- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكومنىڭ «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسىن» اتقارۋ ءادىسىن قاراپ ماقۇلدادى
2016.08.25 15:17 كەلۋ قاينارى : شينجياڭ گازەتى
جاڭ چۇنشيان اۆتونوميالى رايوندىق پارتكوم وزەكتى گرۋپپاسىنىڭ توپتىق ۇيرەنۋىن جانە تۇراقتى كوميتەتتىڭ ءماجىلىسىن باسقاردى«جاۋاپقا تارتۋ ەرەجەسىن» اتقارۋدى مىقتاپ يگەرىپ، الماس سەمسەرلىك رولىن ساۋلەلەندىرۋ كەرەك
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 23 - تامىز كۇنى تۇستەن بۇرىن اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن جانە اۆتونوميالى رايوندىق پارتكوم تۇراقتى كوميتەتىنىڭ ءماجىلىسىن باسقارىپ اشىپ، «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسىن» ۇيرەنىپ، اۆتونوميالى رايوندىق پارتكومنىڭ «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسىن» اتقارۋ ءادىسىن قاراپ ماقۇلدادى.
ماجىلىستە اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسىنىڭ قۇرامىنداعىلار «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسىن» دەن قويا ۇيرەنىپ، اسەرلەرى مەن تانىمدارىن سويلەدى.
جاڭ چۇنشيان بىلاي دەدى: پارتيا 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى پارتيانى جاپپاي قاتاڭ جونگە سالۋدى ارقاۋ ەتىپ، ءبىر قىدىرۋ ماڭىزدى شارالاردى قولداندى. «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» − «جۇڭگو كوممۋنيستىك پارتياسىنىڭ پاك، تارتىپشەڭ بولۋ ولشەمىنەن»، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنەن»، «جۇڭگو كوممۋنيستىك پارتياسىنىڭ شارلاۋ قىزمەتى ەرەجەسىنەن» كەيىن، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋداعى تاعى ءبىر تۇزىمدىك جاڭالىعى، ول جۇڭگو كوممۋنيستەرىنىڭ جاۋاپكەرلىكتى باتىل ارقالايتىن ايقىن ساياسي قاسيەتى مەن ساياسي باتىلدىعىن ايگىلەپ، پارتيا ىشىندەگى ساياسي تۇرمىستى قاتايتۋدى، پارتيا ىشىندەگى ساياسي ەكولوگيانى تازارتۋدى ماڭىزدى كەپىلمەن قامدادى. «جاۋاپقا تارتۋ ەرەجەسىنىڭ» جاريالانىپ اتقارىلۋى − پارتيا باسشىلىعىنا تاباندى بولۋدىڭ، پارتيانىڭ لۋشيان، باعىت، ساياساتتارىن دايەكتىلەندىرۋدىڭ كوكەي تەستى قاجەتى، پارتيانى جاپپاي قاتاڭ جونگە سالۋدى ىلگەرىلەتۋدىڭ كوكەي تەستى قاجەتى، پارتيانىڭ بيلىك جۇرگىزۋدەگى ساياسي نەگىزىن بەكەمدەۋدىڭ كوكەي تەستى قاجەتى، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدە جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدە اسا ماڭىزدى مانگە يە. بۇكىل شينجياڭداعى ءار دارەجەلى پارتيا ۇيىمدارى مەن پارتيالى باسشى كادرلار «جاۋاپقا تارتۋ ەرەجەسىنىڭ» جاريالانىپ اتقارىلۋىنداعى ماڭىزدى ءمانىن جەتە تانىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن مىقتاپ ورناتىپ، «جاۋاپقا تارتۋ ەرەجەسىن» اتقارۋ ارقىلى جاۋاپكەرلىك تانىمىن رەسمي وياتىپ، پارتيا باسشىلىعىنىڭ پارمەندى بولۋىنا، ورتالىقتىڭ كەلەلى ساياسات، كەمەل باعىتىن جانە شەشىم، ورنالاستىرۋىن قاز - قالپىندا دايەكتى تياناقتاندىرۋعا كەپىلدىك ەتۋ كەرەك.
جاڭ چۇنشيان مىنانى اتاپ كورسەتتى: «جاۋاپقا تارتۋ ەرەجەسىنىڭ» ماڭىزدى مازمۇنى مەن نەگىزگى تالابىن، رۋحاني توركىنى مەن وزەكتى ءمانىن ءداپ باسىپ مەڭگەرىپ، پارتيانى باسقارۋ، پارتيانى جونگە سالۋ جاۋاپكەرلىگىن تياناقتاندىرۋداعى يدەيالىق سانالىلىق پەن ارەكەتتىك سانالىلىقتى اناعۇرلىم ارتتىرۋ كەرەك.
