- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز جياڭشي ولكەسىمەن «شينجياڭ ەلەكترىن جياڭشيعا جەتكىزۋ» تۋرالى سۇلبالىق كەلىسىمگە قول قويىستى
شوكىرات زاكىر ماۋ ۋيميڭمەن كەزدەستى
2016.08.23 13:37 كەلۋ قاينارى : شينجياڭ گازەتى
تىلشىلەرىمىز يۋان لەي، جاڭ جى - يۇن 19 - تامىزدا ۇرىمجىدەن حابارلايدى. اۆتونوميالى رايوندىق حالىق ۇكىمەتى مەن جياڭشي ولكەلىك حالىق ۇكىمەتىنىڭ ۋاعدالاستىعى بويىنشا، 19 - تامىز كەشتە، مەملەكەتتىك ەلەكتر جەلىسىنىڭ شينجياڭ ەلەكتر قۋاتى سەرىكتەستىگى مەن مەملەكەتتىك ەلەكتر جەلىسىنىڭ جياڭشي ەلەكتر قۋاتى سەرىكتەستىگى «شينجياڭ ەلەكترىن جياڭشيعا جەتكىزۋ» جونىندە سۇلبالىق كەلىسىمگە قول قويىستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جياڭشي ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى ماۋ ۋيميڭمەن جانە ونىڭ ساپارلاستارىمەن كەزدەستى ءارى كەلىسىمگە قول قويۋ ساتىنە كۋاگەر بولىستى.
وسى كەلىسىمگە سايكەس، 2016 - جىلى مەملەكەتتىك ەلەكتر جەلىسىنىڭ جياڭشي ەلەكتر قۋاتى سەرىكتەستىگى مەملەكەتتىك ەلەكتر جەلىسىنىڭ شينجياڭ ەلەكتر قۋاتى سەرىكتەستىگىنەن 300 ميلليون كيلوۆات - ساعات ەلەكتر قۋاتىن ساتىپ الۋدى جوسپارعا الادى، مەملەكەتتىك ەلەكتر جەلىسىنىڭ شينجياڭ ەلەكتر قۋاتى بۇدان كەيىن قىزىلسۋ قىرعىز اۆتونوميالى وبلىسى اۋماعىنداعى جاڭا ەنەرگيا كوزدەرىنىڭ جەلىگە قوسىلۋىنا بارىنەن بۇرىن قولداۋ كورسەتەدى.
شوكىرات زاكىر بىلاي دەدى: «ءبىر بەلدەۋ، ءبىر جول» ستراتەگياسىنىڭ ىشكەرىلەي اتقارىلۋىنا بايلانىستى، شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە ەلەۋلى دامۋ ورايىنا يە بولادى. وسى جولى ورىنباسار ولكە باستىعى ماۋ ۋيميڭ مەن ساپارلاستارىنىڭ شينجياڭدا تەكسەرۋ - زەرتتەۋ جۇرگىزۋى ءارى جياڭشي ولكەلىك پارتكوم مەن ولكەلىك ۇكىمەت اتىنان اۆتونوميالى رايونىمىزبەن «شينجياڭ ەلەكترىن جياڭشيعا جەتكىزۋ» جونىندە سۇلبالىق كەلىسىمگە قول قويۋى جياڭشي ولكەلىك پارتكومنىڭ، ولكەلىك ۇكىمەتتىڭ شينجياڭ قىزمەتىن پارمەندى قولداپ وتىرعانىن تولىق ايگىلەيدى. سوڭعى جىلدارى جياڭشي ولكەلىك پارتكوم، ولكەلىك ۇكىمەت داڭقتى ءداستۇردى بار كۇشپەن ساۋلەلەندىرىپ، قۇرىلىم رەتتەۋ، قوزعاۋشى كۇشتى جاڭالاۋ، كەدەيلەردى سۇيەمەلدەۋ جانە وركەندەتۋ، ەكولوگيالىق وركەنيەت قۇرىلىسى سياقتى جاقتاردا ارشىندى قادامدار تاستاپ، مول تاجىريبە جيناقتادى. اسىرەسە، جاڭا كەزەكتى باعىتتامالى كومەكتەسۋ قىزمەتىندە جياڭشي ولكەلىك پارتكوم، ولكەلىك ۇكىمەت ورتالىقتىڭ رۋحىن باتىل دايەكتىلەندىرىپ جانە تياناقتاندىرىپ، سىندارلى ستيل مەن ءادىس - شارالار ارقىلى كومەك قابىلداۋشى جەرلەردىڭ ەكونوميكاسى مەن قوعامىنىڭ جەدەل دامۋىن ىلگەرىلەتىپ، شينجياڭداعى ءار ۇلت جۇرتشىلىعىن يگىلىككە بولەدى، ءبىز ونان تەرەڭ اسەر الدىق. جياڭشي ولكەسىنىڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدى ارقاۋ ەتىپ، كاسىپتەندىرۋ، ءبىلىم بەرۋ، حالىق تۇرمىسى، عىلىم - تەحنيكا سياقتى جاقتارداعى قولداۋ تەبىنىن ونان ارى ارتتىرىپ، جاپپاي ۇلاستىرۋدى كۇشەيتىپ، شينجياڭعا باعىتتامالى كومەكتەسۋ قىزمەتىن ىشكەرىلەي ىلگەرىلەتۋىن ءۇمىت ەتەمىز. اسىرەسە، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنىڭ ماڭىزدى ورايىمەن ورتاقتاسىپ، ءوز ارتىقشىلىعىمىزدى ساۋلەلەندىرىپ، شينجياڭ مەن جياڭشيدىڭ قاتار دامۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا بىرگە قۇلشىنۋىمىز قاجەت.
ماۋ ۋيميڭ بىلاي دەدى: وسى رەت شينجياڭدا تەكسەرۋ - زەرتتەۋ جۇرگىزگەندە، شينجياڭنىڭ ەكونوميكالىق، قوعامدىق دامۋىندا جارىققا شىققان ۇلكەن وزگەرىستەردى سەزىندىك. جياڭشي شينجياڭعا باعىتتامالى كومەكتەسۋشى ولكە، قالالاردىڭ ءبىرى رەتىندە، شينجياڭنىڭ ەكونوميكاسى مەن قوعامىنىڭ قارقىندى دامۋىنا قول ۇشىن بەرگەنىمىزدى جانە كۋاگەر بولعانىمىزدى ماقتانىش تۇتامىز. الداعى جەردە جياڭشي ولكەسى ورتالىقتىڭ ءبىر تۇتاس ورنالاستىرۋى مەن تالاپتارى بويىنشا، شينجياڭمەن بارىس - كەلىستى جانە سەلبەستىكتى ونان ارى كەڭەيتىپ، شينجياڭعا وندىرىستىك سالالار بويىنشا كومەكتەسۋ، حالىق تۇرمىسى بويىنشا كومەكتەسۋ، دارىندىلار بويىنشا كومەكتەسۋ سياقتى جاقتاردا ءتىپتى زور جەتىستىكتەرگە جەتۋگە قۇلشىنادى.
اۆتونوميالى رايون باسشىلارىنان ءمۇتالىپ قاسىم، ليۋ جيانشين ايتىلعان قيمىلدارعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
