بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

سەنىمگە ادال، شەكارانى كۇزەتكەن ەرلى - زايىپتىلار قۇرىش قورعان سوقتى

2016.08.22 13:29     كەلۋ قاينارى : حالىق تورابى

  «نە ءۇشىن پارتياعا كىرەسىڭ؟» دەگەن سۇراۋعا وتاننىڭ 32 - ءنومىرلى شەكارا بەلگىسىن كۇزەتكەن ما جۇنۋ مەن ايەلى جاڭ جىڭمەي بىلاي دەپ جاۋاپ بەردى: «قارسى الدىمىزدا ءيىر - ءيىر شەكارالىق وزەن، ارتىمىزدا ۇلى وتان، وتان قورعاۋشى جاۋىنگەر بولۋ ءۇشىن، ءبىز ،ءسوز جوق، جۇڭگو كوممۋنيستىك پارتياسىنا مۇشە بولۋىمىز كەرەك!». بۇل جاۋاپ ولاردىڭ 20 نەشە جىلدىق جاۋىنگەرلىك رۋحتارىنىڭ كۋاسى ەدى.

  مەملەكەتتىك ءمورال ۇلگىسى، بيڭتۋان 10 - ديۆيزياسى 185 - پولكىنىڭ شەكارا كۇزەتشىسى ما جۇنۋدىڭ ءۇيى جۇڭگو - قازاقستان شەكاراسىنداعى القابەك وزەنىنىڭ جاعاسىنداعى 32 - ءنومىرلى شەكارا بەلگىسىنىڭ جانىنداعى ساندىق قاراۋىلىندا. «1992 - جىلدان باستاپ، جاڭ جىڭمەي ەكەۋىمىز وسى شەكارا سىزىعىن كۇزەتىپ كەلەمىز. ول كەزدە ءبىز كوممۋنيستىك پارتيا مۇشەسى بولماعانىمىزبەن، وزىمىزگە پارتيا مۇشەلەرىنىڭ ولشەمى بويىنشا تالاپ قويىپ، پارتياعا كىرۋدى ارمانداپ كەلدىك» دەيدى ما جۇنۋ 28 - ماۋسىمدا تىلشىگە.

  سول جىلى مىنەزى جايدارى جاڭ جىڭمەي ما جۇنۋمەن شەكارا قاراۋىلىندا وتباسىن قۇرادى، وسىدان سوڭ ەرلى - زايىپتىلاردىڭ شەكارا قاراۋىلى 20 نەشە جىل وسىندا قاسقايىپ تۇردى.

  ساندىق قاراۋىلى بيڭتۋان 10 - ديۆيزياسى 185 - پولكى 10 - روتاسىنا ورنالاسقان، ادامى از، جازدا ماسا - شىركەي قۇجىناپ، قىستا قار - مۇز قۇرسانىپ جاتاتىن جەر. كوكتەمدە كۇن جىلىعاندا، تاۋداعى قار دەرەۋ ەرىپ، وعان جاڭبىر سۋى قوسىلىپ، جۋاسىپ جاتقان القابەك وزەنى دولدانىپ شىعا كەلەدى. مۇنداي ماشاقاتتى جاعدايدا، جان توزبەس جالعىزدىق پەن قۇلازۋ الدىندا، ما جۇنۋ مەن ايەلى وكىنگەن، شەگىنگەن ەمەس. ويتكەنى ولاردىڭ جۇرەگىندە كوممۋنيستىك پارتيا مۇشەلەرى سياقتى «مۇددەدە باسقالارعا جول بەرۋ، قيىنشىلىقتا كەۋدە كەرىپ العا شىعۋ» كەرەك بولاتىن.

  1988 - جىلى قاراۋىل قۇرىلىپ، ما جۇنۋ ءوزى جاساعان قايىڭ سىرىقپەن قاراۋىل مۇناراسىنىڭ جانىنان 1 - رەت مەملەكەت تۋىن شىعارعان بولاتىن. ءامىر - پارمەن، باقىلاۋلاردىڭ كەرەگىنسىز قازىر ولار ءار كۇنىن مەملەكەت تۋىن شىعارۋدان باستايدى، ونان كەيىن قاراۋىل مۇناراسىنا شىعىپ، سۋ بولگىش توسپانى باقىلاپ، وزەن دامباسىن شارلاپ، جامىلعى وسىمدىكتەردى تەكسەرىپ، تەمىر تورلاردى بەكەمدەيدى، جاۋىن - شاشىندى ەلەڭ - قۇرلى كورمەي 20 نەشە شاقىرىمدىق شەكارا سىزىعىندا شارلاۋ، سۋ كۇزەتىپ، ورمان قورعاۋ مىندەتتەرىن اتقارادى.

