- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قوس كورمە» تابىسپەن اياقتادى
كورمەنى 150 مىڭ ادام تاماشالادى، 60 ميلليون يۋاندىق نيەتشارتقا كەلىستى
2016.09.06 16:16 كەلۋ قاينارى : شينجياڭ گازەتى
ءتىلشىمىز جيڭ بو 5 - قىركۇيەكتە ۇرىمجىدەن حابارلايدى. 2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى 5 - قىركۇيەك كۇنى تۇستە تابىسپەن اياقتادى. «قوس كورمەنى» ۇيىمداستىرۋ القاسىنان ۇعىسۋىمىزشا، «قوس كورمە» كەزىندە 130 كورمە رايونى ورنالاستىرىلىپ، 462 ورىن كورمەگە قاتىناسقان، 150 مىڭ ادام كورمەنى تاماشالاعان، 60 ميلليون يۋاندىق نيەتشارتقا كەلىسكەن.
«قوس كورمەنىڭ» كورمەگە قابىلداۋ ءبولىمىنىڭ جاۋاپتىسى جوۋ يۇڭ: وسى رەتكى «قوس كورمە» ەلىمىزدەگى ولكەلەردىڭ، اۆتونوميالى رايونداردىڭ، قالالاردىڭ، سونداي - اق كورمەگە قاتىناسقان ساۋداگەرلەردىڭ پارمەندى قولداۋىنا يە بولدى. مەملەكەتتىك دەنە تاربيە باس مەكەمەسىنىڭ 8 نىسان ورتالىعى، ەلىمىزدەگى 31 ولكە، اۆتونوميالى رايون، قالا، شينجياڭداعى 15 ايماق، وبلىس، قالا، سونداي - اق شينجياڭ ءوندىرىس - قۇرىلىس بيڭتۋانى تۇگەلدەي كورمەگە قاتىناستى. ول: بۇل ەكى كورمەنى بىرىكتىرىپ وتكىزگەننەن بەرگى ولكە، اۆتونوميالى رايون تولىق قاتىناسقان، ادام سانى ەڭ كوپ ءبىر رەتكى سالتاناتتى كورمە بولدى، - دەدى.
شينجياڭ قۇرلىق، تەڭىز، اۋە مودەل سپورت قوعامى «قوس كورمەگە» قاتىناسقان ورىننىڭ ءبىرى رەتىندە مول تابىستارعا قول جەتكىزدى. شينجياڭ قۇرلىق، تەڭىز، اۋە مودەل سپورت قوعامىنىڭ باس حاتشىسى ياڭ جۇن: كورمەگە قاتىناسۋ ارقىلى شينجياڭنىڭ اۆياتسيالىق دەنە تاربيە شارۋاشىلىعىن بارىنشا ۇگىتتەدىك. كورمە كەزىندە كوپتەگەن قالا تۇرعىنى بالالارىن ەرتىپ كەلىپ، تاربيەلەۋ جاعدايىن سۇراستىردى، ولاردىڭ ىشىندە ۇشقىشسىز ۇشاق ۇشىرۋ كۋالىگىن قالاي الۋدى سۇراستىرعاندار دا بار. «قوس كورمە» تاماشا تۇعىر ورناتتى، - دەدى.
وسى رەتكى «قوس كورمەدە» كوپتەگەن تۇڭعىشتار جارىققا شىقتى: تۇڭعىش رەت بازار مەحانيزمىن ەنگىزىپ، بەيجيڭ وۋشۇن سپورت شەكتى جارنا سەرىكتەستىگىمەن سەلبەسىپ، «قوس كورمەنى» كاسىپ سالالاندىرىپ دامىتۋ جاعىندا ءونىمدى ىزدەنىس جاساپ، سىناق ەتتى؛ «قوس كورمە» باتىس سولتۇستىكتەگى ولكە، اۆتونوميالى رايون بويىنشا تۇڭعىش رەت ءبىر ۋاقىتتا وتكىزىلدى؛ كورمە كەزىندە از ۇلتتاردىڭ ءداستۇرلى سپورت تۇرلەرى تۇڭعىش رەت تولىق ايگىلەندى؛ 1936 - جىلدان 2016 - جىلعا دەيىنگى جازعى وليمپيادا الاۋى تۇڭعىش رەت كورسەتىلدى؛ وتكەن كەزەكتەگى كورمەلەردىڭ ىشىندە كولەمى ەڭ ۇلكەن، كورمەگە قاتىناسقان ورىن ەڭ كوپ ءبىر رەتكى كورمە بولدى...
اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن اسا قۋانىشتى كوڭىل كۇيمەن بىلاي دەدى: «قوس كورمە» شينجياڭ سپورتىن قاۋىرت دامىتۋعا تاماشا نەگىز قالادى، سونداي - اق بارىنشا ىلگەرىلەتتى، «قوس كورمە» ارقىلى شينجياڭ باسقا ولكە، اۆتونوميالى رايونداردان كوپتەگەن تاجىريبەلەر مەن ادىستەردى ۇيرەندى، شينجياڭ سپورتىنىڭ دامۋىنا تاماشا وي جەلىسى مەن تاسىلدەردى قابىلدادى. سونىمەن بىرگە «قوس كورمەنىڭ» وتكىزىلۋى شينجياڭنىڭ دەنە تاربيە سالاسىنداعىلارعا باسەكەلىك سپورت جارىسى، بۇقارالىق سپورت جانە دەنە تاربيە كاسىپ سالاسى جاقتارىندا شينجياڭنىڭ كەڭ دامۋ ءورىسى بار ەكەندىگىن اناعۇرلىم اڭعارتتى.
«الداعى جەردە ءبىز دەن قويا جوبالاپ، <قوس كورمەنىڭ> بايلىعىنان ويداعىداي پايدالانىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرىپ، دەنە تاربيە كاسىپ سالاسىن ۇلعايتىپ، كۇشەيتىپ، سپورتتىڭ ەرەكشە رولىن تولىق ايگىلەپ، سالامات شينجياڭ قۇرىلىسىندا ءتىپتى دە بەلسەندى، ءونىمدى رول اتقارتامىز»، - دەدى نيە چۇن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
