- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى جوعارى جىلدامدىقتى تەمىر جول ۆوكزالى رەسمي ىسكە قوسىلدى
2016.08.18 13:36 كەلۋ قاينارى : شينجياڭ گازەتى
جىبەك جولى ەكونوميكالىق بەلدەۋىندەگى وزەكتى رايوننىڭ كەشەندى قاتىناس تورابى ورتالىعى قۇرىلىسىنداعى كەلەلى ىلگەرىلەۋشىلىك
جاڭ چۇنشيان ۆوكزالدىڭ ىسكە قوسىلعاندىعىن جاريالادى
جىبەك جولى ەكونوميكالىق بەلدەۋىندەگى وزەكتى رايوننىڭ كەشەندى قاتىناس تورابى ورتالىعى قۇرىلىسىندا كەلەلى ىلگەرىلەۋشىلىك بولدى. 24 كۇن سىناق رەتىندە ىسكە قوسىلعاننان كەيىن، 12 - تامىزدا ءۇرىمجى جوعارى جىلدامدىقتى تەمىر جول ۆوكزالى رەسمي ىسكە قوسىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان سالتقا قاتىناسىپ، ۆوكزالدىڭ رەسمي ىسكە قوسىلعاندىعىن جاريالادى.
ساعات 11دە جاڭ چۇنشيان جانە اۆتونوميالى رايوننىڭ قاتىستى باسشىلارى، جۇڭگو تەمىر جول باس سەرىكتەستىگىنىڭ ورىنباسار باس ديرەكتورى لي ۋىنشين قاتارلىلار تەكشەگە شىعىپ، ءۇرىمجى ۆوكزالىن جوبالاۋعا، سالۋعا، ىسكە قوسۋعا ات سالىسقان ءار ۇلت كادرلارىمەن، جۇمىسشى - قىزمەتشىلەرىمەن بىرگە شينجياڭنىڭ قاتىناس قۇرىلىسى تاريحىنداعى تاعى ءبىر ماڭىزدى ساتكە، شينجياڭنىڭ جوعارى جىلدامدىقتى تەمىر جول داۋىرىنە جاپپاي قادام تاستاعاندىعىنا كۋا بولدى.
بيىل ىسكە قوسىلعان ءۇرىمجى ۆوكزالى لانجوۋ - شينجياڭ جوعارى قارقىندى تەمىر جولىنىڭ اقىرعى بەكەتى، جاڭادان سالىنعان ەرەكشە دارەجەلى جوعارى جىلدامدىقتى تەمىر جول ۆوكزالى. ءۇرىمجى ۆوكزالىنىڭ قۇرىلىس كولەمى شامامەن 100 مىڭ شارشى مەتر، جالپى 2 ميلليارد 500 ميلليون يۋاننان استام قارجى قوسىلعان، 2013 - جىلى ماۋسىمدا قۇرىلىسىن باستاپ، بيىل 1 - شىلدەدە سالىنىپ بولىپ سىناق رەتىندە ىسكە قوسىلعان، جوعارى جىلدامدىقتى پويەز، كادىمگى تەز پويەز، رەليستى قاتىناس، الەۋمەتتىك قاتىناس، كىرە اۆتوكولىكتەرى، ۇزاق جولدى جولاۋشى تاسىمالى سياقتى كوپ ءتۇرلى قاتىناستى ءبىر تۇلعالاندىرعان، بۇكىل شينجياڭداعى ەڭ ۇلكەن وسىزاماندانعان قالا كەشەندى قاتىناس تورابى، سونداي - اق بۇكىل شينجياڭداعى ەڭ ۇلكەن ۆوكزال، تەمىر جول تاسىمالىمەن جولاۋشىلاردى جيناۋ - جونەلتۋدەگى ەڭ ماڭىزدى ورىن ەسەپتەلەدى.
