- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى باتىلدىقپەن ازايتىپ، وزىندىك قۇندى ءونىمدى تومەندەتتى
− اۆتونوميالى رايونىمىزدىڭ قامداۋ جاعىنداعى قۇرىلىمدىق رەفورماسى كۇشتى ەكپىنمەن قامال الدى
2016.08.24 11:11 كەلۋ قاينارى : شينجياڭ گازەتى
بولات - تەمىر كاسىبىندە جاڭادان ارتقان ءوندىرىس قۋاتى قاتاڭ مەڭگەرىلدى؛ سەمەنت كاسىبى قىس مەزگىلىندە 5 اي وندىرىستەن توقتاتىلدى؛ قامبادا باسىلىپ قالۋدى ازايتۋدىڭ ارقاسىندا تاۋار ۇيلەردىڭ ساتىلۋى ءبىرشاما تەز ارتتى؛ تومەن ەلەكتر باعاسى كاسىپورىنداردىڭ وزىندىك قۇنىن تومەندەتىپ، ونىمدىلىگىن ارتتىردى... ەكونوميكانىڭ ارتۋىن بار كۇشپەن جەبەۋ بارىسىندا، شينجياڭ قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى باتىلدىقپەن ازايتىپ، وزىندىك قۇندى ءونىمدى تومەندەتىپ، ولقىلىقتاردى ءداپ باسىپ تولىقتادى.
قاجەتتەن اسىپ قالعان ءوندىرىس قۋاتىن ازايتۋ، وزىندىك قۇندى تومەندەتۋ جۇرتتى جىگەرلەندىردى
الدىڭعى جارتى جىلدا، بۇكىل رايوننىڭ بولات - تەمىر ونەركاسىبىندە ارتقان قۇن وتكەن جىلعى سايكەس مەزگىلدەن %22 كەمەيگەن. كەيبىر «ءوندىرىس قۋاتى اسىپ قالعان» كاسىپ سالالارىنىڭ ءونىمى وتكەن جىلعى سايكەس مەزگىلدەن ايتارلىقتاي تومەندەگەن. مۇنىڭ ىشىندە سەمەنت %7.8، شويىن %2.19، شيكى بولات %7.15 تومەندەگەن.
بيىل ەكونوميكا ءبىرشاما كۇشتى باسەڭدەۋ قىسىمىنا ءدوپ كەلگەن قيىن - قىستاۋ ساتتە، اۆتونوميالى رايوندىق پارتكوم دەر كەزىندە امال قولدانىپ، ناقتى شارا ورتاعا قويىپ، كەشەندى ساياساتتار بەلگىلەپ، مەشەۋ ءوندىرىس قۋاتىن باتىل تۇردە قاتاردان شىعارىپ، «قاجەتتەن اسىپ قالعان ءوندىرىس قۋاتىنىڭ» سىرتقا شىعارىلۋىنا مۇمكىندىك جاساپ، ءتۇيىندى سالالارداعى ءوندىرىس قۋاتتارىن بىرىكتىرۋدى ىلگەرىلەتۋ سياقتى جاقتاردا ماسەلە شەشەتىن ناقتى شارالار قولداندى.
4 - ناۋرىزدا اۆتونوميالى رايون «كەزەكتەگى ەكونوميكالىق قىزمەتتى جاقسى ىستەپ، ەكونوميكانىڭ ءۇرتىس اقاۋسىز دامۋىن ىلگەرىلەتۋ جونىندەگى پىكىردى» جاريالاپ، «60 ءتۇرلى شارانى» ايقىن بەلگىلەپ، ءونىمدى قارجى قوسۋدى كەڭەيتۋ، ءوندىرىس قۋاتى ماسەلەسىن ءونىمدى شەشۋ، قىزمەت كورسەتۋ كاسىبىنىڭ دامۋىن جەبەۋ سياقتى كوپ جاقتاردا كۇشتى تالماۋ جەرىنەن سالدى.
مامىر ايىنىڭ سوڭىندا بۇكىل رايوننىڭ ونەركاسىپ ونىمدەرىنىڭ قامباداعى مولشەرى وتكەن جىلعى سايكەس مەزگىلدەن %11.2 تومەندەگەن. بۇدان سىرت، ەنەرگيا ۇنەمدەۋ، ەنەرگيانىڭ جۇمسالۋىن ازايتۋ جاعدايى دا وتكەن جىلعى سايكەس مەزگىلدەن جاقسى بولعان. الدىڭعى جارتى جىلدا، بۇكىل رايوننىڭ بىرلىك ونەركاسىپتىك ارتقان قۇنعا جۇمسالعان ەنەرگيا وتكەن جىلعى سايكەس مەزگىلدەن %3.7 تومەندەپ، تومەندەۋ مولشەرى وتكەن جىلعى سايكەس مەزگىلدەن 1.4 پايىز جوعارى بولعان.
