بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭعا باعىتتامالى كومەكتەسۋ حالىق تۇرمىسىنا يگىلىك اكەلدى

    لي چۇنشيا، قالياكبار ۇسەمقان ۇلى

2016.08.18 13:47     كەلۋ قاينارى : شينجياڭ گازەتى

  ارايلاپ اتقان جازدىڭ ءبىر تاڭى، كۇنەس اۋدانى تالدى قالاشىعى تالدى قىستاعىنداعى شارۋا وتباسىنىڭ اۋلاسىندا وتاناسى زوكىرا قۇربانجان گۇلىن سۋارىپ جاتىر ەكەن. «ياڭجوۋ كادرلارى سۋمەن قامداۋ ماسەلەمىزدى شەشىپ بەردى، ءۇيىمىز بەيقۇت ءۇي سالىپ، حالىقتى اۋقاتتاندىرۋ بويىنشا سالىنعان ءۇي ەدى، مۇنان تىس، تاعى 10 مىڭ يۋان باعىتتامالى كومەكتەسۋ قاراجاتىن بەردى»، - دەدى 9 - تامىزدا زوكىرا جۇزىنەن كۇلكى ءۇيىرىلىپ.

  زوكىرانىڭ ياڭجوۋ كادرلارى دەگەنى ياڭجوۋ قالاسىنىڭ 8 - توپتا شينجياڭعا باعىتتامالى كومەكەسۋ ءۇشىن كۇنەس اۋدانىنا كومەككە بارعان 20 نەشە كادر ەكەن. 2014 - جىلى ياڭجوۋ قالاسىنىڭ 8 - توپتا شينجياڭعا باعىتتامالى كومەكتەسۋگە كەلگەن قىزمەت گرۋپپاسى شينجياڭعا جەتكەننەن باستاپ، «شينجياڭعا شىنايى مەيىرىممەن كومەكتەسۋ، عىلمي كومەكتەسۋ، ۇزبەي كومەكتەسۋ» يدەياسىنان جازباي، شينجياڭعا باعىتتامالى كومەكتەسۋ قىزمەتىن دامۋدى جەبەۋ، حالىق تۇرمىسىن جاقسارتۋ توڭىرەگىندە كۇش سالا ورىستەتىپ، كومەك قابىلدايتىن جەردەگى بۇقاراعا ناقتى ىستەر ىستەگەن.

  جوعارى دەڭگەيدە ىلگەرىلەتىپ، شينجياڭعا عىلمي تۇردە باعىتتامالى كومەكتەستى

  كۇنەس اۋدانىن بويلاپ، قارابۋرا قالاشىعىنان وڭتۇستىككە قاراي 100 نەشە كيلومەتر ءجۇرىپ، بىرنەشە تاۋ اسقاندا جەتەتىن تەڭىز دەڭگەيىنەن 1680 مەتر بيىكتىكتەگى قارابۋرا جايلاۋىن مالشى تىلەۋباي وقان ۇلى وتباسى جايلاپ وتىرىپتى. 10 - تامىزدا ءبىز تىلەۋباي وتباسىنا جەتكەنىمىزدە 63جاستاعى وسى كاريا نەمەرە قىزىمەن بىرگە كيىز ۇيدە تەلەۆيزور كورىپ وتىر ەكەن. «ەلىمىز قازىرگە دەيىن 8 التىن مەدال الدى»، - دەدى ول كىسى قۋانىشتى بەينەدە.

  ول بىزگە بىلاي دەدى: ۇيىم جىراقتا بولعانىمەن تەلەۆيزورىم 50 نەشە كانالدىڭ سيگنالىن تارتادى، ءبىر ءتاۋىرى ياڭجوۋ قالاسى كۇنەس اۋدانىنىڭ راديو - تەلەۆيزور نومىرلەرىنىڭ قامتۋ جۇيەسىن كەڭەيتۋ قۇرىلىسىن كومەكتەسىپ سالىپ بەردى.

