بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

بيڭتۋان مەن جەرگىلىكتى ورىننىڭ توعىسپالى دامۋىنا جول اشۋشى

2016.08.18 13:50     كەلۋ قاينارى : شينجياڭ گازەتى

  − بيڭتۋان 7 - ديۆيزياسىنىڭ بيڭتۋان مەن جەرگىلىكتى ورىنداردىڭ توعىسپالى دامۋىندا جاڭا جاعداي اشقانى تۋرالى جەلىلەس حابار (2)

  2002 - جىلى 18 - قىركۇيەكتە تيانبەي جاڭا رايونى قۇرىلىپ، بيڭتۋان مەن جەرگىلىكتى ورىنداردىڭ اكىمشىلىك ىستەرىن توعىستىرۋىنا جاڭا جول اشتى؛ 2016 - جىلى 28 - مامىردا ورقى 137 - پولك باسقارۋ كوميتەتى قۇرىلىپ، شينجياڭدا بيڭتۋان مەن جەرگىلىكتى ورىنداردى توعىسپالى دامىتۋ جونىندە رەفورما جاساۋ سىناق رايونى شاڭىراق كوتەردى. الدىڭعىسىن 7 - ديۆيزيا مەن كۇيتۇن قالاسى كەڭەسىپ قۇرعان بولسا، ال كەيىنگىسى 7 - ديۆيزيا مەن قارامايلى قالاسىنىڭ دامۋ بارىسىندا اۋقىمعا ىلەسىپ قالىپتاسقان.

  ماماندار مەن وقىمىستىلار تيانبەي جاڭا رايونى مەن ورقى 137 - پولك باسقارۋ كوميتەتىنىڭ قۇرىلۋىن «بيڭتۋان مەن جەرگىلىكتى ورىنداردى توعىسپالى دامىتۋداعى ءبىر جاڭا ۇلگى، سونداي - اق شينجياڭ بويىنشا بيڭتۋان مەن جەرگىلىكتى ورىنداردىڭ توعىسپالى دامۋىنداعى ماڭىزدى بۋىن» دەپ قارايدى.

  بيىل جىل باسىنان بەرى 7 - ديۆيزيا باتىلدىقپەن ويلاپ، باتىلدىقپەن ءىس تىندىرىپ، بيڭتۋان مەن جەرگىلىكتى ورىنداردىڭ توعىسپالى دامۋىنا جول اشتى.

  بيڭتۋان مەن جەرگىلىكتى ورىندار توعىسپالى دامىعاندا عانا، تەڭ يگىلىككە كەنەلە الادى

  بيڭتۋان مەن جەرگىلىكتى ورىنداردى توعىسپالى دامىتۋ، ۇلتتار ىنتىماعىن جەبەۋ − ورتالىقتىڭ جانە اۆتونوميالى رايوندىق پارتكومنىڭ ورنالاستىرۋى ءارى تالابى.

  2014 - جىلى ساۋىردە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەرگەندە: «بيڭتۋاننىڭ جالپىلىق كۇشىن سومداپ، ورنىقتىلىقتى ساقتاۋ، شەكارانى قورعاۋ قۋاتىن ارتتىرۋ، بيڭتۋان مەن جەرگىلىكتى ورىنداردى توعىسپالى دامىتۋ كەرەك» دەپ اتاپ كورسەتتى.

  2017 - جىلى شىلدەدە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسار جاڭ چۇنشيان ج ك پ بيڭتۋان 6 - كەزەكتى كوميتەتىنىڭ ون ءۇشىنشى جالپى (كەڭەيتىلگەن) ماجىلىسىندە بىلاي دەپ اتاپ كورسەتتى: «ورتالىقتىڭ بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتۋ جونىندەگى ورنالاستىرۋ - تالاپتارىن جاپپاي دايەكتىلەندىرىپ جانە تياناقتاندىرىپ، بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام، كادر، ورنىقتىلىقتى قورعاۋ، ت.ب سالاداعى توعىسۋىن ىشكەرىلەي ىلگەرىلەتىپ، توعىسپالى دامۋدىڭ جاڭا جاعدايىن قۇلشىنا اشۋ كەرەك».

