونەر كاسىبى مەن قالانىڭ سۋدان پايدالانۋىنا بەلسەندى قولداۋ كورسەتۋمەن بىرگە، 7 - ديۆيزيا پارتكومى كۇيتۇن - مايتاۋ اشۋ رايونى، سولتۇستىك ونەركاسىپ باقشاسى، كۇيتۇن باتىس زات اينالىم باقشاسى قۇرىلىسىنا پارمەندى قولداۋ كورسەتتى، قىزىل ءۇي كوكونىس ۇلەستىرۋ، جەتكىزۋ جانە بازا قۇرىلىسىنا قولداۋ كورسەتتى، سونداي - اق پولك - الاڭدارمەن سەلبەسىپ كوكونىس بازاسى، اۋىل شارۋاشىلىق ساياحات كورىنىس باقشاسى سياقتى نىسانداردى قۇردى.
«بىرگە كەڭەسۋدىڭ، بىرگە قۇرىلىس جۇرگىزۋدىڭ، بىرگە باسقارۋدىڭ، تەڭ يگىلىكتەنۋدىڭ» ارقاسىندا، 7 - ديۆيزيا مەن كۇيتۇن قالاسىنىڭ ارالاسۋ، ىشتەسۋ، توعىسۋى بارىنشا كۇشەيىپ، توعىسپالى دامۋى تاريحتاعى ەڭ تاماشا مەزگىلگە ءوتتى.
وتە - موتە، ديۆيزيا مەن قالانىڭ بىرگە قۇرعان تيانبەي جاڭا رايونى باسقارۋدا جاڭالىق اشۋ جاعىندا ورناتقان جاڭا ءتۇزىلىسى بولىپ، اۆتونوميالى رايون، بيڭتۋان جانە ىلە قازاق اۆتونوميالى وبلىسىنداعى باسشىلاردىڭ تولىق تۇراقتاندىرۋىنا جانە قوعامداعى ءار سالانىڭ مويىنداۋىنا يە بولىپ، بيڭتۋان مەن جەرگىلىكتى ورىننىڭ توعىسپالى دامۋىنان، بىرگە قۇرىلىس جۇرگىزىپ، تەڭ يگىلىككە كەنەلۋدەن ۇلگى كورسەتەتىن رايونعا اينالدى، ديۆيزيا مەن قالانىڭ «تيانبەي ۇلگىسى» جۇڭگو جەرگىلىكتى ورىن ۇكىمەتىنىڭ جاسامپازدىق سيلىعىنا يە بولۋمەن بىرگە، جۇڭگوداعى الىمدى جاڭا اۋىل - قىستاق بويىنشا 10 ەگەي اۋدان - قالانىڭ قاتارىنان ورىن الىپ، بيڭتۋان مەن جەرگىلىكتى ورىننىڭ توعىسپالى دامۋى «تيانبەي» سىندى وسى ءبىر «جاڭا ەسىم كارتچكاسىمەن» بۇكىل ەلگە تانىلدى.
ىرىقتىلىقپەن ناتيجە جاراتۋعا تالپىنىپ، «اۋىل شارۋاشىلىعىن» توڭىرەكتەي وتىرىپ يگىلىك جاسادى
بيىل 7 - ديۆيزيا پارتكومى شيحۋ قالاسىمەن بىرگە «5 ءبىر» كوكتەم جاڭبىرى قيمىلىن جاپپاي تياناقتاندىردى، ول، ياعني 10 مىڭ مۋ اۋماقتاعى عىلىم - تەحنيكادان ۇلگى كورسەتۋ باقشاسىن قۇرۋ، 10 مىڭ مۋ جەردى ساپالى ماقتا تۇقىمىمەن اقىسىز قامداۋ، 10 مىڭ مۋ جەردەگى ماقتانى اقىسىز تەرىپ بەرۋ، 10 مىڭ مۋ جەردى ازوت، فوسفور، كاليدەن قۇرام تاپقان قۇراندى تىڭايتقىشپەن اقىسىز قامداۋ قيمىلىن، سونداي - اق عىلىم - تەحنيكادان ۇلگى كورسەتەتىن 100 وتباسىنىڭ ءارقايسىسى 10 وتباسىنا جەتەكشىلىك ەتۋ، 188 تەحنيكا قىزمەتكەرلەرىنىڭ ءارقايسىسى ءبىر قىستاققا جەتەكشىلىك ەتۋ قيمىلىن مەڭزەيدى.
