بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

بارشا جۇرت شاتتىققا شومدى، بار الاپ دۋمانعا بولەندى

2016.09.14 15:05     كەلۋ قاينارى : شينجياڭ گازەتى

  قۇربان ايت پەن ورتاڭعى كۇز مەرەكەسى قاتار كەلگەندىكتەن، شينجياڭدا 7 كۇن دەمالىس بەرىلدى. ءۇرىمجىنىڭ كوشە - كوشەلەرى مەرەكە مەرەيىنە شومىپ، ساياباق، كورىنىس رايونى سياقتى كوڭىل كوتەرەتىن ورىنداردا جۇرت ءيىن تىرەسكەن دۋماندى جاعداي جارىققا شىقتى.

  11 - قىركۇيەك تاڭەرتەڭ حالىق باقشاسىنان اق كيىمدى قارتتاردىڭ تايجيگە جاتتىعىپ، شاعىن الاڭقايداعى قاۋمالاعان ادامداردىڭ شاتتىققا، ءومىر ىرعاعىنا تولى ۇلتتىق بيگە باسقانىن كوردىك.

  «ەرتەڭ تۇستەن كەيىن ءبىزدىڭ الەۋمەتتىك اۋماعىمىزدا قوس مەرەكە بايلانىسىمەن شاي بەرىلەدى، ءبىز شاي داستارقانىنا بيمەن شاشۋ شاشپاقپىز»، − دەدى قالا تۇرعىنى جۋ فىڭيۇن. ول ارىپتەستەرىمەن جانە مۋزيكانتتارمەن بىرگە «جەلەگىڭدى قايىرعايسىڭ» دەگەن ۇلتتىق بيگە مۇقيات دايىندالىپ جاتىر ەكەن. «وسى بىرنەشە كۇندە ساياباقتا ادام قاراسى كوبەيىپ قالدى، ولاردىڭ جاتتىعۋىمىزدى تاماشالاپ، شاپالاق سوعىپ، القاۋ ايتىسىپ جاتقانى كوڭىلىمىزگە سەنىم قۇيادى»، - دەدى جۋ فىڭيۇن.

  12 - قىركۇيەك تۇستەن بۇرىن شينجياڭ حالىقارالىق ۇلكەن بازارىندا جۇرت ءيىن تىرەستى، قالا تۇرعىنى ارزىگۇل بارات گۋاڭدۇڭنان كەلگەن دوسىنا سەرىك بولىپ، بازاردان جەڭسىز كامزول الۋعا كەلگەن ەكەن، «دوستارىم ماعان گۋاڭدۇڭنان 2 قوراپ اي كۇلشە الا كەلىپتى، مەن، البەتتە، ولاردى شينجياڭنىڭ وزگەشە تاعامدارىنان ءدام تاتتىرۋعا مىندەتتىمىن» دەگەن ارزىگۇل قولىنداعى دوربانى كورسەتىپ: قاراڭىز، مىناۋ ارماننىڭ بالكۇلشەلەرى. قازىر مەرەكە كەزى، مەن 2 كۇن كەزەككە تۇرىپ، وسىنى ازەر الدىم، - دەدى.

  «شينجياڭ − وتە باۋىرمال جەر، بۇل جەردە وتانىمىزدىڭ تۇكپىر - تۇكپىرىنەن كەلگەن ادامدار بار، مادەنيەتتەردىڭ توعىسۋى مەن ءسىڭىسۋى بىردەن كوزگە تۇسەدى. وسى جولى ادەيى مەرەكەگە تۋرالاپ، كوپ ۇلت مادەنيەتىنىڭ توعىسۋىنان تۋعان وزگەشە سۇلۋلىقتى سەزىنۋگە كەلدىم»، - دەدى ارزىگۇلدىڭ دوسى ۋ مانرۋ.

  تۇستىك كەزىندە، ءۇرىمجى اۋدانىنىڭ بانفاڭگوۋ اۋىلىنداعى لۇيگۋ ساياجايىنىڭ ساۋداسى قىزىپ تۇر ەكەن. «ساياحاتشىلاردى تارتۋ ءۇشىن، كەي ساياجايلار مەرەكە كەزىندە قىزىقتى جارىس، الاۋ كەشى سياقتى قيمىلدار ۇيىمداستىردى. ءبىز وسى بىرنەشە كۇندە سالت - سانا كونسەرتىن بەردىك دە، بىزگە اعىلعان ادامنىڭ سانىندا ەسەپ بولمادى، ءتىپتى جەتىسىپ ۇلگىرە الماي جاتىرمىز»، - دەدى لۇيگۋ شارۋالار شاتتىعى ساياجايىنىڭ يەسى ما پيڭ جۇزىنەن كۇلكى توگىلىپ.

  تۇستەن كەيىن ءۇرىمجى تيانشان شاتقالى كورىنىس رايونىنىڭ ساياحاتشىلار ورتالىعىنداعى اۆتوتۇراقتا ينە شانشار جەر قالماعانىن كوردىك، كەيبىرەۋلەر وڭتۇستىك، سولتۇستىك شينجياڭنان ارنايى كەلگەن ەكەن. «سارقىرامانىڭ تۇبىندە سۋرەتكە ءتۇسۋ ءۇشىن كەزەككە تۇرۋعا تۋرا كەلەدى ەكەن»، - دەدى تيانشان شاتقالىن كورۋگە تۋ الىستان كەلگەن تۇرپان قالاسىنىڭ تۇرعىنى ءرايلا، «كۇز كەلىپ، كورىنىس رايونى سارى - جاسىل بوياۋعا مالىنىپ، ەرەكشە كوز تارتادى، كۇن رايى دا تاماشا، ەندىگى باعىتىمىز − كوكتوعاي».

  ءۇرىمجى نانشان كورىنىس رايونى باسقارۋ كوميتەتىنىڭ ورىنباسار مەڭگەرۋشىسى شيە يۇڭجۇن بىلاي دەدى: بيىل قاڭتاردان شىلدەگە دەيىن، نانشان كورىنىس رايونى 4 ميلليون 320 مىڭ ادام - رەت ساياحاتشى قابىلدادى، بۇل كورسەتكىش بىلتىرعى جىلدىق دەڭگەيدەن دە اسىپ ءتۇستى. قوس مەرەكەدەگى دەمالىس كەزىندە، تيانشان شاتقالى، باتىس تەرەكتى، مۋشۇيتاي سياقتى كورىنىس رايوندارىنا كەلەتىن ساياحاتشىلاردىڭ قاتارى 150 مىڭ ادام - رەتتەن اسادى دەپ مەجەلەپ وتىرمىز.

  وسى بىرنەشە كۇندە ءۇرىمجى قالاسىنىڭ ىرگەسىندەگى بيڭتۋان 12 - ديۆيزياسىنا قارايتىن 1 - مامىر ەگىس فەرماسىنداعى شىننۇڭ باعىندا تاس الما قىزارىپ، ءجۇزىم سورەنى مايىستىرىپ تۇر، كوكونىس باقشاسىندا باميا، باكلاجان، قىزىل بۇرىش، ۇرمە بۇرشاق سياقتى كوكونىستەردىڭ ون نەشە ءتۇرى سەرۋەنشىلەردىڭ ءۇزىپ جيناپ الۋىنا بەرىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.