  2016 - جىلى تامىزدا اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسار سۇن جينلۇڭ 7 - ديۆيزياعا بارىپ تەكسەرۋ - زەرتتەۋ جۇرگىزگەندە بىلاي دەپ اتاپ كورسەتتى: «بيڭتۋان مەن جەرگىلىكتى ورىندار ءبىر شاڭىراقتىڭ ادامى، بيڭتۋان مەن جەرگىلىكتى ورىنداردىڭ توعىسپالى دامۋى بيڭتۋان مەن جەرگىلىكتى ورىنداردىڭ باسىمدىلىقتارىن يكەمدى ۇشتاستىرۋدىڭ، بيڭتۋاننىڭ شينجياڭنىڭ ءبىر ءبولىمى ەكەندىگىنىڭ ماڭىزدى بەينەسى، بيڭتۋاننىڭ ەرەكشە رولىن ساۋلەلەندىرەتىن ماڭىزدى ارنا، شينجياڭنىڭ قوعام ورنىقتىلىعى مەن باياندى تىنىشتىعى سىندى جالپى نىسانانى جۇزەگە اسىرۋداعى قاجەتى».

  7 - ديۆيزيا مەن ونىڭ توڭىرەگىندەگى جاعراپيالىق ورتا تەك بيڭتۋان مەن جەرگىلىكتى ورىندار توعىسپالى دامىعاندا عانا، بىرگە دامۋىنا بولاتىندىعىن بەلگىلەگەن.

  7 - ديۆيزيانىڭ ديۆيزيا شتابى مەن كۇيتۇن قالاسى اۋىلى ارالاس، قويى قورالاس، قىزمەتتە ءبىر - بىرىمەن ەتەنە بايلانىسى بار، 123 - پولك پەن 125 - پولك شيحۋ قالاسىنىڭ قاراستىلىعىنداعى اۋماقتا، 137 - پولك پەن قارامايلى قالاسىنىڭ ورقى رايونىن تەك ءبىر كوشە ءبولىپ تۇرادى. ەگەر قالا جوبالاۋدا، كاسىپ سالاسىن جايعاستىرۋدا جانە نەگىزدىك قۇرىلعى قۇرىلىستارىندا جەر - جەر ءوز الدىنا اكىمشىلىك جۇرگىزسە، قارجى مەن بايلىقتىڭ ىسىراپ بولاتىنى تابيعي.

  كاسىپ قۇرىلىمى مەن بايلىقتىڭ ءبىرىن - ءبىرى تولىقتاۋى − بيڭتۋان مەن جەرگىلىكتى ورىندار تەك توعىسپالى دامىعاندا عانا دامۋدى، تەڭ يگىلىككە كەنەلۋدى ىسكە اسىراتىندىعىن بەلگىلەگەن.

  كۇيتۇن قالاسىنىڭ ورىن، قاتىناس، كاسىپ قۇرىلىمى سياقتى جاقتارداعى باسىمدىلىعى كورنەكتى، الايدا ۇزاق ۋاقىتتان بەرى «ءۇش جەر، ءتورت جاق» (كۇيتۇن قالاسى، شيحۋ قالاسى، مايتاۋ رايونى، 7 - ديۆيزيا) جاعراپيالىق تۇرعىدان تىعىز بايلانىسىپ، تۇزىلىستىك - مەحانيزمدىك كەدەرگىلەر ساقتالدى، جەردىڭ، بايلىقتىڭ، كاسىپ سالاسى جانە حالىق سانى جالپى مولشەرىنىڭ شەكتەۋىنە ۇشىراۋى سەبەپتى، قاۋىرت دامۋىنا تىرەك بولاتىن كۇش پەن زاتتىق شارت - جاعداي تاپشى بولدى.

