- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى جارتى جىلدا اۆتونوميالى رايونىمىزدىڭ ەكونوميكاسى تۇلعالىق جاقتان ورنىقتى بولدى، ورنىقتىلىق بارىسىندا جاقسارۋعا بەت الدى
2016.08.22 13:28 كەلۋ قاينارى : شينجياڭ گازەتى
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 18 - تامىز كۇنى جۇندۇڭ ەكونوميكالىق - تەحنيكالىق اشۋ رايونىندا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: ورتالىق پەن اۆتونوميالى رايوندىق پارتكومنىڭ قاتىستى شەشىم - ورنالاستىرۋىن ىلگەرىلەي دايەكتىلەندىرىپ جانە تياناقتاندىرىپ، جاڭاشا ونەركاسىپتەنۋدى ءبىرىنشى قوزعاۋشى كۇش ەتىپ، نىسان قۇرىلىستارىن كۇشەيتىپ، ەكونوميكالىق قۋاتتى ۇلعايتىپ، سوڭعى جارتى جىلداعى ەكونوميكالىق قىزمەتتى شىنايى جاقسى ىستەپ، بايلىق باسىمدىلىعىن جەدەل تۇردە ەكونوميكالىق باسىمدىلىققا اينالدىرىپ، وڭىرلىك ەكونوميكانىڭ جىلدام، اقاۋسىز دامۋىن ىلگەرىلەتۋ كەرەك.
شوكىرات زاكىر مەن ساپارلاستارى قۇرىلىس ورىندارى مەن وندىرىستىك سەحتاردى ارالاپ، جۇندۇڭ ەكونوميكالىق - تەحنيكالىق اشۋ رايونىنىڭ نەگىزدىك قۇرىلعىلار قۇرىلىسىن، كاسىپورىن نىساندارىنىڭ اياق الىسىن جانە ءوندىرىس - شارۋاشىلىق جاعدايىن جۇمىس باسىندا ۇعىستى ءارى كاسىپورىن كادرلارى مەن جۇمىسشى - قىزمەتكەرلەرىنەن حال سۇرادى.
جۇندۇڭ ەكونوميكالىق - تەحنيكالىق اشۋ رايونى − جۇندۇڭ كومىر الابىنىڭ جوباسى نەگىزىندە سالىنعان، كومىر - ەلەكتر - حيميا ونەركاسىبى بويىنشا مەملەكەتتىك كولەمدى ۇلگى كورسەتۋ رايونى، مەملەكەتتىك 14 - كومىر بازاسىنىڭ (شينجياڭ) ماڭىزدى قۇرامداس بولىگى. جاقىنعى بىرنەشە جىلداعى دامۋ ارقىلى قازىرگە دەيىن 183 كاسىپورىن وسىندا ىرگە كومىپ، ونەركاسىپ پەن نەگىزدىك قۇرىلعىلارعا سالىنعان قارجىنىڭ مولشەرى ۇزبەي كوبەيىپ، ونەركاسىپ ەكونوميكاسىنىڭ ناقتى قۋاتى ايتارلىقتاي نىعايدى. زاماناۋي تەحنولوگيالارمەن جابدىقتالعان ءبىر توپ ەلەۋلى ونەركاسىپ نىسانى اتقارىلىپ، سيكىلدىك ەكونوميكا مەن تازا ءوندىرىس دامىتىلدى، بۇل وندىرىستىك سالالاردىڭ جاڭالانۋى مەن جاڭعىرۋىن جەدەلدەتىپ، تاماشا ەكونوميكالىق جانە ەكولوگيالىق تيىمدىلىككە قول جەتكىزدى، قازىر جاڭاشا ونەركاسىپتەنۋدىڭ بوگەنايىنا ۇيلەسەتىن زاماناۋي ونەركاسىپ جۇيەسى بىرتىندەپ قالىپتاسىپ كەلەدى. تاس جول، تەمىر جول، سۋ قۇبىرى، ەلەكتر جۇيەسى سياقتى تىرەكتى نەگىزدىك قۇرىلعىلار مەن اسقىن كەرنەۋلى ەلەكتر جەتكىزۋ ينجەنەرياسىنىڭ قادامى جيىلەپ، اشۋ رايونىنىڭ كوتەرىم قابىلەتى ۇزدىكسىز كوتەرىلدى.
