- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز سوڭعى جارتى جىلدا 20 نەشە تۇردەگى ءتۇيىندى نىساننىڭ جاڭادان جۇمىس باستاۋىنا كۇش سالادى
2016.08.18 11:16 كەلۋ قاينارى : شينجياڭ گازەتى
بەتاشار
اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسى 14 - تامىزدا ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىستە ءسوز سويلەپ: «ناقتى شارا قولدانىپ، قامداۋ جاعىنداعى قۇرىلىمدىق رەفورمانى بۇلجىتپاي ىلگەرىلەتىپ، سوڭعى جارتى جىلداعى ەكونوميكالىق قىزمەتتى كۇش سالا جاقسى ىستەپ، شينجياڭنىڭ ەكونوميكالىق دامۋىن تاعى ءبىر قادام العا ىلگەرىلەتۋ كەرەك» دەپ اتاپ كورسەتتى. گازەتىمىز بۇگىننەن باستاپ «سوڭعى جارتى جىلداعى ەكونوميكالىق قىزمەتتى كۇش سالا جاقسى ىستەيىك» دەگەن ارناۋلى ايدار اشىپ، رايونىمىزدىڭ جەر - جەرىنىڭ، مەكەمە - ورىندارىنىڭ ءماجىلىس رۋحىن دايەكتى تياناقتاندىرۋ جاعىنداعى ناقتى ادىستەرى مەن قول جەتكىزگەن ونىمدىلىكتەرىن، «12 جاقتاعى 85 ءتۇرلى ناقتى شارانى» تياناقتاندىرۋ جاعىنداعى تىڭ ىلگەرىلەۋشىلىكتەردى، جاڭا ناتيجەلەردى حابارلاپ، ەكونوميكالىق قىزمەتتى ويداعىداي ىستەۋ بەكىمى مەن سەنىمىن نىعايتىپ، تۇتاس جىلدىق نىسانالار مەن مىندەتتەردى تابىستى ورىنداۋعا، شينجياڭ ەكونوميكاسىنىڭ ورنىقتى، اقاۋسىز اينالىمىنا كەپىلدىك ەتەدى.
ءتىلشىمىز شى شين 16 - تامىزدا ۇرىمجىدەن حابارلايدى. شينجياڭ سوڭعى جارتى جىلدا ءونىمدى قارجى قوسۋدى كەڭەيتۋ مەن جاڭاشا تۇتىنۋ ارناسىن اشۋدى ۇشتاستىرۋعا، جاڭاشا ەكونوميكانى جەتىلدىرۋ مەن ەكونوميكانىڭ اينالىم فورماسىنا بۇرىلىس جاساۋدى، دارەجەسىن جوعارىلاتۋدى جەبەۋدى ۇشتاستىرۋعا تاباندى بولىپ، 20 نەشە تۇردەگى ءتۇيىندى نىساننىڭ جاڭادان جۇمىس باستاۋىنا كۇش سالىپ، نەگىزدىك قۇرىلعىلار جاعىنداعى ولقىلىقتاردى تولىقتىرۋعا كۇش سالادى.
نەگىزدىك قۇرىلعىلار جاعىنداعى ولقىلىقتار شينجياڭنىڭ ءالسىز بۋىنى بولۋمەن بىرگە، دامۋدىڭ كومەسكى كۇشى دە وسىندا. جۋىقتا اياقتاعان اۆتونوميالى رايوننىڭ ەكونوميكالىق قىزمەت جونىندەگى اڭگىمە ماجىلىسىندە «مەملەكەتتىڭ نەگىزدىك قۇرىلعىلار مەن ەكولوگيالىق قۇرىلىسىنىڭ ورتا، باتىس بولىكتەگى رايوندارعا بەيىمدەلۋىن، 3 - توقسان سىندى قۇرىلىس جۇرگىزۋ شەشۋشى مەزگىلىن يگەرىپ، 20 نەشە ءتۇيىندى نىساننىڭ جاڭادان جۇمىس باستاۋىنا كۇش سالۋ كەرەك. ءتۇيىندى نىساندار جونىندەگى ارناۋلى سايكەستىرۋ، ىلگەرىلەتۋ ءماجىلىسى تۇزىمىن ورناتىپ، قىزمەت سەرپىنىن بەلگىلى مەرزىمدە تەكسەرۋ كەرەك» دەپ اتاپ كورسەتىلدى.