  7 - ديۆيزيانىڭ اۋىل شارۋاشىلىعى جاعىنداعى باسىمدىلىعى زور، ونداعى ساپالى اۋىل شارۋاشىلىق ونىمدەرى توڭىرەكتەگى ۇلكەن بازارعا مۇقتاج، وسىزاماندانعان اۋىل شارۋاشىلىق كاسىبى سىرتقا شىعارۋدى، توڭىرەگىندەگى وڭىرلەرگە ىقپال جاساپ، ولارعا جەتەكشىلىك ەتىپ، كاسىپ كولەمىن كەيتىپ، اناعۇرلىم مول پايداعا قول جەتكىزۋدى تىعىز قاجەت ەتەدى. 7 - ديۆيزيا وزىندىك قۋاتىن نىعايتۋ ءۇشىن، ءسوز جوق، كاسىپ قۇرىلىمىن رەتتەۋى، 2 -، 3 - كاسىپتەردى پارمەندى دامىتۋى كەرەك.

  7 - ديۆيزيا پارتكومىنىڭ شۋجيى، ساياسي كوميسسارى جاۋ يپيڭ بىلاي دەدى: «ءۇش جەر، ءتورت جاق» ەكونوميكالىق دامۋدى جەدەلدەتۋ جولىنا ۇزبەي ىزدەنىس جاساپ، ەكونوميكانىڭ ءبىر تۇلعالانۋى ۇردىسىندە ىشكى جەرلەر مەن شينجياڭنىڭ ءوزارا پايدا جەتكىزىپ، ءبىر - بىرىنە تيىمدىلىك جاساۋىنا، قول ۇستاسىپ بىرگە العا باسۋىنا بولاتىنىن تانىپ جەتتى. ەندەشە، ءبىر وڭىردە ورتاق بايلىق پەن بازارعا، ورتاق نىسانا مەن مىندەتكە يە 7 - ديۆيزيا مەن جەرگىلىكتى ورىندار ءتىپتى دە توعىسپالى دامىپ، سەلبەسىپ، پايداعا بىرگە كەنەلۋى كەرەك.

  مۇددە تارتىسىن ءوزارا مۇددەلەستىككە اينالدىرۋ، يدەيا جاعىنداعى توعىسۋدان ەكونوميكالىق توعىسۋعا ءوتۋ

  بۇرىن بيڭتۋان مەن جەرگىلىكتى ورىنداردىڭ نەگىزگى قايشىلىعى سۋ، جەر، جايلىم تالاسىنان تۋىنداعان بولاتىن. وسى بايلىقتار بيڭتۋان مەن جەرگىلىكتى ورىندارداعى بۇقارا جونىنەن جان تامىر سانالاتىن.

  قايتكەندە مۇددە تارتىسىن ءوزارا مۇددەلەستىككە اينالدىرۋعا بولادى ماسەلەسى − «ءۇش جەر، ءتورت جاق» باسشىلارىنىڭ كوز اياسىن، اقىل - پاراساتىن جانە باتىلدىعىن سىنادى.

  قارامايلى قالالىق پارتكومنىڭ شۋجيى، قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى چىن شينفا: بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋدە اشىق ويلى، كەڭ پەيىل، باۋىرمال بولۋداي كوڭىل كۇيمەن دامۋعا ۇمتىلۋ كەرەك. ەكى جاق توعىسپالى دامىعاندا عانا، ورتاق دامۋدى جۇزەگە اسىرۋعا، بىرگە يگىلىككە كەنەلۋگە بولادى. «ەگەر ماڭىنداعىلاردىڭ بارلىعى كەدەي بولسا اۋقاتتانىپ قايدا بارا الاسىڭ، ماڭىنداعىلاردىڭ بارلىعى باي بولسا كەدەيلەسىپ قايدا بارا الاسىڭ! » دەگەندى ۇنەمى ايتاتىنمىن، - دەدى.