تۇستەن كەيىن شوكىرات زاكىر اۆتونوميالى رايوننىڭ، سانجى حۇيزۋ اۆتونوميالى وبلىسىنىڭ قاتىستى تاراۋلارىنداعى، جۇندۇڭ ەكونوميكالىق - تەحنيكالىق اشۋ رايونىنداعى جاۋاپتى جولداستارمەن اڭگىمە وتكىزىپ، سانجى وبلىسىنىڭ، جۇندۇڭ ەكونوميكالىق - تەحنيكالىق اشۋ رايونىنىڭ جۇمىس ەسەبىن تىڭداپ، جۇندۇڭ ەكونوميكالىق - تەحنيكالىق اشۋ رايونىنىڭ قۇرىلىسىن جەدەلدەتۋ جونىندە ءار جاقتان ۇسىنىس - پىكىر الدى.
شوكىرات زاكىر بىلاي دەدى: سانجى وبلىسىنىڭ وتكەن بىرنەشە جىلداعى دامۋ قادامى ەرەكشە تەز، شينجياڭ ەكونوميكاسىنداعى ۇلەسى ۇزدىكسىز ارتىپ، اۆتونوميالى رايوننىڭ ەكونوميكالىق دامۋىنا تىرەك بولۋدا ماڭىزدى رول اتقاردى. ەكونوميكالىق دامۋ جاقسارۋعا بەت العان، ءبىراق، ەكونوميكالىق باسەڭدەۋ ءالى دە ەداۋىر قىسىم ءتۇسىرىپ وتىرعان قازىرگى جاعدايدا سانجى وبلىسىنىڭ جانە جۇندۇڭ ەكونوميكالىق - تەحنيكالىق اشۋ رايونىنىڭ رەفورما جاساۋ مەن ەسىك اشۋعا تاباندى بولىپ، كەلەسى جارتى جىلداعى ەكونوميكالىق قىزمەتتى ويداعىداي ىستەۋىن ءۇمىت ەتەمىن. اۆتونوميالى رايوندىق پارتكومنىڭ تالابى مەن ورنالاستىرۋى بويىنشا، سالالىق دامۋدىڭ دەڭگەيى جوعارى، كولەمى زور، ەكونوميكالىق نەگىزى جاقسى، مولشەرى كوپ بولۋ ارتىقشىلىعىن ساۋلەلەندىرىپ، اۆتونوميالى رايوننىڭ جىلدىق ەكونوميكالىق دامۋ نىساناسىنىڭ ورىندالۋىنا ماڭىزدى ۇلەس قوسۋى كەرەك.
شوكىرات زاكىر مىنالاردى اتاپ كورسەتتى: جۇندۇڭ ەكونوميكالىق - تەحنيكالىق اشۋ رايونى نىسان قۇرىلىسىن تەتىك ەتىپ، ءبىر قاتار ءىرى وندىرىستىك سالالار مەن نىسانداردى كۇن ىلگەرى جوبالاپ جانە ورنالاستىرىپ، اشۋ رايونىنا دامۋ نەگىزىن قالاۋى قاجەت. اۆتونوميالى رايوننىڭ قاتىستى تاراۋلارى سانجى وبلىسىنا قولداۋ كورسەتۋ تەبىنىن ارتتىرىپ، نىسانداردىڭ اتقارىلۋى بارىسىندا تاپ بولعان قيىنشىلىقتار مەن ماسەلەلەردى ىرىقتى تۇردە ۇيلەستىرىپ شەشىپ، ساپالى، ءتيىمدى قىزمەت كورسەتىپ، نىسانداردىڭ بىرەگەي، ساپالى، كولەمدى، قۋاتتى بولۋىنا، ەرتەرەك اياقتاپ، ءوز تيىمدىلىگىن كورسەتۋىنە مۇمكىندىك جاساۋى كەرەك.
شوكىرات زاكىر مىنالاردى باسا دارىپتەدى: دامۋدى جەدەلدەتۋمەن بىرگە، جۇندۇڭ اشۋ رايونى قورشاعان ورتانى قورعاۋ مەن جاسىل دامۋدى ءوسىپ - وركەندەۋگە قاتىستى ءىرى ءىس رەتىندە يگەرۋى كەرەك، ەكونوميكانى دامىتۋ ەكولوگيالىق ورتانى قورعاۋمەن قاقتىعىسىپ قالسا، ەكونوميكانى دامىتۋ، ءسوز جوق، ەكولوگيالىق ورتانى قورعاۋعا جول بەرۋى كەرەك. اۆتونوميالى رايوننىڭ قاتىستى تاراۋلارى الدىمەن جوبالاۋعا، جوعارى دەڭگەيدە جوبالاۋعا تاباندى بولىپ، نىسان رۇقساتىن قاتايتىپ، سانجى وبلىسىنىڭ جاسىل دامۋىنا، اقاۋسىز دامۋىنا دەم بەرىپ، «حۋا - ىر سانجى» قۇرىلىسىن ىلگەرىلەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