اۆتونوميالى رايوندىق دامۋ - رەفورما كوميتەتىنىڭ مەڭگەرۋشىسى جاڭ چۇنلين بىلاي دەدى: سوڭعى جارتى جىلدا 20 نەشە ءتۇيىندى نىساننىڭ جاڭادان جۇمىس باستايتىنىنا تولىق سەنىمدەمىز! دامۋ - رەفورما كوميتەتى كەزەكتە الدىڭعى مەرزىمدىك قىزمەتتى جەدەلدەتىپ، قىركۇيەكتە بۇراتالا وبلىسىنىڭ تەمىر جول قوسالقى جەلىسى، وڭتۇستىك شينجياڭ تەمىر جولىنان لانجوۋ - شينجياڭ تەمىر جولىنا دەيىنگى بايلانىس جەلىسى، ءۇرىمجى تەمىر جول تورابى − ءۇرىمجى باتىس ۆوكزالىنان ءۇرىمجى سولتۇستىك ۆوكزالىنا دەيىنگى بايلانىس جەلىسىن، قارامايلى - شاۋەشەك تەمىر جولى قۇرىلىسىن باستاۋعا كۇش سالادى. وسى 4 تەمىر جول نىسانىن قۇرىلىسىنىڭ جۇمىس باستاۋى جىبەك جولى ەكونوميكالىق بەلدەۋى وزەكتى رايونىنىڭ سولتۇستىك وتكەل قۇرىلىسىن پارمەندى ىلگەرىلەتەتىنى داۋسىز.
سۋ يگىلىگى قۇرىلىسى جاعىندا، سارتوعاي سۋ يگىلىگى تورابى قۇرىلىسىن، كەلپىن اۋدانىنداعى قالا، اۋىلداردىڭ اۋىز سۋ حاۋىپسىزدىگى ينجەناريالىق نىسان قۇرىلىسىن جەدەلدەتۋمەن بىرگە، ءبىر توپ ورتاشا سۋ يگىلىگى نىساندارىنىڭ جۇمىس باستاۋىن جەبەيدى؛ اۆياتسيا جاعىندا، ياركەن اۋەجايىن، چارقىلىق اۋەجايىن، كورلا اۋەجايىن جاڭالاۋ، كەڭەيتىپ سالۋ نىسانىن مىقتى يگەرۋمەن قوسا، التاي اۋەجايىن، شاۋەشەك اۋەجايىن، ءۇرىمجى اۋەجايىن جاڭالاۋ، كەڭەيتىپ سالۋ نىسانى قۇرىلىسىن باستاۋعا كۇش سالىپ، جىبەك جولى ەكونوميكالىق بەلدەۋى وزەكتى رايونىنىڭ حالىقارالىق اۆياتسيا ورتالىعىن جاپپاي قۇرۋعا مىعىم نەگىز قالايدى.
سونىمەن بىرگە، دامۋ - رەفورما كوميتەتى كەلەر جىلى جاڭادان جۇمىس باستايتىن ءتۇيىندى نىساندار ءتىزىمىن قىركۇيەكتىڭ سوڭىندا جاريالاۋعا بەلسەنە دايىندىق جاساۋدا.
رايونىمىز بيىل 440 تۇردەگى ءتۇيىندى نىساندى ورنالاستىردى. مۇنىڭ ىشىندە قۇرىلىس جۇمىسى ءجۇرىلىپ جاتقان نىسان 240، جاڭادان قۇرىلىس باستاعان نىسان 60، الدا جۇرىلەتىن نىسان 140. وسى نىسان قۇرىلىستارىنا 300 نەشە ميلليارد يۋان قارجى قوسىلادى. شىلدەنىڭ سوڭىنا دەيىن 52 ءتۇيىندى نىسان جاڭادان قۇرىلىس باستايدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