  قازىر قاراۋىل ورنىندا كىرپشتەن ءۇي سالىنعان، تۋ سىرىعى دا جاڭالانعان، دەسە دە، ءار تاڭدا وتاننىڭ سولتۇستىك باتىس بۇرىشىنداعى وسىناۋ ەرلى - زايىپتىلاردىڭ قاراۋىل ورنىندا مەملەكەت تۋى كۇنمەن بىرگە كوتەرىلىپ، قاراۋىل مۇناراسىمەن بىرگە شەكارا سىزىعىنىڭ ەڭ ادەمى كورىنىسىنە اينالعان.

  1995 - جىلى، ما جۇنۋ مەن جاڭ جىڭمەيدىڭ ۇلى ما شياڭ ءبىر جارىم جاسقا شىقتى. ورتاسى وتە جاپالى بولعاندىقتان، جاس جۇبايلار كوزىنىڭ جاسىن سىعىمداي ءجۇرىپ، ومىراۋدان ەندى شىققان بالالارىن 10 نەشە شاقىرىمداعى تۋىستارىنىڭ قاراۋىنا بەردى. بالالارىن اپارىپ تاستاعان سوڭ، شەكارا وزەنىندە قايتا تاسقىن ءجۇردى. ما جۇنۋ سال ايداپ، وزەن ىشىندەگى توسپانىڭ اۋىزىن توسىپ قالعان ءشوپ - بۇتالاردى تازالاپ ءجۇرىپ، ويلاماعان قاتەرگە جولىقتى. «ءبىر تولقىن كوتەرىلىپ، سالدى اۋدارىپ، ونى كومىپ اكەتتى، ادام قاس - قاققانشا جوعالىپ كەتتى. ول كەزدە تەلەفون جوق، قاتىناس قۇرالى جوق، مەن جىندى كىسىشە جاعادا جان ۇشىرا جۇگىرە بەرىپپىن، تۇپ - تۋرا 5 شاقىرىمداي جۇگىرىپ، ەڭ باتىستاعى ورمانعا جەتكەن كەزدە، ونىڭ باسى سۋدان قىلتيىپ كورىندى، مەن ونى تارتىپ ءجۇرىپ، جاعاعا سۇيرەپ شىعاردىم، قورقىنىش پەن قۋانىش قاباتتاسقان ءسات ەدى ول» دەيدى جاڭ جىڭمەي.

  «شارت - جاعداي جاپالى بولعانىمەن، پارتياعا كىرەمىن دەيدى ەكەنسىڭ، نە ىستەسەڭ دە باسقالاردان كوپ ىستەۋىڭ، باسقالاردان ارتىق قۇلشىنۋىڭ كەرەك» دەيدى ول.

  2006 - جىلدان باستاپ، ما جۇنۋ پارتيا ۇيىمىنا ىلگەرىندى - كەيىندى 3 رەت پارتياعا كىرۋ ءوتىنىشىن بەردى، پارتيا ۇيىمىنىڭ قاتاڭ تەكسەرۋىنەن كەيىن، اقىرى 2010 - جىلى ما جۇنۋدىڭ پارتياعا كىرۋ ارمانى ورىندالدى. كوپ وتپەي، جاڭ جىڭمەي دا داڭقپەن پارتياعا مۇشە بولدى.

  «پارتياعا كىرگەن كەزدە، ما جۇنۋ ماعان پارتيا گەربىن تاقتى، مەن جاڭا پارتيا مۇشەلەرى اتىنان ءسوز سويلەدىم، پارتياعا مۇشە بولۋ مەنىڭ كوپ جىلدىق ارمانىم ەدى» دەيدى كۇيەۋىنە ماقتانىشپەن قاراعان جاڭ جىڭمەي.

  «قاراڭعىدا وشپەگەن شام جارىعى، ول قاراۋىل اسكەرىنىڭ جانارى، كەۋدەسىندە لاۋلاعان ءورت جالىنى، جاۋىنگەرلىك ادالدىعى، ارىنى، وتان توپىراعى ءۇشىن...» ەرلى - زايىپتى ەكەۋى وزدەرى ەڭ ۇناتاتىن «وشپەش شىراق» ءانىن تەرەڭ تەبىرەنىسپەن ايتىپ شىقتى.

  بۇگىنگى تاڭدا، شەكارا كۇزەتشىلەرىنىڭ اڭگىمەلەرى ءتىپتى كوپ ادامداردىڭ قۇلاعىنا جەتتى. الدىندا ءيىر - ءيىر شەكارا وزەنى جاتقان، ارتىندا ۇلى وتان تۇرعان مىڭداعان، ميلليونداعان شەكارا كۇزەتشىلەرى شەكارا سىزىعىندا ماڭگى مىزعىماس شەكارا بەلگىسىن تۇرعىزدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.