  بۇل تەك ياڭجوۋ قالاسىنىڭ حالىق تۇرمىسى بويىنشا شينجياڭعا باعىتتامالى كومەكتەسۋ قىزمەتىندەگى ءبىر نىسانى عانا ەدى. ءتىپتى كوپ كۇنەس حالقى تىلەۋبايمەن ۇقساس ياڭجوۋ قالاسىنىڭ شينجياڭعا باعىتتامالى كومەكتەسۋ قىزمەتىنىڭ تۇرمىستارىنا الا كەلگەن زور وزگەرىستەردى كورىپ، شىنايى سەزىنە الدى.

  2014 - جىلى ماۋسىم ايىندا جياڭسۋمەن شينجياڭنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اڭگىمە ماجىلىستە: شينجياڭعا باعىتتامالى كومەكتەسۋ قىزمەتىن اناعۇرلىم جاقسى ىستەپ، حالىق تۇرمىسىن جاقسارتۋ جاعىنداعى جەتەكشىلىك رولدى ساۋلەلەندىرۋ كەرەك. شينجياڭعا باعىتتامالى كومەكتەسۋ قارجىسى مەن نىسانىن نەگىزگى ساتىعا، حالىق تۇرمىسىن قامتاماسىز ەتۋ مەن جاقسارتۋعا بەيىمدەپ، ءار ۇلت بۇقاراسىنا شينجياڭعا باعىتتامالى كومەكتەسۋدىڭ اناعۇرلىم كوپ جەتىستىكتەرىن سەزىندىرۋ كەرەك، - دەپ اتاپ كورسەتتى.

  حالىق تۇرمىسى بويىنشا شينجياڭعا باعىتتامالى كومەكتەسۋدى بارىنشا ىلگەرىلەتۋ − ياڭجوۋ قالاسىنىڭ سوڭعى جىلدارداعى شينجياڭعا باعىتتامالى كومەكتەسۋ قىزمەتىنىڭ ءتۇيىنى بولدى. عىلمي شەشىم جاساپ، جوعارى دەڭگەيدە ىلگەرىلەتىپ، ءبىر تۇتاس جوسپارلاپ، بىرتىندەپ تياناقتاندىردى. ياڭجوۋ قالاسى باعىتتامالى كومەكتەسەتىن كۇنەس اۋدانىنداعى الدىڭعى شەپ قولباسشىلىق گرۋپپاسىنىڭ ساناعىنا نەگىزدەلگەندە، 2014 - جىلدان 2016 - جىلعا دەيىن ياڭجوۋ قالاسى شينجياڭعا باعىتتامالى كومەكتەسۋ ىسىنە 390 ميلليون يۋان قارجى قوسقان. مۇندا حالىق تۇرمىسى نىسانىنا قوسىلعان قارجى %71.94ىن ۇستايدى؛ شينجياڭعا باعىتتامالى كومەكتەسۋدەگى 20 نىساننىڭ 16سى حالىق تۇرمىسى ينجەنەرياسىنا جاتادى. بەيقۇت ءۇي سالىپ، حالىقتى اۋقاتتاندىرۋدان اۋىز سۋ ماسەلەسىن شەشىم ەتۋ قۇرىلىسىنا دەيىن، تەحنيكالىق تاربيەلەۋ كۋرسىن ۇيىمداستىرۋدان قوس ءتىلدى بالا باقشاسىن قۇرۋعا دەيىن، اۋىل، قالاشىق شيپاحاناسىنان قىستاق دارەجەلى الەۋمەتتىك قىزمەت وتەۋ ورتالىعىنا دەيىن ياڭجوۋ قالاسىنىڭ 8 - توپتا شينجياڭعا باعىتتامالى كومەكتەسۋگە كەلگەن كادرلارى ناقتى امال قولدانىپ، شىنايى ىستەر ىستەپ، ناقتى ونىمگە تالپىنىپ، جەرگىلىكتى بۇقارانىڭ ەڭ كوزدەگەن، ەڭ قاجەت ەتكەن، ەڭ كوكەي تەستى قيىنشىلىقتارى مەن ماسەلەلەرىن شەشۋگە كۇش سالىپ، ەلەۋسىز ىستەردىڭ وزىنەن بۇقاراعا ياڭجوۋ قالاسىنان كەلگەن شىنايى كومەكتى سەزىندىرگەن. حالىق تۇرمىسىن جاقسارتىپ، باقىتقا كەنەلتتى