  قازىر قارامايلى قالاسىنىڭ ورقى رايونى مەن 7 - ديۆيزيا جەرگىلىكتى ورىنداعى سايتان كەرىشتەگى ياردان جەر بەدەرى بايلىعى مەن 7 - ديۆيزيانىڭ اۋىزشى جايلاۋى ساياحات كورىنىس رايونىن ءوزارا ۇشتاستىرىپ، كورىنىسى كوركەم ءارى قويۋ سالت - ساناعا يە كوپ بەدەرلى بىرەگەي ساياحات جەلىسىن اشۋ ءىسىن اقىلداسۋدا.

  جاۋ يپيڭ بىلاي دەدى: 7 - ديۆيزياعا قاراستى پولك - الاڭدار جەرگىلىكتى ورىندارمەن توعىسپالى دامىماي، ءوز الدىنا دامۋعا عانا سۇيەنەتىن بولسا، دامۋى توتەنشە قيىنعا سوعادى. بيڭتۋان مەن جەرگىلىكتى ورىندار توعىسپالى دامىعاندا عانا، زور ونىمدىلىككە قول جەتكىزۋگە، بۇقارانى بارىنشا يگىلىككە كەنەلتۋگە بولادى.

  بيىل 7 - ديۆيزيا شيحۋ اۋىل شارۋاشىلىق - ساۋدا بانكەسىنە جارنا قوستى. شيحۋ قالاسى شيحۋ اۋىل شارۋاشىلىق - ساۋدا بانكەسىن 7 - ديۆيزياعا قاراستى پولك - الاڭداردا قارىز اقشا تاراتۋعا، امانات اقشا قويۋعا تارتۋعا ىنتالاندىردى. ءوڭىردى تياناق ەتۋ، بازاردان بىرگە يگىلىكتەنۋ ءۇشىن، شيحۋ قالاسىنىڭ بايانعۋ كومىر كەنى 7 - ديۆيزيانىڭ ەڭ ءىرى كاسىپورنى − جينجياڭ حيميا ونەركاسىپ شەكتى سەرىكتەستىگىن كومىرمەن قامدادى.

  ىلە قازاق اۆتونوميالى وبلىستىق پارتكومنىڭ تۇراقتى مۇشەسى، كۇيتۇن قالالىق پارتكومنىڭ شۋجيى جيا يشىڭ: بيڭتۋان مەن جەرگىلىكتى ورىنداردىڭ توعىسپالى دامۋىنىڭ «بالكۇلشەسىن» بابىنا كەلتىرگەندە عانا، ءار جاق ءتىپتى دە كوپ پايداعا، بۇقارا ءتىپتى دە كوپ يگىلىككە كەنەلە الادى، - دەدى.

  باسىمدىلىققا يە بايلىقتان تەڭ يگىلىكتەنىپ، قيىن تۇيىندەر ءوز - وزىنەن شەشىلدى

  7 - ديۆيزيانىڭ بيڭتۋان مەن جەرگىلىكتى ورىنداردىڭ توعىسپالى دامۋىن ىلگەرىلەتۋى جونىندە تىلشىلىك ىستەۋ بارىسىندا، «ۇساق ەسەپ جاساسپاي، ۇلكەن ءىس تىندىرۋ كەرەك» دەگەن ءسوزدى ۇنەمى ەستيمىز.

  بۇرىن كۇيتۇن قالاسى ساۋداگەر شاقىرىپ، قارجى ەنگىزگەندە ساۋداگەرلەرگە رايون ورنى، ساياسات، قارجى، تەحنيكا سياقتى باسىمدىلىقتاردى عانا ايتاتىن دا، سۋ، توك دەگەندەردى اۋىزعا الۋعا باتىنا المايتىن. ويتكەنى كۇيتۇن قالاسى سۋدى 7 - ديۆيزيادان الاتىن، 7 - ديۆيزيا ەلەكترمەن قامدايتىن ەدى.