ءبىرىنشى، ۇيرەنۋدى مىقتى يگەرىپ، كوڭىل تۇكپىرىنە ۇيالاتۋ كەرەك. «جاۋاپقا تارتۋ ەرەجەسى» مەن اتقارۋ ءادىسىن «ەكىنى ۇيرەنۋ، ءبىر بولۋ» ۇيرەنۋ، تاربيەسىنە جانە «ءتارتىپ تاربيەسى جىلى» قيمىلىنا ەنگىزىپ، ءار دارەجەلى پارتيا ۇيىمدارىنداعى نازاريا ۇيرەنۋ وزەكتى گرۋپپالارىنىڭ توپتىق ۇيرەنەتىن ماڭىزدى مازمۇنى، پارتيا مەكتەپتەرىنىڭ، اكىمشىلىك ينستيتۋتتارىنىڭ، كادرلار ينستيتۋتتارىنىڭ نەگىزگى كلاستارىنىڭ وقىتۋىنداعى ماڭىزدى مازمۇن، پارتيالى كادرلاردىڭ ساياسي ۇيرەنۋىنىڭ ماڭىزدى مازمۇنى ەتىپ، «جاۋاپقا تارتۋ ەرەجەسىنىڭ» نەگىزگى رۋحىن، باستى مازمۇنىن ىشكەرىلەي ءتۇسىنىپ، ءداپ باسىپ مەڭگەرىپ، جەتە ۇيرەنىپ، تولىق ءتۇسىنىپ، ساناعا ۇيالاتۋ كەرەك؛
ەكىنشى، ۇگىتتى مىقتى يگەرىپ، تاماشا ورتا قالىپتاستىرۋ كەرەك. دۇرىس بەتالىستان جازباي، ۇگىتتىڭ ناقتى مانىنە نازار اۋدارىپ، كوپ تۇرعىدان، جان - جاقتى، ستەرولى ۇگىتتەپ، بۇقارانىڭ باقىلاۋ رولىن، قوعامدىق پىكىردىڭ باقىلاۋ رولىن، قوعامنىڭ باقىلاۋ رولىن ءتىپتى جاقسى ساۋلەلەندىرۋ كەرەك؛
ءۇشىنشى، اتقارۋدى مىقتى يگەرىپ، الماس سەمسەرلىك رولدى ساۋلەلەندىرۋ كەرەك. ءار دارەجەلى پارتكومدار (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋداعى سۋبيەكتيۆتىك جاۋاپكەرلىكتى دەن قويا ادا ەتىپ، ءار دارەجەلى ءتارتىپ تەكسەرۋ كوميتەتتەرى (ءتارتىپ تەكسەرۋ گرۋپپالارى) باقىلاۋ، ءتارتىپتى اتقارۋداعى جاۋاپقا تارتۋدى كۇشەيتۋى، پارتيانىڭ ءار دارەجەلى قىزمەت تاراۋلارى «جاۋاپقا تارتۋ ەرەجەسى» مەن اتقارۋ ءادىسىن دايەكتى اتقارۋ بارىسىندا قىزمەت جاۋاپكەرشىلىگى ورنىن ءداپ باسىپ تابۋى، ءار دارەجەلى پارتيالى باسشى كادرلار جاۋاپكەرلىكتى ارقالاۋ تانىمىن كۇشەيتۋى، القا قۇرامىنداعىلار «ءبىر قىزمەت ورنىنداعى قوس جاۋاپكەرلىكتى» دەن قويا تياناقتاندىرۋى كەرەك. اۆتونوميالى رايوندىق پارتكوم تۇراقتى كوميتەتى «جاۋاپقا تارتۋ ەرەجەسى» مەن اتقارۋ ءادىسىن باستاماشىلدىقپەن اتقارىپ، پارتيانىڭ نازارياسى مەن لۋشيان، باعىت، ساياساتتارىن، پارتيا ورتالىق كوميتەتى مەن اۆتونوميالى رايوندىق پارتكومنىڭ شەشىم، ورنالاستىرۋىن شىنايى تۇردە دايەكتىلەندىرۋى كەرەك؛
ءتورتىنشى، قۋزاۋ - تەكسەرۋدى مىقتى يگەرىپ، تەرەڭگە تامىر تارتۋىن جەبەۋ كەرەك. باقىلاۋ، تەكسەرۋ سەرپىنىن ارتتىرىپ، كۇندەلىكتى باقىلاۋ، ارناۋلى قۋزاۋ - تەكسەرۋ، شارلاۋ، شارلاپ تەكسەرۋ، مالىمدەۋ، باعالاۋ، قىزمەت ناتيجەسىن باعالاۋ سياقتى تاسىلدەر ارقىلى جەر - جەردىڭ، تاراۋلاردىڭ، مەكەمە - ورىنداردىڭ اتقارۋ جاعدايىن ءتۇيىندى تۇردە تەكسەرۋ كەرەك. جاۋاپقا تارتۋ احۋالىنان دەر كەزىندە ەسەپ بەرىپ، جاۋاپقا تارتۋ ناتيجەسىن جان - جاقتى باعالاپ، «جاۋاپقا تارتۋ ەرەجەسى» مەن اتقارۋ ءادىسىن «قاعاز بەتىنەن» ءىس جۇزىندە تياناقتانۋىنا مۇمكىندىك جاساۋ كەرەك.
اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، حۋاڭ ۋي، شاۋكەت يمىن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي سياقتى مۇشەلەرى ۇيرەنۋگە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