سونىمەن بىرگە، مەملەكەتتىڭ قورا - جاي بازارىن رەتتەۋ - مەڭگەرۋ ساياساتى تياناقتاندىرىلىپ، تاۋار ۇيلەردىڭ قوسالقى قورىن ازايتۋ ناتيجەسى كورنەكتى بولعان. بيىل الدىڭعى جارتى جىلدا، شينجياڭنىڭ قورا - جاي اشۋعا سالعان قارجىسى ارتۋدان كەمەيۋگە وزگەرىپ، تاۋار ءۇيدىڭ ساتىلۋى جەدەل ارتىپ، ساتىلىم سوماسى 34 ميلليارد 106 ميلليون يۋانعا جەتىپ، وتكەن جىلعى سايكەس مەزگىلدەن ٪19.3 ارتىپ، ارتۋ قارقىنى وتكەن جىلعى سايكەس مەزگىلدەن 20.8 پايز تەزدەگەن.
ءبىر جاعىنان، ءار تۇرعىدان كۇش جۇمساپ، قاجەتتەن اسىپ قالعان ءوندىرىس قۋاتىن ازايىپ، ەندى ءبىر جاعىنان، كاسىپورىنداردىڭ وزىندىك قۇنىن تومەندەتۋدى تىڭعىلىقتى تۇردە ىلگەرىلەتىپ، اۆتونوميالى رايون ەكى جاعىن دا بىردەي يگەردى.
تومەن ەلەكتر باعاسى ساياساتىن جۇرگىزىپ، 196 ەلەكتر تۇتىنۋشىنى 2016 - جىلعى 1 - كەزەكتەگى ەلەكتر قۋاتىنىڭ تىكەلەي ايىرباسىنا قاتىستىرۋدى ۇيعاردى، بۇل بويىنشا كاسىپورىندار ءۇشىن ەلەكتردەن پايدالانۋدىڭ وزىندىك قۇنى ءبىر ميلليارد 178 ميلليون يۋان ۇنەمدەلەدى دەپ مەجەلەنىپ وتىر؛ قازىرگى تەمىر جولدىڭ تاسىمال باعا ساياساتىن بيىل جىل سوڭىنا دەيىن ۇزارتۋ تالابىن تياناقتاندىرىپ، تەمىر جولدىڭ تاسىمال باعاسىن تومەندەتۋ ساياساتىن تياناقتاندىرۋدى ىلگەرىلەتتى، ناتيجەسىندە، كەيبىر نەگىزگى تاۋارلاردىڭ تاسىمال باعاسى ايتارلىقتاي تومەندەدى، مۇنىڭ ىشىندە ماقتانىڭ تاسىمال باعاسى %40، كومىردىڭ تاسىمال باعاسى %20، مەتانولدىڭ تاسىمال باعاسى %30، كۇيدىرگىش سودانىڭ تاسىمال باعاسى %15 تومەندەدى، بۇدان تۇتاس جىلدا كاسىپورىنداردىڭ تاسىمال اقىسى 2 ميلليارد يۋان ۇنەمدەلەدى دەپ مەجەلەنۋدە.
كوپ ءتۇرلى شارانى تەڭ قولدانىپ، قيىنشىلىق قىسپاعىنان قۇتقاردى
بيىل الدىڭعى جارتى جىلدا تيانشان جارناسى %59.3 شىعىندى ازايتتى. سونىمەن كاسىپورىننىڭ ءۇمىت وتى ۇشقىنداپ، سەنىمى نىعايدى.2016 - جىلى سەمەنت كاسىپورىندارىنىڭ جۇمىستىڭ قاۋىرت كەزىندەگى ءوندىرىستى توقتاتۋ مەن كاسىپ سالاسىنىڭ ءوزىن تارتىپكە شاقىرۋ شارالارىن اتقارۋ ونىمدىلىگى الدىڭعى جىلعىدان جاقسى بولعاندىقتان، زاپاستاعى ءوندىرىس قۋاتى 30 ميلليون توننا بولدى. سونىمەن زاڭ - بەلگىلەمە بويىنشا سالىستىرمالى مەشەۋ بولعان 2 ميلليون 650 مىڭ توننالىق ءوندىرىس قۋاتىن قاتاردان قالدىرىپ، بازاردىڭ قامداۋ - قاجەتسىنۋىن تەڭگەرۋگە تاماشا نەگىز قالادى.
