- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى جارتى جىلدا اۆتونوميالى رايونىمىزدىڭ ەكونوميكاسى تۇلعالىق جاقتان ورنىقتى بولدى، ورنىقتىلىق بارىسىندا جاقسارۋعا بەت الدى
2016.08.22 13:26 كەلۋ قاينارى : شينجياڭ گازەتى
بيىل جىل باسىنان بەرى اۆتونوميالى رايوندىق پارتكوم ەكونوميكالىق قىزمەتكە باسشىلىقتى كۇشەيتىپ، قامداۋ جاعىنداعى قۇرىلىمدىق رەفورمانى كۇشەيتۋدى قىزمەتتىڭ ءتۇيىنى ەتتى، سونىمەن ەكونوميكالىق اينالىمداعى ءتيىمدى فاكتورلار مەن بەلسەندى وزگەرىستەر بىرتىندەپ كوبەيدى، اۆتونوميالى رايونىمىزدىڭ حالىق شارۋاشىلىعى تۇلعالىق جاقتان ورنىقتى بولدى، ورنىقتىلىق بارىسىندا جاقسارۋعا بەت الدى.
14 - تامىزدا اشىلعان اۆتونوميالى رايوننىڭ ەكونوميكالىق قىزمەت جونىندەگى اڭگىمە ماجىلىسىندە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي شينجياڭنىڭ الدىڭعى جارتى جىلداعى ەكونوميكالىق اينالىم جاعدايىن تانىستىرعان كەزدە بىلاي دەدى: تۇلعالىق جاقتان ورنىقتى بولدى. باستىسى، وڭىرلىك ءوندىرىستىڭ جالپى ءونىم قۇنىنىڭ ارتۋ قارقىنى، قالا مەن اۋىل تۇرعىندارىنىڭ كىرىسى سياقتى ەكونوميكالىق كورسەتكىشتەر ورنىقتى ارتتى. ورنىقتىلىق بارىسىندا جاقسارۋعا بەت الدى، بۇل مىناداي 3 جاقتا بەينەلەندى − ونەركاسىپ، تۇراقتى مۇلىككە قارجى قوسۋ، سىرتقى ساۋدا، قازىنالىق كىرىس سياقتى ەكونوميكالىق كورسەتكىشتەر 1 - توقسانعا قاراعاندا كورنەكتى جاقسارىپ، مەجەدەگىدەن جاقسى بولدى؛ شارۋاشىلىق قۇرىلىمى، قارجى قوسۋ قۇرىلىمى تىنباي كەمەلدەنىپ، قۇرىلىمدى رەتتەۋدە ونىمدىلىككە قول جەتتى؛ كاسىپورىنداردىڭ وزىندىك قۇندى تومەندەتۋى، قورا - جاي بازارىنداعى قامبادا باسىلىپ قالۋدى ازايتۋ ونىمدىلىگى ايقىن بولدى.
تانىستىرۋعا قاراعاندا، الدىڭعى جارتى جىلدا شينجياڭنىڭ وڭىرلىك ءوندىرىس جالپى ءونىم قۇنى 381 ميلليارد 998 ميلليون يۋانعا جەتىپ، %8 ارتىپ، ارتۋ قارقىنى بۇكىل ەلدەن %1.3، 1 - توقساننان %1.1 جوعارى بولىپ، ەكونوميكانىڭ ءوسۋ بەتالىسى كورنەكتى بولعان. مۇنان سىرت، الدىڭعى جارتى جىلدا اۆتونوميالى رايونىمىزدىڭ ەكونوميكالىق اينالىمىندا كوپتەگەن ەرەكشەلىكتەر ايگىلەندى، ايتالىق، ونەركاسىپ ءوندىرىسىنىڭ ارتۋى جاقسارىپ، قۇرىلىمى تىنباي ساپالىلانعان؛ اۋىل شارۋاشىلىعى ءوندىرىسىنىڭ بەتالىسى جاقسى بولىپ، ەگىن، ورمان، مال، بالىق شارۋاشىلىقتارىنىڭ جالپى ءونىم قۇنى 67 ميلليارد 560 ميلليون يۋانعا جەتىپ، وتكەن جىلعى وسى تۇستاعىدان %5.8 ارتقان؛ تۇراقتى مۇلىككە قوسىلعان قارجى ورنىقتى ارتىپ، 363 ميلليارد 548 ميلليون يۋانعا جەتىپ، %7.4 ارتىپ، ءۇرتىس 4 اي از مولشەردە ارتقان؛ يمپورت - ەكسپورت جالپى سوماسى 7 ميلليارد 325 ميلليون دوللارعا جەتىپ، وتكەن جىلعى وسى تۇستاعىدان %9.3 ارتىپ، ارتۋ قارقىنى بۇكىل ەلدەن %12 جوعارى بولىپ، بۇكىل ەل بويىنشا 2 - ورىندى يەلەگەن.
