- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو، شوكىرات زاكىر شينجياڭعا كومەككە كەلگەن كادرلار مەن دارىندىلارعا حال سۇراۋ حاتىن جولدادى
2016.09.14 15:03 كەلۋ قاينارى : شينجياڭ گازەتى
ورتاڭعى كۇز مەرەكەسى، قۇربان ايت مەرەكەسى كەلۋ قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر تۇتاس رايونىمىزداعى شينجياڭعا كومەككە كەلگەن كادرلار مەن دارىندىلارعا حات جازىپ، ولارعا مەرەكەلىك سالەم جولدادى جانە ىزگى تىلەك ءبىلدىردى. حال سۇراۋ حاتىنىڭ تولىق مازمۇنى تومەندەگىدەي:
شينجياڭعا 8 - توپتا كومەككە كەلگەن كادرلار، جولداستار:
ورتاڭعى كۇز مەرەكەسى، قۇربان ايت مەرەكەسى كەلۋ قارساڭىندا،ءبىز اۆتونوميالى رايوندىق پارتكوم، ۇكىمەت جانە تۇتاس شينجياڭداعى ءار ۇلت حالقى اتىنان سىزدەرگە جانە وتباسىلارىڭىزداعىلارعا مەرەكەلىك سالەمىمىزدى جانە ىزگى تىلەگىمىزدى جولدايمىز.
بۇكىل ەلدىڭ كۇشىن جابال اتتانىسقا كەلتىرىپ، شينجياڭعا كومەكتەسۋدى قولداۋ پارتيا ورتالىق كوميتەتىنىڭ كەلەلى ستراتەگيالىق شەشىمى. 1996 - جىلى شينجياڭعا كومەكتەسەتىن العاشقى توپتاعى كادرلار شينجياڭعا كەلىپ قىزمەت باستاعاننان بەرى، ارادا 20 جىل زىمىراپ وتە شىقتى. 20 جىل قاجىماي - تالماي كۇرەسىپ، 20 جىل ەڭبەكتەرىنىڭ جەمىسىن كوردى. پارتيا ورتالىق كوميتەتىنىڭ پارمەندى باسشىلىعىندا، شينجياڭعا كومەكتەسەتىن ولكە، قالالاردىڭ، ورتالىق پەن مەملەكەت قۇرىلىمدارىنىڭ، ورتالىق كاسىپورىندارىنىڭ زور كۇشپەن قولداپ - قۋاتتاۋىندا، شينجياڭعا كومەكتەسەتىن كادرلار مەن دارىندىلار شينجياڭدى ەكىنشى مەكەنىنە، ءار ۇلت جۇرتشىلىعىن جان اشىر - جاقىنىنا بالاپ، شەكارا وڭىرگە تامىر تارتتى، قالتقىسىز ۇلەس قوستى، شينجياڭعا كومەكتەسۋ قىزمەتى سۇبەلى تابىستارعا قول جەتكىزدى. اسىرەسە، شينجياڭعا 8 - توپتا كومەككە كەلگەن كادرلار شينجياڭعا كەلگەن 2 جىلدان بەرى، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى جونگە سالۋ تاكتيكاسىن دەن قويا دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ساياسيدى دارىپتەپ، جالپى جاعدايعا نازار اۋدارىپ، جەكە باسىنىڭ قامىن كۇيتتەمەي، جالپى ءۇشىن ىستەپ، سۇيىسپەنشىلىكپەن، جاۋاپكەرشىلىكپەن شينجياڭعا بالداي باتىپ، شينجياڭدى ورنىقتىرىپ، شينجياڭدى كوركەيتىپ، شينجياڭعا ۇلەس قوستى، شينجياڭداعى ءار ۇلت حالقىمەن بەينەتتە دە، زەينەتتە دە بىرگە بولىپ، تىزە قوسا كۇرەس جاسادى، ادالدىق سەنىمىن شينجياڭنىڭ بايتاق دالاسىندا بەينەلەپ، ادامگەرشىلىك سۇيىسپەنشىلىگىن وتانىمىزدىڭ شەكارا وڭىرىنە ارناپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىنىڭ شينجياڭ پاراسىن جازۋعا كورنەكتى ۇلەس قوستى. وسى ورايدا اۆتونوميالى رايوندىق پارتكوم مەن ۇكىمەت سىزدەرگە شىنايى العىس ايتادى، وسكەلەڭ قۇرمەت بىلدىرەدى!