اۆتونوميالى رايوندىق قۇرىلىس ماتەريالدارى كاسىبىن باسقارۋ كەڭسەسىنىڭ ورىنباسار مەڭگەرۋشىسى سۇن سۇنۋىن بىلاي دەدى: بيىل بۇكىل شينجياڭداعى سەمەنت باعاسى تۇلعالىق جاقتان قالپىنا كەلۋ سيپاتتى سەرپىلۋ بەتالىسىن ايگىلەدى. بۇل سەمەنت كاسىپ سالاسىنىڭ شىعىندى ازايتۋىندا نەداۋىر زور رول اتقارىپ، بيىل جالپى سەمەنت كاسىپ سالاسىندا %50تىك شىعىندى ازايتۋ نىساناسىن جۇزەگە اسىرۋدان ءۇمىت بايقالدى.
بولات - تەمىر كاسىپ سالاسى جونىنەن اۆتونوميالى رايون جاڭادان ارتقان ءوندىرىس قۋاتىن قاتاڭ مەڭگەرىپ، «زومبي كاسىپورىنداردى» اداقتاپ، ماسەلەنى ءداپ باسىپ ءدال تاۋىپ، تۇرلەرگە ءبولىپ شارا قولداندى. «بولات - تەمىر كاسىپ سالاسىنداعى قاجەتتەن اسىپ قالعان ءوندىرىس قۋاتىن ازايتۋ، قيىنشىلىق قىسپاعىنان قۇتىلدىرىپ، دامۋدى جۇزەگە اسىرۋدى اتقارۋ پىكىرىن» باسىپ تاراتىپ، «2016 - جىلعى اۆتونوميالى رايوننىڭ بولات - تەمىر كاسىپ سالاسىنىڭ قاجەتتەن اسىپ قالعان ءوندىرىس قۋاتىن ازايتۋ قىزمەتى جوباسىن» جاساپ، 2016 - جىلدان 2020 - جىلعا دەيىنگى ارالىقتا 3 ميلليون 500 مىڭ توننالىق قۇيما بولات ءوندىرىس قۋاتىن ىقشامداۋدى تۇراقتاندىرىپ، 2016 - جىلعى نىسانانى 900 مىڭ توننا دەپ بەلگىلەدى. 1 - تامىز بولات - تەمىر شەكتى سەرىكتەستىگىن قيىنشىلىق قىسپاعىنان قۇتىلدىرۋدى جەبەۋدى ارقاۋ ەتىپ، قاجەتتەن اسىپ قالعان ءوندىرىس قۋاتىن ازايتۋ، كاسىپورىنداردى قوعامدانۋ يقۋاتىنان جەدەل ايىرۋ، كوپ نەگىزدى تيجارات جۇرگىزۋ سياقتى 3 ءتۇرلى قىزمەت جوباسىن بەلگىلەپ اتقارىپ، 1 - تامىز بولات - تەمىر شەكتى سەرىكتەستىگىنىڭ ءونىم قۇرىلىمىن رەتتەۋدى، قىزمەتكەرلەرىن ورنالاستىرۋدى بەلسەندى جەبەۋىنە كومەكتەستى.
شينجياڭنىڭ ەلەكترىن سىرتقا تاسىمالداۋدى مۇمكىندىكتىڭ بارىنشا ارتتىردى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتى گوۋاڭ شينجياڭ ەلەكتر قۋاتى سەرىكتەستىگىمەن سەلبەسىپ، «ولكە اتتاپ سىرتقا ەلەكتر تاسىمالداۋ قىزمەتى جوباسىن» زەرتتەپ جاسادى. 2016 - جىلى ماۋسىمدا اۆتونوميالى رايوندىق ەكونوميكا جانە ينفورماتسيالاندىرۋ كوميتەتى مەن دامۋ - رەفورما كوميتەتى قاتىستى ادامداردى شاڭحاي، جىجياڭ سياقتى شينجياڭعا باعىتتامالى كومەكتەسىپ جاتقان ولكە، قالالاردا ولكە اتتاپ سىرتقا ەلەكتر تاسىمالداۋدى سايكەستىرۋ قىزمەتىن ورىستەتۋگە اتتاندىرىپ، قاتىستى ولكە، قالالاردىڭ ەلەكتر قۋاتى بازار قاجەتىن انىقتاپ، ءارقايسى ولكە، قالالاردىڭ «13 - بەسجىلدىق» كەزىندەگى شينجياڭنىڭ ەلەكتر قۋاتىن قابىلداۋ جالپى كولەمىن ايقىندادى.