  ساۋىتاحۇن ءسالي كۇنەس اۋدانىنىڭ تالدى قالاشىعىندا تۇرادى. 9 - تامىزدا وعان جولىققانىمىزدا جۇبايى ەكەۋى ۇيىندە پاميدور كەپتىرىپ ءجۇر ەكەن. «قازىر قىستاعىمىز 24 ساعات بويى سۋمەن قامدايدى، مەيلى اس ازىرلەۋ، جۋىنىپ - شايىنۋ، مال سۋارۋ، كوكونىس سۋارۋ بولسىن، ءبارى دە وتە قولايلى بولدى»، - دەدى ساۋىتاحۇن اسا قۋانىشپەن اۋلاسىنداعى قۇبىر سۋىن كورسەتىپ.

  بىرنەشە جىلدىڭ الدىندا كۇنەس اۋدانىنىڭ باتىس بولىگىندەگى 3 قالاشىق پەن ءبىر الاڭ بۇكىل اۋدان بويىنشا سۋمەن قامداۋ ەڭ قيىن بولعان ءوڭىرى بولاتىن، باسىم كوپ قىستاقتارعا كۇنىنە 2 ساعات قانا سۋ جەتكىزىلەتىندىكتەن، اۋىز سۋ جانە ەگىن سۋاراتىن سۋ جەتىسپەيتىن.

  2014 - جىلى كۇنەس اۋداننىڭ باتىس وڭىرىندەگى اۋىل - قىستاقتاردىڭ اۋىز سۋ ينجەنەرياسى باستالىپ، بۇعان جيىنى 41 ميلليون 400 مىڭ يۋان قارجى قوسىلدى، مۇنىڭ 21 ميلليون 430 مىڭ يۋانى شينجياڭعا كومەكتەسۋ قارجىسى. سۋ جەتكىزەتىن نەگىزگى قۇبىر تورابى 366 كيلومەتر جەرگە دەيىن جاتقىزىلىپ، 2014 - جىلى شىلدەدە قۇرىلىس اياقتاعاننان كەيىن، 52 مىڭ ادامنىڭ تۇرمىستىق سۋ ماسەلەسى شەشىلۋمەن قاتار، جەرگىلىكتى بۇقارانىڭ اۋلا شارۋاشىلىعىن دامىتىپ، بايۋ جولىن اشۋىن جەبەدى.

  كاسىپتەنۋ حالىق تۇرمىسىنىڭ ارقاۋى. كاسىپتىك ونەرگە باۋلۋ سەرپىنىن كۇشەيتۋ ءۇشىن، ياڭجوۋ قالاسى 80 ميلليون يۋاننان كوبىرەك قارجى قوسىپ، ءتۇيىندى حالىق تۇرمىسى ينجەنەرياسى − كۇنەس اۋداندىق كاسىپتىك تەحنيكالىق مەكتەبىن كومەكتەسىپ قۇردى، بۇل بيىل كوكتەمدە پايدالانۋعا بەرىلىپ، قازىر وقۋشى قابىلداي باستادى.