  جاۋ يپيڭ: «ەكى جاقتىڭ بىرىككەن ماجىلىسىندە 7 - ديۆيزيا پارتكومى كۇيتۇن قالاسىنا ساۋداگەر شاقىرىپ، قارجى ەنگىزۋدە 7 - ديۆيزيانىڭ باسىمدىلىققا يە بايلىعى كۇيتۇن قالاسىنىڭ دا باسىمدىلىققا يە بايلىعى ەكەنىن ايتتى»، - دەدى.

  جيا يشىڭ بىلاي دەدى: ساۋداگەر شاقىرىپ، قارجى باۋراۋدا كۇيتۇن قالاسىنىڭ باسىمدىلىققا يە بايلىعى سايىپ كەلگەندە، 7 - ديۆيزيا بولىپ وتىر، - دەدى.

  بيڭتۋان مەن جەرگىلىكتى ورىننىڭ توعىسۋى ارقىلى ەكى جەر ساۋداگەر شاقىرىپ، قارجى باۋراۋدا باسىمدىلىققا يە بايلىقتان ورتاق يگىلىكتەندى، بۇرىنعى جىلدارداعى كوپتەگەن قيىن تۇيىندەر ءوز - وزىنەن شەشىلە باستاپ، 2 < 1 + 1 شىنايى ىسكە استى.

  كۇيتۇن قالاسى باسىمدىلىققا يە بايلىقتاردى يگىلىككە جاراتۋ بارىسىندا قىرۋار مولشەردەگى سۋ بايلىعىنا مۇقتاج بولدى. ايتسە دە كۇيتۇن وزەنى اعارىنداعى سۋ بايلىعىنىڭ جالپى شاماسى شامالى ەدى، ەندەشە، جاڭادان ۇستەمەلەنگەن ونەركاسىپكە پايدالاناتىن سۋدى قايدان اكەلۋگە بولادى؟ وسىعان بايلانىستى، 7 - ديۆيزيا «100 مىڭ مۋ جەرگە ماقتانى از ەكسەك تە، كۇيتۇن قالاسىنىڭ ونەركاسىپكە پايدالانىلاتىن سۋىن قامتاماسىز ەتۋىمىز كەرەك» دەگەن كوزقاراستى العا قويدى.

  2016 - جىلى 7 - ديۆيزياسى كۇيتۇن قالاسىمەن «سۋ بايلىعىن پايدالانۋ كەلىسىمىنە» قول قويىستى. كۇيتۇن قالاسىنىڭ سۋدان پايدالانۋ قاجەتىنە ساي، ءار جىلى ءوزىنىڭ كۇيتۇن وزەنىنەن يلگىلىكتەنەتىن ۇلەسىنەن 30 ميلليون تەكشەمەتر سۋدى كۇيتۇن قالاسىنا پايدالانۋعا بەرەتىن بولدى.

  7 - ديۆيزيانىڭ حۋياڭحى قالاسى قۇرىلاتىن كەزدە قارامايلى قالاسى 401 شارشى كيلومەتر اۋماقتاعى اكىمشىلىك رايوندى رەتتەپ، 7 - ديۆيزيانىڭ حۋياڭحى قالاسىنىڭ اكىمشىلىك اۋماعىنا وتكىزدى؛ شيحۋ قالاسى 14.92شارشى كيلومەتر اۋماقتاعى اكىمشىلىك رايوندى رەتتەپ، حۋياڭحى قالاسىنىڭ اكىمشىلىك اۋماعىنا وتكىزدى؛ «كۇيتۇن قالالىق ۇكىمەت پەن بيڭتۋان 7 - ديۆيزياسىنىڭ قۇرىلۋ الدىنداعى حۋاڭعى قالاسىنىڭ اكىمشىلىك رايوندارىن رەتتەۋ جونىندەگى كەلىسىمگە» ساي، 7 - ديۆيزيا 63 شارشى كيلومەتر اۋماقتاعى اكىمشىلىك رايوندى رەتتەپ، كۇيتۇن قالاسىنا وتكىزىپ، كۇيتۇن قالاسىنىڭ ونەركاسىپ جانە زات اينالىمى كاسىبىن دامىتاتىن جەر ماسەلەسىن شەشتى، كۇيتۇن قالاسى اكىمشىلىك قاراستىلىعىنداعى 261.4 شارشى كيلومەتر اۋماقتاعى اكىمشىلىك رايوندى رەتتەپ، 7 - ديۆيزيانىڭ قۇرىلۋ الدىنداعى حۋياڭحى قالاسىنىڭ اكىمشىلىك اۋماعىنا وتكىزدى، وسى ارقىلى حۋياڭحى قالاسىنىڭ ونەركاسىپ باقشا رايونى جانە قالا قۇرىلاتىن جەر ماسەلەسىن شەشتى.