مۇنان سىرت، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى اۆتونوميالى رايوندىق حالىق ۇكىمەتىنە «شينجياڭدى ەلەكترلەندىرۋدى جەدەل ىلگەرىلەتۋ قىزمەت جوباسىن» تاپسىرىپ، ونەركاسىپ، قۇرىلىس، قاتىناس، ساياحات، اۋىل شارۋاشىلىعى سياقتى سالالاردا كومىردىڭ، مايدىڭ، گازدىڭ ورنىنا ەلەكتر ىستەتۋ ناقتى شارالارىن قولدانىپ، «13 - بەسجىلدىق» كەزىندە ەلەكتر قۋاتىمەن ورنىن باستىرۋعا بايلانىستى جالپى مولشەردى 33 ميلليارد كيلوۆات - ساعاتقا جەتكىزۋگە قۇلشىنۋ، مۇنىڭ ىشىندە ونەركاسىپ سالاسىندا ەلەكتر قۋاتىمەن ورنىن باستىرۋ مولشەرىن %80تەن اسىرۋعا تالپىنۋ ايقىندالدى.
ەكونوميكانىڭ ارتۋىنا بەلسەنە دەم بەردى
كەزەكتە اۆتونوميالى رايوندىق ەكونوميكا جانە ينفورماتسيالاندىرۋ كوميتەتى «اۆتونوميالى رايوننىڭ ەكونوميكالىق قىزمەت ءماجىلىسىنىڭ رۋحىن تياناقتاندىرۋداعى ەكونوميكا جانە ينفورماتسيالاندىرۋ كوميتەتىنىڭ مىندەت ءتىزىمى مەن شارا ءتىزىمىن» بەلگىلەدى ءارى تياناقتاندىرۋ شارالارىن، ورىنداۋ ۋاقىتىن جانە قىزمەت ءونىمىن ايقىندادى.اۆتونوميالى رايون بولات - تەمىردىڭ قاجەتتەن اسىپ قالعان ءوندىرىس قۋاتىن باسەيتۋ قىزمەتىن باستاپ اتقاردى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى شيكىزات ونەركاسىبى باسقارماسىنىڭ باستىعى جاڭ يۇڭ بىلاي دەدى: ءارقايسى ايماق، وبلىس، قالالارمەن جەرگىلىكتى ورىننىڭ 2016 - جىلعى بولات - تەمىردىڭ قاجەتتەن اسىپ قالعان ءوندىرىس قۋاتىن ازايتۋ نىسانالى جاۋاپكەرلىك توقتامىنا تەز ارادا قول قويىسىپ، اۆتونوميالى رايوننىڭ بولات - تەمىردىڭ قاجەتتەن اسىپ قالعان ءوندىرىس قۋاتىن باسەيتۋ قىزمەتىن باعالاۋ ءادىسىن بەلگىلەپ، كەنجە قالعاندارىن ىرىكتەۋ، بەلگىلەمەگە، زاڭعا قايشى قۇرىلىس نىساندارىن اداقتاۋ، «ءۇش ءتۇرلى ارناۋلى ارەكەت» بويىنشا بىرلەسىپ زاڭ اتقارۋ قيمىلدارىن ورىستەتىپ، 3 جىلدا پرينسيپتىك جاقتان جاڭادان ارتتىرىلعان ءوندىرىس قۋاتىنىڭ تەحنيكالارىن وزگەرتۋ نىساندارى مەن ءوندىرىس قۋاتىن تەكسەرىپ بەكىتكەننەن كەيىنگى ارتتىرۋ نىساندارىن تەكسەرىپ بەكىتۋدى توقتاتادى. سونىمەن بىرگە، اۆتونوميالى رايونداعى تاراۋلاردىڭ بىرىككەن ءماجىلىسىن قۇرىپ، بولات - تەمىر كاسىبىنىڭ قاجەتتەن اسىپ قالعان ءوندىرىس قۋاتىن ازايتۋ نىسانالىق مىندەتىن ورىنداۋدى بارىنشا ىلگەرىلەتەدى.
