- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشىپ «اۆتونوميالى رايوننىڭ جەر سىلكىنىسىنەن ساقتانىپ، اپات شىعىنىن ازايتۋ جونىندەگى 13 - بەسجىلدىق جوباسىن» جانە «اۆتونوميالى رايوننىڭ قالا مەن اۋىلداعى مىندەتتى وقۋ - اعارتۋ قاراجاتىن قامتاماسىز ەتۋ مەحانيزمىن ىشكەرىلەي كەمەلدەندىرىپ اتقارۋ جوباسىن» اقىلداستى
2016.09.07 13:28 كەلۋ قاينارى : شينجياڭ گازەتى
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 6 - قىركۇيەكتە اۆتونوميالى رايوندىق حالىق ۇكىمەتىنىڭ 37 - رەتكى ۇنەمىلىك ىستەر ءماجىلىسىن باسقارىپ اشتى. ءماجىلىس «اۆتونوميالى رايوننىڭ جەر سىلكىنىسىنەن ساقتانىپ، اپات شىعىنىن ازايتۋ جونىندەگى 13 - بەسجىلدىق جوباسىن» جانە «اۆتونوميالى رايوننىڭ قالا مەن اۋىلداعى مىندەتتى وقۋ - اعارتۋ قاراجاتىن قامتاماسىز ەتۋ مەحانيزمىن ىشكەرىلەي كەمەلدەندىرىپ اتقارۋ جوباسىن» اقىلداستى.
ءماجىلىس بىلاي دەپ قارادى: ەرەكشە گەولوگيالىق قۇرىلىم سالدارىنان رايونىمىز جەر كۇشتى سىلكىنەتىن، ءجيى سىلكىنەتىن وڭىرگە جاتادى . جەر سىلكىنىسىنەن ساقتانىپ، اپات شىعىنىن ازايتۋ قىزمەتىن ويداعىداي ىستەۋ بۇكىل رايوننىڭ ەكونوميكالىق، قوعامدىق دامۋ جالپى جاعدايىنا، بۇكىل شينجياڭداعى ءار ۇلت حالقىنىڭ باس اماندىعى مەن مال - مۇلكىنىڭ حاۋىپسىزدىگىنە، شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن ءىس.
ءماجىلىس بىلاي دەپ اتاپ كورسەتتى: «12 - بەسجىلدىق» جوبا كەزىندە پارتيا ورتالىق كوميتەتى مەن مەملەكەتتىك كەڭەستىڭ دۇرىس باسشىلىعىندا، مەملەكەتتىك جەر سىلكىنىسىن باقىلاۋ مەكەمەسى سياقتى قاتىستى مينيسترلىكتەر مەن كوميتەتتەردىڭ پارمەندى قولداۋىندا، جەر - جەردىڭ، تاراۋلاردىڭ ورتاق قۇلشىنۋىندا، شينجياڭ جەر سىلكىنىسىنەن ساقتانىپ، اپات شىعىنىن ازايتۋ قىزمەتىندە كورنەكتى تابىسقا قول جەتكىزدى، الايدا ءالسىز بۋىندار ءالى دە ورىن تەبۋدە، جەر سىلكىنىسىنەن ساقتانىپ، اپات شىعىنىن ازايتۋ قابىلەتىن اناعۇرلىم جوعارىلاتۋ قاجەت بولۋدا.
ءماجىلىس مىنانى تالاپ ەتتى: «13 - بەسجىلدىق» جوبا كەزىندە رايونىمىز جەر سىلكىنىسىنەن ساقتانىپ، اپات شىعىنىن ازايتۋ قىزمەتىنىڭ باس نىساناسىن ارقاۋ ەتىپ، جەر سىلكىنىسىنەن ساقتانىپ، اپات شىعىنىن ازايتۋدى ەكونوميكالىق، قوعامدىق دامۋمەن توعىستىرۋ سىندى دامۋ جولىمەن جۇرۋگە تاباندى بولىپ، ساقتانۋدى نەگىز ەتۋ، ساقتانۋدى، قارسى اتتانۋدى، قۇتقارۋدى ءوزارا ۇشتاستىرۋ يدەياسىن ورناتۋى كەرەك. جەر سىلكىنىسىنەن ساقتانىپ، اپات شىعىنىن ازايتۋدىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن ىلگەرىلەتىپ، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك.
