بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ابىلا ءماتتوحتى: كورمە ءبىزدىڭ نانىمىزدى الەمگە تانىتتى

2016.09.14 15:01     كەلۋ قاينارى : شينجياڭ گازەتى

  «كورمە ءبىزدىڭ نانىمىزعا <قانات ءبىتىرىپ>، شينجياڭنان دۇنيە جۇزىنە جول الۋىنا مۇمكىندىك جاسادى، مەنىڭ شاعىن دۇكەنىم دە قازىر ەل - جۇرتقا تانىمال تىزبەكتى كاسىپورىنعا اينالىپ وتىر. كورمە ءبىزدىڭ كۇللى دۇنيەگە بەت الۋىمىزعا ءۇي ىرگەسىنەن توتە جول اشتى، بيىلعى سالتاناتتى كورمەنى مەن قالاي قۇر جىبەرەيىن!؟». 8 - قىركۇيەكتە 5 - كەزەكتى جۇڭگو − ازيا - ەۆروپا كورمەسىنە قاۋىرت دايىندالىپ جاتقان «ابىلانىڭ نانى» تىزبەكتى شەكتى سەرىكتەستىگى ديرەكتورلار كەڭەسىنىڭ ءتوراعاسى ابىلا ءماتتوحتى تىلشىگە وسىلاي دەپ اعىنان جارىلدى.

  1997 - جىلى 26 جاستاعى ابىلا قالتاسىنا 2300 يۋان اقشا سالىپ، قاشقار ايماعىنىڭ قاعىلىق اۋدانىنان ۇرىمجىگە كەلەدى دە، شيبەيلۋ جولىنىڭ بويىنان ءوزىنىڭ العاشقى ناۋبايحاناسىن اشادى، ءدامى وزگەشە بولعاندىقتان، ونىڭ نانىن جۇرت تالاسا - تارماسا ساتىپ الاتىن ەدى.

  2001 - جىلى ابىلا «ابىلانىڭ نانى» دەگەن ساۋدا بەلگىسىن تىركەۋگە الدىرادى، ءسويتىپ، شينجياڭدا ناننىڭ ساۋدا بەلگىسىن تىركەتكەن العاشقى ادام رەتىندە تانىلادى. كەيىن ابىلا ءۇرىمجى ساۋدا كەڭەسىنە نان اپارىپ، باعىن سىنايدى. «العاشقى كۇنى تۇستەن بۇرىن 200 نان اپارعان ەدىم، ءاپ - ساتتە ساتىلىپ كەتتى. ونان كەيىنگى كۇندەردە 5000نان اسا نان اپاردىم، جۇرت قاعىپ اكەتتى»، - دەدى ابىلا سول كۇندەردى ەسكە الىپ.

  ءۇرىمجى ساۋدا كەڭەسىنە تۇڭعىش رەت جولى تۇسكەن «ابىلانىڭ نانىنىڭ» اتاعى بىردەن اسقاقتاپ كەتەدى. 2002 - جىلعى ءۇرىمجى ساۋدا كەڭەسىندە «ابىلانىڭ نانى» ەرەكشە كوزگە ءتۇسىپ، تايۋان، بەيجيڭ، شاڭحاي، حاربين سياقتى جەرلەر مەن ا ق ش، كانادا، مالايزيا سياقتى ەلدەردەن كەلگەن كاسىپكەرلەر قۇنى ءبىر ميلليون يۋاننان اساتىن نانعا تاپسىرىس بەرەدى. سونان بىلاي جىل سايىنعى قىركۇيەكتە «ابىلانىڭ نانى» ءۇرىمجى ساۋدا كەڭەسىنىڭ تۇراقتى «قوناعى» بولىپ وتىرادى.

  2011 - جىلى قىركۇيەكتە تۇڭعىش كەزەكتى جۇڭگو − ازيا - ەۆروپا كورمەسى اشىلادى. ابىلا ءوز قولىمەن دايىنداعان 36 ءتۇرلى ناندى كورمەگە قويادى. «مالايزيا مەن قازاقستاندىق الارماندار بىزگە اي سايىن ءارقايسىسىنا 150 مىڭ نان شىعارۋعا تاپسىرىس بەردى، بۇل سەرىكتەستىگىمىزدىڭ العاش رەت وسىنشاما كوپ مولشەردە نان ەكسپورت ەتۋى ەدى. كورمەگە العاش قاتىسقان جىلى ءبىز ەلىمىزدىڭ ءىشى - سىرتىنداعى كاسىپورىندارمەن 2 ميلليون 500 مىڭ يۋاننىڭ كەلىسىمىنە قول قويىستىق»، - دەدى ابىلا.

  ءۇرىمجى ساۋدا كەڭەسى مەن جۇڭگو − ازيا - ەۆروپا كورمەسى ابىلانىڭ ساۋداسىنا ولشەۋسىز مۇمكىندىك تۋدىرادى، «ابىلانىڭ نانى» ءۇي ىرگەسىندە ءوتىپ جاتقان حالىقارالىق كورمەنىڭ تۇعىرى ارقىلى ءوز جەرىمىزدەن كۇللى ەلگە، ءتىپتى، بۇكىل دۇنيە جۇزىنە سەكىرىس جاساپ، بەلەستەن - بەلەسكە كوتەرىلدى.

  «قانشاما جىلدان بەرى نان جاۋىپ كەلەمىن، بۇرىن نان اۋىزعا تاتىسا بولدى دەپ ويلايتىنمىن، الايدا جۇڭگو − ازيا - ەۆروپا كورمەسى كوز ايامدى كەڭەيتتى، مەن ناۋبايشىلىقتى شارۋاشىلىقتىڭ ءبىر سالاسىنا اينالدىرىپ، بۇكىل ەلدەگى، ءتىپتى، دۇنيە جۇزىندەگى حالىقتارعا <ابىلانىڭ نانىنان> ءدام تاتتىرۋدى ارماندايمىن»، - دەدى ابىلا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.