اۆتونوميالى رايوندىق پارتكوم جىبەك جولى ەكونوميكالىق بەلدەۋىندەگى وزەكتى رايوننىڭ كەشەندى قاتىناس تورابى ورتالىعى قۇرىلىسىنا ايرىقشا ءمان بەردى. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن اۆتونوميالى رايوندىق پارتكوم شينجياڭنىڭ قاتىناس تورابى قۇرىلىسى جونىندە جوعارى باستاما، بيىك دەڭگەيدە جوبا - جوسپارلار جاسادى. 2010 - جىلى جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشىپ، ۇرىمجىدە وسىزاماندانعان كەشەندى قاتىناس تورابىن قۇرىپ، جوعارى جىلدامدىقتى تەمىر جول قۇرىلىسىن جەدەل العا ىلگەرىلەتۋدى العا قويىپ، جوعارى جىلدامدىقتى تەمىر جول اۋماعىنىڭ قۇرىلىسى مەن دامۋى جونىندە عىلمي جوسپار جانە جوعارى دەڭگەيلى جوبا جاساعان بولاتىن. سول جىلى قاراشادا جاڭ چۇنشيان ۇرىمجىدەگى بۇرىنعى ىرگۇڭ ۆوكزالىنا ات باسىن بۇرىپ، ناقتى تەكسەرۋ - زەرتتەۋ جۇرگىزىپ، جوعارى جىلدامدىقتى تەمىر جول اۋماعىنىڭ قۇرىلىس ءوڭىرىن، جالپى جوباداعى كولەمىن، وزەكتى رايوننىڭ يقۋاتىن ايقىنداپ، ءۇرىمجى ۆوكزالىن سالۋ، ساۋداگەر شاقىرىپ، قارجى ەنگىزۋ، نەگىزدىك قۇرىلعى قۇرىلىسى، الەۋمەتتىك قىزمەت وتەۋ قابىلەتىن جوعارىلاتۋ سياقتى جاقتاردا جان - جاقتى تالاپتاردى العا قويعان بولاتىن. وسىدان كەيىنگى 6 جىلدا جاڭ چۇنشيان تالاي رەت ءماجىلىس اشىپ ارناۋلى تاقىرىپتىق زەرتتەۋ ۇيىمداستىرىپ، ناقتى تەكسەرۋ جۇرگىزىپ، بۇرىنعى تەمىر جول مينيسترلىگىمەن، تەمىر جول باس سەرىكتەستىگىمەن بايلانىس ورناتىپ، اۋىس - كۇيىس جاساسىپ، جوعارى جىلدامدىقتى تەمىر جول اۋماعىنىڭ، ءۇرىمجى ۆوكزالىنىڭ قۇرىلىسىن جوعارى دەڭگەيدە العا ىلگەرىلەتىپ، بار كۇشپەن قولداپ - قۋاتتادى.
جان - جاقتان باس قوسقان قۇرىلىسشىلاردىڭ 3 جىل كۇندى تۇنگە جالعاپ شايقاس جۇرگىزۋىنىڭ ارقاسىندا بۇگىندە قۇرىلعىلارى كەمەلدى، جابدىعى وزىق، سىرتقى كورىنىسى جاڭاشا، قىزمەت وتەۋى يكەمدى ءارى قولايلى بولعان جوعارى جىلدامدىقتى تەمىر جول ۆوكزالى جوعارى جىلدامدىقتى تەمىر جول اۋماعىنىڭ وزەكتى رايونىندا ەڭسە كوتەرىپ، ءۇرىمجىنىڭ تايعا تاڭبا باسقانداي بەلگىسىنە اينالدى.
جاڭ چۇنشيان دۋ قول شاپالاق ءۇنى ىشىندە تەكشەگە شىعىپ: ءۇرىمجى ۆوكزالى رەسمي ىسكە قوسىلدى! - دەپ جاريالادى.
وسىدان كەيىن العاشقى D8820 كەزەكشى جاراسىم اتتى جوعارى جىلدامدىقتى پويەز جاڭا بەكەتتەن قوزعالىپ، قۇيعىتا جونەلدى، جاڭ چۇنشيان قاتارلى باسشىلار ءار ۇلت جولاۋشىلارىنا قول بۇلعاپ قۇرمەت ءبىلدىردى.
سالتتان كەيىن جاڭ چۇنشيان باستاعان توپ جاڭا ۆوكزال مەن جوعارى جىلدامدىقتى تەمىر جول اۋماعىنىڭ قۇرىلىسىنا، ىسكە قوسىلۋ جاعدايىنا ناقتى تەكسەرۋ جۇرگىزدى. ول پويەز كۇتۋ زالى، «جىبەك جولىنداعى مەرۋەرت» بايانداۋ تەكشەسى، اۆتوماتتى بەلەت تەكسەرۋ ەسىگى، ۆوكزالدان شىعۋ جولى، سولتۇستىك الاڭداعى ۆوكزالدان شىعۋ ەسىگى سياقتىلارعا بارىپ، ءۇرىمجى ۆوكزالىنىڭ نەگىزدىك قۇرىلعى قۇرىلىسىنىڭ جاعدايى مەن كورسەتكەن الەۋمەتتىك قىزمەت وتەۋ احۋالىن ۇعىسىپ، قاتىستى جاعدايلار جونىندەگى مالىمەتتى تىڭدادى.
