- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق ۇكىمەتى بەيجيڭ بانكەسىمەن جاپپاي ستراتەگيالىق سەلبەستىك كەلىسىمىنە قول قويىستى
2016.08.24 13:52 كەلۋ قاينارى : شينجياڭ گازەتى
100 ميلليارد يۋان قارجى قۇراپ، شينجياڭنىڭ ءتۇيىندى كاسىپورىندارىنا جانە ءتۇيىندى نىساندارىنا قولداۋ كورسەتەدى
جاڭ چۇنشيان يان بيڭجۋمەن كەزدەستى
22 - تامىز تۇستەن كەيىن، اۆتونوميالى رايوندىق حالىق ۇكىمەتى بەيجيڭ بانكەسىمەن ۇرىمجىدە جاپپاي ستراتەگيالىق سەلبەستىك كەلىسىمىنە قول قويىستى، كەلەسى 3 جىلدا بەيجيڭ بانكەسى 100 ميلليارد يۋان قارجى قۇراپ، شينجياڭداعى ءتۇيىندى كاسىپورىنداردىڭ دامۋىنا جانە ءتۇيىندى نىساندار قۇرىلىسىنا قولداۋ كورسەتەتىن بولدى. كەلىسىمگە قول قويۋ راسىمىنەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان بەيجيڭ بانكەسى پارتكومىنىڭ شۋجيى، باس جوراسى يان بيڭجۋمەن جانە ونىڭ ساپارلاستارىمەن كەزدەستى.
كەلىسىم بويىنشا، 2016 - جىلدان 2018 - جىلعا دەيىن، بەيجيڭ بانكەسى ءتۇرلى قارجى قۇراۋ قۇرالدارى ارقىلى، شينجياڭنىڭ ءتۇيىندى كاسىپورىندارىنا، ءتۇيىندى نىساندارىنا نيەتتىك سيپاتتا سەنىمدىلىك بەرۋ بويىنشا 100 ميلليارد يۋان حالىق اقشاسىندىق قولداۋ كورسەتەدى، بۇل، باستىسى، نەگىزدىك قۇرىلعى قۇرىلىسى، رەليستى قاتىناس، جاساۋ ونەركاسىبى، جاڭا ەنەرگيا سياقتى ءتۇيىندى نىساندار قۇرىلىسىنا پايدالانىلادى. بەيجيڭ بانكەسى ءوزىنىڭ جاسىل فينانس، عىلىم - تەحنيكا فينانسى، مادەنيەت فينانسى سياقتى جاقتارداعى ەرەكشەلىگى مەن باسىمدىعىن كورنەكتىلەندىرىپ، شينجياڭداعى ءتۇيىندى باقشا رايوندارىنىڭ ءتۇيىندى نىساندارىنا قارجى سالۋ سەرپىنىن كۇشەيتىپ، شينجياڭنىڭ عىلىم - تەحنيكا، مادەنيەت، ءبىلىم بەرۋ، مەديتسينا، دەنساۋلىق ساقتاۋ سياقتى كاسىپتەرىن جاڭالىق اشا دامىتۋعا بار كۇشپەن قىزمەت كورسەتەدى.
كەزدەسۋدە، جاڭ چۇنشيان اۆتونوميالى رايوندىق حالىق ۇكىمەتىنىڭ بەيجيڭ بانكەسىمەن جاپپاي ستراتەگيالىق سەلبەستىك كەلىسىمگە تابىسپەن قول قويىسقانىنا قۇتتىقتاۋ ايتتى. ول بىلاي دەدى: ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن كەيىن، بەيجيڭ بانكەسى شينجياڭنىڭ جىبەك جولى ەكونوميكالىق بەلدەۋىنىڭ وزەك رايونى قۇرىلىسى سياقتى دامۋ ستراتەگيالارىن مىقتاپ ارقاۋ ەتىپ، شينجياڭعا باعىتتامالى كومەكتەسۋ ارتىقشىلىعىن كورنەكتىلەندىرىپ، شينجياڭ فينانسىنا قولداۋ كورسەتۋ سەرپىنىن ۇزدىكسىز كۇشەيتىپ، شينجياڭنىڭ ەكونوميكالىق دامۋىنا فينانستىق تىرەك ازىرلەدى. شينجياڭ جىبەك جولى ەكونوميكالىق بەلدەۋىندەگى وزەك رايون اياسىندا «بەس ءىرى ورتالىق» قۇرۋدى جاپپاي تەزدەتۋ بارىسىندا، بەيجيڭ بانكەسى ءوزىنىڭ قىزمەت كورسەتۋ فۋنكتسياسىن تولىق كورنەكتىلەندىرىپ، اۆتونوميالى رايوننىڭ قاتىستى تاراۋلارىمەن ۇشتاسىپ، ءوز ورنىن ءدال تاۋىپ، نەگىزدىك قۇرىلعى قۇرىلىسى، مادەنيەت، ءبىلىم بەرۋ، مەديتسينا، ساياحات سياقتى سالالاردا شينجياڭمەن سەلبەستىكتى ونان ارى تەرەڭدەتىپ، جىبەك جولى ەكونوميكالىق بەلدەۋىنىڭ وزەك رايون قۇرىلىسىنا دەم بەرۋىنە ابدەن بولادى.
يان بيڭجۋ كەلىسىم بويىنشا 100 ميلليارد يۋان قارجى قۇراپ قولداۋ كورسەتۋدەن سىرت، 20 ميلليارد يۋان ارنايى فينانستىق قولداۋ ورنالاستىرىپ، شينجياڭداعى ورتا، شاعىن، ۇساق كاسىپورىنداردىڭ دامۋىن جەبەۋ تۋرالى بەيجيڭ بانكەسى اتىنان ۋادە بەردى. ول بىلاي دەدى: بەيجيڭ بانكەسى پارتيا ورتالىق كوميتەتىنىڭ شينجياڭنىڭ ەكونوميكالىق، قوعامدىق دامۋى تۋرالى ءتۇرلى ستراتەگيالىق ورنالاستىرۋلارىن ىشكەرىلەي دايەكتىلەندىرىپ، «ءبىر بەلدەۋ، ءبىر جول» ستراتەگياسىن بەلسەنە ىلگەرىلەتىپ، جىبەك جولى ەكونوميكالىق بەلدەۋىنىڭ وزەك رايون قۇرىلىسىن ارقاۋ ەتىپ، اۆتونوميالى رايونمەن فينانستىق سەلبەستىكتى ۇزدىكسىز تەرەڭدەتىپ، شينجياڭنىڭ ەكونوميكالىق، قوعامدىق دامۋىنىڭ ءۇرتىس اقاۋسىز دامۋىنا كۇش قوسادى.
اۆتونوميالى رايون باسشىلارىنان شوكىرات زاكىر، حۋاڭ ۋي، لي شۋەجۇن، پىڭ جيارۇي، ۋان حايچۋان، بەيجيڭ بانكەسىنىڭ باسشىلارىنان چياڭ شين، جاڭ دۇڭنيڭ اتالعان قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