  جاۋ يپيڭ بىلاي دەدى: بۇرىنعى كەزدە بيڭتۋان مەن جەرگىلىكتى ورىننىڭ توعىسۋى ءسوز بولا قالسا، ماعان قانشالىقتى پايدا كەلەدى دەگەندى الدىمەن ويلاساتىنبىز، ال قازىر مەن ساعان مۇمكىندىگىنشە قانشالىق پايدا جەتكىزە الامىن دەگەندى ويلاساتىن بولدىق، ماسەلەگە قارسى جاعىمىزدىڭ ورنىندا تۇرىپ وي جۇگىرتىپ، قاشاندا قارسى جاعىمىزدىڭ جاعدايىن ويلايمىز.

  «ورقى رايونىنىڭ جالپى جوباسىن (2011 - 2020)» جوبالاعاندا، بيڭتۋان، جەرگىلىكتى ورىن، مۇناي الابى سىندى 3 جاق «كىمنىڭ جەرى دەمەيىك، جوبانى ماماندار جاساسىن» دەگەن ورتاق تانىمعا كەلدى. «جالپى جوبا» شينجياڭ مۇناي الابىن، 137 - پولك جانە جەرگىلىكتى ۇكىمەتتى بايلىق، نەگىزدىك قۇرىلعى جونىنەن ءونىمدى رەتتەپ، بولىسكە سالاتىن بوگەتتى تالقانداپ، بايلىقتى ءونىمدى ورنالاستىرۋدى ىسكە اسىردى. «جوباعا» ساي، بيڭتۋان، جەرگىلىكتى ورىن، مۇناي الابىن قامتىعان 3 ورىن سۋ تازارتۋ زاۆودى، لاس سۋ زاۆودى، تابيعي گاز جۇيەسىنەن ورتاق يگىلىكتەندى.

  «ەگەر دە جۇرتتىڭ ءبارى دە ۇساق ەسەپكە بوي ۇرسا، 3 جەر ءوز الدىنا تابيعي گاز جۇيەسىن سالسا، قارجىنى قايتالاي سالۋدى ايتپاعاندا، ەشكىم دە پايدا المايدى، قازىر <جالپى جوبا> بويىنشا ءىس اتقارامىز، قارجى سالۋ مولشەرى ازايىپ، اينالىمنىڭ وزىندىك قۇنى تومەندەدى، كاسىپورىن كولەمدەنسە، قىزمەت كورسەتۋ جاقسارادى، مۇنىڭ پايداسىن بۇقارا كورەتىن بولادى»، - دەيدى قارامايلى قالاسى ورقى رايوندىق پارتكوم شۋجيى، حالىق قۇرىلتايى تۇراقتى كوميتەتىنىڭ مەڭگەرۋشىسى، ورقى رايونى بيڭتۋان مەن جەرگىلىكتى رايوندى توعىستىرۋ، رەفورمالاۋ سىناق رايونى باسقارۋ كوميتەتىنىڭ مەڭگەرۋشىسى ۋي تيانفىڭ.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.