7 - ديۆيزيا پارتكومىنىڭ ورنالاستىرۋىنا ساي، 125 - پولك 4 ميلليون يۋان قارجى شىعارىپ گانجياحۋ فەرماسى مەن شەپەيزى قالاشىعىندا 1000 مۋ جوعارى ولشەمدى اۋىل شارۋاشىلىعىن وسىزامانداندىرۋدان ۇلگى كورسەتۋ اۋماعىن قۇردى. مۇنان تىس، ۇلگى كورسەتەتىن اۋماقتىڭ قۇرىلىسىن قامتاماسىز ەتۋ ءۇشىن تاعى قارجى اجىراتىپ، پولك - الاڭداردى، شەپەيزى قالاشىعىن، گانجياحۋ فەرماسىن تۇتاستىراتىن 22 كيلومەترلىك ورمان وتىرعىزدى.
8 - مامىردان 10 - مامىرعا دەيىن، 7 - ديۆيزيانىڭ قامداۋ - ساتۋ سەلبەستىك سەرىكتەستىگى ىلگەرىندى - كەيىندى 11 جۇك اۆتوكولىگىن شىعارىپ، 500 توننا حيميالىق تىڭايتقىشتى شيحۋ قالاسىنىڭ جيۋجيانلۋ اۋىلىنداعى شارۋالاردىڭ ۇيىنە جەتكىزىپ، اۋىلداستاردىڭ 10 مىڭ مۋ جەردەگى ماقتا اتىزىنىڭ سوڭعى مەرزىمدەگى تىڭايتقىش بەرۋ جۇمىسىن قامتاماسىز ەتتى.
«ونەرلىنىڭ ءورىسى كەڭ» دەگەندەي، 188 اۋىل شارۋاشىلىق تەحنيكا قىزمەتكەرلەرى شيحۋ قالاسىنداعى قىستاقتاردى ارالاپ، قىستاق تۇرعىندارىنا اۋىل شارۋاشىلىق تەحنيكاسى جاعىنان جەتەكشىلىك ەتىپ، قىزمەت كورسەتكەننەن بەرى، تۇرمىستا، ەڭبەكتە جەرگىلىكتى حالىقپەن بىرگە بولىپ، بيڭتۋاننىڭ وزىق تەحنيكاسىنىڭ «ۇرىعىن» شيحۋ دالاسىنا شاشتى.
بۇگىنگى كۇندە 7 - ديۆيزيا قارامايلى قالاسىمەن، كۇيتۇن قالاسىمەن جانە شيحۋ قالاسىمەن بىرگە بيڭتۋان مەن جەرگىلىكتى ورىننىڭ توعىسپالى داۋى تۋىن بيىك ۇستاپ، كوپشىلىكتى يگىلىككە كەنەلتۋدىڭ جولىن قاراستىرىپ، ءوزارا تيىمدىلىك جاسايتىن شارا ىزدەپ، ۇزاق بولاشاقتىق دامۋدى جوسپارلاپ، بيڭتۋان مەن جەرگىلىكتى ورىننىڭ توعىسپالى دامۋىن اناعۇرلىم تەرەڭگە بويلاتىپ، ءورىسىن كەڭەيتۋدى بەلسەندى ىلگەرىلەتىپ، ءار ۇلت حالقىنىڭ بيڭتۋان مەن جەرگىلىكتى ورىننىڭ تاتۋ كورشى، جاقىن دوس، بال جالاسقان اعايىن، ءبىر ءۇيلى جاندارداي تەرەڭ سۇيىسپەنشىلىگى مەن قيماس دوستىعىن شىنايى سەزىنۋىنە مۇمكىندىك جاراتتى.
بيڭتۋان 7 - ديۆيزياسىنىڭ تيانبەي جاڭا رايونىنان ءبىر كورىنىس.
سۋرەتتى لۇڭ حۇڭبو تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
