- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«2016 جۇڭگو تانۋ − جۇڭگو باتىس بولىك مادەنيەتىنىڭ يران ساپارى . شينجياڭ پاراسى» تەگەراندا شىمىلدىق اشتى
2016.08.24 13:51 كەلۋ قاينارى : شينجياڭ گازەتى
يۇي جىڭشىڭ حات جولداپ قۇتتىقتادى
شينحۋا اگەنتتىگىنىڭ 22 - تامىزدا تەگەراننان بەرگەن حابارى. جۇڭگو مەملەكەتتىك كەڭەسىنىڭ اقپارات كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى جانە جۇڭگونىڭ يرانداعى ەلشىلىگى ۇيىمداستىرعان «2016 جۇڭگو تانۋ − جۇڭگو باتىس بولىك مادەنيەتىنىڭ يران ساپارى . شينجياڭ پاراسى» جالپىلىق مادەنيەت اۋىس - كۇيىس قيمىلى 22 - تامىزدا يراننىڭ استاناسى تەگەراندا شىمىلدىعىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ حات جولداپ، ىستىق ىقىلاستى قۇتتىقتادى.
يۇي جىڭشىڭ قۇتتىقتاۋ حاتىندا بىلاي دەدى: جۇڭگو مەن يران ازياداعى بايىرعى ەلدەر سانالادى، ۇزاق تاريحى جانە شۇعىلالى مادەنيەتى بار، جۇڭگو مەن يران دوستىعىنىڭ تاريحى ۇزاق، تامىرى تەرەڭدە جاتىر، وسىدان 2000 نەشە جىلدىڭ الدىندا ەكى ەل بىرىنە - ءبىرى ەلشى جىبەرىپ، ءارقايسى سالاداعى اۋىس - كۇيىسىن ۇزبەي ساقتاپ، تەرەڭ دوستىق ورناتقان.
يۇي جىڭشىڭ بىلاي دەپ اتاپ كورسەتتى: جۇڭگو مەن يران ديپلوماتيالىق قاتىناس ورناتقان 45 جىلدا ەكى ەلدىڭ جوعارى جىكتەگىلەرى بارىس - كەلىستى ۇزبەي، ەكونوميكا - ساۋدا سەلبەستىكتى تىنباي تەرەڭدەتىپ، گۋمانيتارلىق اۋىس - كۇيىستە مول تابىستارعا قول جەتكىزىپ، ەكى ەلدىڭ دوستىق قارىم - قاتىناسىن ورنىقتى دامىتتى. ءتوراعا شي جينپيڭنىڭ «ءبىر بەلدەۋ، ءبىر جولدى» بىرگە قۇرۋ كەلەلى دارىپتەمەسىنە ساي، جۇڭگو مەن يران قاتىناسى شىت جاڭا تاريحي دامۋ ورايىنا ءدوپ كەلدى. قازىر جۇڭگو مەن يران قاتىناسى «بەيبىت سەلبەستىك جاساسۋ، اشىق ويلى، باۋىرمال بولۋ، ءوزارا ۇيرەنۋ، ءوزارا عيبىرات الۋ، ءوزارا تيىمدىلىك جەتكىزۋ» سىندى جىبەك جولى رۋحىن ۇستانىپ، ءبىر - بىرىنە قۇرمەت ەتىپ، تەڭ تۇرعىدا اۋىس - كۇيىس جاساسىپ، بەيبىتشىلىكتەن بىرگە يگىلىككە كەنەلىپ، بىرگە دامىدى، ءارقايسى سالاداعى سەلبەستىكتە تاماشا دامۋ بەتالىسىن ايگىلەدى.
يۇي جىڭشىڭ بىلاي دەپ اتاپ كورسەتتى: جىبەك جولى ەكونوميكالىق بەلدەۋىندەگى وزەكتى رايون ساناتىنداعى شينجياڭ جۇڭگونىڭ باتىسقا ەسىك اشۋىنداعى ماڭىزدى تەرەزەسى، ازيا - ەۆروپا ۇلى قۇرلىعىن تۇتاستىراتىن ماڭىزدى قاتىناس تورابى، ساۋدا اۋىس - كۇيىسى جانە مادەنيەت، عىلىم، وقۋ - اعارتۋ ورتالىعى، سونداي - اق جۇڭگوداعى يرانمەن ەڭ ەرتە بارىس - كەلىس ورناتقان، اۋىس - كۇيىس جاساسقان وڭىرلەردىڭ ءبىرى. بۇل جولعى قيمىل بارىسىندا جۇڭگونىڭ شينجياڭىنىڭ تاڭداي قاقتىرارلىق اسەم جاراتىلىستىق كورىنىستەرى، بوگەنايى بولەك گۋمانيتارلىق كورىنىستەرى، باي تاريحي مادەنيەتى جاندى تۇردە بەينەلەنەدى، وسى ارقىلى يراننىڭ ءار سالاسىنىڭ ەكونوميكاسى قارقىندى دامىعان، قوعامى جاراسىمدى، ورنىقتى، حالىقى الاڭسىز تىرشىلىك ەتىپ جاتقان شينجياڭدى تۇسىنۋىنە مۇمكىندىك جاسالادى، سونىمەن بىرگە بۇل ەكى ەلدىڭ مادەنيەت سياقتى ءارقايسى سالاداعى اۋىس - كۇيىسىن ىشكەرىلەي العا ىلگەرىلەتىپ، ەكى ەل حالقى دوستىعىنىڭ تىڭ داستانىن جازاتىن بولادى.