  وقۋ - اعارتۋ حالىق تۇرمىسىنىڭ نەگىزى، سونداي - اق ياڭجوۋدىڭ شينجياڭعا كومەكتەسۋ بارىسىندا ۇسىنىلىمدى ەڭ كوپ قوسقان حالىق تۇرمىسى ينجەنەرياسى. 22 ميلليون 800 مىڭ يۋان قارجى قوسىلعان كۇنەس اۋداندىق جالعاس جۇرەكتەر كوركەمونەر بالا باقشاسى ياڭجوۋ كومەكتەسىپ سالعان ينجەنەريا. كۇنەس اۋداندىق 1 - ورتا مەكتەپ ىلە قازاق اۆتونوميالى وبلىسىنداعى ەڭ كولەمدى از ۇلت تىلىندەگى ورتا مەكتەپ، بۇل مەكتەپتە 2500دەن كوبىرەك وقۋشى ءبىلىم الادى. بىلتىر ياڭجوۋ قالاسىنىڭ كومەگىمەن 400 مەترلىك ولشەمدى كاۋچۇك سپورت الاڭى سالىنىپ بولىپ، مەكتەپتىڭ سپورت قۇرىلعىلارىنىڭ مەشەۋ بەت - بەينەسىن وزگەرتىپ، وقىتۋ نەگىزىن بەكەمدەدى.

  جوسپاردان سىرتقى «شينجياڭعا شاعىن كولەمدە كومەكتەسۋ» نىسانىن ورىستەتۋ − ياڭجوۋدىڭ شينجياڭعا كومەكتەسۋدەگى ەرەكشەلىكتەرىنىڭ ءبىرى. بەرتىنگى 3 جىلدا جيىنى 60 ميلليون يۋاننان كوبىرەك قارجى قوسىپ، «شينجياڭعا شاعىن كولەمدە كومەكتەسەتىن» 10 نىساندى اتقاردى، بۇل 10 ميلليون 240 مىڭ يۋان قارجى قوسىپ 27 جاتاقتى مەكتەپتىڭ وقىتۋ شارت - جاعدايىن جاقسارتۋ، وقۋ - اعارتۋ جۇيەسىنە قۇنى ءبىر ميلليون 500 مىڭ يۋاندىق 15 پيكا اۆتوكولىگىن تارتۋ ەتۋ سياقتىلاردى قامتيدى، جەرگىلىكتى جۇرتشىلىق مۇنى جاپپاي القادى.

  ونەركاسىپ باقشاسى نەگىزدىك قۇرىلعى قۇرىلىسى نىسانى، بەيقۇت ءۇي سالىپ، حالىقتى اۋقاتتاندىرۋ ينجەنەرياسى، المالى قالاشىعى ەمحاناسى، تالدى قالاشىعى تالدى قىستاعىنداعى الەۋمەتتىك قىزمەت وتەۋ ورتالىعى... شينجياڭعا كومەكتەسۋ ماقساتىنداعى وسى نىساندار ءبىر - بىردەن تياناقتانىپ، كۇنەس حالقىنا مول يگىلىك اكەلدى.

  شينجياڭعا كومەكتەسۋ بويىنشا كەرەمەت قۇرىلىستار سالدى

  ياڭجوۋدان شينجياڭعا 8 - توپتا كومەككە كەلگەن قىزمەت گرۋپپاسىنىڭ باستىعى، كۇنەس اۋداندىق پارتكومنىڭ ورىنباسار شۋجيى جياڭ يۋانفىڭ 10 - تامىزدا بىلاي دەدى: شينجياڭعا كومەكتەسۋ نىساندارىن اتقارۋ بارىسىندا، ءبىز بار كۇشىمىزدى سالىپ، قۇرىلىس ساپاسىن مىقتاپ يگەرىپ، حالىقتىڭ قالاۋىنان شىعاتىن ساپالى قۇرىلىس سالۋعا قۇلشىندىق.

