بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مەملەكەتتىك ساياسي كەڭەستىڭ بەيجيڭ جانە كۇنشان وپەراسى كەڭسەسى شينجياڭدا تەكسەرۋ - زەرتتەۋ جۇرگىزدى

2016.08.25 15:21     كەلۋ قاينارى : شينجياڭ گازەتى

  جاڭ چۇنشيان لۋ جانگۇڭمەن جانە ونىڭ ساپارلاستارىمەن كەزدەستى

  24 - تامىز تۇستەن بۇرىن، اۆتونوميالى رايونىمىز بەن مەملەكەتتىك ساياسي كەڭەس بەيجيڭ جانە كۇنشان وپەراسى كەڭسەسىنىڭ تەكسەرۋ - زەرتتەۋ گرۋپپاسى از ۇلت وڭىرلەرىندەگى مۋزيكالى دراما ونەرىنىڭ جالعاسۋى مەن دامۋى تۋراسىندا اڭگىمە وتكىزدى. 23 - تامىز تۇستەن كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەملەكەتتىك ساياسي كەڭەستىڭ ورىنباسار ءتوراعاسى لۋ جانگۇڭ باستاعان مەملەكەتتىك ساياسي كەڭەس بەيجيڭ جانە كۇنشان وپەراسى كەڭسەسى ارناۋلى تەكسەرۋ - زەرتتەۋ گرۋپپاسىنىڭ قۇرامىنداعىلارمەن كەزدەستى.

  بيىل مەملەكەتتىك ساياسي كەڭەس بەيجيڭ جانە كۇنشان وپەراسى كەڭسەسىنىڭ قۇرىلعانىنا 30 جىل تولدى. 30 جىلدان بەرى اتالعان كەڭسە بۇكىل ەلدىڭ مۋزيكالى دراما سالاسىنىڭ دامۋىنا، سونداي - اق جەرگىلىكتى دراما تۇرلەرىنىڭ جالعاسۋى مەن وركەندەۋىنە بەلسەندى ۇلەستەر قوسىپ كەلەدى. بۇل جولى ارناۋلى گرۋپپا شينجياڭداعى از ۇلتتاردىڭ مۋزيكالى درامما ونەرىنىڭ جالعاسۋى مەن دامۋى جونىندە ارنايى تەكسەرۋ - زەرتتەۋ جۇرگىزۋگە كەلدى.

  جاڭ چۇنشيان كەزدەسۋدە بىلاي دەدى: شينجياڭداعى از ۇلتتاردىڭ كوركەمونەرى باي مازمۇندى جانە الۋان ءتۇرلى بولىپ كەلەدى، ءار ۇلتتىڭ ونەر دارىندىلارىن دايىنداۋ، ءار ۇلتتىڭ ءداستۇرلى مادەنيەتىن قورعاۋ بيىلعى شينجياڭنىڭ «ۇلتتار ىنتىماعى، العاباسارلىعى جىلى» قيمىلىنداعى 27 ماڭىزدى شاراعا ەنگىزىلىپ وتىر. تەكسەرۋ - زەرتتەۋ گرۋپپاسىنىڭ ەلىمىزدىڭ مۋزيكالى دراما ىستەرىنىڭ دامۋىن ىلگەرىلەتۋدىڭ امالياتى مەن وي - تولعامدارىنا ۇشتاستىرىپ، قۇندى ۇسىنىس - پىكىرلەردى كوبىرەك بەرىپ، شينجياڭنىڭ ۇلتتىق مۋزيكالى دراما ونەرىن قورعاۋ، جالعاستىرۋ ىستەرىنە كومەكتەسىپ، تاڭداۋلى رەپەرتۋارلاردىڭ جەتەكشىلىك رولىن ساۋلەلەندىرىپ، ءار ۇلت جۇرتشىلىعىنىڭ ءتىپتى كوپ، ءتىپتى، جاقسى ادەبيەت - كوركەمونەر تۋىندىلارىنان ءلاززاتتانۋىنا مۇمكىندىك تۋدىرۋىن ءۇمىت ەتەمىن.

  لۋ جانگۇڭ بىلاي دەدى: وتكەن 5 جىل شينجياڭنىڭ ەكونوميكالىق، قوعامدىق دامۋى ەڭ جاقسى، ەڭ تەز، بۇقارا ەڭ كوپ يگىلىككە بولەنگەن مەزگىلدەردىڭ ءبىرى، سونداي - اق شينجياڭنىڭ مادەنيەت ىستەرى قاۋىرت دامىعان، قاۋىرت گۇلدەنگەن مەزگىل بولدى. اۆتونوميالى رايوندىق پارتكوم، ۇكىمەت از ۇلتتاردىڭ ءداستۇرلى مادەنيەتىن جالعاستىرۋعا ايرىقشا نازار اۋدارىپ، ءتۇرلى دراما - تەاتر ۇيىرمەلەرىنىڭ دامۋىنا قولداۋ كورسەتىپ، از ۇلتتاردىڭ كوركەمونەر سالاسىندا ءبىر توپ ۇزدىك دارىندىلاردى جەتىلدىرىپ، از ۇلتتاردىڭ مۋزيكالى دراما ونەرىن ويداعىداي قورعادى، جالعاستىردى، دامىتتى جانە جاڭالادى. تەكسەرۋ - زەرتتەۋ گرۋپپاسى ءتۇيىندى كورنەكتىلەندىرىپ، ماسەلەلەرگە نازار اۋدارىپ، بەلسەندى ۇسىنىس - پىكىر، اقىل - كەڭەس بەرىپ، از ۇلت وڭىرلەرىندەگى مۋزيكالى درامالاردىڭ قورعالۋىنا، جالعاسۋىنا، جاڭالانۋىنا جانە دامۋىنا دەم بەرەدى.

