- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۇيىسپەنشىلىك پەن تەبىرەنىسكە تولى حال سۇراۋ كونسەرتى
2016.08.22 13:25 كەلۋ قاينارى : شينجياڭ گازەتى
اۆتونوميالى رايوندىق پارتكوم ۇگىت ءبولىمىنىڭ گۇما اۋدانى چودا اۋىلىنىڭ باشلاقبينام قىستاعىندا تۇراتىن قىزمەت گرۋپپاسىنىڭ بەلسەنە سايكەستىرۋىندە، شينجياڭ كوركەمونەر تەاترحاناسىنىڭ وپەرا ۇيىرمەسىندەگى 25 ادام 14 - تامىزدان 16 - تامىزعا دەيىن گۇما اۋدانىنىڭ چودا اۋىلىندا، مۇجى قالاشىعىندا، موكويلا اۋىلىندا، كوكتەرەك اۋىلىندا 9 رەت «4 ءبىر ينجەنەرياسى»، ۇلتتار ىنتىماعى، مادەنيەت ارقىلى حالىققا تيىمدىلىك جاساۋ كونسەرتىن قويدى، كونسەرتتى 14 مىڭنان استام نەگىزگى ساتى كادر - جۇرتشىلىعى قىزىعا تاماشالادى.
چودا اۋىلىنىڭ باشلاقبينام قىستاعىندا كونسەرت قويعاندا قىستاق تۇرعىنى، 83 جاستاعى ابىلا ءوزى تابىناتىن كوركەمونەرشى وشۇر قاليدى كورگەندە قاتتى اسەرلەندى. اۋەلى، ساحناعا اتىپ شىعىپ وشۇر قاليمەن بىرگە حالىق ءانىن اۋەلەتە شىرقادى. ونەرپازدار ءوز جاعدايلارىنا قاراي قارياعا 50دە 100 يۋاننان جىلۋ اتاعاندا، بۇكىل ويىن قويۋ قيمىلى ورلەۋگە كوتەرىلدى. اۆتونوميالى رايوننىڭ ۇشقارىلىقتى الاستاۋ اتىنداعى تەلە كومەديا جارىسىنىڭ التىن سيلىعىن قانجىعالاعان «اكە، مەن وقۋعا بارامىن» اتتى كومەديا چودا اۋىلدىق ۇكىمەتتىڭ الدىنداعى الاڭدا قويىلدى، بۇل كومەديا ەگىنشى وتاعاسىلارىن ءدىني ۇشقارىلىقتان اۋلاق بولىپ، بالالارىن مەكتەپ قۇشاعىنا قايتا ورالتقانىن باستى تاقىرىپ ەتكەن. كومەديا قويىلىپ جاتقاندا، اۋىلدىق ۇكىمەتتىڭ قارسىسىنداعى جايمادا قاۋىن ساتاتىن قاۋىنشى مامۇت قادىر قاريا ساحناعا شىعىپ، كوزىنە ىستىق جاس الىپ تۇرىپ 100 يۋان اقشانى كىشكەنتاي قىز بالانىڭ رولىنا شىققان امينا ابىلەزدىڭ قولىنا ۇستاتتى. بۇل جاعداي سول جەردەگى بارلىق ادامدى قاتتى اسەرلەندىردى. مامۇت قادىر قاريا اسەرلى بەينەدە: ءبىزدىڭ مۇنداعى جۇرت بۇرىن قاتتى كەدەي ەدى، كوپتەگەن بالالار مەكتەپ بەتىن كورمەيتىن، ەرتە ۇيلەنىپ، تىرشىلىكتىڭ كۇيبەڭىنەن اسا المايتىن. ال قازىر مۇنداي بالالاردى ەندىگارى وقۋدان قالدىرۋعا استە بولمايدى، مىنا اقشانى بالاقاي ءوزى السىن، وزگەلەر تيمەڭدەر! ايتپەسە، مەن وكپەلەپ قالامىن! - دەدى. ءاسىلى، كومەديانىڭ قىزىعىنا ابدەن بەرىلگەن قاريا ساحناداعى ارتيستى رەال ومىردەگى وقۋسىز قالعان بالاعا ۇقساتىپ تۇرىپتى!