مۇنان تىس، «ءبىر بەلدەۋ، ءبىر جول» قۇرىلىسىنىڭ تاريحي ورايىن مىقتاپ يگەرىپ، «زات اينالىمى تورى +» جانە «جۇڭگو وندىرگەن 2025» 2 ۇلكەن ستراتەگياسىمەن ۇشتاستىرىپ، رايونىمىز كاسىپورىنداردىڭ زەردەلى جاساۋ ءىسىن ىلگەرىلەتۋ ارقىلى ساپانى، ماركا ىقپالىن جوعارىلاتىپ، جوعارى ساپانى زەرتتەپ اشىپ، جاسىل دامۋدى جەبەپ، بازاردىڭ تۇتىنۋىن ارتتىرىپ، سىرتقا ەسىك اشۋ ستراتەگياسىن اتقارۋ ارقىلى حالىقارالىق سەلبەستىكتى ىلگەرىلەتەدى؛ سونىمەن بىرگە، كاسىپورىنداردىڭ كوپ نەگىزدى تيجارات جۇرگىزۋى مەن قوعامدىق فۋنكتسياسىن ايىرىم اتقارۋىن جەبەپ، بولات - تەمىر كاسىبىنىڭ قيىنشىلىقتان قۇتىلىپ، دامۋىن بەلسەنە ىلگەرىلەتەدى.
سەمەنت كاسىبىن دامىتۋ نىساناسى مەن مىندەتى توڭىرەگىندە سۇن سۇنۋىن بىلاي دەدى: كەلەر ساتىدا اۆتونوميالى رايوندىق قۇرىلىس ماتەريالدارى كاسىبى كەڭسەسى «شينجياڭنىڭ سەمەنت كاسىبىنىڭ باسقارۋدى كۇشەيتىپ، ءوزىن باسقارۋىن بەكەمدەپ، قيىنشىلىقتان قۇتىلدىرىپ، دامۋدى ىسكە اسىرۋ جونىندەگى اتقارۋ جوباسى»، «شينجياڭ سەمەنت كاسىبى قۇرىلىمىن رەتتەۋ ارناۋلى قارجىسىن توپتاۋ جانە قولدانۋ ءادىسى»، «شينجياڭنىڭ سەمەنت قاجەتسىنۋى تومەن ۋاقىتتاعى ءوندىرىسىن باسقارۋ ءادىسى» سياقتى قاتىستى سايكەستى حۇجاتتاردى تەز ارادا اتقارۋعا قۇلشىنادى. سونىمەن بىرگە وڭىرلىك ءوندىرىس قۋاتى بويىنشا ورنىن اۋىستىرۋ، بىرىكتىرىپ قايتا قۇرۋ جانە سەمەنت بىرلەسكەن ساتۋ سەرىكتەستىگىن قۇرۋ سياقتى جاقتاردان ۇزبەي ىزدەنىس جاسايدى؛ اۆتونوميالى رايون سەمەنت كاسىپورىندارىن حالىقارالىق بازاردى ۇزبەي كەڭەيتۋگە شابىتتاندىرىپ، حالىقارالىق ءوندىرىس قۋاتى سەلبەستىگى ارقىلى ءىشىنارا ءوندىرىس قۋاتىن ويىستىرىپ، ءبىر - بىرىنە پايدا جەتكىزىپ، ورتاق يگىلىككە كەنەلۋدى ىسكە اسىرادى؛ نيەتتى كاسىپورىنداردىڭ جىبەك جولى ەكونوميكالىق بەلدەۋى بويىنداعى ەلدەرمەن سەمەنت نىسانىن قۇرۋىنا سايكەسىپ، بەلدەۋ بويىنداعى سەمەنت كاسىپورىندارىن رايونىمىزداعى مانەرلەنگەن شيكىزاتتان پايدالانىپ، شەكارا سىرتىندا سەمەنت ۇگىتۋ بەكەتىن قۇرۋىن قولدايدى.
