- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو قۇربان ايت قارساڭىندا از ۇلت ساقا باسشىلارعا امانداسا باردى
2016.09.06 13:38 كەلۋ قاينارى : حالىق تورابى
مۇسىلمان قاۋىمنىڭ ءداستۇرلى مەرەكەسى قۇربان ايت مەرەكەسىنىڭ جاقىنداۋىمەن، 4 - قىركۇيەك تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو ۇرىمجىدەگى مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىقتارى سىمايىل احمەت، سىمايىل تىلەۋالدى، اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى مەڭگەرۋشىلەرى امۋدين نياز، ابدىرەيىم امۇت، اۆتونوميالى رايوندىق ساياسي كەڭەستىڭ بۇرىنعى ءتوراعاسى ءجانابىل سىماعۇل ۇلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ماينۇر قاسىم سياقتى ساقا باسشى جولداستارعا امانداسا بارىپ، ولاردان حال سۇرادى. مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى تەمىر داۋامات، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت سىرتتا بولعاندىقتان، چىن چۋانگو ولارعا دەگەن سالەمىن قاتىستى جولداستار ارقىلى جەتكىزدى.
الۋان گۇلدەر قۇلپىرعان، جەمىس - جيدەكتەردىڭ حوش ءيىسى اڭىعان، ساقا جولداستاردىڭ ۇيىندە مەرەكەنىڭ مەرەيى استى. چىن چۋانگو اۆتونوميالى رايوندىق پارتكوم، ۇكىمەت جانە تۇتاس رايونىمىزداعى ءار ۇلت حالقى اتىنان ساقا باسشى جولداستاردى مەرەكە بايلانىسىمەن قۇتتىقتادى، شينجياڭنىڭ رەفورما، دامۋ، ورنىقتىلىق ىستەرىنە ەسەلى ۇلەس قوسقان تۇتاس رايونىمىزداعى ساقا باسشى جولداستارعا ىزگى نيەتتى سالەم جولدادى جانە شىن جۇرەكتەن العىس ايتتى. چىن چۋانگو بىلاي دەدى: شينجياڭ بەيبىت جولمەن ازات بولعاننان بەرى، تۇتاس رايونىمىزداعى ءار ۇلت كادرلارى مەن جۇرتشىلىق ىنتىماقتاسا كۇرەسىپ، قايراتتانا العا ۇمتىلىپ، ءتۇرلى قىزمەتتەردە شۇعىلالى تابىستارعا قول جەتكىزدى، تيانشاننىڭ تۇستىگى مەن تەرىستىگىندە وراسان زور وزگەرىستەر جارىققا شىقتى. اسىرەسە، پارتيا 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، تۇتاس رايونىمىزدىڭ ءتۇرلى ىستەرى ارشىنداي ىلگەرىلەپ، شينجياڭنىڭ قوعام ورنىقتىلىعى مەن باياندى تىنىشتىعىنا تاماشا نەگىز قالاندى. ساقا باسشىلار، ساقا جولداستار پارتياعا شەكسىز ادال، ءار ۇلت حالقىن شەكسىز سۇيەدى، شينجياڭنىڭ قوعام ورنىقتىلىعى، ەك−ونوميكالىق دامۋى، ۇلتتار ىنتىماعى، حالىق تۇرمىسىن جاقسارتۋ، ءدىن جاراسىمدىلىعى سياقتى ءتۇرلى ىستەرى ءۇشىن ەسەلى ۇلەس قوسقان، پارتيا مەن حالىق ولاردى ماڭگى ەستەن شىعارمايدى. ساقا باسشى جولداستاردىڭ مايدانى بەرىك، تاجىريبەسى مول، ابىرويلى، ىقپالدى بولۋداي باسىمدىلىقتارىن تولىق ساۋلەلەندىرىپ، اۆتونوميالى رايوندىق پارتكومنىڭ قىزمەتتەرىن بۇرىنعىداي قولداي بەرۋىن شىن جۇرەكتەن تىلەيمىن.
چىن چۋانگو: شينجياڭعا كەلىپ، قىزمەتكە شىعىسىممەن –اق تۇتاس رايونىمىزداعى ءار ۇلت حالقىمەن بىرگە قۇربان ايت مەرەكەسىن وتكىزەتىن بولدىم، بۇعان ەرەكشە قۋانىشتامىن. رايونىمىزداعى ءار ۇلت كادرلارى مەن جۇرتشىلىعىنىڭ ۇلتتاردىڭ بەرەكەلى وتباسىندا دۋماندى مەرەكەنى بىرگە تويلاۋىن ءۇمىت ەتەمىن، - دەدى. چىن چۋانگو بىلاي دەدى: مەن قازىر شينجياڭ حالقىنىڭ ءبىر مۇشەسىمىن، شي جينپيڭ جولداس باس شۋجي بولعان پارتيا ورتالىق كوميتەتىنىڭ قامقورلىعى مەن قويۋ سۇيىسپەنشىلىگىن جەردە قالدىرماي، مۇنان بۇرىنعى اۆتونوميالى رايوندىق پارتكومدار رايونىمىزداعى ءار ۇلت حالقىنا باسشىلىق ەتىپ قول جەتكىزگەن ناتيجەلەر مەن تاجىريبەلەردى ايرىقشا قاستەرلەپ، وڭاي - وسپاق قولعا كەلمەگەن ورنىقتىلىق، دامۋ جاعدايىن كوز قاراشىعىمداي ايالاپ، قىزمەتتىڭ ورنىقتىلىعىن، باياندىلىعىن، ۇلاسپالىلىعىن ساقتاپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى ءسوزىنىڭ جانە شينجياڭدا قىزمەت تەكسەرگەندەگى ماڭىزدى نۇسقاۋىنىڭ رۋحىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن مىقتاپ يگەرىپ، شينجياڭداعى ءار ۇلت كادرلارى مەن جۇرتشىلىعىن تىعىز ىنتىماقتاستىرىپ جانە ولارعا سۇيەنىپ، قۇلشىنا ىستەپ، ءورىس اشا جاڭالىق جاراتىپ، شينجياڭنىڭ اناعۇرلىم كوركەم بولاشاعىن بىرگە جاراتامىن، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىنىڭ شينجياڭ پاراعىن جازامىن.
تەمىر داۋامات، سىمايىل احمەت، سىمايىل تىلەۋالدى، ابىلەت ابدىرەشيت، امۋدين نياز، ابدىرەيىم امۇت، ءجانابىل سىماعۇل ۇلى، ماينۇر قاسىمدار بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتىنىڭ شەشىمدەرىن باتىل قۋاتتاپ، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدان جازبايمىز، چىن چۋانگو جولداستىڭ شينجياڭعا كەلىپ قىزمەت ىستەۋىن شىن ىقىلاسپەن قارسى الامىز. ءوز رولىمىزدى ويداعىداي ساۋلەلەندىرىپ، اۆتونوميالى رايوندىق پارتكومنىڭ قىزمەتىن بەلسەنە، ىقىلاسپەن كۇش سالا قولدايمىز، بەرەكەلى، جاراسىمدى، گۇلدەنىپ - كوركەيگەن، وركەنيەتتى، العا باسقان، الاڭسىز ٶمىر وتكىزەتىن سوتسياليستىك شينجياڭ قۇرۋ ءۇشىن بەلسەنە كۇش شىعارامىز.
اۆتونوميالى رايون باسشىلارىنان ما شۋەجۇن، پىڭ جيارۇي بىرگە امانداسا باردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