باستالۋ سالتىندا، ج ك پ ورتالىق كوميتەتى ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ ورىنباسار مەڭگەرۋشىسى سۇي يۇييىڭ يۇي جىڭشىڭنىڭ قۇتتىقتاۋ حاتىن وقىدى ءارى ءسوز سويلەدى. سۇي يۇييىڭ بىلاي دەدى: بۇل جولعى «جۇڭگو تانۋ» قيمىلى ەكى ەل باسشىلارىنىڭ بيىل قاڭتارداعى ءبىر اۋىزدىلىققا كەلىسكەن گۋمانيتارلىق سالاداعى اۋىس - كۇيىستى كۇشەيتۋ جونىندەگى ورتاق تانىمىن تياناقتاندىرۋدىڭ ناقتى شاراسى، جۇڭگونىڭ يراندا شينجياڭدى باستى تاقىرىپ ەتە وتىرىپ وتكىزگەن تۇڭعىش جالپىلىق مادەنيەت اۋىس - كۇيىس قيمىلى سانالادى، مۇندا يران حالقىنىڭ شينجياڭعا كەلۋىنە، شينجياڭ جونىندە اسەر قالىپتاستىرۋىنا، شينجياڭدى تۇسىنۋىنە، بوگەنايى بولەك، كوپ نەگىزدى، ءبىر تۇلعالى جۇڭحۋا مادەنيەتىن باعامداۋىنا مۇمكىندىك جاساۋ كوزدە ۇستالعان، وسى جولعى قيمىلدىڭ جۇڭگو مەن يران حالقىنىڭ ءوزارا تۇسىنىستىگىن تەرەڭدەتىندىگىنە، ءوزارا سەنىمدىلىك پەن دوستىقتى نىعايتۋدا بەلسەندى رول اتقاراتىندىعىنا سەنەمىن.
يراننىڭ مادەنيەت جانە ءىسلام جەتەكشىلىك مينيسترلىگىنىڭ ورىنباسار مينيسترى الي موراحوني ءسوز سويلەگەندە: يران مەن جۇڭگونىڭ دوستىق بارىس - كەلىسىنىڭ تاريحى ۇزاق، جىبەك جولى ەكى ەلدىڭ ساياسي، ەكونوميكا - ساۋدا، مادەنيەت اۋىس - كۇيىس سەلبەستىگىنە ماڭىزدى دانەكەر ازىرلەپ بەردى. «ءبىر بەلدەۋ، ءبىر جولدى» بىرگە قۇرۋ بارىسىندا تاراپتاردىڭ ءارقايسى سالالارداعى سەلبەستىگىنىڭ، وتە - موتە، مادەنيەت اۋىس - كۇيىسى سەلبەستىگىنىڭ ونان ارى تەرەڭدەۋىن، ناقتى جۇمىس تىندىرۋىن ءۇمىت ەتەمىن، - دەدى.
جۇڭگونىڭ يرانداعى باس ەلشىسى پاڭ سىن، يراننىڭ ءىسلام مادەنيەتى قارىم - قاتىناس ۇيىمىنىڭ ورىنباسار ءتوراعاسى حوميار، يران - جۇڭگو دوستىق قوعامىنىڭ ءتوراعاسى موحامودي قاتارلىلار باستالۋ سالتىنا قاتىناستى. يراننىڭ ءار سالا قايراتكەرلەرىنەن، جۇڭگو قارجىلاندىرعان قۇرىلىمداردىڭ ۋاكىلدەرىنەن، سونداي - اق پاكيستان، بولگاريا، كامەررۋن قاتارلى ەلدەردىڭ يرانداعى ەلشىلەرىنەن جيىنى 500 نەشە ادام باستالۋ سالتىنا قاتىناستى ءارى «شينجياڭ جاقسى جەر» اتىنداعى تاقىرىپتىق كورمەنى تاماشالادى. باستالۋ سالتى وتكىزىلگەن كۇنى ۇيىمداستىرۋشى جاق تەگەرانداعى نياۆاران مادەنيەت ورتالىعىندا جەرگىلىكتى ورىنداعى جۇرتشىلىققا «ءان - ءبي مەكەنى جىبەك جولىندا ءۇن قاتتى» تاقىرىبىندا شينجياڭنىڭ تاماشا ۇلتتىق ءان - ءبي ويىندارىن تارتۋ ەتتى.
بۇل قيمىل 7 كۇنگە جالعاسادى، وسى كەزدە مادەنيەت تالقى مىنبەرى، ءان - ءبي ويىندارى، سۋرەت كورمەسى، اسپاپتىق مۋزيكا جانە كيىم - كەشەك كورمەلەۋ سياقتى قيمىلدار وتكىزىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