وزىندىك قۇندى تومەندەتۋ جاعىندا اۆتونوميالى رايوننىڭ ءتۇيىندى باۋليتىن ءىرى كاسىپورىن، ءىرى توپ جانە «ارناۋلى، شەبەر، ەرەكشە، جاڭا» ورتا، شاعىن كاسىپورىندار ءتىزىمىن بەلگىلەپ، اۆتونوميالى رايوننىڭ ورتا، شاعىن كاسىپورىنداردى دامىتۋ قورىن قۇرۋدى ىلگەرىلەتىپ، فينانستىق قىزمەت وتەۋدى باقشا رايونىنا كىرگىزۋ قيمىلىن ورىستەتىپ، بانكە تاراۋلارىن ءوندىرىس، تيجاراتى قالىپتى كاسىپورىندارعا قارىز اقشا بەرۋ راسمياتىن ءبىتىرۋ ۋاقىتىن ۇزارتپاۋعا، قارىز اقشا بەرۋ تولىمدىلىعىن كۇشىنەن قالدىرماۋعا جەبەپ، قارجى توپتاۋداعى وزىندىك قۇندى اناعۇرلىم تومەندەتەدى. كەلەر جارتى جىلداعى ەلەكتر تىكە ساۋداسىن 6 ميلليارد كيلوۆات - ساعاتقا جەتكىزۋدى تياناقتاندىرىپ، ەلەكتردىڭ ەكى جاقتى سىناق ءتۇيىنى ساۋدا - ساتتىعىن اتقارىپ، 6 ميلليارد كيلوۆات - ساعاتتىق جاڭا ەنەرگيالى ەلەكتر تاراتۋ كاسىپورنى مەن جاعاتىن كومىرىن ءوزى دايىندايتىن ەلەكتر ستانسياسىنىڭ ەڭ جوعارى كەرنەۋىن اۋىستىرىپ ورنىنا قولدانۋ ساۋداسىن تامامداپ، ءوندىرىستىڭ وزىندىك قۇنىن اناعۇرلىم تومەندەتەدى.
رەداكتوردان
اۆتونوميالى رايوندىق پارتكوم، ۇكىمەتتىڭ ەكونوميكالىق قىزمەتتى جاقسى ىستەۋ جونىندەگى ورنالاستىرۋلارى بويىنشا، بيىل اۆتونوميالى رايونىمىز قاجەتتەن اسىپ قالعان ءوندىرىس قۋاتىن ازايتۋدى كاسىپ قۇرىلىمىن رەتتەۋدىڭ جانە كاسىپ سالاسىنىڭ قيىنشىلىعىن شەشۋدىڭ، قيىنشىلىقتان قۇتىلدىرۋدىڭ ماڭىزدى ءتۇيىنى ەتىپ، ءوندىرىس قۋاتى قۇرىلىمىن ساپالىلاندىرۋدىڭ باياندى مەحانيزمىن كۇش سالا ورناتىپ، كاسىپورىنداردى ءوندىرىستى ۇيلەسىمدى ۇيىمداستىرۋعا جەتەكتەپ، بىرىكتىرىپ قايتا قۇرۋدى ءتارتىپتى ىلگەرىلەتىپ، كاسىپ سالاسىنداعى قاجەتتەن اسىپ قالعان ءوندىرىس قۋاتىن ازايتۋ، قيىنشىلىقتى شەشۋ، قيىنشىلىقتان قۇتىلدىرۋ قىزمەتىن بار كۇشپەن جۇرگىزدى. سونىمەن بىرگە، ەلەكتر باعاسىن تومەندەتۋ، تاسىمال اقىسىن ازايتۋ سياقتى ساياساتتار ارقىلى كاسىپورىنداردىڭ اينالىم شىعىنىن تومەندەتتى. اۆتونوميالى رايونىمىزدىڭ قاتىستى تاراۋلارى، قاتىستى كاسىپورىندارى اۆتونوميالى رايوندىق پارتكوم، ۇكىمەتتىڭ ورنالاستىرۋلارىن باتىل دايەكتىلەندىرىپ، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى باتىلدىقپەن ازايتىپ، وزىندىك قۇندى ءونىمدى تۇردە تومەندەتىپ، ولقىلىقتاردى ءداپ باسىپ تولىقتاپ، ىستە ناقتى ناتيجەگە قول جەتكىزۋگە قۇلشىندى.
14 - تامىزدا اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسى اشىلدى، ماجىلىستە مىنالار اتاپ كورسەتىلدى: الدىڭعى جارتى جىلدا شينجياڭنىڭ ەكونوميكالىق اينالىمى جالپى جاقتان جاقسى بەتالىسقا قاراي ورنىقتى ىلگەرىلەپ، قايتا سەرپىلۋ جاعدايى كورنەكتى بولدى، قۇرىلىمعا بۇرىلىس جاساۋ تەزدەپ، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى ازايتۋدىڭ، وزىندىك قۇندى تومەندەتۋدىڭ العاشقى ءونىمى بايقالا باستادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