ءماجىلىس مىنانى اتاپ كورسەتتى: قالا مەن اۋىلداعى مىندەتتى وقۋ - اعارتۋ قاراجاتىن قامتاماسىز ەتۋ مەحانيزمىن كەمەلدەندىرۋ − جاڭاشا قالا - قالاشىقتاندىرۋ قۇرىلىسى مەن نوپوس ءتۇزىمى رەفورماسىنا ىرىقتىلىقپەن ۇيلەسۋدەگى ماڭىزدى تۇزىمدىك جاڭالىق، بۇل نەگىزگى الەۋمەتتىك قىزمەت وتەۋدى تەڭەستىرۋدى جەبەۋدە، قالا، اۋىل مىندەتتى وقۋ - اعارتۋىنىڭ اناعۇرلىم جوعارى دەڭگەيدە بىركەلكى دامۋىن ىلگەرىلەتۋدە اسا ماڭىزدى ءمان الادى.
ءماجىلىس مىنانى باسا دارىپتەدى: پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋىن ىشكەرىلەي دايەكتى تياناقتاندىرىپ، مەحانيزمدى كەمەلدەندىرۋ، قالا مەن اۋىلدى ءبىر تۇلعالاندىرۋ، ۇسىنىلىمدى ارتتىرۋ، ءتۇيىندى كورنەكتىلەندىرۋ، باسقارۋعا جاڭالىق ەنگىزۋ، رەفورمانى ىلگەرىلەتۋ، ساتىعا ءبولىپ اتقارۋ، ءتارتىپتى جۇرگىزۋ تالاپتارىنا ساي، قالا، اۋىل مىندەتتى وقۋ - اعارتۋ بايلىعىنىڭ بىركەلكى جايعاسۋىن ءبىر تۇتاس ورنالاستىرىپ، مىندەتتى وقۋ - اعارتۋ ىستەرىنىڭ باياندى، اقاۋسىز دامۋىن ىلگەرىلەتۋ كەرەك.
ءماجىلىس مىنانى تۇراقتاندىردى: 2016 - جىلى كوكتەمگى وقۋ ماۋسىمىنان باستاپ، قالا، اۋىلداردىڭ مىندەتتى وقۋ - اعارتۋ ساتىسىنداعى مەكتەپتەردەگى وقۋشىلاردىڭ ادام باسىنا تۋرا كەلەتىن جالپىلىق قاراجاتىنىڭ نەگىزگى ولشەمىن بىركەلكىلەندىرۋ؛ 2017 - جىلعى كوكتەمگى وقۋ ماۋسىمىنان باستاپ، قالا، اۋىلدىڭ مىندەتتى وقۋ - اعارتۋ ساتىسىنداعى مەكتەپتەردەگى وقۋشىلارعا «ۇساق - تۇيەك قاراجات پەن كىتاپ قاراجاتىن كەشىرىم ەتۋ، تۇرمىستىق كومەك قاراجات بەرۋ» ساياساتىن اتقارۋ؛ ونان كەيىنگى جىلداردا ورتالىقتىڭ ساياساتىنا نەگىزدەلىپ، مىندەتتى وقۋ - اعارتۋدى دامىتۋ بارىسىندا جارىققا شىققان جاڭا جاعدايلار مەن تىڭ ماسەلەلەرگە ۇشتاستىرا وتىرىپ، قالا مەن اۋىلداعى مىندەتتى وقۋ - اعارتۋ قاراجاتىن قامتاماسىز ەتۋ مەحانيزمىنە قاتىستى ساياساتتار مەن شارالاردى دەر كەزىندە كەمەلدەندىرىپ وتىرۋ كەرەك.
ءماجىلىس باسقا دا ىستەردى اقىلداستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