سونىمەن بىرگە، الدىڭعى جارتى جىلدا اۆتونوميالى رايونىمىزدىڭ تۇتىنۋ بازارى ورنىقتىلىق بارىسىندا كوركەيۋگە بەت الىپ، قازىنا - سالىق كىرىسى مەجەدەگىدەن جاقسى بولىپ، فينانس، امانات - قارىزدىڭ اينالىمى ۇزبەي جاقسارىپ، ەلەكتر تاراتۋ، ەلەكتردەن پايدالانۋ مولشەرى ورنىقتى ارتتى، زات تاسىمال مولشەرى مولايدى، ساياحات بازارى ۇزبەي كوركەيدى، قالا مەن اۋىل تۇرعىندارىنىڭ كىرىسى ورنىقتى ارتتى، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى ازايتۋ، وزىندىك قۇندى تومەندەتۋ سياقتى قۇرىلىمدىق رەفورما شارالارىنىڭ ونىمدىلىگى كورنەكتى بولىپ، كاسىپتەنۋ جاعدايى ورنىقتىلىقتى ساقتادى. مىنە بۇلار بيىل اۆتونوميالى رايون بەلگىلەپ اتقارعان ورنىقتى ارتتىرۋعا قاتىستى 15 جاقتاعى 60 شارانىڭ ناقتى ونىمدىلىككە قول جەتكىزگەنىن، بۇكىل رايوننىڭ ەكونوميكالىق اينالىمىنىڭ ورنىقتىلىق بارىسىندا جاقسارۋعا بەت العانىن اڭعارتادى.
جەرگىلىكتى ورىننان قاراعاندا، الدىڭعى جارتى جىلدا بۇكىل شينجياڭداعى ايماق، وبلىس، قالالاردىڭ ەكونوميكالىق اينالىمىندا دا بەلسەندى وزگەرىستەر بولعان. ايماق، وبلىس، قالالاردىڭ تەڭ جارتىسىنا جۋىعىنىڭ ءوندىرىس جالپى ءونىم قۇنى 2 ورىندى سانمەن ارتىپ، قاشقار ايماعىنىڭ ءوندىرىس جالپى ءونىم قۇنى %12.9، قۇمىل قالاسىنىڭ ءوندىرىس جالپى ءونىم قۇنى %11.9، قارامايلى قالاسىنىڭ ءوندىرىس جالپى ءونىم قۇنى %11.2، اقسۋ ايماعىنىڭ ءوندىرىس جالپى ءونىم قۇنى %11.1، حوتان ايماعىنىڭ ءوندىرىس جالپى ءونىم قۇنى %10.9، بۇراتالا موڭعۇل اۆتونوميالى وبلىسىنىڭ ءوندىرىس جالپى ءونىم قۇنى %10.4 ارتقان. ايماق، وبلىس، قالالاردىڭ تەڭ جارتىسىنا جۋىعىنىڭ تۇراقتى مۇلىككە قوسىلعان قارجىسىنىڭ ارتۋ قارقىنى 2 ورىندى ساننان اسقان، حوتان ايماعىنىڭ، اقسۋ ايماعىنىڭ، بۇراتالا موڭعۇل اۆتونوميالى وبلىسىنىڭ ارتۋ قارقىنى %20تەن، قارامايلى قالاسىنىڭ، تارباعاتاي ايماعىنىڭ، تۇرپان قالاسىنىڭ، قىزىلسۋ قىرعىز اۆتونوميالى وبلىسىنىڭ ارتۋ قارقىنى %10تەن اسىپ تۇسكەن. ءبىر ءبولىم ايماق، وبلىس، قالالاردىڭ شارۋاشىلىق قۇرىلىمى تىنباي ساپالىلانىپ، ەكونوميكانىڭ ارتۋ ساپاسى ۇزبەي جوعارىلاعان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