  كۇنەس اۋداندىق كاسىپتىك تەحنيكالىق مەكتەبى سالىنۋ بارىسىندا، وقىتۋ عيماراتىنىڭ توبەسى چاڭجياڭنىڭ وڭتۇستىگىندەگى قۇرىلىستاردىڭ ۇلگىسىندە جوبالانعان بولاتىن، ايتسەدە بىلتىر قىركۇيەكتە قۇرىلىس سالىنىپ بولعاننان كەيىن، ءبىر رەت 9 بال بوران سوققاندا، توبەدەگى اينەك ناۋا كەرپىشتىڭ بىرنەشەۋىن بوران ۇشىرىپ ءتۇسىردى، مۇنى كورگەن ياڭجوۋدان شينجياڭعا كومەككە كەلگەن كادرلار ساسىپ قالدى. كۇنەس اۋداندىق ونەركاسىپ باقشا رايونىن باسقارۋ كوميتەتىنىڭ ورىنباسار مەڭگەرۋشىسى، ياڭجوۋ قالاسىنىڭ كۇنەس اۋدانىنا باعىتتامالى كومەكتەسۋ الدىڭعى شەپ قولباسشىلىق گرۋپپاسى كەلەلى نىساندار كەڭسەسىنىڭ مەڭگەرۋشىسى حۋان جىجۇڭ بىلاي دەدى: تاراپتاردىڭ قاتىناسىنان، كوپ ءتۇرلى ارنادان پايدالانىپ، ىشكى ولكەدەن 5 تە 6 قۇرىلىس مامانىن ۇسىنىس ەتىپ، مۇنى تەكسەرتتىك، اقىرى اينەك ناۋا كەرپىشتى ۇزىن شەگەمەن بەتونعا شەگەلەپ تاستاۋدى ۇيعارىپ، بۇل ماسەلەنى شەشتىك.

  كۇنەس اۋدانىنىڭ كۇنەس قالاشىعىندا چاڭجياڭنىڭ وڭتۇستىگىندەگى وڭىرلەر ۇلگىسىندەگى جەمىس باقشاسى − لۇيياڭ باقشاسى بار. ياڭجوۋ ۇلگىسىندەگى سىرتقى بەينەسى ەرەكشە كوركەم باقشا سالىنعان كەزدە كوپتەگەن اۋرەشىلىك تۋدىردى. مۇنىڭ ماتەريالدارىنىڭ دەنى وڭتۇستىكتەن تاسىپ اكەلىندى، مۇندا وسى باقشانى شينجياڭنىڭ كليماتىنا قالاي ۇيلەستىرۋ ەڭ ۇلكەن ماسەلە بولدى. سونىمەن، ياڭجوۋلىق قۇرىلىسشىلار جۇقا كەرپىشتىڭ سۋىققا ءتوزىمدى بولمايتىنىن ەسكەرىپ، داۋالدى قالىڭداتتى، توبەدەگى ناۋا كەرپىشتىڭ استىنا جەرگىلىكتى ورىنداعى قامىس سياقتى ماتەريالداردان ءبىر قابات توسەپ، جىلۋدى ساقتادى، ەسىك - تەرەزەنى دە بەكەمدەدى، سونىمەن قاتار، پار قازان ارقىلى جىلىتتى. ناتيجەدە تيپتىك ياڭجوۋ ۇلگىسىندەگى باقشانىڭ ءىشى شينجياڭنىڭ قۇرىلىستارى سياقتى جىلۋ ساقتايتىن بولدى.

  كۇنەس اۋدانىنداعى جالعاس جۇرەكتەر كوركەمونەر بالا باقشاسىنا بارساڭىز، تەڭىز - مۇحيتتىڭ سۋرەتى تۇسىرىلگەن ەدەن، قىزعىلتىم پەردە، باقاباقتىڭ سۋرەتى تۇسىرىلگەن قابىرعا سياقتىلاردىڭ بارلىعى ونىڭ دەن قويا جوبالانعانىن اڭعارتادى. بالاباقشاسىنىڭ قورعان داۋالىنا كەڭ كوسىلگەن جايلاۋدىڭ سۋرەتى تۇسىرىلگەن. بالا باقشانىڭ وقىتۋشىسى چىن يان: ەستۋگە قاراعاندا، مۇنى ياڭجوۋدان ارناۋلى سۋرەتشى شاقىرتىپ، شينجياڭنىڭ ەرەكشەلىگىنە ۇشتاستىرىپ سىزدىرىپتى، ەرەكشە كوركەم، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.