قازىر شينجياڭ قوعام ورنىقتىلىعى مەن باياندى تىنىشتىقتى، جالپى بەتتىك دوڭگەلەك داۋلەتتى قوعام قۇرۋدى ىلگەرىلەتۋدىڭ شەشۋشى كەزەڭىندە تۇر. باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، شينجياڭ قىزمەتى جونىندەگى ماڭىزدى نۇسقاۋلارىن، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى سوزدەرىن جانە شينجياڭدا قىزمەت تەكسەرگەندەگى ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭعا باعىتتامالى كومەكتەسۋ قىزمەتىنىڭ ورنالاستىرۋ تالاپتارىن تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ ۇزاق مەزەتتىگىن تولىق تانىپ، شينجياڭعا باعىتتامالى كومەكتەسۋ قىزمەتىنىڭ بۇقارالىق سيپاتىن قاشاندا يگەرىپ، شينجياڭعا باعىتتامالى كومەكتەسۋ قىزمەتىنىڭ عىلميلىعىن ۇزدىكسىز جوعارىلاتىپ، شينجياڭعا باعىتتامالى كومەكتەسۋ قىزمەتىنىڭ تىڭ ساتىعا كوتەرىلۋىن، جاڭا تابىستارعا قول جەتكىزۋىن ىلگەرىلەتىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭ قىزمەتى جونىندەگى ءىرى ساياسات، باعىتتارىن تاباندىلىقپەن ناقتى تياناقتاندىرۋىمىز كەرەك.
اۆتونوميالى رايوندىق پارتكوم مەن ۇكىمەت شينجياڭعا كومەككە كەلگەن كادرلار مەن دارىندىلارعا بۇرىنعىداي ايرىقشا ءمان بەرەدى جانە كوڭىل بولەدى، ساياسي جاقتان تولىق سەنىم ارتىپ، قىزمەتتە زور كۇشپەن قولداپ، تۇرمىستا ىستىق ىقىلاسپەن قامقورلىق جاساپ، ولاردى جان اشىر جاقىنىنا جانە دوسىنا، قىمباتتى بايلىعىنا بالاپ، شينجياڭعا كومەككە كەلگەن كادرلار مەن دارىندىلاردىڭ الاڭسىز قىزمەت ىستەۋىنە، رولىن ساۋلەلەندىرۋىنە تاماشا شارت - جاعداي جاسايدى. سىزدەردىڭ شينجياڭدى ورنىقتىرۋ، شينجياڭدى كوركەيتۋ، شينجياڭداعى ءار ۇلت حالقىن باقىتقا كەنەلتۋ مىندەتىن ارقالاپ، ادال دا تاباندى بولۋ، باتىلدىقپەن جاۋاپكەرلىك ارقالاۋداي ساياسي قاسيەتتى، شىندىققا جۇگىنىپ، ناقتى ءىس ىستەۋ، العا تالپىنۋداي قىزمەت ستيلىن، تارتىپكە بۇيسۇناتىن، وزىنە قاتاڭ تالاپ قوياتىن ءمورالدىق قاسيەتتى ساقتاپ، جاراسىمدىلىق پەن ورنىقتىلىقتى قورعاۋدا اتويشى، حالىق تۇرمىسىن جاقسارتۋدى قامتاماسىز ەتۋدە ونەگە، ۇلتتتار ىنتىماعىن جەبەۋدە ۇلگى، شينجياڭنىڭ ءارى جاقسى، ءارى تەز دامۋىندا دانەكەر بولىپ، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا تىڭ ۇلەس قوسۋلارىڭىزدى ءۇمىت ەتەمىز.
سوڭىندا، جولداستاردىڭ مەرەكەسى كوڭىلدى، دەنساۋلىعى مىقتى، وتباسىنىڭ باقىتتى بولۋىن شىن جۇرەكتەن تىلەيمىز!
ج ك پ شينجياڭ ۇيعۇر اۆتونوميالى رايوندىق كوميتەتى چىن چۋانگو
شينجياڭ ۇيعۇر اۆتونوميالى رايوندىق حالىق ۇكىمەتى شوكىرات زاكىر
2016 - جىلى 10 - قىركۇيەك
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