  اڭگىمە ماجىلىستە، اۆتونوميالى رايوننىڭ سايكەستى تاراۋلارىنداعى جاۋاپتى جولداستار شينجياڭداعى مۋزيكالى درامانىڭ دامۋىنا قاتىستى جاعدايلاردى تانىستىردى. اۆتونوميالى رايونىمىزدا قازىر كاسىپقوي مۋزيكالى دراما ۇيىرمەلەرىنەن جەتەۋى بار، ولار، نەگىزىنەن، 5 دراما ءتۇرى بويىنشا ونەر كورسەتەدى. سوڭعى جىلدارى اۆتونوميالى رايون مادەنيەت ارقىلى حالىققا تيىمدىلىك جاساۋ بويىنشا كونسەرت بەرۋگە قولداۋدى ۇزدىكسىز كۇشەيتىپ، مۇراجاي، كىتاپحانا، مادەنيەت وتاۋى مەن اسەمونەر سارايلارىن جانە مادەنيەت پۋنكتتەرىن جاپپاي اقىسىز اشىق ۇستاپ، ۇكىمەتتىڭ كوركەمونەر ۇيىرمەلەرىنىڭ الەۋمەتتىك قىزمەت كورسەتۋىن ساتىپ الۋ مەحانيزمىن ورناتىپ جانە كەمەلدەندىرىپ، اۋدان دارەجەلى ادەبيەت - كوركەمونەر ۇيىرمەلەرىنىڭ كاسىپتىك قوسىن قۇرىلىسىن بەلسەندى تۇردە سۇيەمەلدەدى. قازىر اۆتونوميالى رايون دارەجەلى ۇيىرمەلەر جاقسى دامىپ، جەرگىلىكتى ۇيىرمەلەردىڭ قاتارى كەڭەيىپ، ەل ىشىندەگى ونەر توپتارى قاناتىن كەڭ جازىپ، از ۇلتتاردىڭ مۋزيكالى دراما جانرىنداعى ساحنالىق ونەرى گۇلدەنىپ - كوركەيىپ كەلەدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى اڭگىمە ماجىلىستە بىلاي دەدى: اۆتونوميالى رايوندىق ساياسي كەڭەس مەملەكەتتىك ساياسي كەڭەستىڭ بەيجيڭ جانە كۇنشان وپەراسى كەڭسەسىمەن بىرگە مۇقيات زەرتتەۋ جۇرگىزىپ، ۇكىمەت ىسىنە بەلسەنە كەڭەس بەرىپ، ءار ۇلتتىڭ تاڭداۋلى مادەنيەتىن جالعاستىرۋ جانە دامىتۋ، مادەنيەت جۇمساق كۇشىن نىعايتۋ سياقتى جاقتاردا اۆتونوميالى رايوندىق پارتكوم مەن ۇكىمەتكە سىندارلى ۇسىنىس - پىكىر بەرەدى.

  لۋ جانگۇڭ بىلاي دەدى: تەكسەرۋ - زەرتتەۋ گرۋپپاسى ىشكەرىلەي تەكسەرۋ - زەرتتەۋ جۇرگىزۋ نەگىزىندە بايانداما ازىرلەپ، اۆتونوميالى رايوننىڭ ءار ۇلتتىڭ مۋزيكالى دراما ونەرىن جالعاستىرۋ، دامىتۋ ىستەرىندە ورىن تەپكەن قيىنشىلىقتار مەن ماسەلەلەردى ورتالىق پەن مەملەكەتتىڭ قاتىستى تاراۋلارىنا قۇلاق قاعىس ەتىپ جانە ۇندەۋ تاستاپ، ءتۇيىندى ماسەلەلەردىڭ شەشىلۋىن ىلگەرىلەتەدى.

  اۆتونوميالى رايوننىڭ باسشىلارىنان شوكىرات زاكىر، ەركىن تۇنياز، پىڭ جيارۇي، تيان ۋىن، كادىرقان ميراسقان ۇلى، مەملەكەتتىك ساياسي كەڭەس بەيجيڭ جانە كۇنشان وپەراسى كەڭسەسىنىڭ ورىنباسار مەڭگەرۋشىسى، مەملەكەتتىك ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى ياڭ چيڭجى وسى ايتىلعان قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.