مۇجى قالاشىعىنداعى ويىن نومىرلەرى اياقتاعاننان كەيىن 100دەن استام اۋىلداس ساحناعا لاپ قويىپ، ارتيستەردى اراعا الدى. قول تەلەفوندارىن جان دارمەن الىپ شىعىپ، سۇيىكتى ونەرپازدارىمەن ەستەلىك سۋرەتكە ءتۇستى، سونىمەن ارتيستەر مۇندا نەداۋىر ايالداپ قالدى. ارتيستەر وتىرعان اۆتوبۋز ورنىنان قوزعالا بەرگەندە ءبىر اقسامايلى انا ەسىكتى قاعىپ، ولاردى ۇيىنە قوناققا شاقىردى. ءبىراق، كوپشىلىك انانىڭ ۇسىنىسىن سىپايىلىقپەن تويتارعاننان كەيىن، ول كىسى ونەرپاز گۇزالنۇر مەن جاميلانىڭ قولىن ۇستاپ تۇرىپ: بۇگىن بۇرىن تەك تەلەۆيزوردا عانا كورە الاتىن تانىمال ونەرپازدارمەن ديدارلاسقانىما قاتتى اسەرلەنىپ تۇرمىن. سەندەردىڭ ويىن نومىرلەرىڭ وتە تاماشا ەكەن. پارتيا مەن ۇكىمەتكە، وزدەرىڭدەي ونەرپازدارعا مىڭ العىس! سەندەردىڭ ويىن نومىرلەرىڭ ۇلتتار ىنتىماعىن نىعايتۋدا، «ۇشقارىلىقتى الاستاۋدا» جانە قوعام ورنىقتىلىعى جاعىندا بىزگە تەرەڭ تاربيە بەردى. وزدەرىڭە تاعى دا مىڭ - مىڭ راقىمەت، تاعى دا كەلىپ تۇرۋلارىڭدى ءۇمىت ەتەمىن، - دەدى. اق ەدىل انانىڭ ىستىق ىقىلاستى سوزدەرى، العىستى كوڭىل كۇيى ارتيستەردى ەرەكشە شابىتتاندىردى.
وسى 3 كۇندە شينجياڭ كوركەمونەر تەاترحاناسىنىڭ وپەرا ۇيىرمەسىنىڭ قۇرامىنداعىلار ءاربىر قىستاققا ات باسىن تىرەگەن سايىن، مىنە وسىنداي اسەرلى حيكاياتتارعا كۋا بولىپ وتىردى. نەگىزگى ساتىداعى قاراپايىم، مومىن جۇرتشىلىقتىڭ قالتقىسىز سۇيىسپەنشىلىگى جانە پارتيا مەن ۇكىمەتكە دەگەن العىسى، شىنىندا دا، ادامدى قاتتى تەبىرەنتەدى ەكەن؛ ونەرپازداردىڭ ارىپ - شارشاعاندارىنا قارامايتىن، قالتقىسىز ۇلەس قوسۋ رۋحى جانە كەرەمەتتەي ونەرى، وتە - موتە، بۇقاراعا، اتا مەكەنگە دەگەن ىستىق ىقىلاسى ەرەكشە اسەرلى بولدى.
بۇل جولعى كونسەرت ارقىلى حال سۇراۋ قىزمەتىن تىڭعىلىقتى جاقسى ىستەۋ ءۇشىن، شينجياڭ كوركەمونەر تەاترحاناسىنىڭ وپەرا ۇيىرمەسى «ۇلتتار ىنتىماعى، العاباسارلىعى جىلى» قيمىلىنىڭ تالابىمەن ۇشتاستىرىپ، «ۇشقارىلىقتى الاستاۋ» ۇگىت تاربيەسى سياقتىلاردى باستى تاقىرىپ ەتىپ، نەگىزگى ساتى جۇرتشىلىعىنىڭ كوڭىل قالاۋىنان شىعاتىن ءان - ءبي، كومەديا نومىرلەرىن مۇقيات دايىندادى ءارى گۇزالنۇر قۇربان، جاميلا مامۇت، وشۇر قالي، يۇكسەك شجايەتقان، گۇلنار نۇر سياقتى نەگىزگى ساتى جۇرتشىلىعى جاقتىراتىن تانىمال ونەرپازداردى ويىن كورسەتۋگە ۇيىمداستىردى. ارالاپ ويىن قويۋ بارىسىندا، شينجياڭ كوركەمونەر تەاترحاناسىنىڭ وپەرا ۇيىرمەسىندەگى بارلىق ونەرپازدار جوعارى تەمپەراتۋرا، قۇمدى بوران، جاۋىن - شاشىن سياقتى اۋا رايىنا قاراماي، ىستىق ىقىلاسىمەن نەگىزگى ساتى كادر - جۇرتشىلىعىن ارالادى. ءار كۇنى اۋىل - قىستاقتاردا 3 مايدان ويىن قويىپ سابىلىپ جۇرسە دە، بىردە - بىرەۋى شارشاپ - شالدىقتىق دەمەدى. ساحناعا شىققان سايىن ەڭ تاماشا رۋحاني كۇيمەن ونەر كورسەتۋگە كىرىستى.
ۇعىسۋعا قاراعاندا، شينجياڭ كوركەمونەر تەاترحاناسىنىڭ وپەرا ۇيىرمەسى بۇل جولعى «4 ءبىر ينجەنەرياسى»، ۇلتتار ىنتىماعى، مادەنيەت ارقىلى حالىققا تيىمدىلىك جاساۋ ماقساتىنداعى كونسەرتتى قويۋ ءۇشىن 1 - تامىزدا ۇرىمجىدەن اتتانىپ، قاشقاردىڭ قاشقار كونە ءشار اۋدانىندا، قاشقار جاڭا ءشار اۋدانىندا، ياركەن اۋدانىندا 27 مايدان كونسەرت قويعان؛ گۇما اۋدانىنداعى حال سۇراۋ ماقساتىمەن كونسەرت قويۋ مىندەتىن ورىنداعاننان كەيىن، ۇيىرمە قاراقاش اۋدانى مەن لوپ اۋداندارىندا كونسەرت قويادى، سوندا جيىنى 54 مايدان حال سۇراۋ كونسەرتىن قويادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