ءۇرىمجى ۆوكزالىندا نەگىزگى عيمارات، ايالداما قالتقىسى، جولاۋشىلار تۇسۋگە ارنالعان بيىك سورەلى الاڭقى قاتارلىلاردان «تيانشاننىڭ قارلى القابى. جىبەك جولىنداعى مەرۋەرت» بەينەسى سومدالعان. ۆوكزالدىڭ ىشىندەگى جەتەكشىلىك ەتۋ، ءجون سىلتەۋ تاقتايشالىقتارى ايقىن، انىق ەكەن، جولاۋشىلار ۆوكزالعا ءتارتىپتى تۇردە كىرىپ - شىعىپ جاتىپتى، جۇك تاسىمالداۋ ىستەرىن ۇعىسۋ، اس - سۋ ىستەرى سياقتى سايكەستى قىزمەت وتەۋ تۇرلەرى اسا قولايلى ورنالاستىرىلعان. قازىر بۇل ۆوكزال ۇرىمجىگە توقتايتىن، ۇرىمجىدەن اتتاناتىن بارلىق جوعارى جىلدامدىقتى پويەز بەن شاڭحاي، بەيجيڭ، جىڭجوۋ، حانكوۋ، فۋجوۋ، گۋاڭجوۋ سياقتى قالالارعا قاتىنايتىن جالپى 38 جۇپ توتە، جۇردەك، تەز قارقىندى جولاۋشىلار پويەزدەرىن جونەلتۋ مىندەتىن ۇستىنە الىپ وتىر، جولاۋشىلاردىڭ قاۋىرت مەزگىلىندە كۇنىنە 240 مىڭ ادامدىق پويەزگە شىعۋ، پويەز توسۋ قاجەتىن قاناعاتتاندىرا الادى. سايكەستى سالىنعان «جەتى بەكەت، جەتى الاڭ» جاڭا ۆوكزالدىڭ مەترو، الەۋمەتتىك قاتىناس، كىرە اۆتوكولىكتەرى سياقتى قاتىناس قۇرالدارىمەن ءساتتى ۇشتاسۋىنا مۇمكىندىك جاساپ، جولاۋشىلاردى جونەلتۋ، تاماشالاۋ، زات ساتىپ الۋ سياقتىلاردى ءبىر تۇلعالاندىرعان اشىق فورماداعى قالالىق كەشەندى قىزمەت وتەۋ جۇيەسىنە اينالدىردى.
ءۇرىمجى ۆوكزالىنىڭ رەسمي ىسكە قوسىلۋىنا، سايكەستى قۇرىلعى قۇرىلىستارىنىڭ اياق الىسىنىڭ ۇزبەي جەدەلدەتىلۋىنە وراي، جوعارى جىلدامدىقتى تەمىر جول اۋماعىنىڭ نەگىزدىك قۇرىلعىلارى كۇننەن - كۇنگە كەمەلدەنىپ، الەۋمەتتىك قىزمەت وتەۋ قابىلەتى تىنباي جوعارىلاپ، ءۇرىمجى ۆوكزالىنىڭ حاۋىپسىز، ورنىقتى اينالىم جاساۋىن پارمەندى قامتاماسىزداندىرۋمەن بىرگە، جالپى سالىنعان قارجىسى 40 ميلليارد يۋاننان اساتىن 45 ءتۇيىندى نىساندى وزىنە ىرگە تەپتىرىپ، وسى ءوڭىردى ۇرىمجىدەگى دامۋ ومىرشەڭدىڭ كۇشى مەن كومەسكى كۇشىنە ەڭ باي وڭىرلەردىڭ بىرىنە اينالدىردى.
اۆتونوميالى رايون باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، جۋ حايلۇن، حۋاڭ ۋي، لي شۋەجۇن، پىڭ جيارۇي، ءمۇتالىپ قاسىم، ۋان حايچۋان جوعارىدا اتالعان قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
